iFisus 6:12 - ɛWee ne ìTsɛm iHywas

¹² Daa ɛli ne sɔng njwɛɛn cwaasek en nɛ niten ne sii nang. Njwɛɛn i yang cwaasek en ne ikpabyik ivebhe ɛdaa ne irywa, nɛ nigɔm ne ikpabyik ivebhe da nɛ nibhɛ bok igbɔm ɛzay yɛdaa wo, gbik ne ikpabyik ivebhe ne ifɛ i hyel daa ne igbil.

iFisus 6:12 ပူးပေါင်းရင်းမြစ်များ

iKɔlɔsi 1:13

Ɛ kɛ tul njwɛɛn ndɔ ne igbɔm igbyik ɛ yɛɛs ne njwɛɛn ndɔ ne igbɔm ɛNgɔn ɛbhɛ ne ɛ sim.

2 iKɔrɔntos 4:4

ɛShɛtan na ne i re ɛbhɛ ntsong ngaa, ne ɛbhɛ ɛ so ɛTaanggbey ne izam mɛghaa wo ne ɛ phebhe wo kɛ cwaal ninaa nɛ nibhɛ kɛ sang nang ne itin nɛ wo irway, tɛ nibhɛ sang yaang iwɛwɛy ne ito-ndiinday ne iBol iYɛnɛng ɛKiriti de ne ɛbhɛ soye izazurum ɛTaanggbey de.

iFisus 2:2

Nten nɛdee nggyɛ wo ˆɛ kaa ne i roos ɛn icwas ɛzay yɛdaa wo nɛ, ˆɛ roos ɛn ɛShɛtan ne ne ɛ re igbɔm daa ikpabyik ɛzay ne i sang yaang. Ɛbhɛ ɛ soye ikabyik kɛdee nggyɛ wo ne iphɛ mɔn ɛtomɛ gha ndɔ ne irway nisang-phok.

iKɔlɔsi 2:15

ɛKiriti gha kaa phɔt nikɔn ne itsom ninaa ne re igbɔm ba gbik nɛ ninaa ne ikpabyik ga. Ɛ kɛ bak nibhɛ ncwa kpas lenɛ ne ɛ kɛ re ɛwɛng nɛ nibhɛ daa ne ihon ne gangat to.

ɛTomɛ 26:18

te ɛbhɛ phaal nibhɛ irwisɛ tɛ nibhɛ tek igbyik ge nibhɛ yɛɛs ne iwɛwɛy, nibhɛ tek igbɔm ɛShɛtan da nibhɛ yɛɛ ne igbɔm ɛTaanggbey. Te ne hana nibhɛ ne ɛfɔt nibhɛ wo nibhɛ sɛ ɛwɛng nga ne sɛ nang gbik ninaa nɛ nibhɛ kɛ te ne iwɛwɛy ya daa ɛli nɛ nibhɛ kɛ nang ne itin nɛ wo.’ ”

iFisus 1:21

Daa ne irywa wo ne ɛDaray ya i re ne igbɔm daa nigɔm, nɛ nindiinday, ne ikpabyik, gbik nɛ ninaa ne ihwet ɛdak kɛ. Ne ɛ bok irywɛɛk ko ne ifɛ phyin irɛɛk ɛzay yɛdee wo gbik ne ɛzay ya ne ɛ yaaso wo.

iRooma 8:38

Daa ɛli ne nzi yɛɛ ncɛncɛng, sɔng ɛkɔn sonɛ ne aa yɛɛ ne hosop njwɛɛn ne ishwim ɛKiriti da nang. Sɔng iku yaa yɛɛ nɛ nang. Sɔng iken yaa yɛɛ nɛ nang. Sɔng nimalɛka yaa ne ma yung yɛɛ nɛ nang, sɔng ikpabyik niphoo yaa ne yɛɛ nɛ nang. Sɔng nikɔn ɛlyilyɛghaa nɛ ninaa nɛ nibhɛ sɛ yaaso yaa ne yɛɛ nɛ nang.

iFisus 3:10

iCwas ɛbhɛ da kaa so wu te lenɛ ne idira ninaa ne roos de ɛlyilyɛghaa wo, tɛ nigɔm gbik nɛ ninaa ne igbɔm ɛzay ɛdaa ne irywa na mɛmɛ ne ntsɛntsɛng ɛTaanggbey de hywee-hywee.

iFisus 1:3

Te dɛp ɛTaanggbey ye ne ɛ soye ɛKyɛɛ ɛDaray njwɛɛn ɛYɛso ɛKiriti. Te dɛp ɛbhɛ wo daa ɛli ne ɛ kɛ nang njwɛɛn gbik Niwɛng ne iKabyik nɛ nibhɛ so ne igbɔm ɛzay ɛdaa ne irywa lenɛ ne ɛYɛso ɛKiriti gha.

