iGalatiya 1:7 - ɛWee ne ìTsɛm iHywas

⁷ ɛTsak, sɔng idɛ ibol iyɛnɛng ngge sonɛ kang nang. Nggɛ boote ɛlɛ wo, daa ɛli nɛ nidɛng ninyi na sonɛ nɛ nibhɛ hyeem ibol iyɛnɛng ɛKiriti de ne nggɛ tɔng nyini wo.

iGalatiya 1:7 ပူးပေါင်းရင်းမြစ်များ

ɛTomɛ 15:24

‘Njwi phok wu nidɛng ninyi na kɛ le ɛlɔ mos ɛbɛ wo nibhɛ yɛɛs nibhɛ tak nyini iyɔm ne ivol nibhɛ, nibhɛ subhus ihywɛɛ mɔn, sɔng njwit njwi kɛ tom nibhɛ nang.

iGalatiya 5:10

Nggɛ nang ne irway nge gbik daa ɛDaray, sɔng aa roos ɛn ibol ɛhak ɛnyi kang ne ideeng ngge nang. Gbik ɛnyi gha ne ɛ ne suruk nyini wo, ɛTaanggbey ya sɛ ne bak ɛbhɛ nggbang, sɔng ɛ sɛ sap ihywee ɛnyi de ne ɛ so nang.

2 iKɔrɔntos 11:13

iHywee ninyi yɛdee nggyɛ wo soye ninɔn ne tom ne irywɛɛk, sɔng ninaa ne itin nɛ nang. Nibhɛ luk, nibhɛ sim tɛ ninyi sɛɛ yɔng wu nibhɛ so ninɔn ne tom ɛKiriti na.

iGalatiya 5:12

Ninyi yɛnaa wo nɛ nibhɛ suruk ihywɛɛ mon de daa ne ibol ne hyɛghɛ icwee da, nzi ne bo tɛ nibhɛ sɛɛ ma yung tuul ivaa nibhɛ gbik.

2 iKɔrɔntos 2:17

Sɔng njwi so te ɛbyin ninyi na nɛ nibhɛ sanga ibol ɛTaanggbey de tɛ nibhɛ tɔk iryat nang. Njwi yang so ninyi ne ɛTaanggbey ya ɛbhɛ ɛ kɛ tom njwii, njwii ne bol itin nɛ ɛTaanggbey i ne yɛɛ, daa ɛli ne njwi so ninaa ɛtomɛ ɛKiriti gha.

Nikɔn ne kɛ Phaal 20:3

ɛMalɛka gha kaa cwaak ɛbhɛ ndɔ ne ibong kyukyum be, ɛ cwaal, ɛ ji baa iphɛ te ɛ ring ɛbhɛ ne luk igbagha wo ishay ɛnom ɛdaan de phyii taal le. ɛTsim mɛ ɛlɛy ne ji biri ɛbhɛ i nang ɛbhɛ nten ncɛt.

2 ɛYohana 1:10

Wu ɛdɛ ɛnyi gha kɛ ne yɛɛs ɛ mɛmɛ nyini ne idɛ imɛmɛ da kang ne imɛmɛ yɛdaa wo, sɔng ne ˆɛ say ɛn ɛbhɛ nang, sɔng ˆɛ ma yung kyili ɛn ɛbhɛ nang.

1 ɛYohana 4:1

Nyinɛn nigwaa nge ne nzi sim, sɔng ˆɛ nang ɛn ne itin nɛ ne gbik ɛnyi gha ne ɛ bo wu i bok ikabyik ɛTaanggbey de nang. Yang tɛrɛk ɛn nibhɛ te ˆɛ seng ɛn hang iphɛ le ɛlɔ ɛTaanggbey ya yɔɔ, daa ɛli nɛ ninabawa ne irywɛɛk gbom kɛ shwalat ndɔ ɛzay ya.

