iFisus 6:17 - ɛWee ne ìTsɛm iHywas

¹⁷ Bo ɛn iphɔrɔt da te ɛkɔn ne ito ne igyɔs, te ɛ bo ɛn iBol ɛTaanggbey de te ɛWal ne iKabyik ne kɛ nang nyini wo.

iFisus 6:17 ပူးပေါင်းရင်းမြစ်များ

iBirani 4:12

Daa ɛli ne ibol ɛTaanggbey de so iken nɛ, iphɛ bok ihwet. iPhɛ re iphɛ phyin ˆɛwal ninu ifaa. iPhɛ lel ndɔ ɛnyi gha gbik iphɛ hyɛ iphɛ hobhose iken ne ikabyik, ne ikpup ne isɔrɔm, iphɛ tuul icwas ɛnyi da gbik.

Nikɔn ne kɛ Phaal 19:15

iHywa ne ihywɛ re gbom ne wuru ɛnu ɛnyi gha. iHywa yɛdee nggyɛ wo ne sɛ ne bo ɛ re igbagha ɛzay yo ne itsom. Ɛ sɛ re igbɔm ba daa nibhɛ ne ɛntsɛng ne igyɔs. Ɛ sɛ ne pharak nibhɛ ne njenjek ɛTaanggbey ne iTo Gbik ɛli ne i pharak ikpam ɛnap ɛlɔ ne pharak kɛ.

1 iTasɔlɔnika 5:8

Daa ɛli ne njwɛɛn soye ninaa ne igbey ya, te njwɛɛn ne kyii ne ihywɛɛ njwɛɛn ɛlɔ ɛdaan. Te njwɛɛn yɛk ghe ne ìnang ne itin de gbik ne ishwim ba te ɛtura ne igyɔs ne kyɛngɛ ɛgyɛy. Te njwɛɛn yɛk ghe ne sit ne irwisɛ da ne iphɛ nang iphɔrɔt da te ɛkɔn ne ito ne igyɔs.

Nikɔn ne kɛ Phaal 2:16

San en ɛbɔk. Wu ɛ kɛ ne tang san ɛn ɛbɔk ka, naa ne yɛɛs dodooy ne n da itsom nɛ ninyi yɛnaa nggyɛ wo ne ivol da ne ifɛ wuusi ɛnu nge gha ifɛ re te ɛwal lo.

Nikɔn ne kɛ Phaal 12:11

Nibhɛ kɛ re ɛwɛng nga ne ɛhaa ne banga ikun njwɛɛn na, lenɛ nɛ neyi ɛNgɔn ne ɛpharak ka, gbik ne ishɛɛda nɛ nibhɛ kɛ nang. Gbik ɛli ne kɛ tɔk te yaa phoo nibhɛ wo, nibhɛ ne jung nang iken nibhɛ, kɛ sim nibhɛ ku.

Nikɔn ne kɛ Phaal 1:16

Ne ɛ wum niyuyɔrɔ ɛniitaa ne iwɔ irwye ɛbhɛ, ɛwal ninu ifaa ne ɛbhɛ re gbom ne i wuusi ɛnu ɛbhɛ, ɛyisɛ ɛbhɛ gha ne ji tol te iroy ne iphɛ kɛ hɔn ɛceree.

ɛMacu 4:4

ɛYɛso gha ne kyii nɛ ɛ yaak ɛShɛtan ne gha, “Kɛ ku haa ndɔ ne ɛWee ne iBol ɛTaanggbey yo i bo, ‘Sɔng ne ire de zɔng ne ɛnyi gha i shɛɛ nɛ ɛken na nang. ɛNyi gha yaa yang shɛɛ ɛken na daa ne gbik idɛ, ibol de ne iphɛ kɛ wuru ɛlɔ ɛTaanggbey.’ ”

ɛMacu 4:7

ɛYɛso gha ne kyii ɛbhɛ nɛ ɛ yɔngɔ, “Kɛ ta ku haa ndɔ ne ɛWee ne iBol ɛTaanggbey i bo, ‘Sɔng ɛ tɛrɛk ɛDaray ɛTaanggbey mo gha nang.’ ”

iFisus 5:26

ɛKiriti gha kɛ mɔn ɛlɛ wo te ɛ tul ɛTaanggbey ye idira ninaa ne roos de kang lenɛ ne ibol ɛbhɛ, ɛtsim mɛ ne ɛ kɛ kuus nibhɛ ne inɛn.

iBirani 6:5

Ninaa nɛ nibhɛ kɛ ne ta phɔwɔ ɛnggɔnggɔɔt ne ibol ɛTaanggbey yo, gbik ne ihwet nten da ne ɛTaanggbey ya bok ne ihwet da,