iGalatiya 1:4 - ɛWee ne ìTsɛm iHywas

⁴ ɛKiriti gha kɛ nang ito ɛbhɛ ɛlɔ ne ɛfɔt njwɛɛn te ne ɛ phɔt njwɛɛn ndɔ ɛzay ɛbebhe yeghaa wo ɛli ne ɛTaanggbey ya ne ɛ so ɛKyɛɛ njwɛɛn na i sim.

iGalatiya 1:4 ပူးပေါင်းရင်းမြစ်များ

ɛMacu 20:28

ɛLɛy ne ɛNgɔn ɛNyi gha ne mang, sɔng ɛ kɛ yɛɛs tɛ ninyi na mɔn ɛbhɛ nitomɛ nang, ɛ kɛ yang yɛɛs te ɛ mɔn ninyi na nitomɛ na, ɛ phyii nang iken ɛbhɛ ɛ phɔt nɛ ninyi gbom.”

iRooma 4:25

ɛTaanggbey ya kaa nang ɛYɛso yegha te ɛ ku ɛlɔ ne ɛfɔt njwɛɛn, kɛ ne yiisik ɛbhɛ tsik ndɔ ne ikpuu da te ɛ te i say njwɛɛn wu so cik ɛnu ɛyisɛ ɛTaanggbey ya.

iGalatiya 2:20

Kɛ gangat me ne daa ne ihon no ne ɛKiriti gha. Sɔng mee ndɔ phɔng nang, ɛKiriti gha ne so ɛken ndɔ mee. Nzi ne shɛɛ ishwɛɛ ne ibek ga ndɔ ɛzay yɛghaa wo lenɛ ìnang ne itin ndɔ ɛNgɔn ɛTaanggbey ya ne ɛ kɛ sim me ɛ nang ito ɛbhɛ ɛlɔ mee.”

1 ɛBiturus 2:24

ɛKiriti gha ne ito ɛbhɛ, ɛ kɛ bo ɛfɔt njwɛɛn no ne ibek ɛbhɛ daa ne ihon ne gangat te njwɛɛn te te ikpom ne kɛ ɛlɔ ne ɛfɔt to, kaabi ɛlɛy njwɛɛn so niken i ihywel icik. Te ɛli ne kɛ haa i bo, “Kɛ lenɛ ne inuu de ne kaa yaak ɛKiriti yegha nɛ wo, ɛ kɛ ne tes ɛn niken.”

ɛTitus 2:14

ɛYɛso ɛKiriti gha ɛbhɛ kɛ nang ito ɛbhɛ te ɛ phɔt njwɛɛn ndɔ ne ibebhe de, te ɛ kɛ ne kuus njwɛɛn, te njwɛɛn teye ninyi ɛbhɛ zɔng, niwɛwɛy yɛ, njwɛɛn has irway ne mɔn nikɔn niyɛnɛng.

2 iKɔrɔntos 4:4

ɛShɛtan na ne i re ɛbhɛ ntsong ngaa, ne ɛbhɛ ɛ so ɛTaanggbey ne izam mɛghaa wo ne ɛ phebhe wo kɛ cwaal ninaa nɛ nibhɛ kɛ sang nang ne itin nɛ wo irway, tɛ nibhɛ sang yaang iwɛwɛy ne ito-ndiinday ne iBol iYɛnɛng ɛKiriti de ne ɛbhɛ soye izazurum ɛTaanggbey de.

1 ɛTimɔti 2:6

Ɛbhɛ ɛ kɛ nang ito ɛbhɛ te ɛ say ninyi na gbik. ɛNggyɛ wo bhɛ ne soye ishɛɛda ne kaa tɔɔl cɛcɛɛy nten de ne ɛTaanggbey ya i sim tɛ sɛ phɔt ninyi na gbik ko.

iFisus 2:2

Nten nɛdee nggyɛ wo ˆɛ kaa ne i roos ɛn icwas ɛzay yɛdaa wo nɛ, ˆɛ roos ɛn ɛShɛtan ne ne ɛ re igbɔm daa ikpabyik ɛzay ne i sang yaang. Ɛbhɛ ɛ soye ikabyik kɛdee nggyɛ wo ne iphɛ mɔn ɛtomɛ gha ndɔ ne irway nisang-phok.