Nikɔn ne kɛ Phaal 19:20

Ne wum inyam be ne ɛnɛbi ne rywɛɛk ka ne ɛ kɛ mɔn nikɔn ne kparat ta daa ne irywɛɛk ne inyam be. Ne nyu nikɔn ne kparat tɛnaa nggyɛ wo ne ɛnɛbi ne rywɛɛk kɛghaa nggyɛ wo kɛ luk ninyi na nɛ nibhɛ kɛ say ɛlamba ne inyam igywebhe gha nibhɛ re izazurum ne ihywɛ de ntsong ngaa. Ne wum inyam igywebhe de ne ɛnɛbi ne irywɛɛk ka i cwaak nibhɛ niken nɛ ndɔ ɛling ne igboo ne ifɛ re ne isɔlifa.

Nikɔn ne kɛ Phaal 13:14

iHywɛ ne luk ninyi ɛzay ya lenɛ nɛ nikɔn ne kparat ta ne kɛ nang ihywɛ ɛnkiinɛ yɛ ihywɛ mɔn ɛnu ɛyisɛ ne inyam ɛyisɛ de. iHywɛ ne yaak ninyi na wu tɛ nibhɛ ryɔng izazurum te i nang inyam ɛyisɛ de ne ndiinday. iNyam be ne kaa phok ihywɛ ikpom ba ihywɛ jung shɛɛ ɛken na.

Nikɔn ne kɛ Phaal 12:9

Ne top ɛgbaang ne izɔ igywebhe de ndɔ ne ivel. iZɔ ne ile yɛdee nggyɛ wo ne i yeres ihywɛ ɛPhoo gha, ne ɛShɛtan na. Ɛbhɛ ɛɛ luk ninyi ɛzay ya gbik. Kaa top ɛbhɛ nɛ nimalɛka ɛbhɛ na ndɔ ɛzay ya.

Nikɔn ne kɛ Phaal 2:20

Gbik ne phɛ ɛlɛy, ne ɛ jung bok nidɛng nikɔn na ncɛt daa ne ito mo ne hame nzi sim. Ɛ kɛ sim ibol ɛkuk ge ne i bok ɛbhɛ ɛJɛjɛbhɛl la, ne ɛ yeres ito ɛbhɛ de ɛnɛbi gha. I lenɛ ne imɛmɛ ɛbhɛ ne ɛ dyɛɛl nikpuru nge na nibhɛ ra nzangas, nibhɛ ta hap igunkyi itsanga.

Nikɔn ne kɛ Phaal 2:6

ɛDɛ ɛkɔn na ne sonɛ ne ɛ kɛ mɔn ne ɛ kɛ jam me; ɛ kɛ mbaray yɛ imɛmɛ ninyi ne iNikɔla ɛli ne nggɛ ma mbaray me.

Nikɔn ne kɛ Phaal 2:2

Nzi yɛɛ nikɔn na ne ɛ kɛ mɔn, nzi yɛɛ ɛtomɛ gha ne ɛ kɛ kyangase nɛ, ne ɛbɔk ka ne ɛ bok. Nzi yɛɛ ɛli ne hame ɛ bok ɛbɔk ka nɛ nibebhe ninyi na, nzi ne yɛɛ ɛli ne ɛ kɛ tɛrɛk ninyi na nibhɛ bo wu i soye ninɔn ne tom ma, kaabi nibhɛ sang kyii soye nɛ wo, ɛ ji seng wu nibhɛ soye ne nibo ne irywɛɛk ka.

ɛYahuza 1:4

Daa ɛli nɛ nidɛng ninyi na sonɛ nɛ nibhɛ kɛ lel ndɔ mon no gying. Sɔng nibhɛ so ɛli ne ɛTaanggbey ya i sim mo nang. Nibhɛ kɛ misi izɛɛng ɛTaanggbey de iphɛ teye ɛnkiinɛ ne roos ihyop igywebhe ne ibek, nibhɛ ishamas ɛYɛso ɛKiriti yegha ne ɛbhɛ ɛ soye ɛndiinday ya gbik ne ɛDaray njwɛɛn na. Kaa ne ku haa ibol ne hyɛ nibhɛ ɛshara ne iku gha ndɔ ne ɛWee ne iBol ɛTaanggbey yo ne ile.

