iGalatiya 4:3 - ɛWee ne ìTsɛm iHywas

³ Ɛlɛy ne iphɛ ne so ne njwɛɛn no, ɛli ne njwɛɛn kɛ tɔ tɛ ninɔn na, njwɛɛn kaa so nikpuru daa ne igbɔm ne ikpabyik ɛzay da.

iGalatiya 4:3 ပူးပေါင်းရင်းမြစ်များ

iKɔlɔsi 2:20

ˆƐ kɛ ku ɛn ne ɛKiriti gha, kɛ ne phɔt nyini ndɔ ne ihwet ne ikpabyik ɛzay yɛdaa wo. iKyee iphɛ kɛ ne te ˆɛ shɛɛ ɛn te ˆɛ tɔɔ ɛn nyini ninaa ɛzay yaa? iKyee iphɛ kɛ te ˆɛ kɛ nang ɛn itso mon da daa ne ikpii ɛzay yɛdaa woo?

iKɔlɔsi 2:8

Wɛɛ ɛn nyini yɛnɛng, ɛlɔ ne ɛdɛ ɛnyi yaa yung kpuru ihywɛɛ mon, lenɛ ne iluk ne ishweng ɛzay yɛdaa wo ne ifɛ so ishweng ɛbuu da. iShweng ngga ne ifɛ le ɛlɔ ne ikpii ɛten ɛsii gha, ivaa ne ikpabyik ɛzay yɛdaa wo, ne ifɛ sang le ɛlɔ ɛKiriti gha.

iGalatiya 4:9

ɛLyilyɛghaa wo ne ɛ kɛ ji seng ɛn ɛTaanggbey ririk, hang naa yɔng ɛTaanggbey ya kɛ seng nyini ririk yɔɔ. iKyee iphɛ kɛ ne te ɛ sim ɛn aa ta kyii ɛn ɛlɔ nigɔm ne ikpabyik ɛzay yɛghaa wo nɛ nibhɛ so buu wo nibhɛ sang kyi ta so ɛkɔn naa? iKyee phɛ te ɛ sim ɛn aa ta tes nyini nikpuru nibhɛ naa?

iGalatiya 2:4

Kaa wuru ne ibol ne hyɛghɛ icwee da daa ɛli ne nidɛng nɛ nibhɛ luk wu i so nigwaa na mos kaa lel ndɔ mos so gying nibhɛ tɛ nibhɛ bees iphɔrɔt da ne njwi kɛ sɛ ɛlɔ ɛYɛso ɛKiriti, ɛlɛ wo nibhɛ kyi ta te njwii njwi kyii ta tes en nikpuru.

iGalatiya 4:31

iPhɛ ɛlɛy nigwaa en, sɔng njwɛɛn ne soye ninɔn ɛkuk ka ne ɛ soye ɛkpuru gha nang; njwɛɛn yang soye ninɔn ɛkuk ka ne hame ɛ soye ɛkpuru gha.

ɛTomɛ 15:10

iKyee phɛ ne kɛ te ɛɛ mbaray nyini ɛkɔn na ne ɛTaanggbey ya kɛ tɔɔrek njwɛɛn no wu iphɛ so itin de ɛ ji yaak ninaa ne roos sa nɛ nibhɛ tɔɔsek nikɔn nirighitik kaa? Nikɔn nɛnaa wo kaa bɛ nikyɛɛ-nikyɛɛ njwɛɛn na ne njwɛɛn nɛ gbik.

iRooma 8:15

Daa ɛli ne iKabyik ge ne ɛTaanggbey ya kɛ nang nyini wo sɔng iphɛ soye dee ne aa te ɛn nyini nikpuru ɛ yɛk ɛn ɛnik nang. Kwa! iKabyik kɛdee wo kɛ yang te nyini ɛ te ɛn nyini ninɔn ɛTaanggbey, i ne lenɛ ne iphɛ wo, njwɛɛn ne yel-le ɛTaanggbey yegha i yɔngɔ: “Abba! ɛTaa nge.”

