iGalatiya 2:8 - ɛWee ne ìTsɛm iHywas

⁸ iPhɛ kɛ ɛlɛ wo daa ɛli ne ɛTaanggbey ya ne ɛ kɛ tom ɛBiturus segha ne ibol iyɛnɛng ɛbhɛ de ɛlɔ niYahodawa na, ɛbhɛ kɛ ne ma tom me ɛlɔ ninaa ne hame nibhɛ soye niYahodawa na te mbɛ tɔng nibhɛ ibol idaan nɛ.

iGalatiya 2:8 ပူးပေါင်းရင်းမြစ်များ

ɛTomɛ 9:15

ɛDaray ya ne jung yaak ɛbhɛ, “Cwi, nggɛ ku kasa ɛShawulu yegha te ɛ mɔn me ɛtomɛ. Ɛbhɛ aa bhɛ tɔng ninyi na ne hame nibhɛ so niYahodawa na nɛ nigɔm gbik nɛ niSɛrɛla na ibol nge de.

ɛTomɛ 22:21

“ɛDaray ɛTaanggbey ya ne yaak me, Yilitsik ɛ hyel, naa tom mɛ kyakyak ɛlɔ ninyi na ne hame nibhɛ so niYahodawa.”

ɛTomɛ 21:19

ɛBulus sa ne kyili nibhɛ, ɛ tɔng nibhɛ gbik nikɔn na ne ɛTaanggbey ya kɛ mɔn ndɔ ninyi na ne hame nibhɛ so niYahodawa na lenɛ ne ɛtomɛ ɛbhɛ gha.

ɛTomɛ 15:12

Ninyi na ne kunggbyak gbik nibhɛ tenes ɛBulus sa ne ɛBanabas sa nibhɛ tɔng ɛli ne kaa lenɛ nibhɛ, ɛTaanggbey ya tɔɔsel nyu nikɔn ne kparat, nɛ ninaa ne ɛnik ndɔ ninyi na ne hame nibhɛ so niYahodawa na.

1 iKɔrɔntos 15:10

Nɛ so izɛɛng ɛTaanggbey de ihywɛ kɛ te me nzo ɛli ne nzo wo. Sɔng izɛɛng ɛbhɛ de daa me wo kɛ ne te buu nang. Kwa, nggɛ ma yung mɔn ɛtomɛ gha nibhɛ gbik, gbik ne iphɛ ɛlɛy, sɔng ne so mee nang, izɛɛng ɛTaanggbey de ne ihywɛ so ne me wo.

1 iKɔrɔntos 9:2

Wu n sang some ɛngɔn ne tom ma ɛYɛso gha ɛlɔ nidɛng, ne nzo me nɛ ɛlɔ mon daa ɛli ne nyinɛn no ɛ so ɛn ninyi na ne iphɛ kɛ tɔɔrek wu nzo me ɛngɔn ne tom ɛDaray ya.

ɛTomɛ 8:17

ɛBiturus sa ne ɛYohana gha ne tek nibhɛ ne ibɔ de dak ne ito, ne nibhɛ ne ji say iKabyik ɛTaanggbey de.

ɛTomɛ 4:4

Gbik ne iphɛ ɛlɛy ninyi na gbom nɛ nibhɛ kaa ne phok ibol ɛBiturus de ne nang ne itin nɛ, ninaa ne roos sa ne hantey nɛ nibhɛ hɔn ninyi na ninom iwii.

ɛTomɛ 1:25

ne aa teye ɛNgɔn ne tom ma, te ɛ bo ɛlɔ ne soos ɛYahuza gha ne ɛ kɛ tek ɛ yek ghe ɛlɔ gha ne ɛ ku so ɛhaa ɛbhɛ gha.”

ɛTomɛ 1:8

Ɛ sɛ ne sɛ ɛn ihwet ne sɛ́ sɛ iKabyik ɛTaanggbey de kɛ yɛɛs nyini wo, ɛ sɛ ne sanga ibol nge de ne iYɛrushɛlɛm, ne iYahudiya, ne iSamariya, ne ɛgak ɛzay yo gbik.”

iKɔlɔsi 1:29

ɛKɔn nɛghaa wo ɛbhɛ kɛ te nzi luu me, nzi kyangas me ne ihwet da ne ɛKiriti gha i naas me. iHwet da ne ifɛ mɔn ɛtomɛ ndɔ me wo.

iGalatiya 3:5

ɛTaanggbey ya kaa nang nyini iKabyik ɛbhɛ de ɛ ta mɔn nikɔn ne kparat ta ndɔ mon. Ɛ wɛɛ te ɛTaanggbey ya kɛ mɔn ɛlɛ wo daa ɛli ne ɛ roos ɛn ɛShara da gbik ghe? Hang kɛ lenɛ ne ibol iyɛnɛng ngge ne ɛ kɛ phok ɛn ɛ nang ne itin nɛ wo?

ɛTomɛ 19:26

Ɛ wɛɛ ɛn ɛ phok ɛn ɛkɔn na ne ɛnyi gha ne i bok ɛbhɛ ɛBulus sa kɛ mɔn no, ɛ kɛ yɛɛn ninyi ne iFisus sa gbik ne ivel ne iSiya da ɛ kɛ hyere nibhɛ gbik! Ɛ bo wu ɛTaanggbey ne ɛten ɛsii kɛ ryɔng wu hang ɛ so ɛTaanggbey ne itin nɛ.

1 iTasɔlɔnika 2:13

ɛKɔn nɛghaa wo ɛbhɛ kɛ te njwi ne tɔɔsel ɛTaanggbey yegha irway ihwala da cɛcɛɛy yo. Daa ɛli ne nten de ne njwi kaa nang nyini ibol ɛTaanggbey de, sɔng ˆɛ kaa ne say ɛn iphɛ te ibol ɛten ɛsii nang, ˆɛ kaa yang say ɛn iphɛ, iphɛ soye ibol ɛTaanggbey ne iphɛ mɔn ɛtomɛ ndɔ mon. Nyinɛn no ne ˆɛ kɛ nang ɛn ne itin nɛ wo.