iGalatiya 2:2 - ɛWee ne ìTsɛm iHywas

² Ngga phɛ ɛnggyɛ wo daa ɛli ne ɛTaanggbey ɛbhɛ kaa ne tɔɔrek me ndɔ ne iyuwa wu te mbɛ ɛnggyɛ wo. Kaa ne sɛ nggɛ phɛ ɛnggyɛ, njwi ne bhɛ sɛme nɛ nidɛng nindiinday ninaa ne roos sa gying, ne n tɔng nibhɛ ɛli ne nzi ku tɔng ninyi na ne hame nibhɛ so niYahodawa na ibol iyɛnɛng ngge. Nggaa mɔn ɛlɛ wo daa ɛli ne nggaa bo ɛnik nibhɛ yaa yung mbaray mee, ɛtomɛ nge gha ji te buu.

iGalatiya 2:2 ပူးပေါင်းရင်းမြစ်များ

iGalatiya 2:6

Sɔng nzi sap ninyi na nɛ nibhɛ wɛɛ tɛ nibhɛ bhɛ soye nindiinday yɛwo nang, daa ɛli ne sɔng ɛTaanggbey ya bok sim ito nang. Sɔng nibhɛ kɛ ne ta hante ne ɛkɔn da ne bol nge de nang.

iFilibi 2:16

ˆɛɛ ta naas ɛn nibhɛ ibol ne nang iken de. iPhɛ sɛ te n hal ɛgyɛy ne nyinɛn ɛtuk ka ne ɛYɛso ɛKiriti gha sɛ bhɛ kyii wo, te iphɛ tɔɔrek wu hang nggbang nge da ne ilong nge kɛ te buu.

1 iTasɔlɔnika 3:5

iPhɛ ɛlɛy, kɛ sɛ nggɛ yaang naa sang yɛɛ ne bo ɛbɔk ka daa ne yɔm ne yaang nyini wo, ne n tom ɛTimɔti ye te n phok ɛli ne ìnang ne itin mon de so. Daa ɛli ne nggɛ wum ɛnik, nzi wɛɛ te ɛhaa ne luk ka yaa yung luk nyini ˆɛ hoghɛse ɛn, ɛtomɛ mos sa te buu.

iGalatiya 2:9

ɛYakub pa ne ɛBiturus sa, ne ɛYohana gha ne kaa ku bo nibhɛ tɛ nindiinday ya kaa ne ma seng wu ɛTaanggbey ya kɛ nang me ɛtomɛ yɛghaa wo. Nibhɛ ne sɔ iwɔ ne ìtsɛm ninaa ne roos. Nibhɛ ne sim me nɛ wu te mee wo ne ɛBanabas sa te njwi phɛ ɛlɔ ninyi na ne hame nibhɛ soye niYahodawa na tɛ nibhɛ wo ne ji phɛ ɛlɔ niYahodawa na.

1 iKɔrɔntos 9:26

iPhɛ ɛlɛy sɔng nzi ne tel nggbiy ɛbuu nang, sɔng nzi hal irywen ɛbuu nang.

1 iKɔrɔntos 1:23

Njwit to, njwi ne tɔng ibol ɛKiriti ne kɛ gangat daa ne ihon. iBol lɛ kɛ teye ɛkɔn ne kyibhɛ niYahodawa na, iphɛ ne kyi ta teye iwamang ɛlɔ ninyi na ne hame nibhɛ so niYahodawa na.

1 iKɔrɔntos 9:24

Ɛ yɛɛ ɛn ncɛncɛng, ninaa ne mat ishwaa da i so gbom, ɛnyi ɛdaan zɔng ɛbhɛ ne tel ɛbhɛ re ito yɛ. iPhɛ ɛlɛy ne ɛ see ɛn ito ɛli ne aa bhɛ re ɛn ito de.

1 iKɔrɔntos 2:2

Daa ɛli ne nggaa ku rop ndɔ ne irway nge, nten de ne nggaa so ɛlɔ mon na, wu hang naa bol ihak ibol kang ne ibol ɛYɛso ɛKiriti de ne idee ne igangat ɛbhɛ daa ne ihon no.

ɛTomɛ 15:12

Ninyi na ne kunggbyak gbik nibhɛ tenes ɛBulus sa ne ɛBanabas sa nibhɛ tɔng ɛli ne kaa lenɛ nibhɛ, ɛTaanggbey ya tɔɔsel nyu nikɔn ne kparat, nɛ ninaa ne ɛnik ndɔ ninyi na ne hame nibhɛ so niYahodawa na.

ɛTomɛ 15:4

Ne sɛ nibhɛ kɛ bhɛ tuu iYɛrushɛlɛm be, ninaa ne roos sa, nɛ ninɔn ne tom ma gbik nɛ ninu ne ikɔɔn na ne say nibhɛ. ɛBulus sa ne ɛBanabas sa ne tɔng nibhɛ nikɔn na gbik ne ɛTaanggbey ya kɛ mɔn lenɛ nɛ nibhɛ wo.

iFilibi 2:29

Say ɛn ɛbhɛ ne irway ihwala te ɛgwaa ndɔ ɛDaray ya. Nang ɛn ihywee ninyi yɛdee nggyɛ wo ne ndiinday ɛli ne iphɛ kɛ jam mɛ.

iGalatiya 1:16

Te ɛ phaal me irwisɛ ne seng ɛngɔn ɛbhɛ gha, te mbɛ tɔng ninyi na ne hame nibhɛ ne so niYahodawa na ibol iyɛnɛng ɛbhɛ de. Kaa ne sɛ ɛ kɛ mɔn ɛlɛ wo, sɔng nggaa ne bhɛ phom ɛnyi ɛli ne naa mɔn nang.