1 iTasɔlɔnika 3:13

Te ɛDaray ya yɛk ngɛ irway mon hante ne ihwet, te tul nyini kang, wɛlɛng ɛkɔn ne tok ɛnu ɛyisɛ ɛTaanggbey ya ne ɛbhɛ ɛ so ɛTaa gha, ɛtuk ka ne ɛDaray njwɛɛn ɛYɛso gha sɛ bhɛ kyii nɛ ninyi ɛbhɛ na.

iRooma 12:2

Sɔng ɛ tek ɛn icwas mon da te ɛli icwas ninaa ɛzay yɛnaa wo so wo nang, yang tek ɛn te ɛTaanggbey yegha sunu icwas mon da gbik, ɛ te icwas mon da teye ifas sɛ, aa ne ji yɛɛ ne seng ɛn ɛkɔn na ne ɛTaanggbey ya i sim mo, ne ɛkɔn na so ɛyɛnɛng ngɛ wo ne ɛhaa ne ɛ so hyɔrɔ wo.

iFilibi 4:20

Te ne nang ɛTaanggbey njwɛɛn na ne ɛKyɛɛ njwɛɛn na ne ndiinday ne ishay-ishay. Ɛɛy.

iFisus 5:2

Shɛɛ ishwɛɛ ne ishwim ɛli ne ɛKiriti gha kɛ sim njwɛɛn no, ɛ phyii nang ito ɛbhɛ de ɛlɔ njwɛɛn na te ɛkɔn ne hap itsanga gha ne ɛ bok ɛnkyinkyɔp ɛyɛnɛng nga ne kɛ hap ɛTaanggbey yegha ne itsanga de.

Nikɔn ne kɛ Phaal 1:5

Ne izɛɛng ne irway ne laal ne ifɛ le ɛlɔ ɛYɛso ɛKiriti ne ɛbhɛ soye ɛshɛɛda ne sɛ kyinak daa ne ibol ɛbhɛ. Ne ɛ soye ɛngɔn ɛkɔɔn ndɔ ninaa ne yiisitsik ne ikpuu da. Ne ɛbhɛ ɛ soye ɛgɔm nigɔm ɛzay ya. Te nang ɛbhɛ ne ndiinday ne ɛbhɛ ɛ sim njwɛɛn, ɛ kɛ sɔnɔ njwɛɛn ndɔ ne ɛfɔt njwɛɛn no lenɛ nɛ neyi ɛbhɛ ne ɛ kɛ lok.

Nikɔn ne kɛ Phaal 5:9

Nibhɛ ne ji yaak ne iywel ifas, nibhɛ bo, “ˆƐ kɛ hɔn aa bo ɛwee ne ihuhu wo, ˆɛ ta bal icwɛɛm mɛ. Daa ɛli ne kaa phoo yɛ, ne lenɛ nɛ neyi mo na ɛ say ɛTaanggbey ye ninyi gbarang. Ninyi yɛ ne le ne itaang ɛzay de, gbik ne ilwem ɛzay de, ne ihywee ɛzay de gbik ne igbagha ɛzay yo.

1 ɛYohana 3:16

ɛLɛ ne njwɛɛn i seng ɛli ne ishwim ba so: ɛYɛso gha kɛ nang iken ɛbhɛ ɛlɔ njwɛɛn. iPhɛ ne so nggbinggbing njwɛɛn ma nang iken njwɛɛn de ɛlɔ nigwaa njwɛɛn na.

1 ɛYohana 2:2

ɛYɛso ɛKiriti gha ɛbhɛ ɛ soye itsanga de ne kɛ hap mɛ te ɛTaanggbey ya hana njwɛɛn ne ɛfɔt njwɛɛn no, sɔng ma yung so ɛfɔt njwɛɛn zɔng nang, gbik ne ɛfɔt ninaa ɛzay yo.

