iRooma 1:14 - ɛWee ne ìTsɛm iHywas

¹⁴ iRighitik ninyi de gbik ne so daa ne ito nge, ninaa ɛhay nɛ ninaa ne ijwee, ninyi nibhɛ bok ishweng nɛ ninaa ne hame bhɛ bok ishweng.

iRooma 1:14 ပူးပေါင်းရင်းမြစ်များ

iKɔlɔsi 3:11

Ɛli ne ˆɛ kɛ bo ɛn ishwɛɛ ifas da, sɔng ihosop ne ta tɔ nɛ ndɔ mon no nang. niYahodawa nɛ ninaa ne hame nibhɛ soye niYahodawa, ɛhaa ne kɛ hyɛ ɛbhɛ itee ne ɛhaa ne hame kɛ hyɛ itee, ɛnyi ne ito iben, ne ɛhaa ɛhay nang, ne ɛkpuru ne ɛngɔn ne ijwee nang. Nibhɛ so ɛkɔn ɛdaan nɛ daa ɛli ne ɛKiriti gha ɛbhɛ bok nikɔn na gbik, ɛbhɛ ɛ ta so ndɔ njwɛɛn gbik.

ɛTomɛ 9:15

ɛDaray ya ne jung yaak ɛbhɛ, “Cwi, nggɛ ku kasa ɛShawulu yegha te ɛ mɔn me ɛtomɛ. Ɛbhɛ aa bhɛ tɔng ninyi na ne hame nibhɛ so niYahodawa na nɛ nigɔm gbik nɛ niSɛrɛla na ibol nge de.

ɛTomɛ 22:21

“ɛDaray ɛTaanggbey ya ne yaak me, Yilitsik ɛ hyel, naa tom mɛ kyakyak ɛlɔ ninyi na ne hame nibhɛ so niYahodawa.”

iRooma 12:16

Shɛɛ ɛn ncaang ndɔ mon no. Sɔng ɛ tɔɔsek ɛn ito nang yang sim ɛn ɛ shɛɛ ɛn nɛ ninyi na nɛ nibhɛ soye nitaasek. Sɔng ɛ wɛɛ ɛn te ɛ phyin ɛn ɛbyin ninyi na ne ntsɛntsɛng ge nang.

2 iKɔrɔntos 11:19

Nyinɛn no ne ɛ kɛ ne bo ɛn ito mon de wu ɛ bok ɛn ntsɛntsɛng ngge gbom mo, ɛɛ ne shɛɛ ɛn nɛ niwamang nga ne irway ihwala!

iRooma 16:19

Gbik ninyi kɛ ku phok ɛli ne ɛ roos ɛn ibol iyɛnɛng ngge, iphɛ ɛlɛy ne n bok irway ihwala daa ne ibol mon de. Gbik ne iphɛ ɛlɛy, nzi ne sim te ɛ sɛɛ te ɛn ntsɛntsɛng daa ɛkɔn na ne ɛ so ɛyɛnɛng ngɛ, tɛ nyini ninaa nɛ nibhɛ sang sim nibhɛ sɛɛ yaang ibebhe.

iRooma 13:8

Tal ɛrɔngɔ gbik ɛkɔn na ne ɛ roos sɛ. ɛKɔn na ne ɛ so nggbinggbing ɛ roos ɛn nyini wo so ɛlɛ, tɔɔrek ɛn ishwim ndɔ mon cɛcɛɛy, daa ɛli ne ɛnyi gha ne ɛ sim ɛgwaa ɛbhɛ gha, ɛbhɛ kɛ shwaak iMɛmɛ ɛMuusaa da.

iRooma 8:12

iPhɛ ɛlɛy nigwaa ɛn, njwɛɛn ne bok ɛkɔn ne iphɛ so nggbinggbing i mɔn, sɔng ɛkɔn nɛ yaa ne te njwɛɛn shɛɛ ɛli ne icwas ne irway ɛten ɛsii da i sim mo nang.

iRooma 1:22

Gbik ɛli nɛ nibhɛ wɛɛ tɛ nibhɛ bok ntsɛntsɛng ngge, nibhɛ ne kyi so niwamang.

ɛTitus 3:3

Njwɛɛn kaa ma tsa soye niwamang nɛ nisang-phok, ihyop nikɔn ɛzay de luk njwɛɛn, i teye nikpuru nibhɛ. Njwɛɛn ne yaa shɛɛ ishwɛɛ ne boos en ne irway ne ɛnkyis, ninyi i mbaray njwɛɛn, njwɛɛn ne ma i mbaray nibhɛ.

2 ɛTimɔti 2:10

iPhɛ ɛlɛy, nggɛ ne tɔɔk nggbang nikɔn da gbik, ɛlɔ ninaa ne kɛ kasa nibhɛ wo, tɛ nibhɛ sɛ iphɔrɔt da ne ifɛ so ndɔ ɛYɛso ɛKiriti gha, nibhɛ ne ta sɛ ndiinday ne inat de.