ɛTomɛ 23:11

Ne sɛ ɛlɔ yɛ kɛ teye ɛtuk, ɛDaray ya ne yɛɛs ɛ kyinak cɛcɛk ne ɛBulus sa ɛ yaak ɛbhɛ, “Te irway nviit! ɛLi ne ɛ kɛ tɔng ninyi na ibol nge de ne iYɛrushɛlɛm be iphɛ ne so nggbinggbing ɛ ta bhɛ tɔng iphɛ ɛlɛy ne iRooma de dɔng.”

ɛTomɛ 18:9

Ne sɛ ɛdɛ ɛtuk, ɛDaray ya ne bol ne ɛBulus sa ndɔ iyuwa ɛ bok ɛbhɛ, “Sɔng ɛ phok ɛnik kang, maa sɛɛ ito ne tɔng ibol de, sɔng ɛ shɛɛ nggbyak kang.

ɛTomɛ 5:34

Gbik ne iphɛ ɛlɛy, ɛdɛng ndɔ niFarisawa na ne i bok ɛbhɛ ɛGamaniyɛl ne ɛ ta so ɛhaa ne kpɛl ɛShara, nɛ ninyi na gbik kaa naas ɛbhɛ ne ndiinday ne yilitsik ndɔ ne itɔrɔng, ne ɛ yɛk ngɛ itɔrɔng ngge wuusik ninɔn ne tom ma ne izay nyɛɛn.

ɛMacu 10:16

“Phok ɛn, nggɛ tom nyini te ᐩigyol ntsabhak ne ihywɛ phɛɛs ɛlɔ nibabu ne izaram. Nɛ te ɛn ntsɛntsɛng te izɔ, te ɛn hywɛɛ te ihywihywaa.

ɛTomɛ 15:2

Sɔng ishamas ncɛt ne ɛBulus sa gbik ne ɛBanabas sa kaa ne re nɛ ninyi yɛnaa nggyɛ wo daa ne ibol lɛdee wo nang. iPhɛ ɛlɛy, ninaa ne roos sa ne karase ɛBulus segha ne ɛBanabas sa gbik nɛ nidɛng ninyi na nibhɛ tom nibhɛ ne iYɛrushɛlɛm be tɛ nibhɛ bhɛ sɛ ninɔn ne tom ma nɛ ninu ne ikɔɔn na nibhɛ phom nibhɛ ibol lɛ.

iRooma 9:16

iPhɛ ɛlɛy, sɔng ibol lɛ ne so daa ɛkɔn na ne ɛnyi gha i sim, hang ɛ kɛ mɔn nang, iphɛ yang so ibol ne san iyɔm ɛTaanggbey zɔng.

2 iKɔrɔntos 12:1

iPhɛ so nggbinggbing nggu i hal ɛggyɛy ya, nzi ne yɛɛ sɔng iphɛ yaa phyik ne ɛkɔn nang. ɛLyilyɛghaa wo, naa ne bol daa nikɔn na ne ɛDaray ya kɛ phaal me nɛ ndɔ nibok ne iyuwa.

iGalatiya 1:6

iPhɛ some ɛkɔn ne kparat ne ˆɛ kɛ shii hyere nyini ˆɛ tek ɛn ɛnyi gha ne ɛ kɛ yel-le nyini lenɛ ne izɛɛng ɛKiriti de ˆɛ yaa roos ɛn ɛhak ɛnkiinɛ wo ne ˆɛ wɛɛ ɛn te ɛbhɛ ɛbhɛ so ibol iyɛnɛng ngge.

iGalatiya 1:12

Sɔng nggɛ say iphɛ ɛlɔ ɛten ɛsii nang. Sɔng nggɛ ne ta mɛmɛ nɛ ɛlɔ ɛnyi nang. ɛYɛso ɛKiriti gha ne ito ɛbhɛ ɛbhɛ kɛ tɔɔrek me.

iGalatiya 5:7

Ɛ kaa tsa ɛ hyel ɛn yɛnɛng, ɛhay ɛbhɛ kɛ ne yaa ring nyini ne roos itin dee?

2 ɛTimɔti 4:7

Nggɛ ta itsom be yɛnɛng, nggɛ taal nggbiy da, nggɛ boos ìnang ne itin de byirik.

iBirani 12:1

iHywee nishɛɛda yɛdee wo so gbom nɛ nibhɛ kɛ te njwɛɛn gyɔɔ. Daa ɛli ne ihywee nishɛɛda yɛdee wo ne sonɛ ɛlɛ wo, ninaa nɛ nibhɛ kɛ tɔɔrek njwɛɛn ɛli ìnang ne itin da so wo, nɛ njwɛɛn hana gbik ɛkɔn na ne ɛ ring njwɛɛn ne ihywel da. Te njwɛɛn ta hana ɛfɔt to ne ɛbhɛ kɛ wum njwɛɛn no, te njwɛɛn rop irway i tel nggbiy yɛdaa wo ne mpɛ so ɛyisɛ njwɛɛn na.