iFisus 6:20 - ɛWee ne ìTsɛm iHywas

²⁰ ɛTomɛ ne iBol iYɛnɛng ngɛghaa wo ɛbhɛ kɛ te nzo me ɛhaa ne nzi bol daa ne ncwincway ɛTaanggbey da, gbik ɛli ne n jung so ne nyang ngge. Bol ɛn ne ɛTaanggbey ya daa mee te yaa ne sɛ nzi sanga ibol ɛbhɛ de, ne n sanga ne irway nviit, ɛli ne iphɛ kɛ jam mɛ.

iFisus 6:20 ပူးပေါင်းရင်းမြစ်များ

2 iKɔrɔntos 5:20

iPhɛ ɛlɛy, njwi ne so ninyi ne ɛKiriti gha kɛ tom; ɛTaanggbey ya ne bol ne nyinɛn lenɛ ne njwit. Njwi roro ne nyinɛn ndɔ ne irywɛɛk ɛKiriti, sim ɛn te ɛTaanggbey ya hyere nyini te ɛ te nyini nitaay ɛbhɛ sɔng ninaa ne iphup ɛbhɛ nang.

iKɔlɔsi 4:4

Bol ɛn ne ɛTaanggbey ya ɛli ne naa tɔng iphɛ wɛsɛrɛk, kancɛng ɛli ne iphɛ so.

2 ɛTimɔti 2:9

Daa ɛli ne nzi tɔng iBol iYɛnɛng ngge, nzi ne sɔ nggbang gbom, kɛ phyii rop me te ɛnyi ɛbebhe. Gbik ne iphɛ ɛlɛy, sɔng yaa ne yɛɛ ne rop ibol ɛTaanggbey de nang.

iFilibi 1:7

Gbik mon no ˆɛ so ɛn ne irway nge. iPhɛ kɛ ne jam mɛ nzi tas nɛ nyinɛn ɛlɛ wo, daa ɛli ne ˆɛ kɛ byinki ɛn ito ne mee ndɔ ne izɛɛng ɛTaanggbey de nten de ne kɛ gangke me ndɔ ne ijwee ne inyang ngo, ˆɛ phyik ɛn mɛɛn nten de ne nggɛ kyinak ne ihwet daa ne itin ne iBol iYɛnɛng ngge ɛnu ɛyisɛ ninaa nɛ nibhɛ mbaray yo.

ɛTomɛ 26:29

ɛBulus sa ne yɔng, “Hang ndɔ ne nten ncɛt yɔɔ hang ndɔ ne nten gbom yɔɔ nzi roro ne ɛTaanggbey nzi bo sɔng igyɛ wo zɔng nang te byinki nɛ ninyi na nɛ nibhɛ so ɛbɛ wo gbik nibhɛ tenes me izenge wo, kang ne nyang ngɛdee, tɛ nibhɛ sɛ ma tes se nikirita na te me wo.”

1 ɛYohana 3:16

ɛLɛ ne njwɛɛn i seng ɛli ne ishwim ba so: ɛYɛso gha kɛ nang iken ɛbhɛ ɛlɔ njwɛɛn. iPhɛ ne so nggbinggbing njwɛɛn ma nang iken njwɛɛn de ɛlɔ nigwaa njwɛɛn na.

2 ɛTimɔti 1:16

Te ɛTaanggbey ya sit ninaa ne ijwee ɛNisipharus sa ne ɛwɛng. Ɛbhɛ kɛ i phyighis me cɛcɛɛy, sɔng ɛ kɛ ne ta kyii phok ncwa ne inyang ngge ne nzo nɛ wo nang.

1 iTasɔlɔnika 2:2

Nyinɛn no ˆɛ yɛɛ ɛn ihywee ne nggbang ngga ne kɛ baasek njwii, ne ihywee ne towos da ne kɛ towos njwi ndɔ ne iFilibi nyɛɛn njwi kyi yɛɛs ɛlɔ mon na ne iTasɔlɔnika. Kaa baasek njwii nggbang, i bees njwi irway, gbik ne iphɛ ɛlɛy ɛTaanggbey mos sa ne phyik njwii, njwi ne te irway nviit njwi tɔng nyini iBol iYɛnɛng ngge ne iphɛ le ɛlɔ ɛbhɛ gha.

iFilibi 1:20

Nggɛ yɛk ne irway nzi has irway ɛlɔ ne naa yung bak ito nge ncwa ndɔ ɛtomɛ ɛKiriti gha, te n yang bol tang ɛnik. Te gbik ɛkɔn na ne naa mɔn no te ɛKiriti gha sɛ ndiinday ndɔ ne ishwɛɛ nge ɛlyilyɛghaa wo, ɛli ne iphɛ ku so wo. Hang nzo ɛken yɔɔ, hang nggɛ ku yɔɔ.