ɛYohana 8:31

ɛYɛso gha ne yaak niYahodawa na nɛ nibhɛ kɛ nang ne itin nɛ ne ɛbhɛ wo, “Wu ɛ kɛ wum ɛn ibol nge de, ne ɛ ji so ɛn ninɔn ne icwam nge na ntin nɛ.

iBirani 7:16

Sɔng ɛnyi yɛghaa nggyɛ wo kɛ ne teye ɛbo gha daa ɛli ne kɛ yɛk ɛbhɛ ne icwaang ɛLawi ɛli ne ikpii nikyɛɛ-nikyɛɛ da i bo wo nang. ˆƐ kɛ ne yang teye nɛ lenɛ ne ihwet ne iken ne iphɛ sang ɛgak.

iGalatiya 4:25

ɛHaga gha ɛbhɛ so te ɛWarang ne iSinay yo ne ɛbhɛ so ne ivel ne iRabiya de. Ɛbhɛ so te iYɛrushɛlɛm nten nɛdee wo daa ɛli ne ɛbhɛ wo nɛ ninɔn ɛbhɛ gbik nibhɛ soye nikpuru.

iGalatiya 3:19

iKyee iphɛ kaa ne te i yɛɛs ɛShara ghaa? Kaa hante ɛShara gha te tɔɔl ninyi wu ɛkɔn wu nibhɛ mɔn ɛfɔt. Kaa yɛɛs nɛ te kyi shɛɛ nɛ i hyep nten de ne ɛNgɔn na kɛ sim sim-mɛ ɛBaraying nga yaa tuu. Kaa nang nimalɛka ɛShara gha ne lenɛ ne ɛhaa ɛceree, ɛShara gha ne ji hɔn ɛlɔ ninyi na.

ɛMacu 11:28

“Yɛɛs ɛn ɛlɔ nge, nyinɛn no ne ɛ sɔ ɛn nggbang ngga nɛ nikɔn nɛ nibhɛ kɛ yɛbhɛsek nyini wo, naa ne nang nyini ifɔng.

iRooma 7:14

Njwi i yɛɛ ɛli ne iMɛmɛ ɛMuusaa da so ibol ne ikabyik, mee wo nang ne n bok icwas ne irway ɛten ɛsii, nggɛ te me ɛkpuru ne ɛfɔt ta.

2 iKɔrɔntos 11:20

ɛTsak i sɛ ɛdɛ ɛnyi gha kɛ bo nyini te ɛkpuru, ɛɛ ne bo ɛn ɛbɔk ne ɛbhɛ, hang ɛhaa ne ɛ phɔrɔt nikɔn mon yɔɔ, hang ɛhaa ne ɛɛ luk nyini yɔɔ, hang ɛhaa ne ɛ bɛɛs nyini wo, hang ɛhaa ne ɛ babha nyini nggaam yɔɔ.

iGalatiya 4:2

Ɛ shɛɛ ne iwɔ ɛlɛ, gbik ne ɛnyi ne ɛkyɛɛ gha kɛ yɛk ngɛ te ɛ wɛɛ ɛbhɛ nyɛɛn kyi bhɛ hɔn nten de ne ɛKyɛɛ gha kɛ yɛk ngɛ wo.

iGalatiya 4:8

Ne ile de, sɔng ɛ ka yɛɛ ɛn ɛTaanggbey yegha nang. Ɛ ka so ɛn nikpuru nihak nitaanggbey ne sɔng nibhɛ ma yung so ɛkɔn nang.

iGalatiya 4:24

iBol lɛdee wo ne so idee ne kɛ ten-nɛ, nikuk ifaa na so te ìtsɛm ihywaa ne ɛTaanggbey ya kaa rop. Kaa ne i bok ɛhaa ɛyisɛ yɛ ɛHaga, ɛbhɛ ne ɛ so te ìtsɛm be ne kɛ rop ne ɛWarang ne iSinay yo, ɛbhɛ yaak ninɔn na nɛ nibhɛ soye nikpuru na.

iBirani 5:12

ɛLyilyɛghaa wo ɛlɛ, se yɔng ɛ kɛ te ɛn nyini nikyɛɛ ne icwam, gbik ne iphɛ ɛlɛy, ne ɛ tɔɔ tɔk ɛn te ɛhak ɛnyi ɛbhɛ sɛ mɛmɛ nyini ne ilwing ne ibol ɛTaanggbey de. Ɛ tɔɔ tɔk ɛn mbalas tɛ ninɔn nishesheng sɔng ire gɛgɛy nang.