1 ɛBiturus 3:18

ɛLɛy ne iphɛ kaa ne so daa ɛKiriti gha. Ɛ kaa so cik ne ɛ ku ɛlɔ ninyi nɛ nibhɛ sang so cik. Ɛ kaa ku ɛlɔ ne ɛfɔt ɛdaan zɔng te ɛ phɛ nɛ nibhɛ ɛlɔ ɛTaanggbey. Kaa phoo ɛKiriti yegha ndɔ ne ibek, ne yiisik ɛbhɛ ndɔ ne ikabyik.

ɛYakub 4:4

Nyinɛn no ne ˆɛ kɛ sang kyinak ɛn daa ibol de ne ɛ kɛ sim ɛn ɛTaanggbey yegha nɛ wo! ˆƐ doo ɛn ɛli ne isaa de ne ɛzay ya soye iphup be ne ɛTaanggbey ya naa? Gbik ɛnyi gha ne ɛ kɛ kasa aa wum isaa de ne ɛzay ya, ɛ kɛ ne teye ɛhaa ne iphup ɛTaanggbey ya.

iBirani 6:5

Ninaa nɛ nibhɛ kɛ ne ta phɔwɔ ɛnggɔnggɔɔt ne ibol ɛTaanggbey yo, gbik ne ihwet nten da ne ɛTaanggbey ya bok ne ihwet da,

2 iTasɔlɔnika 2:16

Te ɛDaray ɛYɛso ɛKiriti njwɛɛn na ne ito ɛbhɛ gbik ne ɛTaanggbey ya ne ɛ soye ɛKyɛɛ njwɛɛn na, ne ɛ kɛ sim njwɛɛn no, ɛ wɔrɔp njwɛɛn no, ɛ ta nang njwɛɛn iyɛk ne irway iywɛnɛng ngga, lenɛ ne izɛɛng ɛbhɛ de,

ɛYohana 12:31

ɛLyilyɛghaa wo ne yaa bol ɛzay ya ɛshara gha; ɛlyilyɛghaa ne yaa ji roos ɛgɔm ɛzay yɛghaa wo ne igbom ɛbhɛ da.

ɛMacu 26:28

Neyi nge naa wo ne kɛ lok tɛ nibhɛ yaa shwaak ìtsɛm ihywas daa ninyi na gbom.

iBirani 9:14

Neyi ɛKiriti na ne phyin neyi nikɔn nɛnaa nggyɛ wo gbom. Kɛ lenɛ ne iKabyik ne inat tɛdee nggyɛ wo ɛKiriti gha ne ɛ sang ɛkɔn ne tok ka ne nang ɛTaanggbey yegha ito ɛbhɛ gbik. ˆƐ kɛ mɔn ɛlɛ wo te ɛ kuus icwas ne irway njwɛɛn, te njwɛɛn tek nikɔn na nɛ nibhɛ aa sang phyik njwɛɛn no, njwɛɛn yaa re ɛTaanggbey ne iken na ntsong.

iBirani 2:5

Sɔng i bo wu ɛTaanggbey ya kɛ nang nimalɛka na igbɔm ɛzay da ne ɛ sɛ yaaso wo nang, ɛzay ya ne njwi bol ibol ɛbhɛ.

1 iTasɔlɔnika 3:11

Te ɛTaanggbey ya ne ɛbhɛ ɛ so ɛTaa gha ne ito ɛbhɛ, ne ɛDaray njwɛɛn ɛYɛso gha phaal njwii ɛnkiinɛ ne yɛɛs ɛlɔ mon na.

iFisus 6:12

Daa ɛli ne sɔng njwɛɛn cwaasek en nɛ niten ne sii nang. Njwɛɛn i yang cwaasek en ne ikpabyik ivebhe ɛdaa ne irywa, nɛ nigɔm ne ikpabyik ivebhe da nɛ nibhɛ bok igbɔm ɛzay yɛdaa wo, gbik ne ikpabyik ivebhe ne ifɛ i hyel daa ne igbil.

