iGalatiya 2:9 - ɛWee ne ìTsɛm iHywas

⁹ ɛYakub pa ne ɛBiturus sa, ne ɛYohana gha ne kaa ku bo nibhɛ tɛ nindiinday ya kaa ne ma seng wu ɛTaanggbey ya kɛ nang me ɛtomɛ yɛghaa wo. Nibhɛ ne sɔ iwɔ ne ìtsɛm ninaa ne roos. Nibhɛ ne sim me nɛ wu te mee wo ne ɛBanabas sa te njwi phɛ ɛlɔ ninyi na ne hame nibhɛ soye niYahodawa na tɛ nibhɛ wo ne ji phɛ ɛlɔ niYahodawa na.

iGalatiya 2:9 ပူးပေါင်းရင်းမြစ်များ

ɛMacu 16:18

Nzi ne tɔng ngɛ igyɛ ne ɛ soyɛ ɛBiturus, ɛ soye ɛphang, daa ne ɛphang ngɛwoo wo ne nzɛ ne lɔl ne idira ninaa ne roos nge de. Sɔng iku sɛ ne phyin iphɛ ne ihwet tang.

ɛLuka 22:8

ɛYɛso gha ne tom niBiturus se, nibhɛ ne ɛYohana, ɛ yaak nibhɛ, “Cwi ɛn ɛbhɛ ryɔng ɛn njwɛɛn ɛlɔ gha ne njwɛɛn yaa re ne iDira ne tes iDee de Tsak ko.”

ɛYohana 1:42

ɛNdarawus sa ne phɛ ne ɛSimɔn na ɛlɔ ɛYɛso gha. ɛYɛso gha ne yɛɛn ɛSimɔn negha ne ɛ ji yaak ɛbhɛ, “I bok kɛ ɛSimɔn, ɛngɔn ɛYohana, yaa ne yaa bok kɛ ɛKyɛfas.” Kaabi i bo “iKɛɛ.”

ɛTomɛ 12:17

ɛBiturus sa ne te nibhɛ ne iwɔ dɛɛ wu tɛ nibhɛ shɛɛ nggbyak. Ne ɛ ji tɔng nibhɛ ɛli ne ɛDaray ya kɛ tul ɛbhɛ ndɔ ne ijwee ne nyang ngo. Ne ɛ ji yaak nibhɛ, “Tɔng ɛn ɛYakub bhe gbik ne ɛbyin nigwaa na ibol lɛdee wo.” Ne ɛ ji tek nibhɛ ɛ phɛ ɛhak ɛlɔ.

ɛTomɛ 15:13

Kɛ ne sɛ ɛBulus sa ne ɛBanabas sa kɛ taal ivol da, ɛYakub pa ne yilitsik ɛ yɔngɔ, “Nigwaa nge tenes ɛn mɛɛn.

ɛTomɛ 15:7

Ne sɛ kɛ bo nten gbom i sini ne ivol da, ɛBiturus sa ne yilitsik ne ɛ yaak nibhɛ, “Nigwaa en, ɛ yɛɛ ɛn ɛli ne ɛTaanggbey ya kaa ku kasa me ndɔ mon ne ile, te n te me ɛhaa ne tɔng ninyi na nɛ ne hame nibhɛ so niYahodawa na ibol iyɛnɛng ngge, tɛ nibhɛ nang ne itin nɛ.”

ɛTomɛ 4:36

Ɛdɛ ɛnyi ne iKuburus sa kaa ne sonɛ ne kaa bok ɛbhɛ ɛYisifu, ɛ kaa so ɛhaa ne icwaang ɛLawi. Ninɔn ne tom ma kaa ne yeres ɛbhɛ ɛBanabas, Kaabi i bo, ɛHaa ne te itsɔngɔl gɛgɛy.

iRooma 1:5

Kaa ne lenɛ ne ɛDaray ɛYɛso gha, te ne ta nang irywɛɛk ne ndiinday, kɛ ne nang izɛɛng ɛTaanggbey ne ɛ ta yel-le me te n te me ɛhaa ne tom ɛbhɛ mbɛ tɔng ibol ɛbhɛ de ɛlɔ ninyi na ne hame nibhɛ so niYahodawa na gbik, tɛ nibhɛ nang ne itin nɛ, nibhɛ ta roos nɛ ihywɛɛ.

iRooma 12:3

Daa ne izɛɛng ɛTaanggbey de ne ɛ kɛ nang me wo, nzi ne bok nyini wu hang ɛdɛ mon bo ito ɛbhɛ de ɛ phyin ɛli ne ɛ sɛɛ bo wo nang. Te ɛrɔngɔ yang laasek ito ɛbhɛ, te ɛ tek ito ɛbhɛ de cɛcɛɛy ne ìnang ne itin de ne ɛTaanggbey ya kɛ nang ɛbhɛ.

iRooma 15:15

Gbik ne iphɛ ɛlɛy, nggɛ ne haa ɛwee yɛwoo wo ne irway nviit, nzi bol ne nyinɛn daa nidɛng nikɔn na te n taate nyini nɛ. Nzi bol ne irway nviit lenɛ ne izɛɛng ne ɛTaanggbey kɛ nang me,

1 iKɔrɔntos 15:10

Nɛ so izɛɛng ɛTaanggbey de ihywɛ kɛ te me nzo ɛli ne nzo wo. Sɔng izɛɛng ɛbhɛ de daa me wo kɛ ne te buu nang. Kwa, nggɛ ma yung mɔn ɛtomɛ gha nibhɛ gbik, gbik ne iphɛ ɛlɛy, sɔng ne so mee nang, izɛɛng ɛTaanggbey de ne ihywɛ so ne me wo.

