iGalatiya 4:4 - ɛWee ne ìTsɛm iHywas

⁴ Kaa ne ji sɛ nten de ne ɛTaanggbey ya kɛ yɛk ngɛ wo kɛ shwaak ghe, ɛTaanggbey ya ne tom ɛNgɔn ɛbhɛ, ɛkuk yɛk ɛbhɛ. Ne ɛ ma shɛɛ ndɔ ikpii ɛShara da.

iGalatiya 4:4 ပူးပေါင်းရင်းမြစ်များ

iRooma 1:3

iBol iYɛnɛng ngge kaa ne so daa ɛNgɔn ɛbhɛ, ɛhaa ne ndɔ ne ibol ne ibek ɛten ɛsii, i kɛ yɛk ɛbhɛ ndɔ ne icwaang ɛDoda.

ɛYohana 1:14

iBɔrɔk ne ibol de kaa ne teye ɛTen ɛsii ɛ shɛɛ ndɔ njwɛɛn, njwɛɛn ne yaang ndiinday ɛbhɛ, ndiinday de ne iphɛ so idee ɛNgɔn ɛDaan ɛKyɛɛ. Ɛ kaa ne so hyɔrɔ ne izɛɛng gbik ne itin ne ibol.

ɛMarakus 1:15

Ɛ kaa ne tɔng nibhɛ, ɛ bok nibhɛ, “Nten nɛ kɛ tuu. iGbɔm ɛTaanggbey ba yek cɛcɛk! San ɛn ɛbɔk te ɛ nang ɛn ne itin nɛ ibol iyɛnɛng ngedee wo!”

ɛYohana 3:16

“Daa ɛli ne ɛTaanggbey ya kɛ sim ɛzay ya gbom mo nang, ɛ kɛ ne nang ɛNgɔn ɛDaan ɛbhɛ te gbik ɛnyi gha ne ɛ kɛ nang ne itin nɛ ne ɛbhɛ wo nang, sɔng aa ne ku nang, aa yang sɛ iken ne inat.

ɛMacu 1:23

“ɛNgɔn ɛlyilyap ɛjejep sɛ say isik ɛ yɛk ɛngɔn ɛras, sɛ ne yaak ɛbhɛ ɛYima, kaabi i bo ɛTaanggbey sonɛ njwɛɛn.”

1 ɛYohana 4:14

Njwi kaa ne yaang njwi ne tɔng ninyi wu ɛTaanggbey ya kɛ tom ɛNgɔn ɛbhɛ te ɛ teye ɛHaa ne Phɔt ɛzay ya.

iFisus 1:10

iCwas ɛbhɛ da so ɛlɛ, sɛ́ sɛ nten nɛ kɛ shwaak ghe, ɛ sɛ ne byingis nikɔn na gbik ndɔ ne igbɔm ɛKiriti ba, kaabi nikɔn ɛdaa ne irywa na nɛ ninaa ndɔ ɛzay ya gbik.

ɛLuka 2:7

ne ɛ yɛk ɛngɔn ne ilyilyap ɛbhɛ ɛ ɛras sɛ, ɛ cwamas ɛbhɛ ne ishɛrɛp ne itsura, ɛ ji laasek ɛbhɛ ndɔ ne ikparak ne mɛɛ ᐩigyol lɛ, daa ɛli ne hame nibhɛ kaa sɛ izuk ndɔ ɛlɔ ne say ninaa ne kpoo na.

iRooma 8:3

ɛKɔn na ne iMɛmɛ ɛMuusaa da kɛ sang yɛɛ ne mɔn nɛ daa ɛli ne ɛten ɛsii gha kɛ taasek, ɛTaanggbey ya kɛ ne mɔn. ɛTaanggbey ya kɛ phoo ihwet ne ɛfɔt to ndɔ ne ibek ɛten ɛsii de lenɛ ne ɛ kɛ tom ɛNgɔn ɛbhɛ ndɔ ne ibek ɛten ɛsii ne iphɛ so cɛcɛɛy idee ne ɛfɔt, te ɛ bunga ɛfɔt to.

ɛLuka 1:35

ɛMalɛka gha ne kyii nɛ, ɛ yaak ɛbhɛ, “iKabyik ɛTaanggbey yaa lel ndɔ nggyɛ. ɛTaanggbey ɛdaa ne Nyu ne irywa gha yaa ne cwaal lɛ ne ito-ndiinday ɛbhɛ. iPhɛ ɛlɛy ɛngɔn mo gha ne so ɛngɔn ne ɛ kɛ tul kang, ɛNgɔn ɛTaanggbey.

ɛYohana 6:38

Daa ɛli ne sɔng nggɛ le daa ne irywa wo n yɛɛs so te mɔn ɛkɔn na ne nzi sim nang. Nggɛ yang yɛɛs te mɔn ɛkɔn na ne ɛhaa ne ɛ kɛ tom me wo i sim.

iBirani 2:14

ɛLi nɛ ninɔn na so inwam ba nɛ neyi na, ɛYɛso gha kɛ ne ma teye ɛten ɛsii tɛ nibhɛ. Ɛ kɛ mɔn ɛlɛ wo te ne lenɛ ne iku ɛbhɛ de ɛ bunga ɛnyi ne ɛ bok igbɔm ne iku da, kaabi ɛShɛtan na.

ɛYohana 10:36

Mee wo ne ɛKyɛɛ gha kɛ ne tul me ɛ tom me ndɔ ɛzay ya. Aa ne ji mɔn ɛlii ɛ yɔng ɛn wu nzi bɛɛs ɛTaanggbey yegha daa ɛli ne nzi bo wu nzo ɛNgɔn ɛTaanggbey yaa?

