iRooma 1:16 - ɛWee ne ìTsɛm iHywas

¹⁶ Sɔng n bok ncwa ne iBol iYɛnɛng ngge nang, daa ɛli ne iphɛ so ihwet ɛTaanggbey ne iphɛ phɔt gbik ɛnyi gha ne ɛ kɛ nang ne itin nɛ: i tsa nɛ niYahodawa ne ji kungus nɛ ninyi na ne hame nibhɛ so ɛn niYahodawa.

iRooma 1:16 ပူးပေါင်းရင်းမြစ်များ

ɛMarakus 8:38

ɛHiha ɛnyi ne kɛ phok ncwa nge ne ncwa ne ibol nge de ndɔ ne izam ne ɛfɔt tɛdee wo nɛ nibhɛ doo ɛTaanggbey yegha, mee ne ɛngɔn ɛnyi wo n nzɛ ne ma phok ncwa ɛbhɛ nten de ne nggɛ bhɛ kyii, nɛ niMalɛka ɛTaanggbey ya nibhɛ kɛ tul en kang ngo ndɔ ne igbom ɛKyɛɛ nge da.”

2 ɛTimɔti 1:8

iPhɛ ɛlɛy, sɔng ne ˆɛ phok ncwa ne tɔng ibol ɛDaray ɛYɛso njwɛɛn de ne ncwa nge ne nzo ne inyang ngge ɛlɔ ɛDaray ɛYɛso gha nang. Yang byinki ito ne mee ndɔ ne nggbang ɛlɔ ne sanga ibol iyɛnɛng ngge, te ɛTaanggbey ya nang njwii ihwet tɛ.

1 ɛBiturus 4:16

Wu ɛɛ sɔ ɛn nggbang ngga daa ɛli ne ɛ so ɛn ninaa ne roos ɛKiriti yegha, sɔng ne ɛ phok ɛn ncwa nang, yang nang ɛn ɛTaanggbey ye ne ndiinday daa ɛli ne ɛ bok ɛn irywɛɛk ɛKiriti wo.

2 ɛTimɔti 1:12

ɛKɔn nɛghaa wo ɛbhɛ kɛ te nzi sɔ nggbang ngga ne nzi sɔ wo. Gbik ne iphɛ ɛlɛy, sɔng ne n bok ncwa yɛ nang, daa ɛli ne nzi yɛɛ ɛhaa ne nggɛ nang ne itin nɛ ne ɛbhɛ, nzi ne yɛɛ ncɛncɛng aa yɛɛ ne hyep ɛkɔn na ne ɛ kɛ tek me nɛ ne iwɔ wo ɛTuk ɛDaray ya phyii tuu.

ɛLuka 9:26

ɛNyi gha ne ɛ kɛ ne phok ncwa nge, ne ncwa ne ibol nge de; ɛNgɔn ɛNyi gha sɛ ne ma phok ncwa ɛbhɛ, nten de ne ɛ sɛ bhɛ kyii ndɔ ndiinday ɛbhɛ de, ne idee ɛKyɛɛ de gbik ne idee niMalɛka ɛTaanggbey de.

2 iKɔrɔntos 4:4

ɛShɛtan na ne i re ɛbhɛ ntsong ngaa, ne ɛbhɛ ɛ so ɛTaanggbey ne izam mɛghaa wo ne ɛ phebhe wo kɛ cwaal ninaa nɛ nibhɛ kɛ sang nang ne itin nɛ wo irway, tɛ nibhɛ sang yaang iwɛwɛy ne ito-ndiinday ne iBol iYɛnɛng ɛKiriti de ne ɛbhɛ soye izazurum ɛTaanggbey de.

1 iKɔrɔntos 2:4

Sɔng nggaa tɔng ibol iyɛnɛng ngge de ndɔ iwɔrɔp, ne ntsɛntsɛng nang. iVol nge da kaa yang tɔɔrek igbom ne iKabyik ɛTaanggbey,

1 iKɔrɔntos 2:2

Daa ɛli ne nggaa ku rop ndɔ ne irway nge, nten de ne nggaa so ɛlɔ mon na, wu hang naa bol ihak ibol kang ne ibol ɛYɛso ɛKiriti de ne idee ne igangat ɛbhɛ daa ne ihon no.

iRooma 10:17

iPhɛ ɛlɛy i ne nang ne itin nɛ wo lenɛ ne kɛ phok ibol de, i ne phok ko lenɛ ne sanga ibol ɛKiriti.

iBirani 4:12

Daa ɛli ne ibol ɛTaanggbey de so iken nɛ, iphɛ bok ihwet. iPhɛ re iphɛ phyin ˆɛwal ninu ifaa. iPhɛ lel ndɔ ɛnyi gha gbik iphɛ hyɛ iphɛ hobhose iken ne ikabyik, ne ikpup ne isɔrɔm, iphɛ tuul icwas ɛnyi da gbik.

1 iKɔrɔntos 15:2

Kɛ lenɛ ne iBol iYɛnɛng ngɛdee wo i phɔt nyini, wu ɛ kɛ wum ɛn iphɛ gɛy ɛli ne nggaa tɔng nyini wo. Kang ne iphɛ ɛlɛy, ɛ kɛ ne nang ɛn ne itin de buu.

iGalatiya 1:7

ɛTsak, sɔng idɛ ibol iyɛnɛng ngge sonɛ kang nang. Nggɛ boote ɛlɛ wo, daa ɛli nɛ nidɛng ninyi na sonɛ nɛ nibhɛ hyeem ibol iyɛnɛng ɛKiriti de ne nggɛ tɔng nyini wo.

iRooma 2:9

ɛGbaang nggbang ne ɛmpyep i hyep gbik ɛnyi gha ne ɛɛ mon ibebhe de, sɛ tsa nɛ niYahodawa, ne ji kungus nɛ ninyi na ne hame nibhɛ soye niYahodawa na.

