iFisus 6:18 - ɛWee ne ìTsɛm iHywas

¹⁸ Te nɛ i bol ɛn ne ɛTaanggbey cɛcɛɛy ɛli ne iKabyik ge i hyel ne nyinɛn. Bol ɛn ɛTaanggbey ya daa nikɔn na gbik ne ɛ sim ɛn. Shɛɛ ɛn ɛkanang te ˆɛ nang ɛn ihwet mon daa ne bol ne ɛTaanggbey ya daa ninyi ɛbhɛ.

iFisus 6:18 ပူးပေါင်းရင်းမြစ်များ

1 iTasɔlɔnika 5:17

Bol ɛn ne ɛTaanggbey cɛcɛɛy.

iKɔlɔsi 4:2

See ɛn ito ne bol ne ɛTaanggbey ya, te ne ˆɛ shɛɛ ɛn ɛkanang ndɔ ne bol ne ɛTaanggbey ya, ˆɛ tɔɔsel ɛn irway ihwala.

iFilibi 4:6

Sɔng ˆɛ sap ɛn ɛkɔn nang. Yang mɔng ɛn ɛTaanggbey yegha gbik nikɔn na ne ˆɛ sim ɛn ndɔ ne ibol ne ɛbhɛ, roo ɛn ɛbhɛ ne irway ihwala.

1 ɛTimɔti 2:1

Naa tsa n yaak nyini, te roro ne ɛTaanggbey, i bol ne ɛbhɛ, i phomos ɛbhɛ nikɔn, i tɔɔsel ɛbhɛ irway ihwala ɛlɔ ninyi na gbik.

ɛYahuza 1:20

Nyinɛn no nigwaa nge ne nzi sim, te ɛrɔngɔ ne phyik ɛrɔngɔ te ˆɛ lɔl ɛn itso mon daa ne ɛtum ne ìnang ne itin mon de ne kɛ tul kang i shɛs so. Bol ɛn ne ɛTaanggbey ya ndɔ ne ihwet ne iKabyik ɛbhɛ de.

ɛMarakus 14:38

Shɛɛ ɛn semey, te ɛ bol ɛn ne ɛTaanggbey ya, aa yung ho ɛn ndɔ ne itɛɛsek. Nzi yɛɛ ikabyik mon de i sim, ibek kɛ ne so kyɔkyɔt.”

ɛLuka 21:36

Maa ku kyinak ɛn ɛkanang nga te ɛ roro ɛn cɛcɛɛy, te ɛTaanggbey ya nang nyini ito ne phee ndɔ nikɔn nɛnaa wo nɛ nibhɛ sɛ tes, ɛ ji sɛ ɛ kyinak ɛn ɛnu ɛyisɛ ɛNgɔn ɛNyi gha.”

ɛMacu 26:41

Shɛɛ ɛn seme, te ˆɛ roo ɛn, ˆaa yung ho ɛn itɛrɛk ga. iKabyik mon de i sim, ibek mon de phɛ ne so kyɔkyɔt.”

iFisus 1:16

sɔng nggɛ ne kɔɔng me naas ɛTaanggbey ye irway ihwala daa mon no nang. Nzi tas ne nyinɛn gbik nten de ne nzi bol ne ɛTaanggbey ya.

iRooma 12:12

Yɛk ɛn irway ihwala ndɔ ne iyɛk ne irway mon da, bo ɛn ɛbɔk ndɔ ne nggbang ngga, te ne ɛ bol ɛn ne ɛTaanggbey ya cɛcɛɛy.

ɛMarakus 13:33

iPhɛ ɛlɛy yang, ne ɛ shɛɛ ɛn ɛkanang nga, te ɛ ryɔng ɛn nyini, daa ɛli ne hame ɛ yɛɛ ɛn ɛtuk kɛ gbik ne nten nɛ, nɛ nikɔn nɛnaa wo sɛ tes so.

1 ɛBiturus 4:7

Nten ne taal ɛzay de yek cɛcɛk. iPhɛ ɛlɛy, ne ɛ wum ɛn ihywɛɛ mon ɛlɔ ɛdaan, ɛ shɛɛ ɛn ɛkanang, daa ɛli ne ɛkɔn yaa yung ring nyini ne bol ne ɛTaanggbey ya.

ɛTomɛ 1:14

Ninyi yɛnaa wo ne nang ito nibhɛ, nibhɛ ne byinkit nibhɛ roro. Nidɛng nikuk ka kaa ne ma sonɛ, ɛMɛri gha ne ɛ so ɛgyinɛ ɛYɛso gha, nɛ nigwaa ɛYɛso na niras se kaa ne ma sonɛ.

ɛLuka 22:46

ɛYɛso gha ne yaak nibhɛ, “iKyee phɛ kɛ te ˆɛ so ɛn nwa baa? Seme ɛn, te ˆɛ roo ɛn, aa yung ho ɛn ndɔ ne itɛrɛk ga.”

iBirani 5:7

Nten de ne ɛYɛso gha kaa ne so ndɔ ɛzay ya, ɛ kaa ne bol ne ɛTaanggbey ya ne ɛbhɛ ɛ so ɛhaa ne aa yɛɛ ne phɔt ɛbhɛ ɛlɔ ne iku de. Ɛ kaa ne bol, ɛɛ roro ne ishwin gbom nɛ niyilis. ɛTaanggbey ya kaa ne phok ɛbhɛ daa ɛli ne ɛ so ɛhaa ne nang ɛTaanggbey ye ne ndiinday, ɛɛ roos ɛbhɛ nɛ.

