iGalatiya 3:2 - ɛWee ne ìTsɛm iHywas

² Naa phom nyini ibol idaan. Ɛ kaa say iKabyik ɛTaanggbey de daa ɛli ne ɛ kɛ roos ɛn ɛShara gha gbik ghe? Hang kaa lenɛ ne ibol iyɛnɛng ngge ne ɛ kɛ phok no, ɛ nang ɛn ne itin nɛ wo?

iGalatiya 3:2 ပူးပေါင်းရင်းမြစ်များ

iGalatiya 3:14

ɛKiriti gha kɛ mɔn ɛlɛ wo te ne lenɛ ne ɛbhɛ ɛYɛso ɛKiriti gha ninaa ne hame nibhɛ soye niYahodawa na ma sɛ ɛwɛng nga ne ɛTaanggbey ya kɛ sit ɛBaraying nge gha nɛ wo, lenɛ ne ìnang ne itin de te iKabyik ge ne ɛTaanggbey ya kaa ku sim-mɛ wo.

ɛTomɛ 15:8

ɛTaanggbey ya ne ɛ yɛɛ irway ninyi da kaa ne tɔɔrek ɛli ɛ kɛ say nibhɛ nten de ne ɛ kaa nang nibhɛ iKabyik ɛTaanggbey de, te ɛli ne ɛ kaa ma nang njwɛɛn no.

iGalatiya 3:5

ɛTaanggbey ya kaa nang nyini iKabyik ɛbhɛ de ɛ ta mɔn nikɔn ne kparat ta ndɔ mon. Ɛ wɛɛ te ɛTaanggbey ya kɛ mɔn ɛlɛ wo daa ɛli ne ɛ roos ɛn ɛShara da gbik ghe? Hang kɛ lenɛ ne ibol iyɛnɛng ngge ne ɛ kɛ phok ɛn ɛ nang ne itin nɛ wo?

iBirani 2:4

ɛTaanggbey ya kɛ ne ta hante nang idee ɛbhɛ ishɛɛda lenɛ nɛ nikɔn ne kparat, nɛ nikɔn ne ɛnik, ne ìnang ne iKabyik ɛbhɛ ihywee-ihywee ne ɛ kɛ naas ninyi na lenɛ ɛli ne ɛ sim.

ɛTomɛ 8:15

Ne sɛ ɛBiturus sa ne ɛYohana gha kɛ bhɛ tuu iSamariya de, nibhɛ ne roo te nang ninaa ne iSamariya na iKabyik ɛTaanggbey de.

ɛTomɛ 2:38

ɛBiturus sa ne yaak nibhɛ, “Te ɛrɔngɔ ndɔ mon no san ɛbɔk, te yɛk ɛbhɛ ne ibatisima ndɔ ne irywɛɛk ɛYɛso ɛKiriti wo. Yaa ne lenɛ ɛlɛy ɛTaanggbey ya ne hana nyini ne ɛfɔt mon no, i nang nyini izɛɛng ne iKabyik ɛTaanggbey de.

iBirani 6:4

Daa ne ito ninyi de nɛ nibhɛ kɛ kyii ne ɛtsim ma nibhɛ tek ìnang ne itin de, sɔng tang yɛɛ ne kyii nɛ nibhɛ nibhɛ san ɛbɔk ka nang. Daa ne ito ninaa nɛ nibhɛ kaa tsa nibhɛ so ndɔ ne ɛwɛwɛy ɛTaanggbey yo, nibhɛ phɔwɔ ɛnggɔnggɔɔt nikɔn niyɛnɛng ɛdaa ne irywa na, nibhɛ bok ihop ndɔ ne iKabyik ɛTaanggbey de.

iRooma 1:17

Daa ɛli iBol iYɛnɛng ngge iphɛ phaal ɛli ɛTaanggbey ya i say ɛnyi wu ɛ so cik. Ninyi na ne say icik kɛdee nggɛ wo lenɛ ne nang ne itin nɛ, ɛli ne kɛ haa i bo: “ɛCik ka yaa shɛɛ ɛken lenɛ ne nang ne itin nɛ.”

1 ɛBiturus 1:12

ɛTaanggbey ya kaa phaal nibhɛ nɛ wu hang ɛtomɛ gha nɛ nibhɛ mɔn no so daa ne iyɛnɛng nibhɛ, wu ɛ yang so daa ne iyɛnɛng mon. ɛLyilyɛghaa wo, iKabyik ɛTaanggbey de ne iphɛ le daa ne irywa wo, kɛ ne yɛk ngɛ kɛ phaal nyini nikɔn nɛnaa wo gbik ndɔ ne iBol iYɛnɛng ɛKiriti de ne kɛ sanga ndɔ mon no. Nikɔn nɛnaa wo nɛ nimalɛka na kɛ ma yung has irywa tɛ nibhɛ sɛɛ seng.

2 iKɔrɔntos 11:4

Daa ɛli ne ɛ bok ɛn ihywarat ne say ibol nihak ninyi nɛ nibhɛ kɛ yɛɛs ɛlɔ mon na. Ɛ say ɛn mɛmɛ nibhɛ daa ɛYɛso gha ivaa ne ifɛ labhe ne ivaa ne njwi kɛ tɔng nyini wo, ɛ ta say ɛn ihak ikabyik ne iphɛ labhe ne idee ne ɛ kɛ ku say ɛn no, ɛ ta say ɛn ihak ibol iyɛnɛng ne iphɛ labhe ne idee ne ɛ kɛ say ɛn ɛlɔ mos sa.

1 iKɔrɔntos 9:21

I ne sɛ nzo ɛlɔ ninaa nɛ nibhɛ sang so niYahodawa na, ne iMɛmɛ ɛMuusaa da sang bok ito de daa nibhɛ wo, ne ma n te tɛ nibhɛ te nzɛ n hɔ ninaa ne iMɛmɛ ɛMuusaa da sang bok ito de daa nibhɛ wo. Gbik ne iphɛ ɛlɛy sɔng i bo wu hang nzi roos ikpii ɛTaanggbey ba nang, kwa, nzo me ɛhaa ne roos ikpii ɛKiriti da ririk.

iGalatiya 3:3

Aa mɔn ɛn ɛli ɛ te ɛn nyini niwamang nga gbik ɛlɛ woo? Ɛ kɛ tsa ɛn ndɔ ne ikabyik ɛTaanggbey, ɛ ne ji sim ɛn te aa taal ɛn ne ihwet ne ito mon ne?

iBirani 4:2

Daa ɛli ne njwɛɛn kɛ phok iBol iYɛnɛng ngge ɛli nɛ ninyi ɛTaanggbey ya nɛ nibhɛ kaa so ndɔ ɛhay ya kaa ma phok ko. Gbik ne iphɛ ɛlɛy, sɔng ibol de nɛ nibhɛ kɛ ne phok ko kɛ ne phyik nibhɛ nang, daa ɛli ne sɔng nibhɛ kaa say iphɛ lenɛ ne ìnang ne itin de nang.