iFisus 6:19

Ne ˆɛ ma bol ɛn ne ɛTaanggbey ya daa mee te ɛ nang me ibol de ne naa bol wɛlɛng ɛnik, te n tɔng ninyi na ɛduk ne iBol iYɛnɛng nga ne iphɛ so gying ngo.

iFisus 4:1

iPhɛ ɛlɛy, mee wo ne nzo ne nyang ngge daa ɛli ne nzi roos ɛKiriti yegha, nzi roro ne nyinɛn, shɛɛ ɛn ishwɛɛ da ne ifɛ so kancɛng yel-le da ne kɛ yel-le nyini nɛ wo.

iFisus 3:1

ɛKɔn nɛghaa wo bhɛ kɛ te mee ɛBulus sa, nzo ne nyang, ɛlɔ ɛYɛso ɛKiriti te iphɛ phyik nyini, nyinɛn no ne ɛ sang so ɛn niYahodawa. Nzi ne bol ne ɛTaanggbey ya daa ne ito mon de.

ɛTomɛ 28:31

Sɔng kaa ne i ring ɛbhɛ ne sanga ibol ɛTaanggbey de nang, iphɛ ɛlɛy ne ɛɛ sanga ibol ne igbɔm ɛTaanggbey da, ɛ mɛmɛ ninyi na ne ibol ɛDaray ɛYɛso ɛKiriti de wɛlɛng ɛnik.

ɛTomɛ 28:20

iPhɛ phɛ kɛ ne te nggɛ tɔk te naa yaang nyini wu, te ne n da boote ne nyinɛn daa ne ibol ne ɛnyi de nɛ niSɛrɛla na kɛ yɛk ne irway da nibhɛ hyep po, ibol ɛKiriti de. Daa ne ibol ɛbhɛ de ne kɛ rop me ne nyang ngɛdee wo.”

ɛTomɛ 5:29

ɛBiturus sa nɛ ɛbyin ninɔn ne tom ma ne kyii nibhɛ nɛ, nibhɛ yɔngɔ, “iPhɛ so nggbinggbing njwi roos ibol ɛTaanggbey de ne njwi yaa roos idee ɛten ɛsii de.

ɛYahuza 1:3

Nigwaa nge ne nzi sim, nggɛ ku bok icwas ne haa nyini nɛ daa ne ibol ne iphɔrɔt njwɛɛn de, ne nggyi yaang iphɛ kɛ jam mɛ nzɛ kyii haal nyini nɛ te n te nyini itsɔngɔl gɛgɛy ɛli ne ˆaa kyinak ɛn daa ne imɛmɛ ne itin ɛYɛso de ne ɛTaanggbey ya kɛ nang ninaa ne roos ɛbhɛ na ɛdaan na zɔng ngo.

ɛFilimɔn 1:10

Nzi roro ne igyɛ ɛlɔ ɛngɔn nge ɛNisimos, ne ɛ kɛ teye ɛngɔn nge nten de ne nggɛ so ne nyang ngge.

ɛTomɛ 21:33

Ɛndiinday ya ne yɛɛs ɛ wum ɛBulus segha, ɛ yɛk ngɛ rop ɛbhɛ ne inyang ihywɛɛ ihywaa. Nɛ ji phom ɛBulus segha ɛ yaak ɛbhɛ. “I bok kɛ ɛhay? Kyee ne ɛ kɛ mɔn no?”

2 iKɔrɔntos 3:12

Daa ɛli njwɛɛn kɛ sit irwisɛ da daa ne ìtsɛm ihywas de, iphɛ kɛ ne te njwɛɛn tek irway njwɛɛn tɔrɔk.

iKɔlɔsi 4:3

Ma bol ɛn ne ɛTaanggbey ya ɛlɔ mos ne mang, te ɛTaanggbey ya phaal njwi ɛnu ne izuk ne tɔng ibol ɛbhɛ de, te njwi tɔng ibol igying ɛbhɛ de daa ɛKiriti gha. iBol igying ngɛdee wo iphɛ iphɛ kɛ te nzo ne nyang ge.

ɛFilimɔn 1:9

Gbik ne phɛ ɛlɛy, mee ɛBulus, nzi ne roro ne igyɛ ndɔ ne ishwim. Mee wo ne nggɛ helem mo, n da so ne nyang nggɛ ɛlɔ ɛYɛso ɛKiriti gha.