iGalatiya 2:4 - ɛWee ne ìTsɛm iHywas

⁴ Kaa wuru ne ibol ne hyɛghɛ icwee da daa ɛli ne nidɛng nɛ nibhɛ luk wu i so nigwaa na mos kaa lel ndɔ mos so gying nibhɛ tɛ nibhɛ bees iphɔrɔt da ne njwi kɛ sɛ ɛlɔ ɛYɛso ɛKiriti, ɛlɛ wo nibhɛ kyi ta te njwii njwi kyii ta tes en nikpuru.

iGalatiya 2:4 ပူးပေါင်းရင်းမြစ်များ

ɛLuka 5:38

I yang banas iguut de ndɔ ne izong ne ifɛ tɔ ne ihwet!

ɛTomɛ 15:1

Nidɛng ninyi na ne le ne iYahudiya nibhɛ yɛɛs ne iNtakiya de, nibhɛ yaa mɛmɛ ninaa ne roos sa nɛ nibhɛ bok nibhɛ, “Wu kɛ sang hyɛghɛ nyini icwee da te ɛli ne ɛMuusaa gha kɛ ku mɛmɛ njwi nɛ wo, sɔng ɛ sɛ ne sɛ ɛn iphɔrɔt da nang.”

ɛTomɛ 15:24

‘Njwi phok wu nidɛng ninyi na kɛ le ɛlɔ mos ɛbɛ wo nibhɛ yɛɛs nibhɛ tak nyini iyɔm ne ivol nibhɛ, nibhɛ subhus ihywɛɛ mɔn, sɔng njwit njwi kɛ tom nibhɛ nang.

ɛTomɛ 20:30

Ndɔ mon no ne mang, sɛ ne ma sɛ nidɛng nɛ nibhɛ sɛ wuru nibhɛ tusup itin de, tɛ nibhɛ sɛ nibhɛ hɔ ihywɛɛ ninaa ne roos de ɛlɔ nibhɛ.

iRooma 8:15

Daa ɛli ne iKabyik ge ne ɛTaanggbey ya kɛ nang nyini wo sɔng iphɛ soye dee ne aa te ɛn nyini nikpuru ɛ yɛk ɛn ɛnik nang. Kwa! iKabyik kɛdee wo kɛ yang te nyini ɛ te ɛn nyini ninɔn ɛTaanggbey, i ne lenɛ ne iphɛ wo, njwɛɛn ne yel-le ɛTaanggbey yegha i yɔngɔ: “Abba! ɛTaa nge.”

2 iKɔrɔntos 11:13

iHywee ninyi yɛdee nggyɛ wo soye ninɔn ne tom ne irywɛɛk, sɔng ninaa ne itin nɛ nang. Nibhɛ luk, nibhɛ sim tɛ ninyi sɛɛ yɔng wu nibhɛ so ninɔn ne tom ɛKiriti na.

2 iKɔrɔntos 11:17

Sɔng nzi bo wu nzi mɔn ɛkɔn na ne ɛDaray kɛ yaak me nang, daa ne ibol ne hal ɛgyɛy de, nzi ma yung bol te ɛwamang.

2 iKɔrɔntos 11:20

ɛTsak i sɛ ɛdɛ ɛnyi gha kɛ bo nyini te ɛkpuru, ɛɛ ne bo ɛn ɛbɔk ne ɛbhɛ, hang ɛhaa ne ɛ phɔrɔt nikɔn mon yɔɔ, hang ɛhaa ne ɛɛ luk nyini yɔɔ, hang ɛhaa ne ɛ bɛɛs nyini wo, hang ɛhaa ne ɛ babha nyini nggaam yɔɔ.

2 iKɔrɔntos 11:26

Nggɛ hyel ihywel da kang-ka-kang. Nggɛ ne so ɛnu ne izɛn ndɔ ne ihel, ne n da so ɛnu ne izɛn ɛlɔ ninaa ɛyi, ne n da so ɛnu ne izɛn ɛlɔ niYahodawa nɛ nibhɛ so nigwaa nge, ne n da so ɛnu ne izɛn na ɛlɔ ninaa ne hame nibhɛ so niYahodawa. Nggɛ ne so ɛnu ne izɛn na ndɔ ne igbaang nigarang, ne n da so ɛnu ne izɛn na ndɔ nihay, ne n da so ɛnu ne izɛn na ndɔ nirenes. Nggɛ ne so ɛnu ne izɛn na ɛlɔ ninyi nɛ nibhɛ luk wu soye ninaa ne roos.