ɛTomɛ 3:26

Kaa ne sɛ ɛTaanggbey ya kɛ yiisik ɛkpuru ɛbhɛ gha tsik ndɔ ne ikpuu ba, ne ɛ tsa ɛ tom ɛbhɛ ɛlɔ mon, daa ɛli ne ɛTaanggbey ya sim te aa sit nyini ne ɛwɛng, te ɛ hyere ɛrɔngɔ ndɔ mon no, te ɛ tek ihywel ikpɛɛ ɛbhɛ da.”

1 iTasɔlɔnika 2:13

ɛKɔn nɛghaa wo ɛbhɛ kɛ te njwi ne tɔɔsel ɛTaanggbey yegha irway ihwala da cɛcɛɛy yo. Daa ɛli ne nten de ne njwi kaa nang nyini ibol ɛTaanggbey de, sɔng ˆɛ kaa ne say ɛn iphɛ te ibol ɛten ɛsii nang, ˆɛ kaa yang say ɛn iphɛ, iphɛ soye ibol ɛTaanggbey ne iphɛ mɔn ɛtomɛ ndɔ mon. Nyinɛn no ne ˆɛ kɛ nang ɛn ne itin nɛ wo.

1 ɛTimɔti 1:11

iMɛmɛ ne itin nɛdaa wo so daa ne ibol iyɛnɛng ne iphɛ shɛs idee ɛTaanggbey ne ɛ so ɛhaa ɛwɛng. iBol iyɛnɛng ngge ne kɛ nang me te n sanga wo.

2 iKɔrɔntos 9:13

Yaa ne lenɛ ne ishɛɛda ɛtomɛ mon de, ninyi na gbom yaa ne nang ɛTaanggbey yegha ne ndiinday daa ɛli ne ɛ kɛ roos ɛn iBol iYɛnɛng ɛKiriti ne ɛ bo ɛn ɛ kɛ nang ɛn ne itin nɛ wo. Yaa ne ta lenɛ ne iphyik walala mon da ne ɛ kɛ phyik ɛn nibhɛ gbik ne ɛbyin ninyi na ne irway ihwala da.

2 iKɔrɔntos 2:12

Kaa ne sɛ nggɛ phɛ ne iTurasa te mbɛ sanga iBol iYɛnɛng ɛKiriti de, nggaa ne bhɛ sɛ ɛDaray ya kɛ ku ryɔng me ɛlɔ yɛ.

1 iKɔrɔntos 9:18

iKyee ne yaa ne ji tal mee? Yaa tal me ɛlɛ: wu naa sanga iBol iYɛnɛng ngge, te ne mɔn ɛlɛy tang i tal me, sɔng ne n yɔng wu nggbinggbing te nang me ɛkɔn na ne ɛ so yaa nang ninaa ne sanga wo nang.

1 iKɔrɔntos 9:12

Wu iphɛ ne so kancɛng ɛbyin ninyi na sɛ ɛkɔn na ɛlɔ mon na, iphɛ sɛ ne ji sang so kancɛng ɛlɔ mos sa iphɛ phyin ne i? Gbik ne iphɛ ɛlɛy, sɔng njwi kɛ ne mɔn ɛtomɛ ne ibol lɛdee nggyɛ wo nang, njwi kɛ ne yang rop iku ndɔ nikɔn na gbik daa ɛli ne njwi yaa yung ring ɛtomɛ ne sanga iBol iYɛnɛng ɛKiriti de ne re ɛnu ɛyisɛ.

iRooma 15:29

Nzi yɛɛ ncɛncɛng sɛ́ sɛnaa yɛɛs ɛlɔ mon na, nzɛ ne yɛɛs nyini ne ɛwɛng ɛKiriti hyɔrɔ.

iRooma 15:19

ne ihwet ne nyu nikɔn, nɛ nikɔn ne kparat, lenɛ ne ihwet ne iKabyik ɛTaanggbey. iPhɛ ɛlɛy nggɛ le ne iYɛrushɛlɛm n phyii bhɛ hɔn iLirikum nzi sanga iBol iYɛnɛng ɛKiriti de n phyii taal ɛtomɛ yɛghaa wo gbik.

2 ɛTimɔti 1:16

Te ɛTaanggbey ya sit ninaa ne ijwee ɛNisipharus sa ne ɛwɛng. Ɛbhɛ kɛ i phyighis me cɛcɛɛy, sɔng ɛ kɛ ne ta kyii phok ncwa ne inyang ngge ne nzo nɛ wo nang.

iRooma 4:11

Ɛ kɛ ne say nyu ne hyɛ itee de, nyu yɛdee wo kɛ ne tɔɔrek icik ge ne ɛ bok lenɛ ne ìnang ne itin nɛ ɛbhɛ nten de ne kɛ tang hyɛ ɛbhɛ itee de. iPhɛ ɛlɛy ne ɛ kɛ ne teye ɛkyɛɛ ninaa nibhɛ kɛ nang ne itin nɛ wo gbik te ne ma bo nibhɛ wu nibhɛ so cik, sɔng iphɛ so ngbingbing nibhɛ hyɛghɛ icwee nang.

ɛYohana 7:35

niYahodawa na ne yaa bol ndɔ nibhɛ nibhɛ bo, “Ɛ sɛ ji phɛ ɛbii ne hame njwɛɛn sɛ yɛɛ ne phɛ wo lɛɛ? Hang ɛ sɛ yung phɛ ɛlɔ niYahodawa na nɛ nibhɛ sos ne ivel ne iGirik ga, ɛbhɛ mɛmɛ ninyi ne iGirik ka nɛ bɛ?