2 ɛYohana 1:7

Nidɛng ninaa ne wul irywɛɛk ka, nɛ nibhɛ i bo wu hang ɛYɛso ɛKiriti gha kɛ yɛɛs ɛzay ndɔ ne ibek ɛten ɛsii de, kɛ ne shwalat ndɔ ɛzay ya ɛlyilyɛghaa wo. iHywee ninyi yɛdee nggyɛ wo nɛ nibhɛ luk ninyi na soye ninaa ne iphup ɛKiriti na.

1 ɛYohana 2:26

Nzi haa nyini nikɔn nɛnaa wo daa ne ibol ninyi de nɛ nibhɛ sim tɛ nibhɛ yaa luk nyini wo.

2 ɛTimɔti 2:18

Nibhɛ kɛ lap en, nibhɛ kɛ tek itin de. Nibhɛ bo wu yilitsik ne ikpuu da kɛ ku phee, nibhɛ bees ìnang ne itin ɛbyin ninyi de.

iGalatiya 6:17

Naa ne ta yaak nyini, sɔng ɛdɛ ɛnyi ne tang ta tak me iyɔm be nang, daa ɛli ne itsili de ne n bok ne ibek nge de kɛ tɔɔrek wu n some ɛkpuru ɛYɛso gha.

iGalatiya 4:17

Ninyi na nɛ nibhɛ tɔng nyini ivol lɛdaa bok ihywɛɛ nibhɛ daa mon gbom, sɔng icwas nibhɛ da kɛ ne jam nang. Nibhɛ sim tɛ nibhɛ yaa hosop nyini ne mee, te hywɛɛ mon kyii daa nibhɛ gbik.

iGalatiya 2:4

Kaa wuru ne ibol ne hyɛghɛ icwee da daa ɛli ne nidɛng nɛ nibhɛ luk wu i so nigwaa na mos kaa lel ndɔ mos so gying nibhɛ tɛ nibhɛ bees iphɔrɔt da ne njwi kɛ sɛ ɛlɔ ɛYɛso ɛKiriti, ɛlɛ wo nibhɛ kyi ta te njwii njwi kyii ta tes en nikpuru.

2 iKɔrɔntos 4:2

Njwi kɛ yang mbaray nikɔn ncwa na ne i rɛrɛs so, sɔng njwii iwul irywɛɛk nang, sɔng njwii hyeem ibol ɛTaanggbey de njwi tɔng nang. Njwii yang tɔng itin de wɛsɛrɛk, ɛTaanggbey i yɛɛ iphɛ ɛlɛy, gbik ninyi na ne yɛɛ wu iphɛ so itin nɛ ndɔ ne irway nibhɛ.

ɛTomɛ 20:30

Ndɔ mon no ne mang, sɛ ne ma sɛ nidɛng nɛ nibhɛ sɛ wuru nibhɛ tusup itin de, tɛ nibhɛ sɛ nibhɛ hɔ ihywɛɛ ninaa ne roos de ɛlɔ nibhɛ.

ɛTomɛ 13:10

Ne ɛ yaak ɛbhɛ, “Ɛ soyɛ ɛngɔn ɛShɛtan! Ɛ bok iphup nɛ nikɔn nicik gbik! Ɛ bok intsɛntsɛng igywebhe ne irywɛɛk. Aa ne kɔɔng ngɛ tang tɔ bees nkpiinɛ icik ɛDaray daa?

ɛMacu 24:24

Daa ɛli nɛ nikiriti ne irywɛɛk ka nɛ ninabawa ne irywɛɛk ka sɛ wuusi, nibhɛ tɔɔsel nyu ne igbaang nikɔn ne kparat tɛ nibhɛ luk ninyi na ne ɛTaanggbey ya kɛ ku kasa wo, wu nibhɛ yaa yɛɛ nɛ.

iGalatiya 1:6

iPhɛ some ɛkɔn ne kparat ne ˆɛ kɛ shii hyere nyini ˆɛ tek ɛn ɛnyi gha ne ɛ kɛ yel-le nyini lenɛ ne izɛɛng ɛKiriti de ˆɛ yaa roos ɛn ɛhak ɛnkiinɛ wo ne ˆɛ wɛɛ ɛn te ɛbhɛ ɛbhɛ so ibol iyɛnɛng ngge.