iGalatiya 4:5 - ɛWee ne ìTsɛm iHywas

⁵ Te ɛ sɛ ɛ phɔt ninyi na nɛ nibhɛ so ndɔ ɛShara gha te ɛ te njwɛɛn tes en ninɔn ɛTaanggbey.

iGalatiya 4:5 ပူးပေါင်းရင်းမြစ်များ

iBirani 9:15

iPhɛ ɛlɛy, ɛKiriti gha ɛbhɛ ne so ɛhaa ɛceree ne ibol ne rop ìtsɛm ihywas de ne ihywɛ kɛ byinki ninyi na ne ɛTaanggbey ya, tɛ ninaa ne kɛ ku yel-le wo say isha ne inat de ne ɛTaanggbey kɛ ku sim-mɛ wo. iPhɛ kɛ te ɛlɛ wo daa ɛli ne ɛKiriti gha kɛ ku te ɛ phɔt ninyi na ndɔ ne ɛfɔt to nɛ nibhɛ kaa mɔn nten de ne ibol ne rop ìtsɛm itsɛl de kaa sonɛ wo.

iFisus 1:5

ɛTaanggbey ya ne ku kasa njwɛɛn nten nɛ tɔ te njwɛɛn teye ninɔn ɛbhɛ lenɛ ne ɛYɛso ɛKiriti gha. Ɛ kaa ne mɔn ɛlɛ wo lenɛ ne icwas ne izɛɛng ɛbhɛ.

iFisus 1:7

Kɛ lenɛ nɛ neyi ɛKiriti na ne ɛ kɛ lok ne i say njwɛɛn, kaabi i hana ɛfɔt njwɛɛn no lenɛ ne izɛɛng ɛbhɛ ne ihywɛ so gbogbom.

Nikɔn ne kɛ Phaal 5:9

Nibhɛ ne ji yaak ne iywel ifas, nibhɛ bo, “ˆƐ kɛ hɔn aa bo ɛwee ne ihuhu wo, ˆɛ ta bal icwɛɛm mɛ. Daa ɛli ne kaa phoo yɛ, ne lenɛ nɛ neyi mo na ɛ say ɛTaanggbey ye ninyi gbarang. Ninyi yɛ ne le ne itaang ɛzay de, gbik ne ilwem ɛzay de, ne ihywee ɛzay de gbik ne igbagha ɛzay yo.

iBirani 9:12

Sɔng ɛ kaa ne bhɛ lel lenɛ nɛ neyi ninɔn ne irwandɔng nɛ ninaa ne ᐩigyol nang. Ɛ kaa ku bhɛ lel ne ɛLɔ gha ne kɛ Tul Kang i Shɛs so ɛdaan zɔng, lenɛ nɛ neyi ɛbhɛ, ɛ sɛ njwɛɛn iphɔrɔt ne inat.

iGalatiya 3:13

Njwɛɛn kɛ phɔrɔt ndɔ ɛkawɛy ɛShara ɛMuusaa gha daa ɛli ne ɛKiriti gha kɛ phɔt njwɛɛn ndɔ ɛkawɛy ya lenɛ ne ɛ kɛ teye ɛhaa ɛkawɛy ya ɛlɔ njwɛɛn. Daa ɛli ne kɛ haa i bo: “Gbik ɛnyi gha ne kɛ gangat ɛbhɛ daa ne ihon no, ne ɛ soye ɛhaa ɛkawɛy.”

iRooma 8:23

Sɔng nikɔn na ne kɛ ryɔng ngo zɔng nibhɛ tum mo nang, gbik ne njwɛɛn ne mang. Njwɛɛn no ne njwɛɛn kɛ ku sɛ iKabyik ɛTaanggbey de ne iphɛ so ɛkɔn ɛyisɛ yɛ ndɔ nikɔn na ne kɛ nang njwɛɛn no, njwɛɛn i tum ndɔ ne irway njwɛɛn, njwɛɛn i has irway i hyep te ɛTaanggbey bo njwɛɛn i teye ninɔn ɛbhɛ, ɛ ta phɔt ibek njwɛɛn nɛdee wo.

iGalatiya 4:7

iPhɛ ɛlɛy, sɔng ne ɛ ta tɔ ɛkpuru nang, ɛ so nyini ninɔn ɛTaanggbey. Sɛ ne nang nyini ɛwɛng nga ne ɛTaanggbey ya kɛ ku sim-mɛ ɛ sɛ nang ninɔn ɛbhɛ na.

iGalatiya 3:26

Gbik mon no ɛ kɛ ne te nyini ninɔn ɛTaanggbey lenɛ ne nang ne itin nɛ ndɔ ɛYɛso ɛKiriti gha.

iRooma 9:4

Nibhɛ bhɛ so niSɛrɛla. Nibhɛ ne ɛTaanggbey ya kɛ ne bo nibhɛ teye ninɔn ɛbhɛ, ɛ tɔɔrek nibhɛ ndiinday ɛbhɛ, ɛ rop ibol nɛ nibhɛ, ɛ nang nibhɛ iMɛmɛ ɛMuusaa, ɛ tɔɔrek nibhɛ ɛnkiinɛ ne re ntsong ntin, ɛ nang nibhɛ nikɔn na ne ɛ kɛ ku sim-mɛ.

ɛYohana 1:12

Gbik ne iphɛ ɛlɛy ɛhiha ɛnyi ne ɛ kɛ ne say ɛbhɛ, ɛ ta nang ne itin nɛ ne ɛbhɛ, ɛ kɛ ne nang ɛbhɛ ɛnkiinɛ ne teye ɛngɔn ɛTaanggbey.

