iRooma 1:13 - ɛWee ne ìTsɛm iHywas

¹³ Nigwaa ɛn, nzi sim te ɛ sɛ seng ɛn wu nggɛ bo nten nzi sim te na yɛɛs ɛlɔ mɔn na, kɛ ne ring me nɛ. Nggaa sim te nzɛɛ sɛ nidɛng ndɔ mon no nibhɛ teye ninaa ne roos, te ɛli ne nggɛ sɛ ndɔ ɛbyin ninyi na ne hame nibhɛ soye ninaa ne roos sa.

iRooma 1:13 ပူးပေါင်းရင်းမြစ်များ

ɛTomɛ 19:21

ɛTsim nikɔn nɛnaa wo, ɛBulus sa ne yaang iphɛ kɛ jam mɛ ɛ phyii roos iMakyidɔniya gbik ne iKaya ɛ phɛ ne iYɛrushɛlɛm. Ne ɛ yɔngɔ, “Yaa sɛ nggɛ bhɛ hɔn ɛnggyɛ wo, iphɛ ne so nggbinggbing mbɛ yaang iRooma.”

iFilibi 4:17

Sɔng nzi bo nzi tɔk ɛkɔn ɛlɔ mon na nang. Kwa! Nzi yang sim te ɛco nikɔn na ne ˆɛ mɔn ɛn mɛɛn nɛ wo sɛ ku i hanas se nɛ.

2 ɛTimɔti 4:17

ɛTaanggbey ya kaa ne phyik me ɛ nang me ihwet, te lenɛ ne me wo sanga ibol ɛbhɛ de gbik, tɛ ninyi na ne hame nibhɛ soye niYahodawa na phok iphɛ. Ɛ kaa ne phɔt me ɛnu ne izaa gha, kaabi ndɔ ɛshara ne iku gha.

1 iTasɔlɔnika 4:13

Nigwaa en, sɔng njwii sim te ˆɛ sɛ tɔ ɛn gbyik daa ne ibol ninaa nɛ nibhɛ kɛ wum nwa da ndɔ ɛKiriti gha nang, kaabi ninaa nɛ nibhɛ kɛ kus so. Daa ɛli ne ˆaa yung bees ɛn irway tɛ ninaa ne hame nibhɛ kɛ sit irwisɛ da nibhɛ sɛ́ bhɛ shɛɛ ne ɛTaanggbey ya.

1 iTasɔlɔnika 2:18

Njwi kɛ sim te njwi sɛɛ yɛɛs ɛlɔ mon na. Mee ɛBulus sa nggɛ sim, te sɛɛ yɔng ngge yɛɛs nten de kang-ka-kang, ɛShɛtan na kɛ ne kyɛngɛ njwii.

2 iKɔrɔntos 1:8

Nigwaa en, sɔng njwii sim te ɛ sɛ doo ɛn ihywee ne nggbang ngga ne njwi kɛ sɔ ne iSiya de nang, nggbang mos da ne iSiya de kaa kat, mpɛ phyin ihwet mos, njwi ne yaa wɛɛ te njwi aa kus.

1 iKɔrɔntos 12:1

Nigwaa en nzi sim te ɛ sɛ seng ɛn ɛkɔn daa nikɔn na ne iKabyik ɛTaanggbey de i nang ngo, sɔng nzi sim ɛ sɛɛ tɔ doo ɛn nang.

1 iKɔrɔntos 10:1

Nzi sim te ɛ sɛ seng ɛn nyinɛn nigwaa en, inɔp kaa kyɛngɛse nikyɛɛ-nikyɛɛ njwɛɛn gbik ndɔ ne ihywel nibhɛ da, nibhɛ wo gbik kaa ne roos ndɔ ɛLing Nding nibhɛ bere.

iKɔlɔsi 1:6

iBol iyɛnɛng ngɛdee wo kɛ yɛk ishwɛɛ iywɛnɛng. iPhɛ i ne ta hanas ne shwalat tɛ ndɔ ɛzay ya gbik ɛli ne iphɛ kaa mɔn ndɔ mon no nten de ne ɛ kaa tsa ɛ phok ɛn ibol ne izɛɛng ɛTaanggbey de, ɛ ta seng ɛn ɛli ne iphɛ so wo.

iRooma 11:25

Nigwaa en, nzi sim te ɛ sɛɛ seng ɛn ɛdɛ ɛkɔn na ne ɛ so nyini gying, aa yung yaa tɔɔsek ɛn itso mon gbom. Nidɛng ninyi niYahodawa na bok ito ihet, iphɛ yaa shɛɛ ɛlɛ wo iphɛ hyep nten de ne sɛ shwaak ɛnu ninyi na ne hame nibhɛ so ɛn niYahodawa ɛli ne ɛTaanggbey ya kaa yɔngɔ wo.