2 ɛTimɔti 1:3

N bok irway ihwala ne ɛTaanggbey ɛhaa ne nzi mɔn ɛbhɛ ɛtomɛ gha ɛli nɛ nikyɛɛ-nikyɛɛ nge kɛ mɔn, izɔlɔs ne irway nge ne so tɔrɔk. Nzi tas ne igyɛ ne igbey ne ɛtuk gbik nten de ne nzi bol ne ɛTaanggbey ya.

iFilibi 1:4

Gbik nten de ne nzi bol ne ɛTaanggbey ya daa mon no gbik ko, nzi ne i bol ne ɛbhɛ ne irway ihwala.

iFisus 6:19

Ne ˆɛ ma bol ɛn ne ɛTaanggbey ya daa mee te ɛ nang me ibol de ne naa bol wɛlɛng ɛnik, te n tɔng ninyi na ɛduk ne iBol iYɛnɛng nga ne iphɛ so gying ngo.

ɛTomɛ 12:5

Ne sɛ ɛli ne ɛBiturus sa bhɛ so ne ijwee ne nyang ngo, idira ninaa ne roos de ne see ito ne bol ne ɛTaanggbey daa ne ito ɛbhɛ.

ɛFilimɔn 1:5

Daa ɛli ne nzi phok ngka ne ìnang ne itin mo de ndɔ ɛDaray ɛYɛso gha gbik ne ishwim ba ne ɛ tɔɔsel ninyi ɛTaanggbey ya.

ɛTomɛ 10:2

ɛKɔnɛliyas sa nɛ ninaa ne ijwee ɛbhɛ gbik kaa ne i phok ɛnik ɛTaanggbey ne ɛ phyighis ninyi nihala ɛ ta i bol ne ɛTaanggbey cɛcɛɛy.

ɛTomɛ 6:4

Te njwit to njwi ne ji re ɛnu ɛyisɛ ne bol ne ɛTaanggbey ya gbik ne mɛmɛ ninyi na ne ibol ɛTaanggbey de.”

iFisus 3:18

te nyinɛn no gbik nɛ ninyi ɛTaanggbey ya ˆɛ sɛ ɛn ito ne seng ibɛrɛdɛng, ne ndaalang, ne iganga gbik ne ikyukyum ne ishwim ɛKiriti da.

iFisus 3:8

Gbik ɛli ne mee nggɛ taasek n shɛs ndɔ ninyi ɛTaanggbey ya, ɛTaanggbey ya kɛ ne nang me izɛɛng ne sanga iBol iYɛnɛng ngɛdee wo ndɔ ninaa nɛ nibhɛ sang so niYahodawa na, ibol ɛwɛng ne ɛ sang ɛgak ne i sɛ lenɛ ne ɛYɛso ɛKiriti.

iRooma 8:15

Daa ɛli ne iKabyik ge ne ɛTaanggbey ya kɛ nang nyini wo sɔng iphɛ soye dee ne aa te ɛn nyini nikpuru ɛ yɛk ɛn ɛnik nang. Kwa! iKabyik kɛdee wo kɛ yang te nyini ɛ te ɛn nyini ninɔn ɛTaanggbey, i ne lenɛ ne iphɛ wo, njwɛɛn ne yel-le ɛTaanggbey yegha i yɔngɔ: “Abba! ɛTaa nge.”

iFisus 2:22

Kɛ ne ta lenɛ ne ìtsɛm be ne ˆɛ bok ɛn ne ɛKiriti gha, ne lɔl nyini nɛ ɛbyin ninyi na ˆɛ te ɛn nyini ijwee ne ɛTaanggbey i shɛɛ nɛ lenɛ ne iKabyik ɛbhɛ.

ɛLuka 3:37

ɛLamɛk ka ne so ɛngɔn ɛMɛtusɛla. ɛMɛtusɛla gha kaa ne so ɛngɔn ɛNɔk. ɛNɔk ka ne so ɛngɔn ɛYarɛt. ɛYarɛt ta kaa ne so ɛngɔn ɛMahalɛl. ɛMahalɛl la ne so ɛngɔn ne ɛKɛnan.

iKɔlɔsi 1:4

Daa ɛli ne njwi kɛ phok ibol ne ìnang ne itin mon de ne ɛYɛso ɛKiriti gha gbik ne ishwim ba ne ɛ bok ɛn daa ninyi ɛTaanggbey ya.

iGalatiya 4:6

ɛLyilyɛghaa wo ne njwɛɛn kɛ tes en ninɔn ɛTaanggbey ya, ɛTaanggbey ya kɛ ne tom iKabyik ɛNgɔn ɛbhɛ ndɔ ne irway njwɛɛn. iKabyik kɛdee wo i ne te njwɛɛn yɔngɔ, “Abba, ɛTaa nge.”

ɛLuka 3:26

ɛNagay ya kaa ne so ɛngɔn ɛMaat. ɛMaat ta ne so ɛngɔn ɛMatatiya. ɛMatatiya gha kaa ne so ɛngɔn ɛSɛmɛyen. ɛSɛmɛyen na ne so ɛngɔn ɛYɔsɛk. ɛYɔsɛk ka kaa ne so ɛngɔn ɛYooda.

iKɔlɔsi 1:3

Njwii tɔɔsel ɛTaanggbey ye ne ɛbhɛ ɛ so ɛKyɛɛ ɛDaray njwɛɛn ɛYɛso ɛKiriti gha irway ihwala, gbik nten de ne njwii bol ne ɛbhɛ daa mon no.

ɛMacu 17:21

Sɔng ɛ sɛɛ yɛɛ ne tul ɛn ihywee ne ikabyik kɛdee wo tang ɛ kɛ roo ɛn ne ɛTaanggbey ɛ kuma ɛn nang.”