iGalatiya 5:1 - ɛWee ne ìTsɛm iHywas

¹ ɛKiriti ɛbhɛ kɛ phɔt njwɛɛn, sɔng njwɛɛn ne tɔ nikpuru nang. iPhɛ ɛlɛy, ne ɛ kyinak ɛn nting sɔng ɛ ta sim ɛn ta rop nyini ne nyang ngge tɛ nikpuru na nang.

iGalatiya 5:1 ပူးပေါင်းရင်းမြစ်များ

2 iKɔrɔntos 3:17

ɛDaray ya ɛbhɛ ne ɛ so iKabyik ge. ɛLɔ gha ne iKabyik ɛDaray de ne sonɛ wo, ninyi yɛ yaa ne sɛ ishwɛɛ ne ito nibhɛ.

iGalatiya 5:13

Nyinɛn nigwaa en no, sɔng kɛ yel-le nyini te ɛ shɛɛ tɛ nikpuru nang. Sɔng ishwɛɛ yɛdaa nggyɛ wo ne te nyini ɛ yaa mɔn ɛn nikɔn na ne ɛ sim ɛn nang. Te ishwɛɛ yɛ yang te ɛ te ɛn nyini nikpuru nigwaa mon lenɛ ne ishwim.

1 ɛBiturus 2:16

Shɛɛ ɛn ishwɛɛ ne ito mon, sɔng ishwɛɛ ne ito mon da ne kyii te nyini ɛ yaa mɔn ɛn ɛfɔt nang, yang shɛɛ ɛn tɛ nikpuru ɛTaanggbey ya.

iRooma 6:14

Mɔn ɛn ɛlɛ wo daa ɛli ne sɔng ɛfɔt to bok igbɔm daa mon nang. Sɔng ɛ tɔ ɛn nikpuru ne iMɛmɛ ɛMuusaa da nang, ɛ so ɛn ndɔ ne izɛɛng ɛTaanggbey.

iRooma 8:2

Daa ɛli ne kɛ lenɛ ne ɛYɛso ɛKiriti ihwet iKabyik ne iphɛ nang iken de kɛ ne sɔnɔ me ndɔ ne ihwet ne ɛfɔt to ne ɛbhɛ yɛɛs ne iku de.

iGalatiya 4:9

ɛLyilyɛghaa wo ne ɛ kɛ ji seng ɛn ɛTaanggbey ririk, hang naa yɔng ɛTaanggbey ya kɛ seng nyini ririk yɔɔ. iKyee iphɛ kɛ ne te ɛ sim ɛn aa ta kyii ɛn ɛlɔ nigɔm ne ikpabyik ɛzay yɛghaa wo nɛ nibhɛ so buu wo nibhɛ sang kyi ta so ɛkɔn naa? iKyee phɛ te ɛ sim ɛn aa ta tes nyini nikpuru nibhɛ naa?

iBirani 10:23

Nɛ njwɛɛn ta kyinak gɛgɛy daa ne sit irwisɛ yɛdaa nggyɛ wo ne njwɛɛn ku bok ko, i ta bol lo, daa ɛli ne ɛTaanggbey ya ne ɛbhɛ kɛ ku sim njwɛɛn nɛwo so sɛ kyinak daa ne ibol ɛbhɛ.

iGalatiya 2:4

Kaa wuru ne ibol ne hyɛghɛ icwee da daa ɛli ne nidɛng nɛ nibhɛ luk wu i so nigwaa na mos kaa lel ndɔ mos so gying nibhɛ tɛ nibhɛ bees iphɔrɔt da ne njwi kɛ sɛ ɛlɔ ɛYɛso ɛKiriti, ɛlɛ wo nibhɛ kyi ta te njwii njwi kyii ta tes en nikpuru.

iGalatiya 4:31

iPhɛ ɛlɛy nigwaa en, sɔng njwɛɛn ne soye ninɔn ɛkuk ka ne ɛ soye ɛkpuru gha nang; njwɛɛn yang soye ninɔn ɛkuk ka ne hame ɛ soye ɛkpuru gha.

Nikɔn ne kɛ Phaal 3:3

iPhɛ ɛlɛy, ne ɛ taate nɛ nikɔn na ne kaa mɛmɛ yɛnɛ wo, ɛ say yo. San ɛbɔk te ɛ roos itin de. Wu ɛ kɛ ne sang seme wo, naa ne yɛɛs sɛ te ɛhaa ɛyi, sɔng ɛ sɛ ne yɛɛ nten de ne naa yɛɛs nɛ nang.