1 iKɔrɔntos 15:50

Nigwaa en, nzi sim te ɛ sɛɛ seng ɛn ɛlɛ, sɔng ibek ne ivel ɛzay yɛdaa wo ne iphɛ so inwam ba nɛ neyi na sɛ́ sɛ ihop ne igbɔm ɛTaanggbey da nang. ɛLɛy ne mang, sɔng ibek ne sa de sɛ ne ma sɛ ɛkɔn ne ɛ sɛɛ sang sa nang.

1 ɛBiturus 3:22

ɛYɛso ɛKiriti gha kɛ ɛbhɛ kɛ ne waray daa ne irywa. Ne ɛbhɛ so ne iwɔ ne irwye ɛTaanggbey, ɛɛ re igbɔm daa nimalɛka, nɛ nigɔm, gbik ne ikpabyik.

iBirani 12:1

iHywee nishɛɛda yɛdee wo so gbom nɛ nibhɛ kɛ te njwɛɛn gyɔɔ. Daa ɛli ne ihywee nishɛɛda yɛdee wo ne sonɛ ɛlɛ wo, ninaa nɛ nibhɛ kɛ tɔɔrek njwɛɛn ɛli ìnang ne itin da so wo, nɛ njwɛɛn hana gbik ɛkɔn na ne ɛ ring njwɛɛn ne ihywel da. Te njwɛɛn ta hana ɛfɔt to ne ɛbhɛ kɛ wum njwɛɛn no, te njwɛɛn rop irway i tel nggbiy yɛdaa wo ne mpɛ so ɛyisɛ njwɛɛn na.

ɛYohana 14:30

Sɔng ne ndɔ ne nten ne naa tɔ bol ne nyinɛn nang, daa ɛli ɛhaa ne igbɔm ɛzay yɛghaa wo yaaso. Sɔng ne ɛ bok igbɔm daa me wo nang.

ɛYohana 12:31

ɛLyilyɛghaa wo ne yaa bol ɛzay ya ɛshara gha; ɛlyilyɛghaa ne yaa ji roos ɛgɔm ɛzay yɛghaa wo ne igbom ɛbhɛ da.

ɛYohana 16:11

Nibhɛ kɛ ne ta ben daa ne ibol hyɛ ɛshara gha daa ɛli ne kɛ ku hyɛ ɛgɔm ɛzay yɛghaa wo ɛshara.

ɛLuka 22:53

Nggɛ shɛɛ ɛbɛ wo nɛ nyinɛn ndɔ ne iDeng ngge cɛcɛɛy, sɔng ɛ kɛ ne ku yɔng aa wum ɛn mɛɛn nang. ɛLyilyɛghaa wo iphɛ ne ji so nten mon, nten de ne igbyik ge iphɛ i re igbɔm ba.”

ɛLuka 13:24

“Maa Kyanke nyini nɛ, ɛ lel ɛn ɛnu ne izuk ɛnggbyak ka, daa ɛli nɛ ninyi na gbom sɛ tɔk tɛ nibhɛ sɛ nibhɛ lel ɛnggyɛ wo, sɔng nibhɛ sɛ ne yɛɛ nɛ nang.

2 ɛTimɔti 2:5

ɛLɛy ne ɛhaa ne mat nggbiy da, sɔng i tal ɛbhɛ tang ɛ kɛ roos ikpii ne nggbiy da nang.

ɛMacu 16:17

ɛYɛso gha ne kyii nɛ ɛ yaak ɛBiturus segha, “ɛSimɔn ne ɛ soyɛ ɛngɔn ɛYunana, ɛ soyɛ ɛhaa ɛwɛng! Sɔng ɛten ɛsii ɛbhɛ kɛ mɔng ngɛ ibol lɛdee wo nang, ɛKyɛɛ nge ne ɛ so daa ne irywa ɛbhɛ kɛ mɔng ngɛ.

iBirani 12:4

Ndɔ ne cwaasek ghe mon da ne ɛfɔt to, sɔng iphɛ kɛ ku hɔn ɛli ne ɛ kɛ lok ɛn neyi mon nang.

iGalatiya 1:16

Te ɛ phaal me irwisɛ ne seng ɛngɔn ɛbhɛ gha, te mbɛ tɔng ninyi na ne hame nibhɛ ne so niYahodawa na ibol iyɛnɛng ɛbhɛ de. Kaa ne sɛ ɛ kɛ mɔn ɛlɛ wo, sɔng nggaa ne bhɛ phom ɛnyi ɛli ne naa mɔn nang.

ɛMarakus 4:19

nibhɛ ne kyii ta i tas icwas nikɔn nggyɔngyɔɔt ɛzay, te sim iryat, gbik nɛ ɛbyin nikɔn nɛ. Nikɔn nɛnaa nggyɛ wo ne i ring ibol ɛTaanggbey de ne hyel cik ndɔ nibhɛ wo. Sɔng nibhɛ ne yɛk ibɔrɔk kang.

2 iKɔrɔntos 11:14

Sɔng iphɛ ne so ɛkɔn ne kparat nang, daa ɛli ne ɛShɛtan na ma mɔɔng ɛ hyereey te ɛmalɛka ɛwɛwɛy.