2 iKɔrɔntos 10:12

Sɔng njwi yaa tes se niwamang nang. Sɔng njwii sim njwi sɛ so tɛ ninyi na nɛ nibhɛ wɛɛ tɛ nibhɛ phyin ɛbyin nɛ gbik ko nang. Ninyi nɛ nibhɛ ten ito nibhɛ de nɛ ninyi na nɛ nibhɛ ma so tɛ nibhɛ wo, ninyi nɛ nibhɛ ten ito nibhɛ nɛ ninyi na, niwamang ngaa nggyɛy.

1 iKɔrɔntos 14:16

Wu ɛ kɛ ne tɔɔrek ɛTaanggbey yegha irway ihwala da ndɔ ne ikabyik ge zɔng ngo, ninaa nɛ nibhɛ ne tenes sɛ wo yaa ne yɔng wu “Ɛɛy” yɛ ɛlii, nɛ nibhɛ kɛ sang seng ɛkɔn na ne ɛ bol loo?

1 iKɔrɔntos 14:11

Wu nggɛ ne sang seng ilem be ne i bol lo, ninaa nɛ nibhɛ ne bol lo ne so te tɛ ninaa ne kpoo ɛlɔ nge gha, naa ne ma so te ɛhaa ne kpoo ɛlɔ nibhɛ gha.

1 iKɔrɔntos 3:18

Sɔng ɛluk ɛn ito mon de nang. Wu ɛdɛ mon i wɛɛ te ɛ bok ntsɛntsɛng ɛli ne ɛzay ya kɛ bo ntsɛntsɛng ngge, te ne ɛ yang kyi teye ɛwamang, aa ne ji teye ɛhaa ne ntsɛntsɛng ne itin na.

1 iKɔrɔntos 2:13

iPhɛ ɛlɛy, sɔng njwii ne bol ivol da ne ntsɛntsɛng ne ɛten ɛsii i mɛmɛ nɛ nang, njwii yang bol ivol ne iKabyik i mɛmɛ nɛ nten de ne njwii kpɛl nikɔn ne iKabyik ka ɛlɔ ninaa nɛ nibhɛ so ninaa ne iKabyik ka.

iRooma 11:25

Nigwaa en, nzi sim te ɛ sɛɛ seng ɛn ɛdɛ ɛkɔn na ne ɛ so nyini gying, aa yung yaa tɔɔsek ɛn itso mon gbom. Nidɛng ninyi niYahodawa na bok ito ihet, iphɛ yaa shɛɛ ɛlɛ wo iphɛ hyep nten de ne sɛ shwaak ɛnu ninyi na ne hame nibhɛ so ɛn niYahodawa ɛli ne ɛTaanggbey ya kaa yɔngɔ wo.

ɛTomɛ 28:4

Ne sɛ ninaa ikop pɛnaa nggyɛ wo kɛ yaang izɔ de laalaa ne iwɔ ɛBulus so, nibhɛ ne yaa bol ndɔ nibhɛ, nibhɛ bo, “iPhɛ so nggbinggbing, ɛnyi yɛghaa wo so ɛhaa ne phobho ninyi, yaang ɛn ɛli ne ɛ kɛ jung wuru ndɔ inɛn da ɛken nɛ wo, gbik ne iphɛ ɛlɛy ibebhe ɛbhɛ de ne jung roos ɛbhɛ sɔng aa ne shɛɛ ɛken nang.”

ɛTomɛ 28:2

Ninyi ne ikop pɛnaa nggyɛ wo kaa ne tɔɔrek njwii iyɛnɛng gbom. Nibhɛ kaa say njwii ne ibɔ iphaa, nibhɛ murak njwii igboo njwi saa daa ɛli ne inɛn kaa reey ɛlɔ yɛ ne so ntsentseng.

ɛLuka 10:21

Nten nɛdee nggyɛ wo nang, iKabyik ɛTaanggbey de kaa ne yɛk ɛYɛso irway ihwala hyɔrɔ. Ne ɛ ji yɔngɔ, “ɛTaa, ɛDaray ɛdaa ne irywa ne ɛzay gbik. N bok irway ihwala ne igyɛ, daa ɛli ne ɛ kɛ rɛɛ ninaa ne ntsɛntsɛng nga nɛ ninaa ne ishweng ngga ibol mo de, ɛ ji tɔɔrek ninaa ne sang yɛ iphɛ. Ɛɛy, ɛTaa ɛlɛy ne ɛ kaa ku i sim iphɛ sɛɛ te.”

ɛMacu 11:25

Nten nɛ de nggyɛ wo, ɛYɛso gha kaa boote ɛ yɔngɔ, “ɛTaa, ɛDaray ɛdaa ne irywa ne ɛzay gbik, n bok irway ihwala ne igyɛ, daa ɛli ne ɛ kɛ rɛɛ ninaa ne ntsɛntsɛng nga, nɛ ninaa ishweng nga ibol mo de, ɛ ji tɔɔrek ninɔn mo iphɛ.