iFisus 6:5 - ɛWee ne ìTsɛm iHywas

⁵ Nyinɛn nikpuru wo, roos ɛn ibol nikyɛɛ ne ijwee mon ɛzay yɛghaa wo. Nang ɛn nibhɛ ne ndiinday te ˆɛ phok ɛn ɛnik nibhɛ ndɔ nikɔn na gbik ne irway ijwaan ɛli ne ɛ roos ɛn ɛKiriti yegha.

iFisus 6:5 ပူးပေါင်းရင်းမြစ်များ

ɛMacu 6:22

“iRwisɛ da ifɛ ifɛ so ɛpitila ne ibek ko, wu irwisɛ mo da ne so yɛnɛng ibek mo de ya ne so hyɔrɔ wɛwɛy.

ɛMacu 6:24

“Sɔng ɛnyi gha yaa yɛɛ ne boos nikyɛɛ ne ijwee na ifaa nang, aa sim ɛdaan ne ɛ ji mbaray ɛdɛng; aa roos ɛdaan nɛ ɛ ji bɛɛs ɛdɛng. Sɔng aa ne yɛɛ ne i roos ɛTaanggbey yegha ɛ kyii ta i sim ijam be nang.

ɛMacu 8:9

Daa ɛli ne mee wo, ma n bok ndiinday, ne n bok nisooja ne nzi ma wɛɛ nibhɛ. Nzi ne yaak ɛdɛng, ‘Cwi ɛnggyɛ,’ ne ɛ phɛ. Ne n da yaak ɛdɛng, ‘Yɛɛs ɛbɛ,’ ne ɛ yɛɛs. Wu nggɛ ne yaak ɛkpuru nge gha, ‘Mɔn ɛlɛ,’ aa ne mɔn.”

ɛTomɛ 2:46

iZenge ne ihwɛlɛ, nibhɛ ne i tumɛ ɛn ndɔ ɛsaa ne iDeng nga, nibhɛ ne i roos idee-idee nibhɛ re en ire ndɔ ne izinɛ ne ishwɛ ne irway ilyaak.

iRooma 9:3

Sɛ ma yung yɔng nggɛ te me ɛhaa ɛkawɛy i hosop me ne ɛKiriti gha tɛ nigwaa nge ne ihywee nge ndɔ ne iyɛk ne ibek sɛ iphɔrɔt.

1 iKɔrɔntos 2:3

Nggaa tsa n yɛɛs ɛlɔ mon na kyɔkyɔt, nzi kparat daa ɛli nggaa bok ɛnik.

1 iKɔrɔntos 7:22

Gbik ɛnyi gha ne ɛ kaa soye ɛkpuru gha nyɛɛn kyi yel-le ɛbhɛ ɛlɔ ɛDaray ya, sɔng ne ɛ ta tɔye ɛkpuru nang, ɛDaray ya kɛ sɔnɔ ɛbhɛ. ɛLɛy ne ɛnyi gha ne ɛ kaa sang so ɛkpuru gha nyɛɛn ɛDaray ya kyi yel-le ɛbhɛ wo, ɛ kɛ ne teye ɛkpuru ɛKiriti.

2 iKɔrɔntos 1:12

Njwii lɛng ɛgyɛy daa ɛli ne icwas ne irway mos kɛ tɔɔrek wu njwi kɛ shɛɛ ishwɛɛ kang, ne irway mos ijwaan ndɔ ɛzay ya. Yang ji so ndɔ ne ishwɛɛ da ne njwi kɛ shɛɛ ne nyinɛn no. Naa yɔng njwi kɛ mɔn ɛlɛ wo ndɔ ne itin nɛ te ɛTaanggbey lenɛ ne izɛɛng ɛTaanggbey de, sɔng ne ntsɛntsɛng ɛzay yɛdee nang.

2 iKɔrɔntos 7:15

iShwim ba ne ɛTitus sa i sim nyini wo i hanas se nɛ gbom, i sɛ ɛ kɛ taate ɛli ne ɛ kaa sim ɛ roos ɛn ibol ɛbhɛ de, ɛli ne ɛ kaa say ɛn ɛbhɛ ndɔ ndiinday de ne ɛnik ko.

iFisus 5:22

Nyinɛn nikuk ko, nang ɛn ito mon daa ne niras mon na, ɛli ne ˆɛ kɛ nang ɛn ito mon de daa ɛDaray ya.

iFisus 6:24

Te izɛɛng ɛTaanggbey de shɛɛ daa ninyi gbik nɛ nibhɛ i sim ɛDaray ɛYɛso ɛKiriti yegha ne ishwim ba ne ifɛ sang ɛgak ko. Ɛɛy.

iFilibi 2:12

iPhɛ ɛlɛy, nyinɛn no ne nzi sim mo, ɛli ne ɛ ku roos ɛn ibol nge de ne i sɛ nzo nɛ nyinɛn no, nzi ne roro nɛ nyinɛn ɛlyilyɛghaa wo ne n sang sonɛ nɛ nyinɛn no, hante ɛn ne roos sɛ. Mɔn ɛn ɛtomɛ ne irway mon gbik ɛli ne iphɔrɔt mon da yaa tɔɔl le kpas. Mɔn ɛn ndɔ ne kparat ne ɛnik ɛTaanggbey.

ɛFilimɔn 1:16

Sɔng nzi bo te ˆɛ say ɛbhɛ te ɛkpuru nang, yang say ɛbhɛ ɛ phyin ɛkpuru gha, say ɛbhɛ te ɛgwaa ndɔ ɛDaray. Nzi sim ɛbhɛ, ˆaa ne sim ɛbhɛ ˆɛ shɛs. Say ɛbhɛ te ɛten ɛsii gbik ne ɛgwaa mo ndɔ ɛDaray.

1 ɛBiturus 3:2

Yaa sɛ nibhɛ kɛ yaang ìhywɛɛ mon de ne so iwɛwɛy yo, ne hyere nibhɛ.