2 ɛBiturus 2:19

Nibhɛ kɛ ku sim ninyi na nɛ nibhɛ bo wu nibhɛ kɛ roos imɛmɛ nibhɛ da, nibhɛ yaa sɛ ishwɛɛ ne ito nibhɛ, ɛlɛy nibhɛ wo, nibhɛ ne ma kyi soye nikpuru ne ibebhe de daa ɛli ne ɛnyi gha i soye ɛkpuru ɛkɔn na ne ɛ kɛ kpuru ihywɛɛ ɛbhɛ de.

1 iKɔrɔntos 16:13

Shɛɛ ɛn ɛ ɛkanang, kyinak ɛn nting ndɔ ne ìnang ne itin mon de, rop ɛn irway te ɛ yɛk ɛn ihwet.

iRooma 7:6

ɛLyilyɛghaa wo, njwɛɛn kɛ ne sɔrɔt ndɔ ne iMɛmɛ ɛMuusaa da daa ɛli ne njwɛɛn kɛ ku ɛlɔ ɛkɔn na ne ɛ kaa rop njwɛɛn no. iPhɛ ɛlɛy njwɛɛn kɛ ne yaa re ɛTaanggbey yegha ntsong ngga ndɔ ne ɛnkiinɛ ɛphas ne ikabyik ge kɛ yɛɛs nɛ, sɔng ndɔ ne ɛnkiinɛ ɛtɛl lo ne iMɛmɛ ɛMuusaa da kaa nang ngo nang.

iRooma 6:18

Kɛ tul nyini ndɔ ne ɛfɔt to, ɛ kɛ te ɛn nyini nikpuru nicik.

ɛTomɛ 15:10

iKyee phɛ ne kɛ te ɛɛ mbaray nyini ɛkɔn na ne ɛTaanggbey ya kɛ tɔɔrek njwɛɛn no wu iphɛ so itin de ɛ ji yaak ninaa ne roos sa nɛ nibhɛ tɔɔsek nikɔn nirighitik kaa? Nikɔn nɛnaa wo kaa bɛ nikyɛɛ-nikyɛɛ njwɛɛn na ne njwɛɛn nɛ gbik.

1 iKɔrɔntos 7:22

Gbik ɛnyi gha ne ɛ kaa soye ɛkpuru gha nyɛɛn kyi yel-le ɛbhɛ ɛlɔ ɛDaray ya, sɔng ne ɛ ta tɔye ɛkpuru nang, ɛDaray ya kɛ sɔnɔ ɛbhɛ. ɛLɛy ne ɛnyi gha ne ɛ kaa sang so ɛkpuru gha nyɛɛn ɛDaray ya kyi yel-le ɛbhɛ wo, ɛ kɛ ne teye ɛkpuru ɛKiriti.

ɛYahuza 1:3

Nigwaa nge ne nzi sim, nggɛ ku bok icwas ne haa nyini nɛ daa ne ibol ne iphɔrɔt njwɛɛn de, ne nggyi yaang iphɛ kɛ jam mɛ nzɛ kyii haal nyini nɛ te n te nyini itsɔngɔl gɛgɛy ɛli ne ˆaa kyinak ɛn daa ne imɛmɛ ne itin ɛYɛso de ne ɛTaanggbey ya kɛ nang ninaa ne roos ɛbhɛ na ɛdaan na zɔng ngo.

iFilibi 1:27

Gbik ɛkɔn na ne ɛ kɛ te, shɛɛ ɛn ishwɛɛ da ne ifɛ kancɛng ne ibol iyɛnɛng ɛKiriti de. Shɛɛ ɛn ɛlɛ wo, te yaa sɛ nggɛ yɛɛs ne yaang nyini, hang nggɛ ma sang yɛɛs yɔɔ, te ne n phok wu ˆɛ kɛ kyinak ɛn ne ihwet ndɔ ne ikabyik idaan, ˆɛ kɛ byinki ɛn ito mon ˆɛ tabha ɛn ilong ndɔ ɛtomɛ ne ibol iyɛnɛng ngge te ɛnyi ɛdaan lenɛ ne ìnang ne itin mon da ne bol iyɛnɛng ngge.

iFisus 6:14

iPhɛ ɛlɛy, kyinak ɛn nting, te itin de teye ɛgagha mon, te ihywel icik ga teye ɛtura ne igyɔs ne ta itsom mon.

