iGalatiya 5:7 - ɛWee ne ìTsɛm iHywas

⁷ Ɛ kaa tsa ɛ hyel ɛn yɛnɛng, ɛhay ɛbhɛ kɛ ne yaa ring nyini ne roos itin dee?

iGalatiya 5:7 ပူးပေါင်းရင်းမြစ်များ

1 iKɔrɔntos 9:24

Ɛ yɛɛ ɛn ncɛncɛng, ninaa ne mat ishwaa da i so gbom, ɛnyi ɛdaan zɔng ɛbhɛ ne tel ɛbhɛ re ito yɛ. iPhɛ ɛlɛy ne ɛ see ɛn ito ɛli ne aa bhɛ re ɛn ito de.

iGalatiya 3:1

Nyinɛn ninyi ne iGalatiya na, ɛ hoghɛ ɛn nisan naa? Hang kɛ mɔn nyini naa? Nggɛ tɔng nyini wɛsɛrɛk ibol ne gangat ɛYɛso ɛKiriti yeghaa daa ne ihon no te ɛli ne ɛ kɛ yaang ɛn ne irwisɛ mon.

iBirani 12:1

iHywee nishɛɛda yɛdee wo so gbom nɛ nibhɛ kɛ te njwɛɛn gyɔɔ. Daa ɛli ne ihywee nishɛɛda yɛdee wo ne sonɛ ɛlɛ wo, ninaa nɛ nibhɛ kɛ tɔɔrek njwɛɛn ɛli ìnang ne itin da so wo, nɛ njwɛɛn hana gbik ɛkɔn na ne ɛ ring njwɛɛn ne ihywel da. Te njwɛɛn ta hana ɛfɔt to ne ɛbhɛ kɛ wum njwɛɛn no, te njwɛɛn rop irway i tel nggbiy yɛdaa wo ne mpɛ so ɛyisɛ njwɛɛn na.

1 ɛBiturus 1:22

ɛLyilyɛghaa wo ne kɛ ne te nyini wɛwɛy ndɔ ne ɛfɔt mon no daa ɛli ne ɛ roos ɛn itin de, ɛ ta i sim ɛn nigwaa mon na ne ishwim ne itin da. iPhɛ ɛlɛy, ne ɛ sim ɛn nigwaa mon ndɔ ɛkyukyum ne irway.

2 iKɔrɔntos 10:5

Njwii bunga ishamas ninaa ne hal ɛgyɛy de gbik nɛ nikɔn na nɛ nibhɛ ring ne seng ɛTaanggbey yegha, njwii ne yaak ninyi nɛ nibhɛ kyii ne icwas nibhɛ ndɔ ne roos ibol ɛKiriti de.

iRooma 2:8

Nidɛng ne ma ji sonɛ nɛ nibhɛ ne sim ito, nibhɛ mbaray itin ne ibol nibhɛ ta i mɔn ibebhe, ɛTaanggbey ya sɛ ne tal nibhɛ ne njenjek gbik ne irway njɛt.

ɛMacu 13:21

Sɔng iphɛ ne lel ndɔ nibhɛ kyukyum nang, sɔng iphɛ ne ma phyɔngɔle ndɔ nibhɛ wo nang, yaa sɛ ishishim, ne nggbang kɛ yɛɛs nibhɛ, lenɛ ne ibol ɛTaanggbey de, nibhɛ ne shii hana iphɛ.

2 iTasɔlɔnika 1:8

Ɛ sɛ ne baasek ninyi na nɛ nibhɛ mbaray tang seng ɛTaanggbey yegha nggbang, gbik nɛ ninaa nɛ nibhɛ kɛ mbaray tang roos iBol iYɛnɛng ɛDaray njwɛɛn ɛYɛso gha.

iRooma 6:17

N bok irway ihwala ne ɛTaanggbey, ɛ kaa so ɛn nyini ne nikpuru ne ɛfɔt, ɛlyilyɛghaa wo, ɛ kɛ ne yaa roos ɛn itin de ne kɛ tɔɔrek nyini ndɔ ne imɛmɛ da ne kɛ mɛmɛ nyini nɛ wo ne irway mon gbik.

iBirani 5:9

ɛLɛ wo ne ɛYɛso gha kaa ne taal nikɔn ne ɛ kɛ yɛɛs ne mɔn no, ɛ ji teye itin ne iphɔrɔt ne inat ɛlɔ ninaa ne roos ibol ɛTaanggbey de.

iRooma 16:26

ɛlyilyɛghaa wo nang, kɛ ne ji phaal iphɛ, iphɛ kɛ te wɛsɛrɛk lenɛ ne ibol de nɛ ninabawa na kaa ku i haa. Kɛ ne lenɛ ne ibol ɛTaanggbey ne inat de ne ɛ kɛ yɛk ngɛ ne phaal igbagha wo nɛ gbik tɛ nibhɛ nang ne itin nɛ nibhɛ ta roos.

iRooma 15:18

Sɔng naa ne boote ne irway nviit daa ɛdɛ ɛkɔn na kang ne ɛkɔn na ne ɛhaa ne ɛKiriti gha kɛ mɔn lenɛ ne mee wo nang. Ɛ kɛ te ninyi na ne hame nibhɛ so niYahodawa na yaa roos ibol ɛTaanggbey de lenɛ ne ivol nge gbik ne ɛtomɛ nge,

iRooma 10:16

Sɔng ne so gbik ninyi niSɛrɛla na nibhɛ kɛ say iBol iYɛnɛng ngge nang. Te ɛli ne ɛShaa gha kɛ boote ɛ yɔngɔ, “ɛDaray, ɛhay ɛbhɛ kɛ nang ne itin nɛ ne ibol mos dee?”

iBirani 11:8

Kaa ne lenɛ ne ìnang ne itin de ɛBaraying roos ibol ɛTaanggbey nten de ne kaa yel-le ɛbhɛ, te ɛ phɛ ne ivel ne kaa yɔng aa teye isha ɛbhɛ. Sɔng ɛ kaa ne i yɛɛ ɛlɔ gha ne ɛ phɛɛs nang, gbik ne iphɛ ɛlɛy ne ɛ phɛ.

ɛTomɛ 6:7

iBol ɛTaanggbey de ne shwalat. Ninaa ne roos sa ne hantey yɛ gbom ndɔ ne iYɛrushɛlɛm be. Nibo ɛTaanggbey ya gbom ne ma say ibol ne ìnang ne itin de.

iGalatiya 2:2

Ngga phɛ ɛnggyɛ wo daa ɛli ne ɛTaanggbey ɛbhɛ kaa ne tɔɔrek me ndɔ ne iyuwa wu te mbɛ ɛnggyɛ wo. Kaa ne sɛ nggɛ phɛ ɛnggyɛ, njwi ne bhɛ sɛme nɛ nidɛng nindiinday ninaa ne roos sa gying, ne n tɔng nibhɛ ɛli ne nzi ku tɔng ninyi na ne hame nibhɛ so niYahodawa na ibol iyɛnɛng ngge. Nggaa mɔn ɛlɛ wo daa ɛli ne nggaa bo ɛnik nibhɛ yaa yung mbaray mee, ɛtomɛ nge gha ji te buu.

iGalatiya 5:10

Nggɛ nang ne irway nge gbik daa ɛDaray, sɔng aa roos ɛn ibol ɛhak ɛnyi kang ne ideeng ngge nang. Gbik ɛnyi gha ne ɛ ne suruk nyini wo, ɛTaanggbey ya sɛ ne bak ɛbhɛ nggbang, sɔng ɛ sɛ sap ihywee ɛnyi de ne ɛ so nang.