1 ɛTimɔti 3:16

Sɔng ito irway sonɛ nang, ɛduk ne ìnang ne itin njwɛɛn na ne ɛTaanggbey ya kɛ phaal lo so kyukyum. Kɛ tɔɔrek ɛKiriti yegha ndɔ ne ibek Kɛ tɔɔrek ɛ soye ne itin lenɛ ne iKabyik. Kɛ yaang ɛbhɛ lenɛ nɛ niMalɛka, kɛ tɔng ibol ɛbhɛ ndɔ ne igbagha, Kɛ nang ne itin nɛ ne ɛbhɛ ɛzay ya gbik, kɛ bo ɛbhɛ ndɔ ne ndiinday.

iRooma 15:8

Nzi tɔng nyini, ɛKiriti gha kaa ne mɔn ɛtomɛ gha ndɔ niYahodawa na te tɔɔrek wu ɛTaanggbey ya so ɛhaa ne shwaak ɛkɔn na ne ɛ kɛ ku ibol, te ne ta shwaak ɛkɔn na ne kaa sim nikyɛɛ-nikyɛɛ nibhɛ na nɛ wo.

ɛTomɛ 1:7

ɛYɛso gha ne yaak nibhɛ, “ɛKyɛɛ nge gha zɔng ɛbhɛ bok igbɔm ne yɛk nɛ nituk ka ne nten nɛ, sɔng iphɛ so nggbinggbing ɛ yɛɛ ɛn nang.

ɛLuka 1:31

ˆAa say isik, ɛ yɛk ɛngɔn ɛras. Ne ɛ yaak ɛbhɛ ɛYɛso.

ɛMacu 3:15

ɛYɛso gha ne kyii nɛ ɛ yɔngɔ, “Te iphɛ ne te ɛlɛy ɛlyilyɛghaa wo te ne shwaak nikɔn na nɛ nibhɛ ku so cik ko ɛli ne ɛTaanggbey ya sim mo.” ɛYohana gha ne ji sim ɛ yɛk ɛYɛso yegha ne ibatisima de.

1 ɛYohana 4:2

ɛLɛ ne ˆaa seng ɛn ɛnyi gha ne ɛ bok iKabyik ɛTaanggbey de: gbik ɛnyi gha ne ɛ kɛ nang ishɛɛda wu ɛYɛso ɛKiriti gha kɛ yɛɛs ndɔ ne ibek ɛten ɛsii, ɛnyi yɛghaa nggyɛ wo ne bok ikabyik ne iphɛ le ɛlɔ ɛTaanggbey.

iBirani 9:10

Nikɔn nɛnaa nggyɛ wo kaa so daa ne re ne sɔ gbik ne ikpii ne tes en wɛwɛy ihywee-ihywee. iKpii yɛdaa nggyɛ wo kaa ne so ivaa ne ibek zɔng te ji hyep nten de ne de sɛ yɛɛs ne ishwɛɛ ifas da.

iKɔlɔsi 2:14

ɛTaanggbey ya kɛ bunga nikɔn na nɛ nibhɛ i naas ishɛɛda de wu njwɛɛn kɛ ben iMɛmɛ ɛMuusaa da. Ɛ kɛ bo nibhɛ ɛ yɛk ndɔ ne ɛKiriti gha ɛbhɛ gangat daa ne ihon ne gangat.

iRooma 9:5

Nibhɛ so ihywee nikyɛɛ-nikyɛɛ niYahodawa na ne i yɛɛ nibhɛ gbom. ɛKiriti gha ne so ihywee nibhɛ ndɔ ne iyɛk ne ibek. Te ne dɛp ɛTaanggbey ye ne ɛbhɛ ɛ bok igbɔm nikɔn na gbik wɛlɛng ɛgak. Ɛɛy.

ɛYohana 8:42

ɛYɛso gha ne yaak nibhɛ, “Sɛɛ yɔng ɛTaanggbey ya bhɛ so ɛkyɛɛ mon na, ɛ sɛɛ ne sim ɛn mɛɛn, daa ɛli ne nggɛ le daa ɛlɔ ɛTaanggbey ya, ɛlyilyɛghaa wo ne nzo ɛbɛ. Sɔng ngge yɛɛs ne igbɔm ne ito nge nang, ɛbhɛ kɛ tom me.

ɛMacu 5:17

“Sɔng ɛ shɛɛ wɛɛ ɛn te nggɛ yɛɛs te bunga ɛShara gha ne ivol ninabawa da nang, sɔng n yɛɛs ne bunga ifɛ nang, nyang yɛɛs ne shwaasek ifɛ.

iRooma 5:6

Yaang ɛn, kaa ne ji sɛ nten nɛ kɛ shwaak ghe, nten de ne njwɛɛn kɛ tɔ iMarasha, ɛKiriti gha ne ku ɛlɔ njwɛɛn ninaa ne ɛfɔt to.

1 ɛTimɔti 2:6

Ɛbhɛ ɛ kɛ nang ito ɛbhɛ te ɛ say ninyi na gbik. ɛNggyɛ wo bhɛ ne soye ishɛɛda ne kaa tɔɔl cɛcɛɛy nten de ne ɛTaanggbey ya i sim tɛ sɛ phɔt ninyi na gbik ko.

ɛLuka 20:44

“ɛDoda gha kɛ yel-le ɛKiriti yegha ‘ɛDaray.’ Yaa ne mɔn ɛlii ɛKiriti gha kyii ta so ɛngɔn ɛDoda ghaa?”