ɛTitus 2:14

ɛYɛso ɛKiriti gha ɛbhɛ kɛ nang ito ɛbhɛ te ɛ phɔt njwɛɛn ndɔ ne ibebhe de, te ɛ kɛ ne kuus njwɛɛn, te njwɛɛn teye ninyi ɛbhɛ zɔng, niwɛwɛy yɛ, njwɛɛn has irway ne mɔn nikɔn niyɛnɛng.

iRooma 8:19

Gbik nikɔn na ne kɛ ryɔng ngo i has irway nibhɛ hyep ɛli ne ɛTaanggbey ya yaa tɔɔrek ninɔn ɛbhɛ na wɛsɛrɛk ɛzay ya.

iFisus 5:2

Shɛɛ ishwɛɛ ne ishwim ɛli ne ɛKiriti gha kɛ sim njwɛɛn no, ɛ phyii nang ito ɛbhɛ de ɛlɔ njwɛɛn na te ɛkɔn ne hap itsanga gha ne ɛ bok ɛnkyinkyɔp ɛyɛnɛng nga ne kɛ hap ɛTaanggbey yegha ne itsanga de.

iGalatiya 4:21

Mɔng ɛn mɛɛn, nyinɛn no ne ɛ sim ɛn te aa roos ɛn ɛShara gha. Ɛ kɛ seng ɛn ɛkɔn na ne ɛShara gha bol ririk ghee?

ɛLuka 1:68

Te dɛp ɛDaray ye ne ɛ so ɛTaanggbey niSɛrɛla. Ɛ kɛ yɛɛs te ɛ phyik ninyi ɛbhɛ ɛ phɔt nibhɛ.

iBirani 1:3

ɛNgɔn na ɛbhɛ so iwɛwɛy ne ndiinday ɛTaanggbey de, ɛɛ ne ta tɔɔsel ɛli ne ɛTaanggbey ya so. Ne ɛ ta so kancɛng ne ɛTaanggbey ya. Ɛ kɛ ne wum nikɔn na kyus lenɛ ne ibol ɛbhɛ ne iphɛ bok ihwet. ɛTsim mɛ ne ɛ kɛ phaal ɛnkiinɛ ne kuus ɛfɔt to, ne ɛ ji soos ɛcuruu ne igbɔm ne iwɔ ne irwye ɛTaanggbey ɛHaa ne Ndiinday gbik.

ɛMacu 20:28

ɛLɛy ne ɛNgɔn ɛNyi gha ne mang, sɔng ɛ kɛ yɛɛs tɛ ninyi na mɔn ɛbhɛ nitomɛ nang, ɛ kɛ yang yɛɛs te ɛ mɔn ninyi na nitomɛ na, ɛ phyii nang iken ɛbhɛ ɛ phɔt nɛ ninyi gbom.”

ɛTomɛ 20:28

Wɛɛ ɛn nyini yɛnɛng, tɛ nɛ ta wɛɛ ɛn ᐩigyol ɛTaanggbey de ne iKabyik ɛTaanggbey de kɛ yɛk nyini nɛ te ɛ wɛɛ ɛn no. Hyep ɛn ninaa ne roos ɛTaanggbey ya ne ɛ kɛ say nibhɛ nɛ neyi ɛNgɔn ɛbhɛ na.

1 ɛBiturus 3:18

ɛLɛy ne iphɛ kaa ne so daa ɛKiriti gha. Ɛ kaa so cik ne ɛ ku ɛlɔ ninyi nɛ nibhɛ sang so cik. Ɛ kaa ku ɛlɔ ne ɛfɔt ɛdaan zɔng te ɛ phɛ nɛ nibhɛ ɛlɔ ɛTaanggbey. Kaa phoo ɛKiriti yegha ndɔ ne ibek, ne yiisik ɛbhɛ ndɔ ne ikabyik.

Nikɔn ne kɛ Phaal 14:3

Nibhɛ ne i yaak ne idɛ iywel lo ifas sɛ ɛnu ɛyisɛ ɛcuruu ne igbɔm ma nɛ nikɔn niken nwaas sa gbik nɛ ninu nikɔɔn na. Sɔng ɛnyi i ne yɛɛ ne mɛmɛ ne iywel lɛwoo nggyɛ wo kang nɛ ninyi ninom ikɔl ne nzuwubɔ nwaas nɛ nibhɛ nwaas (144,000) sa nang. Ninyi na ne kɛ ku say nibhɛ ndɔ ninaa ɛzay ya.

iRooma 8:14

Ninyi na ne iKabyik ɛTaanggbey de i hyel nɛ nibhɛ wo, ne soye ninɔn ɛTaanggbey.

iRooma 8:15

Daa ɛli ne iKabyik ge ne ɛTaanggbey ya kɛ nang nyini wo sɔng iphɛ soye dee ne aa te ɛn nyini nikpuru ɛ yɛk ɛn ɛnik nang. Kwa! iKabyik kɛdee wo kɛ yang te nyini ɛ te ɛn nyini ninɔn ɛTaanggbey, i ne lenɛ ne iphɛ wo, njwɛɛn ne yel-le ɛTaanggbey yegha i yɔngɔ: “Abba! ɛTaa nge.”

iRooma 10:4

ɛKiriti gha ɛbhɛ shwaak iMɛmɛ ɛMuusaa da te gbik ɛnyi gha ne ɛ kɛ nang ne itin nɛ, te ne say ɛbhɛ wu ɛ so cik ɛnu ɛyisɛ ɛTaanggbey ya.