iFisus 1:11

Ndɔ ɛKiriti gha ne kɛ kasa njwɛɛn nɛ te njwɛɛn teye ninyi ɛTaanggbey ya. Kaa ne ku kasa njwɛɛn no lenɛ ne iyɔngɔ ɛbhɛ, ɛbhɛ wo ne ɛɛ mɔn nikɔn na gbik ɛli ne icwas ɛbhɛ da so wo.

iGalatiya 6:14

Sɛɛ so te me wo, sɔng naa ne hal ɛgyɛy ya nang. Wu naa yung hal ɛgyɛy ya, naa ne hal daa ne bol ne gangat ɛDaray njwɛɛn ɛYɛso ɛKiriti ye, daa ɛli ne ibol ne gangat ɛYɛso yede kɛ te nikɔn ɛzay ya te te ikom ɛlɔ nge gha, nggɛ ne ma te te ikom mɛ ɛlɔ nikɔn ɛzay ya.

iRooma 8:32

Ɛbhɛ ɛTaanggbey ya ne kɛ ring njwɛɛn ne ɛNgɔn ɛbhɛ gha, ɛ yang kyii nang ɛbhɛ ɛlɔ njwɛɛn na gbik ko. Wu ɛ kɛ ne mɔn ɛlɛ wo ɛ sɛɛ ne mɔn ɛli ɛ sang nang njwɛɛn nikɔn na gbik ne irway ijwaan daa?

iRooma 8:3

ɛKɔn na ne iMɛmɛ ɛMuusaa da kɛ sang yɛɛ ne mɔn nɛ daa ɛli ne ɛten ɛsii gha kɛ taasek, ɛTaanggbey ya kɛ ne mɔn. ɛTaanggbey ya kɛ phoo ihwet ne ɛfɔt to ndɔ ne ibek ɛten ɛsii de lenɛ ne ɛ kɛ tom ɛNgɔn ɛbhɛ ndɔ ne ibek ɛten ɛsii ne iphɛ so cɛcɛɛy idee ne ɛfɔt, te ɛ bunga ɛfɔt to.

iRooma 1:7

Nyinɛn no ne ɛ so ɛn iRooma de ne ɛTaanggbey ya i sim nyini ɛ kɛ ta yel-le nyini te ɛ shɛɛ ɛn kang, Te izɛɛng ne irway ne laal ɛTaanggbey ne ɛ so ɛkyɛɛ njwɛɛn gbik ne ɛDaray ɛYɛso ɛKiriti shɛɛ ne nyinɛn.

ɛYohana 10:11

“Mee nzo ɛhaa ne ntsabhak ɛyɛnɛng nga. ɛHaa ntsabhak ɛyɛnɛng nga nang iken ɛbhɛ ɛlɔ ne ntsabhak ɛbhɛ de.

ɛYohana 6:38

Daa ɛli ne sɔng nggɛ le daa ne irywa wo n yɛɛs so te mɔn ɛkɔn na ne nzi sim nang. Nggɛ yang yɛɛs te mɔn ɛkɔn na ne ɛhaa ne ɛ kɛ tom me wo i sim.

ɛYohana 5:30

Sɔng nzi mɔn ɛdɛ ɛkɔn na ne ito nge nang; nzi bol ninyi ɛshara gha ɛli ne ɛKyɛɛ nge tɔng me. iPhɛ ɛlɛy yang, ɛshara nge gha ne so cik, daa ɛli ne sɔng nzi mɔn ɛkɔn na ne ne ito nge nang, nzi mɔn ɛkɔn na ne ɛhaa ne ɛ kɛ tom me wo ɛ sim.”

ɛLuka 22:42

ɛ yaak ɛbhɛ, “ɛTaa, sɛɛ yɔng aa sim, ɛ sɛɛ ne ba me ɛhyihyangas nggbang ngɛdaa wo. Gbik ne iphɛ ɛlɛy, sɔng nzi ne bo wu te ɛ roos ideeng nge de nang, idee mo ne aa ne roos.”

ɛMarakus 10:45

Mee ɛNgɔn ɛNyi gha sɔng nggɛ yɛɛs ndɔ ɛzay ya tɛ ninyi na mɔn me nitomɛ nang. Nggɛ yang yɛɛs te mɔn ninyi na ɛtomɛ gha. N phyii nang iken nge ɛlɔ ne ikpen ninyi ba.”