ɛYohana 15:16

Sɔng nyinɛn ɛ kɛ kasa mɛɛn nang; mɛɛ nggɛ yang kasa nyini n ji yɛk nyini nɛ te ɛbhɛ yaak ɛn ikpam ne ifɛ yaa shɛɛ. Ɛlɛy ɛkyɛɛ gha yaa ne ji nang nyini gbik ɛkɔn na ne ɛ kɛ phom ɛn daa ɛli ne ɛ so ɛn ninaa nge.

ɛYohana 4:36

Kɛ ne ho ne táal ɛhaa ne pha ire gha ilong ɛbhɛ, ɛɛ pha ɛ phɛɛs nɛ ne iken ne inat, te ɛhaa ne tubhus sa ne ɛhaa ne pha gha gbik nibhɛ yɛk irway ihwala.

2 iTasɔlɔnika 2:7

iHwet ne isang-phok kɛdaa wo kɛ ne ku tsa ɛtomɛ gha gying. Gbik ne iphɛ ɛlɛy, ɛnyi gha ne ɛbhɛ ɛ ring ɛbhɛ nɛ wo yaa ne maa ring ɛbhɛ nɛ nyɛɛn ɛTaanggbey ya kyi ba ɛnyi yɛ.

2 iKɔrɔntos 2:14

Te ne dɛp ɛTaanggbey ye! Ɛbhɛ ɛ hyel ne njwit cɛcɛɛy ndɔ ɛlang ninyi na nɛ nibhɛ tɔɔsel irway ihwala ɛKiriti da ne ɛ kɛ re itsom be. Ɛ mɔn ɛtomɛ ne njwit njwi bhɛ sanga ibol ɛKiriti de nilɔ na gbik iphɛ ne ji shwalat te ɛnkyinkyɔp ne ɛturarɛ.

1 iKɔrɔntos 9:2

Wu n sang some ɛngɔn ne tom ma ɛYɛso gha ɛlɔ nidɛng, ne nzo me nɛ ɛlɔ mon daa ɛli ne nyinɛn no ɛ so ɛn ninyi na ne iphɛ kɛ tɔɔrek wu nzo me ɛngɔn ne tom ɛDaray ya.

ɛTomɛ 21:19

ɛBulus sa ne kyili nibhɛ, ɛ tɔng nibhɛ gbik nikɔn na ne ɛTaanggbey ya kɛ mɔn ndɔ ninyi na ne hame nibhɛ so niYahodawa na lenɛ ne ɛtomɛ ɛbhɛ gha.

ɛTomɛ 15:12

Ninyi na ne kunggbyak gbik nibhɛ tenes ɛBulus sa ne ɛBanabas sa nibhɛ tɔng ɛli ne kaa lenɛ nibhɛ, ɛTaanggbey ya tɔɔsel nyu nikɔn ne kparat, nɛ ninaa ne ɛnik ndɔ ninyi na ne hame nibhɛ so niYahodawa na.

ɛTomɛ 14:27

Ne sɛ nibhɛ kɛ tuu iNtakiya de nibhɛ ne tumare ninaa ne roos sa ɛlɔ ɛdaan, nibhɛ ji tɔng ɛkɔn na ne ɛTaanggbey ya kɛ mɔn lenɛ nibhɛ wo. Nibhɛ ne ta phyii tɔng nibhɛ ɛli ne ɛTaanggbey ya kɛ phaal ninyi na ne hame nibhɛ so niYahodawa na ɛnkiinɛ wo nɛ nibhɛ yaa nang ne itin nɛ wo.

ɛYohana 12:24

Nzi tɔng nyini itin nɛ: wu itsarak ɛlikama de kɛ sang lel ne ivel ihywɛ ku, ihywɛ yaa ne ku i shɛɛ itsarak izaan. Wu ihywɛ kɛ ne ku nang, ihywɛ yaa ne yɛk ɛtsak itsarak gbom.

