iFisus 6:13 - ɛWee ne ìTsɛm iHywas

¹³ iPhɛ ɛlɛy, ne ˆɛ yɛk ɛn nɛ igbum ba ne ɛTaanggbey ya kɛ nang ngo gbik, te sɛ́ ne sɛ ɛtuk ɛbebhe gha kɛ yɛɛs, ne ˆɛ yɛɛ ne kyinak ɛn gɛgɛy. Te ne sɛ ɛtsim mɛ ne ˆɛ kɛ taal ɛn gbik, ne ˆɛ jung kyinak ɛn nting.

iFisus 6:13 ပူးပေါင်းရင်းမြစ်များ

2 iKɔrɔntos 10:4

Daa ɛli ne sɔng nikɔn ne itsom mos sa so ninaa ɛzay ya nang, nibhɛ so ninaa ɛTaanggbey nɛ nibhɛ bok ihwet. Nibhɛ ne njwii mɔn ne ɛtomɛ njwi bunga ne icwas ne irywɛɛk ga ne ifɛ bok ihwet da.

ɛLuka 21:36

Maa ku kyinak ɛn ɛkanang nga te ɛ roro ɛn cɛcɛɛy, te ɛTaanggbey ya nang nyini ito ne phee ndɔ nikɔn nɛnaa wo nɛ nibhɛ sɛ tes, ɛ ji sɛ ɛ kyinak ɛn ɛnu ɛyisɛ ɛNgɔn ɛNyi gha.”

iFisus 5:16

Mɔn ɛn ɛtomɛ ɛyɛnɛng ne gbik nten de ne ˆɛ kɛ sɛ ɛn, daa ɛli nɛ nituk kɛnaa wo so nibebhe yɛ.

ɛLuka 8:13

iHywee de ne ihywɛ kɛ ne ho ne nkinkang ngge, ne so tɛ ninyi nɛ nibhɛ kɛ phok ibol de, nibhɛ shii say iphɛ ne irway ihwala. Sɔng iphɛ ne kyii lel nibhɛ kyukyum nang; nibhɛ ne say iphɛ daa yaay, ne sɛ ɛngbyingbyang sɔng te sɛ nibhɛ, nibhɛ ne kyi shii hana iphɛ.

Nikɔn ne kɛ Phaal 3:10

Daa ɛli ne ɛ kɛ bo ɛbɔk ka ɛ hyep ibol nge de, nzɛ ne ma hyep pɛ nten ne nggbang ngɛdee nggyɛ wo ne mpɛ sɛ yɛɛs ninaa ɛzay ya gbik ko te phɔwɔ nibhɛ wo.

iKɔlɔsi 4:12

ɛPafaras ne ɛ so ɛdaan ndɔ mon, ɛ ta soye ɛkpuru ɛYɛso ɛKiriti gha i kyiisi nyini. Ɛ kyangase ne bol ne ɛTaanggbey ya gbom ɛlɔ mon na te ɛ kyinak ɛn gɛgɛy ndɔ ne ìnang ne itin mon de, ɛ te ɛn hyɔrɔ ndɔ nikɔn na ne ɛTaanggbey ya sim gbik, wɛlɛng ito irway.

iFisus 5:6

Sɔng ɛdɛ ɛnyi gha luk nyini ne ivol ɛbuu da nang. Nzo ihywee nikɔn nɛnaa wo bhɛ hɔ njenjek ɛTaanggbey de daa nisang-phok ka.

Nikɔn ne kɛ Phaal 6:17

Daa ɛli ne ɛgbaang ɛtuk ne njenjek nibhɛ wo kɛ ne tuu. ɛHay ɛbhɛ yaa yɛɛ ne kyinak kɛɛ?”

iRooma 13:12

ɛTuk ka yek gbang, ihwɛlɛ yungaa wuru. iPhɛ ɛlɛy te njwɛɛn hana nitomɛ ndɔ gbyik ka njwɛɛn yɛk en ne nikɔn ne itsom ninaa nɛ nibhɛ so iwɛwɛy.

ɛYakub 4:7

iPhɛ ɛlɛy ne ˆɛ nang ɛn ɛTaanggbey yegha itso mon. Mbaray nyini ɛShɛtan negha, aa ne tel nyini.

1 ɛBiturus 4:1

Daa ɛli ne ɛKiriti gha kɛ sɔ nggbang ngga ne ibek ge, ne ɛ ma bo ɛn icwas sɛdaa wo te ɛ rop ɛn iku ɛli ne aa sɔ nggbang ngga te ɛbhɛ wo. Nzo gbik ɛnyi gha ne ɛɛ sɔ nggbang ngga ɛ so ɛnyi ne ɛ mbaray ɛfɔt.