Nikɔn ne kɛ Phaal 2:25

ɛKɔn na ne nzi sim ne nyinɛn no so ɛlɛ, ku boos ɛn ibol de ne ɛ bok ɛn no n phyii yɛɛs.

iBirani 4:14

iPhɛ ɛlɛy, nɛ njwɛɛn kyinak gɛgɛy daa ìnang ne itin ne njwɛɛn de ne njwɛɛn tɔng ngo. Te njwɛɛn mɔn ɛlɛ wo daa ɛli ne njwɛɛn bok ɛgbaang ɛgɔm nibo wo ne ɛ kɛ phɛ daa ne irywa wo, ɛnu ɛyisɛ ɛTaanggbey ya, ɛbhɛ so ɛYɛso ne ɛ so ɛNgɔn ɛTaanggbey.

iBirani 3:14

Njwɛɛn kɛ ne byinki ito njwɛɛn ne ɛKiriti gha wu njwɛɛn kɛ boos ìnang itin ne ibol njwɛɛn da gɛgɛy ɛli ne njwɛɛn kaa tsa wo phyii bhɛ taal.

iBirani 3:6

ɛKiriti gha ne so sɛ kyinak daa ne ibol ɛbhɛ daa ɛli ne ɛbhɛ ɛ yang so ɛNgɔn na ne ɛ wɛɛ ninyi ɛTaanggbey ya. Njwɛɛn no, njwɛɛn ne soye ninyi ɛTaanggbey ya, wu njwɛɛn kɛ boos irway nviit da, njwɛɛn sang te ikyɔkyɔt daa ɛkɔn na ne njwɛɛn kɛ sit ne irwisɛ da.

2 iTasɔlɔnika 2:15

iPhɛ ɛlɛy nigwaa en, kyinak ɛn gɛgɛy, te ɛ wum ɛn nikɔn na ne njwi kɛ mɛmɛ nyini nɛ wo. Ninaa ne njwi kɛ tɔng nyini ne ɛnu nɛ ninaa ne njwi kɛ haa nyini nɛ ndɔ ne ɛwee wo.

1 iTasɔlɔnika 3:8

ɛLyilyɛghaa wo, njwi yaa ne hante ne te niken daa ɛli ne ˆɛ kɛ kyinak ɛn ne ihwet da ndɔ ɛDaray ya.

iGalatiya 4:26

Kaa ne i bok ɛhaa ne ifaa yɛ ɛSaratu, sɔng ɛ kaa ne so ɛkpuru nang, ne ɛ so te iYɛrushɛlɛm ɛdaa ne irywa da. Ɛbhɛ so ɛgyinɛ ninaa ne nang ne itin na.

iGalatiya 3:25

Ɛlyilyɛghaa wo ne ìnang ne itin de kɛ ne ji yɛɛs so, sɔng ɛShara gha ne ta tɔ wɛɛ njwɛɛn no nang.

1 iKɔrɔntos 15:58

iPhɛ ɛlɛy nigwaa nge ne nzi sim, kyinak ɛn ne ihwet, sɔng ɛkɔn sungki nyini nang. See ɛn ito cɛcɛɛy ndɔ ɛtomɛ ɛDaray ya, daa ɛli ne ɛ yɛɛ ɛn sɔng ɛdɛ ɛkɔn na ne ɛ kɛ mɔn ɛn ɛDaray yegha nɛ wo sɛ te buu nang.

ɛMacu 23:4

Nibhɛ yaak ninyi nɛ nibhɛ tɔɔsek nikɔn nirighitik nɛ nibhɛ phyin ihwet nibhɛ, sɔng nibhɛ kyii sim nibhɛ yɛk ne iwɔ nibhɛ phyik nibhɛ ne tɔɔk kɛ nang.

iRooma 7:3

iPhɛ ɛlɛy, wu ɛkuk ka kɛ ne tek ɛras sa ɛ tɔ ɛken ɛhak ɛnyi ra ne ɛbhɛ, ya ne yaak ɛbhɛ ɛhaa ne ra nzangas. Wu ɛras sa kɛ ne ku, ɛ kɛ ne sɔrɔt daa ɛshara gha, sɔng yaa ne yaak ɛbhɛ ɛhaa ne ra nzangas sang, wu ɛhak ɛras kɛ tul ɛbhɛ.

iRooma 8:15

Daa ɛli ne iKabyik ge ne ɛTaanggbey ya kɛ nang nyini wo sɔng iphɛ soye dee ne aa te ɛn nyini nikpuru ɛ yɛk ɛn ɛnik nang. Kwa! iKabyik kɛdee wo kɛ yang te nyini ɛ te ɛn nyini ninɔn ɛTaanggbey, i ne lenɛ ne iphɛ wo, njwɛɛn ne yel-le ɛTaanggbey yegha i yɔngɔ: “Abba! ɛTaa nge.”

2 iKɔrɔntos 11:20

ɛTsak i sɛ ɛdɛ ɛnyi gha kɛ bo nyini te ɛkpuru, ɛɛ ne bo ɛn ɛbɔk ne ɛbhɛ, hang ɛhaa ne ɛ phɔrɔt nikɔn mon yɔɔ, hang ɛhaa ne ɛɛ luk nyini yɔɔ, hang ɛhaa ne ɛ bɛɛs nyini wo, hang ɛhaa ne ɛ babha nyini nggaam yɔɔ.

ɛLuka 5:38

I yang banas iguut de ndɔ ne izong ne ifɛ tɔ ne ihwet!