iFisus 6:21 - ɛWee ne ìTsɛm iHywas

²¹ Naa ne tom ɛTikyikus se, ɛgwaa mos ne njwii sim, ne ɛ mɔn ɛtomɛ ɛbhɛ gha ndɔ ɛDaray ɛli ne sɛ kyinak daa ne ibol ɛbhɛ. Aa ne tɔng nyini nikɔn na gbik, tɛ ne ˆɛ ma seng ɛn ncaang nge gbik ɛli ne nzo.

iFisus 6:21 ပူးပေါင်းရင်းမြစ်များ

ɛTomɛ 20:4

Nidɛng ninyi ne kaa ne roos ɛBulus segha ne ihywel da, nibhɛ kaa ne so ɛlɛ: ɛSopata ne ɛ kaa so ɛngɔn ɛPiryus ne ɛ le ne iBiriya, gbik ne ɛRisitakus ne ɛSɛkundus nɛ nibhɛ kaa le ne iTasɔlɔnika, ne ɛGayus ne ɛ kaa le ne iDaribe, ne ɛTimɔti, ne ɛTikyikus gbik ne ɛTorofimos nɛ nibhɛ kaa le ne ivel ne ɛShiya.

2 ɛTimɔti 4:12

Nggɛ tom ɛTikyikus se ne iFisus.

ɛTitus 3:12

Ya sɛ nggɛ tom ɛTimas segha, hang ɛTikyikus sa ɛlɔ mo gha, te ɛ ne ˆɛ tukit, ˆɛ yɛɛs ˆɛ sɛ me ne iNikafolis ne ivel iGiris, daa ɛli ne nzi sim te nzɛ re ikos ɛnggyɛ wo.

2 ɛBiturus 3:15

Seng ɛn iphɛ ndɔ ne irway mon wu ɛDaray njwɛɛn na bok ɛbɔk ka daa ɛli ne ɛ sim tɛ ninyi sɛ iphɔrɔt. ɛLɛ wo ne ɛgwaa njwɛɛn ɛBulus sa kaa ne ma haa nyini nɛ ndɔ ne ishweng ngga ne ɛTaanggbey kɛ nang ɛbhɛ.

1 ɛBiturus 5:12

ɛSilibanos ne ɛ soye ɛgwaa, ɛhaa ne ɛ so sɛ kyinak daa ne ibol ɛbhɛ ndɔ ne ibol ne roos de, ɛbhɛ kɛ phyik me ne haal ɛwee yɛwoo wo. Nggɛ ne haal ncɛt te n te nyini itsɔngɔl gɛgɛy, n da yaak nyini wu iyɛnɛng ntin ɛTaanggbey yɛdee wo, kyinak ɛn gɛgɛy nɛ ndɔ yɛ.

ɛFilimɔn 1:16

Sɔng nzi bo te ˆɛ say ɛbhɛ te ɛkpuru nang, yang say ɛbhɛ ɛ phyin ɛkpuru gha, say ɛbhɛ te ɛgwaa ndɔ ɛDaray. Nzi sim ɛbhɛ, ˆaa ne sim ɛbhɛ ˆɛ shɛs. Say ɛbhɛ te ɛten ɛsii gbik ne ɛgwaa mo ndɔ ɛDaray.

1 ɛTimɔti 4:6

Yaa sɛ ˆɛ kɛ mɛmɛ nigwaa na nɛ nikɔn nɛnaa wo, ˆaa ne teyɛ ɛkpuru ɛyɛnɛng ɛYɛso ɛKiriti gha. ɛHaa ne ɛ kɛ hɔn ndɔ ne ibol ne ìnang ne itin de gbik ne imɛmɛ iyɛnɛng ngga ne ˆɛ roos so.

iKɔlɔsi 1:7

ˆƐ kɛ phok ɛn ibol ne izɛɛng ɛTaanggbey de ɛlɔ ɛPafaras ne njwii sim ɛbhɛ, ɛtaay ɛtomɛ mos, ɛ so sɛ kyinak daa ne ibol ɛbhɛ ndɔ ɛtomɛ ɛKiriti gha. Ɛ kaa ne mɔn ɛtomɛ gha ne ncwincway mos gbik.

1 iKɔrɔntos 4:17

iPhɛ ɛlɛy nggɛ ne tom nyini ne ɛTimɔti ne ɛ soye ɛngɔn nge ndɔ ɛDaray ne nzi sim ɛbhɛ, ɛnyi ne sɛ kyinak daa ne ibol ɛbhɛ. Aa ne taate nyini ne ihywee ne ihywel da ne nggɛ hyel ndɔ ɛYɛso ɛKiriti gha ne ifɛ so kancɛng ne ɛkɔn na ne nzi tɔng nilɔ na gbik ndɔ ne idira ninaa ne roos sa.

iFilibi 1:12

Nigwaa en, nzi sim te ɛ sɛ seng ɛn, wu ɛkɔn na ɛ kɛ sɛ me wo, ɛ kɛ te ibol ɛTaanggbey de hante ne shwalat.