2 iKɔrɔntos 3:17

ɛDaray ya ɛbhɛ ne ɛ so iKabyik ge. ɛLɔ gha ne iKabyik ɛDaray de ne sonɛ wo, ninyi yɛ yaa ne sɛ ishwɛɛ ne ito nibhɛ.

iGalatiya 1:7

ɛTsak, sɔng idɛ ibol iyɛnɛng ngge sonɛ kang nang. Nggɛ boote ɛlɛ wo, daa ɛli nɛ nidɛng ninyi na sonɛ nɛ nibhɛ hyeem ibol iyɛnɛng ɛKiriti de ne nggɛ tɔng nyini wo.

iGalatiya 4:25

ɛHaga gha ɛbhɛ so te ɛWarang ne iSinay yo ne ɛbhɛ so ne ivel ne iRabiya de. Ɛbhɛ so te iYɛrushɛlɛm nten nɛdee wo daa ɛli ne ɛbhɛ wo nɛ ninɔn ɛbhɛ gbik nibhɛ soye nikpuru.

iGalatiya 4:3

Ɛlɛy ne iphɛ ne so ne njwɛɛn no, ɛli ne njwɛɛn kɛ tɔ tɛ ninɔn na, njwɛɛn kaa so nikpuru daa ne igbɔm ne ikpabyik ɛzay da.

iGalatiya 5:1

ɛKiriti ɛbhɛ kɛ phɔt njwɛɛn, sɔng njwɛɛn ne tɔ nikpuru nang. iPhɛ ɛlɛy, ne ɛ kyinak ɛn nting sɔng ɛ ta sim ɛn ta rop nyini ne nyang ngge tɛ nikpuru na nang.

iGalatiya 5:10

Nggɛ nang ne irway nge gbik daa ɛDaray, sɔng aa roos ɛn ibol ɛhak ɛnyi kang ne ideeng ngge nang. Gbik ɛnyi gha ne ɛ ne suruk nyini wo, ɛTaanggbey ya sɛ ne bak ɛbhɛ nggbang, sɔng ɛ sɛ sap ihywee ɛnyi de ne ɛ so nang.

2 ɛTimɔti 3:6

iHywee ninyi yɛdee nggyɛ wo i talane nibhɛ leesel ne idee ninyi tɛ nibhɛ luk nikuk nɛ nibhɛ so kyɔkyɔt ne ɛfɔt kɛ sɔ ito nibhɛ, ihyop igywebhe ta bok ihwet daa nibhɛ.

ɛYakub 1:25

ɛNyi gha ne ɛ kɛ kyii ne ihywɛɛ ɛbhɛ de daa ne phɛl imɛmɛ yɛdaa wo ne ifɛ so hyɔrɔ wo, ifɛ i nang ɛnyi gha ishwɛɛ ne ito ɛbhɛ da, yaa ne sit ɛbhɛ ne ɛwɛng daa nikɔn na ne ɛ mɔn no. Yaa sit ɛbhɛ ne ɛwɛng nga wu ɛ kɛ sang teye ɛhaa ne phok zɔng ɛ tenɛ bap, ɛ yang kyii teye ɛhaa ne ɛ kɛ yɛk ne ito ndɔ ne mɔn ɛtomɛ ne iphɛ.

1 ɛBiturus 2:16

Shɛɛ ɛn ishwɛɛ ne ito mon, sɔng ishwɛɛ ne ito mon da ne kyii te nyini ɛ yaa mɔn ɛn ɛfɔt nang, yang shɛɛ ɛn tɛ nikpuru ɛTaanggbey ya.

2 ɛBiturus 2:19

Nibhɛ kɛ ku sim ninyi na nɛ nibhɛ bo wu nibhɛ kɛ roos imɛmɛ nibhɛ da, nibhɛ yaa sɛ ishwɛɛ ne ito nibhɛ, ɛlɛy nibhɛ wo, nibhɛ ne ma kyi soye nikpuru ne ibebhe de daa ɛli ne ɛnyi gha i soye ɛkpuru ɛkɔn na ne ɛ kɛ kpuru ihywɛɛ ɛbhɛ de.

1 ɛYohana 4:1

Nyinɛn nigwaa nge ne nzi sim, sɔng ˆɛ nang ɛn ne itin nɛ ne gbik ɛnyi gha ne ɛ bo wu i bok ikabyik ɛTaanggbey de nang. Yang tɛrɛk ɛn nibhɛ te ˆɛ seng ɛn hang iphɛ le ɛlɔ ɛTaanggbey ya yɔɔ, daa ɛli nɛ ninabawa ne irywɛɛk gbom kɛ shwalat ndɔ ɛzay ya.

ɛYahuza 1:4

Daa ɛli nɛ nidɛng ninyi na sonɛ nɛ nibhɛ kɛ lel ndɔ mon no gying. Sɔng nibhɛ so ɛli ne ɛTaanggbey ya i sim mo nang. Nibhɛ kɛ misi izɛɛng ɛTaanggbey de iphɛ teye ɛnkiinɛ ne roos ihyop igywebhe ne ibek, nibhɛ ishamas ɛYɛso ɛKiriti yegha ne ɛbhɛ ɛ soye ɛndiinday ya gbik ne ɛDaray njwɛɛn na. Kaa ne ku haa ibol ne hyɛ nibhɛ ɛshara ne iku gha ndɔ ne ɛWee ne iBol ɛTaanggbey yo ne ile.