2 iKɔrɔntos 11:5

“Sɔng nzi wɛɛ tɛ ninɔn ne tom ma ne kɛ bo nibhɛ wu nibhɛ so ‘igbaang ninɔn ne tom ma’ phyin me ne ɛkɔn nang.

2 iKɔrɔntos 12:11

Nggɛ ne te me te ɛwamang, nyinɛn ɛ kɛ ne te ɛn mɛɛn n te me ɛwamang nga. iPhɛ kɛ jam mɛ sɛɛ yɔng nyinɛn no ɛɛ dɛp ɛn mɛɛn. Gbik ɛli ne nggyi sang so ɛkɔn na, sɔng iphɛ kɛ ne tɔɔrek wu “igbaang ninɔn ne tom” mon na ne phyin me nang.

2 iKɔrɔntos 8:4

Nibhɛ kaa roo njwii wu te njwi tek nibhɛ tɛ nibhɛ ma yɛk ne iwɔ ndɔ ne ìnang ngga ne i naas te phyik ninaa ne roos ne ivel ne iYahudiya da nɛ wo.

iGalatiya 1:16

Te ɛ phaal me irwisɛ ne seng ɛngɔn ɛbhɛ gha, te mbɛ tɔng ninyi na ne hame nibhɛ ne so niYahodawa na ibol iyɛnɛng ɛbhɛ de. Kaa ne sɛ ɛ kɛ mɔn ɛlɛ wo, sɔng nggaa ne bhɛ phom ɛnyi ɛli ne naa mɔn nang.

iGalatiya 1:18

Ne sɛ ishay itat kɛ phee, ne n ji phɛ ne iYɛrushɛlɛm be ɛlɔ ɛSimɔn ɛBiturus, ne mbɛ shɛɛ ɛlɔ ɛBiturus sa nituk ɛnduwubɔ nɛ nibhɛ iwii.

iGalatiya 2:1

Kɛ ne sɛ ɛtsim ne ishay ɛnduwubɔ ne ifɛ inwaas ne n roos ɛBanabas se njwii phɛ ne iYɛrushɛlɛm be dɔng ngga ne boos ne ɛTitus se.

iGalatiya 2:2

Ngga phɛ ɛnggyɛ wo daa ɛli ne ɛTaanggbey ɛbhɛ kaa ne tɔɔrek me ndɔ ne iyuwa wu te mbɛ ɛnggyɛ wo. Kaa ne sɛ nggɛ phɛ ɛnggyɛ, njwi ne bhɛ sɛme nɛ nidɛng nindiinday ninaa ne roos sa gying, ne n tɔng nibhɛ ɛli ne nzi ku tɔng ninyi na ne hame nibhɛ so niYahodawa na ibol iyɛnɛng ngge. Nggaa mɔn ɛlɛ wo daa ɛli ne nggaa bo ɛnik nibhɛ yaa yung mbaray mee, ɛtomɛ nge gha ji te buu.

iGalatiya 6:3

ɛNyi gha ne ɛ tɔɔsek ito ɛbhɛ de ɛ wɛɛ te ɛ sɔ ɛkɔn na, sɔng ne ɛ so ɛkɔn nang, ɛɛ luk ito ɛbhɛ.

iFisus 2:20

Kɛ lɔl nyini daa ne ɛtum nɛ ninabawa gbik nɛ ninɔn ne tom ma kaa see, ɛtum mo ne ɛYɛso ɛKiriti gha ne ito ɛbhɛ ɛ soye ɛkangashi yɛ.

iFisus 3:8

Gbik ɛli ne mee nggɛ taasek n shɛs ndɔ ninyi ɛTaanggbey ya, ɛTaanggbey ya kɛ ne nang me izɛɛng ne sanga iBol iYɛnɛng ngɛdee wo ndɔ ninaa nɛ nibhɛ sang so niYahodawa na, ibol ɛwɛng ne ɛ sang ɛgak ne i sɛ lenɛ ne ɛYɛso ɛKiriti.

iKɔlɔsi 1:29

ɛKɔn nɛghaa wo ɛbhɛ kɛ te nzi luu me, nzi kyangas me ne ihwet da ne ɛKiriti gha i naas me. iHwet da ne ifɛ mɔn ɛtomɛ ndɔ me wo.

1 ɛTimɔti 3:15

Wu kɛ ne bees me nten, ɛwee yɛwoo wo yaa ne teyɛ ɛ seng ihywee ne ishwɛɛ da ne njwɛɛn yaa shɛɛ ndɔ ne ijwee ɛTaanggbey yo, ne iphɛ so idira ninaa ne roos ɛTaanggbey ne iKen na, ɛkangashi gha gbik ne ɛtum ne itin de.

1 ɛYohana 1:3

Njwii tɔng nyini ibol ɛkɔn de ne njwi kɛ yaang, njwi ta phok, te ɛ ma byinki ɛn ìtsɛm be ne njwit. ìTsɛm mos de ne so ne ɛTaa gha gbik ne ɛNgɔn ɛbhɛ ɛYɛso ɛKiriti.

Nikɔn ne kɛ Phaal 3:12

Gbik ɛnyi gha ne ɛ kɛ re ɛwɛng, naa ne te ɛbhɛ ɛ teye ɛkangashi ne ideng ɛTaanggbey nge de, sɔng ne ɛ tang wuru ne ideng nge de nang. Naa ne haa irywɛɛk ɛTaanggbey nge wo gbik ne irywɛɛk ɛgarang ɛTaanggbey nge wo daa ɛbhɛ. ɛGarang nga ne ɛbhɛ soye iYɛrushɛlɛm iphas de ne iphɛ le daa ne irywa ɛTaanggbey nge wo. Nzɛ ne ta haa irywɛɛk ifas nge wo daa ɛbhɛ dɔng.