ɛMacu 26:42

ɛYɛso gha ne ta kyii, ikyii ne ifaa yɛ ɛbhɛ boote ne ɛTaanggbey ya ɛ yɔngɔ, “ɛKyɛɛ nge, wu phɛ so ngbingbing te ne roos ibol mo de.”

ɛMacu 6:9

“Yaa sɛ aa bol ɛn ne ɛTaanggbey ya, te ne ɛ yɔng ɛn, ‘ɛTaa mos daa ne irywa, te nang irywɛɛk mo wo ne ndiinday,

Nikɔn ne kɛ Phaal 7:9

Ɛtsim nikɔn nɛnaa wo, ne nyɛɛn, ne n yaang ɛgbaang ne idira ne hame ɛnyi sɛ yɛɛ ne tɔng ngɛ. Nibhɛ kaa les ne igbagha ɛzay yo, ne ihywee ɛzay de, ne itaang ɛzay de gbik ne ilwem ɛzay da gbik, nibhɛ kɛ kyinasek ɛnu ɛyisɛ ɛcuruu ne igbɔm ma ne ɛNgɔn ne Pharak ka. Nibhɛ so ndɔ ne itsura dɔrɔng ihwala yɛ, nibhɛ ne ji bok ivee ne izezeres ne bo nibhɛ.

iRooma 8:27

ɛTaanggbey ya ne ɛ wɛɛ ndɔ irway njwɛɛn da ɛbhɛ yɛɛ irway njwɛɛn da, ɛ ne ku yɛɛ icwas ne iKabyik ga, daa ɛli ne iKabyik ge iphɛ bol ne ɛTaanggbey ya ɛlɔ ninyi niwɛwɛy ɛbhɛ na ɛli ne ɛ sim.

ɛLuka 22:19

Ne ɛ bo ibɛrɛdi de, ɛ tɔɔl ɛTaanggbey ye irway ihwala, ɛ kpɛl iphɛ, ɛ ji nang nibhɛ ɛ yaak nibhɛ, “iBek ngedee wo ne kɛ nang ɛlɔ mon, ku i mɔn ɛn ɛlɛ wo te ne ɛ tas ɛn ne mee.”

ɛMacu 13:22

iHywee de ne ihywɛ kɛ ne ho ndɔ ne itsutsɔ da ne so te ninyi na ne i sɛ nibhɛ kɛ phok ibol ɛTaanggbey de nang, icwas nikɔn ɛzay, ne tɔk iryat ne cwaal nibhɛ, iphɛ ring ibol de ne hɔn ndɔ ne irway nibhɛ da, sɔng iphɛ ne tang yɛk ɛkɔn nang.

1 iKɔrɔntos 15:3

ɛKɔn na ne ɛ shɛs gbik ndɔ nikɔn na ne nggɛ say yo ɛbhɛ ne nzi ne ma tɔng nyini. Ɛbhɛ ghaa lɛ, ɛKiriti gha kaa ku ɛlɔ ne ɛfɔt njwɛɛn, ɛli ne kɛ haa ndɔ ɛWee ne iBol ɛTaanggbey yo,

iFisus 5:16

Mɔn ɛn ɛtomɛ ɛyɛnɛng ne gbik nten de ne ˆɛ kɛ sɛ ɛn, daa ɛli nɛ nituk kɛnaa wo so nibebhe yɛ.

1 iTasɔlɔnika 1:3

Njwii tas ne nyinɛn ɛnu ɛyisɛ ɛTaanggbey ya ne ɛ so ɛTaa gha. Njwii tas ne ɛtomɛ gha ne ìnang ne itin mon da i tɔɔsel lo, ne ɛtomɛ gha ne ɛ mɔn ɛn lenɛ ne ishwim mon da, gbik ne rop iku mon de ne ɛ bok ɛn lenɛ ne sit ne irwisɛ da daa ɛDaray njwɛɛn ɛYɛso ɛKiriti gha.