ɛTomɛ 1:15

Kaa ne sɛ ɛdɛ ɛtuk kɛ ninaa ne roos sa ne tumɛ ɛn. Nibhɛ kaa ne hɔn ninyi ikɔl idaan ne nzuwubɔ ifaa gbik. ɛBiturus sa ne yilitsik ɛ yɔngɔ,

ɛTomɛ 28:14

ɛNggyɛ wo njwi ne sɛ nidɛng ninaa ne roos sa, nibhɛ ne roo njwii njwi ne shɛɛ nɛ nibhɛ nituk ɛniitaa. Njwi ne le ɛnggyɛ wo njwi bhɛ tuu iRooma de.

iRooma 1:12

Kaabi nzi bo te njwɛɛn byinkit i te en itsɔngɔl gɛgɛy ngkak. Te n te nyini itsɔngɔl gɛgɛy, ɛ ma te ɛn mɛɛn itsɔngɔl gɛgɛy ndɔ ne ìnang ne itin de.

iRooma 7:1

Nigwaa en, nyinɛn no ne ɛ yɛɛ ɛn iMɛmɛ ɛMuusaa gha aa seng ɛn ibol de ne nzi bol. iMɛmɛ ɛMuusaa da bok igbɔm ba daa ɛnyi gha nten de ne ɛ tɔ zɔng.

1 iKɔrɔntos 1:10

Nigwaa en, nzi roro ne nyinɛn ndɔ ne irywɛɛk ɛDaray njwɛɛn ɛYɛso ɛKiriti, nzi bo te ɛnu mon teye ɛdaan nɛ. Sɔng ɛ hosop ɛn nyini wo nang, yang byinki ɛn nyini te icwas mon te ijwaan nɛ, ivol mon ta te ijwaan nɛ.

1 iKɔrɔntos 14:20

Nigwaa en, sɔng ɛ tas ɛn tɛ ninɔn nang, yang te ɛn tɛ ninɔn na ɛlɔ ne mɔn nikɔn nibebhe, te icwas mon da ne ji so ivaa ɛnyi ne ɛ kɛ hɔn.

1 iKɔrɔntos 14:26

Nigwaa en, ɛkɔn na ne nzi bol lo ɛbhɛ ghaa lɛ, i sɛ ɛ kɛ sɛm ɛn nyini ɛlɔ ne re ntsong ngga, ɛdɛng yaa ne bok iywel, ɛdɛng ne i mɛmɛ ninyi nɛ, ɛdɛng ne tɔɔl ɛkɔn na ne ɛTaanggbey kɛ phaal ɛbhɛ nɛ, ɛdɛng ne bol ne ihak ilem, ɛdɛng ne ji kpɛl ɛkɔn na ne i bol ne ihak ilem be. iPhɛ ne so nggbinggbing te mɔn nikɔn nɛnaa wo gbik ɛli nɛ nibhɛ yaa phyik ninaa ne roos sa.

iGalatiya 3:15

Nigwaa en, te n tes nyini nɛ nikɔn na ne ɛ mɔn ɛn cɛcɛɛy. I sɛ ninyi ifaa kɛ sime ne ɛkɔn nɛ nibhɛ aa mɔn, nibhɛ rop ɛbhɛ, sɔng ɛnyi ya ne tang yɛɛ ne hobhose nang, sɔng ɛnyi ya ne ta yɛɛ ne hante ne ɛkɔn nang.

iGalatiya 6:18

Nigwaa nge, te izɛɛng ɛDaray njwɛɛn ɛYɛso ɛKiriti de shɛɛ ne nyinɛn gbik. Ɛɛy!

iFilibi 1:22

Wu iphɛ ne so naa shɛɛ ɛken na ndɔ ne ibek, kaabi naa ne mɔn ɛtomɛ ne aa jam. Sɔng nzi ne ji yɛɛ ɛhiha ne na kasa nang.

iKɔlɔsi 1:10

Te ne lenɛ ɛlɛy, ˆɛ shɛɛ ɛn ishwɛɛ da ne ifɛ so kancɛng ne ivaa ninaa ne roos ɛDaray yegha, ifɛ nang ɛDaray yegha irway ihwala. Te ishwɛɛ mon da ne tɔɔrek nikɔn niyɛnɛng ndɔ nitomɛ na gbik, ˆɛ raras ɛn ndɔ ne seng ɛTaanggbey yegha.