iFisus 6:9 - ɛWee ne ìTsɛm iHywas

⁹ Nyinɛn nikyɛɛ ne ijwee na, ne ˆɛ mɔn ɛn nikpuru mon ɛlɛy, sɔng ˆɛ baasek nibhɛ ɛnik ko nang. Daa ɛli ne nyinɛn no nɛ nibhɛ wo gbik ˆɛ bok ɛKyɛɛ ne ijwee ɛdaan nɛ daa ne irywa, sɔng ne ɛ bok sim ito nang.

iFisus 6:9 ပူးပေါင်းရင်းမြစ်များ

ɛMacu 22:10

Nikpuru ɛGɔm ma ne roos nkpiinɛ da, nibhɛ banas ninyi na nɛ nibhɛ kɛ sɛɛs, niyɛnɛng ngɛ, nɛ nibebhe yɛ gbik. Ninyi na ne yɛɛs ndɔ ne ijwee ne idira de hywet.

ɛMacu 22:8

“ɛGɔm ma ne yaak nikpuru ɛbhɛ na, ‘Kɛ ku ryɔng nikɔn ne idira na, ninaa ne kɛ ku tɔng nibhɛ wo, sɔng nibhɛ ne so ɛli nɛ nibhɛ yaa re idira de nang.

ɛMacu 24:48

Wu ɛkpuru yɛghaa nggyɛ wo ne so ɛbebhe, aa ne yaak ito ɛbhɛ de, ‘Sɔng ɛkyɛɛ ne ijwee nge gha yaa wɔɔ ne bhɛ kyii nang.’

ɛMacu 24:51

ɛKyɛɛ ne ijwee ɛkpuru yɛghaa nggyɛ wo sɛ ne bak ɛbhɛ nggbang gbom, ɛ cwaak ɛbhɛ ɛlɔ gha ne ku kɛ tek niluk ghe nɛ. ɛNggyɛ wo ne ɛ sɛ bhɛ san ɛ re izinɛ.

ɛMacu 7:12

iPhɛ ɛlɛy, mɔn ɛn ninyi na ɛkɔn na ne ɛ sim te sɛ mɔn nyini nɛ, ɛlɛy ne iMɛmɛ ɛMuusaa da nɛ ninabawa na bol.

ɛLuka 6:31

Mɔn ɛn ninyi na ɛkɔn na ne ɛ sim ɛn te sɛ mɔn nyini nɛ wo.

ɛYohana 13:13

Ɛ yeres ɛn mɛɛn ɛKyɛɛ ne icwam, ne ɛDaray, iphɛ ne so kancɛng ɛlɛ wo, daa ɛli ne ɛlɛy ne nzo.

ɛTomɛ 10:34

ɛBiturus sa ne tsa ivol ba, ne ɛ yɔngɔ, “ɛLyilyɛghaa wo nggɛ ne ji seng, sɔng ɛTaanggbey ya bok sim ito nang

iRooma 2:11

Sɔng ɛTaanggbey ya i tɔɔrek sim ito nang.

1 iKɔrɔntos 1:2

Ɛbhɛ phɛɛs ɛlɔ ninaa ne roos ɛgarang iKɔrɔntos, ne ɛlɔ ninyi ne kɛ tek ɛTaanggbey ye nɛ ndɔ ɛYɛso ɛKiriti. Ne ɛlɔ ninyi ne kɛ yel-le nibhɛ tɛ nibhɛ teye ninaa ɛTaanggbey gbik nɛ ninyi nilɔ na kang-ka-kang nɛ nibhɛ yeres daa ne irywɛɛk ɛDaray ɛYɛso ɛKiriti ne ɛ so ɛDaray nibhɛ gha gbik ne ɛhaa njwɛɛn na.

1 iKɔrɔntos 7:22

Gbik ɛnyi gha ne ɛ kaa soye ɛkpuru gha nyɛɛn kyi yel-le ɛbhɛ ɛlɔ ɛDaray ya, sɔng ne ɛ ta tɔye ɛkpuru nang, ɛDaray ya kɛ sɔnɔ ɛbhɛ. ɛLɛy ne ɛnyi gha ne ɛ kaa sang so ɛkpuru gha nyɛɛn ɛDaray ya kyi yel-le ɛbhɛ wo, ɛ kɛ ne teye ɛkpuru ɛKiriti.

iKɔlɔsi 3:25

ɛHaa ne mɔn ibebhe de sɛ ne bhɛ say ibebhe ɛbhɛ de, wɛlɛng i sim ito.

iKɔlɔsi 4:1

Nyinɛn nikyɛɛ ne ijwee, boos ɛn nikpuru mon na cik, nang ɛn nibhɛ ɛkɔn na ne ɛ kɛ jam, daa ɛli ne ˆɛ yɛɛ ɛn ˆɛ ma bok ɛn ɛKyɛɛ ne ijwee gha daa ne irywa.

ɛYakub 2:13

Daa ɛli ne nten ne bol ɛshara de, sɔng ɛTaanggbey ya sɛ ne san iyɔm ɛnyi gha ne ɛ kɛ sang san iyɔm ɛbyin ninyi na nang. iSan iyɔm be sɛ ne yang re ɛwɛng daa ne hyɛ ɛshara gha.

ɛYakub 2:8

Wu ˆɛ kɛ ne ɛ roos ɛn iMɛmɛ ne igbɔm ɛTaanggbey da ne kɛ haa ndɔ ɛWee ne iBol ɛTaanggbey de i bo, “Sim ɛhaa ɛcɛcɛk mo gha ɛli ne ɛ sim ito mo,” ˆɛ kɛ ne mɔn ɛn ɛkɔn ɛyɛnɛng.

ɛYakub 5:4

ˆƐ kɛ mbaray nyini tang tal ɛn ninyi na nɛ nibhɛ kɛ mɔn nyini ɛtomɛ ne ihap mon na, nibhɛ i ne san. iShwin ninaa nɛ nibhɛ kɛ pha nyini ire de kɛ ne bhɛ hɔn ɛlɔ ɛTaanggbey, ɛDaray ne iTo Gbik.