iFisus 5:8 - ɛWee ne ìTsɛm iHywas

⁸ Ne ile de ˆɛ kaa tsa ˆɛ so ɛn ndɔ gbyik, ɛlyilyɛghaa wo, ˆɛ kɛ ne sɛ ɛn iwɛwɛy lenɛ ne ɛDaray ya. iPhɛ ɛlɛy, ne ˆɛ shɛɛ ɛn ishwɛɛ ninaa ne iwɛwɛy da.

iFisus 5:8 ပူးပေါင်းရင်းမြစ်များ

ɛYohana 8:12

ɛYɛso gha ne ta boote nɛ ninyi na, ɛ yaak nibhɛ, “Mee nzo iwɛwɛy ɛzay de, ɛhiha ɛnyi ne ɛɛ roos me wo nang, sɔng aa ne hyel ndɔ gbyik kang, aa yang bok iwɛwɛy ne iken.”

1 ɛYohana 1:7

Wu njwɛɛn i ne hyel ndɔ ne iwɛwɛy de ɛli ne ɛTaanggbey ya so iwɛwɛy de, njwɛɛn i ne byingis ìtsɛm be nɛ nigwaa. Neyi ɛNgɔn ɛbhɛ ɛYɛso ɛKiriti na i ne kuus ɛfɔt njwɛɛn no gbik.

ɛTomɛ 26:18

te ɛbhɛ phaal nibhɛ irwisɛ tɛ nibhɛ tek igbyik ge nibhɛ yɛɛs ne iwɛwɛy, nibhɛ tek igbɔm ɛShɛtan da nibhɛ yɛɛ ne igbɔm ɛTaanggbey. Te ne hana nibhɛ ne ɛfɔt nibhɛ wo nibhɛ sɛ ɛwɛng nga ne sɛ nang gbik ninaa nɛ nibhɛ kɛ te ne iwɛwɛy ya daa ɛli nɛ nibhɛ kɛ nang ne itin nɛ wo.’ ”

iKɔlɔsi 1:13

Ɛ kɛ tul njwɛɛn ndɔ ne igbɔm igbyik ɛ yɛɛs ne njwɛɛn ndɔ ne igbɔm ɛNgɔn ɛbhɛ ne ɛ sim.

ɛYohana 12:46

Nggɛ yɛɛs ndɔ ɛzay ya te iwɛwɛy, te gbik ɛnyi gha ne ɛ kɛ nang ne itin nɛ ne me sɔng aa tɔ shɛɛ ndɔ ne igbyik kang.”

iFisus 4:18

iRway nibhɛ da so hyɔrɔ ne igbyik. Kɛ hosop nibhɛ ne iken de ne ɛTaanggbey ya i naas so daa ne iyɔm ne seng nɛ nibhɛ bok lenɛ ne ito ihet.

ɛYohana 12:36

Nang ɛn ne itin ne iwɛwɛy de ɛlyilyɛghaa wo ne iphɛ so ne nyinɛn no, te ɛ te nyini ninyi ne iwɛwɛy.” Kɛ ne sɛ ɛYɛso gha kɛ taal bol nɛ nibhɛ, ne ɛ tek nibhɛ ɛbhɛ rɛɛ ye.

iFisus 2:2

Nten nɛdee nggyɛ wo ˆɛ kaa ne i roos ɛn icwas ɛzay yɛdaa wo nɛ, ˆɛ roos ɛn ɛShɛtan ne ne ɛ re igbɔm daa ikpabyik ɛzay ne i sang yaang. Ɛbhɛ ɛ soye ikabyik kɛdee nggyɛ wo ne iphɛ mɔn ɛtomɛ gha ndɔ ne irway nisang-phok.

2 iKɔrɔntos 4:6

ɛTaanggbey ya ne ɛ kaa yɔngɔ, “Te iwɛwɛy tol ndɔ gbyik,” ɛbhɛ kɛ ne te iwɛwɛy de i tol ndɔ ne irway mos da te ne i tol ninyi na, nibhɛ seng ito-ndiinday ɛTaanggbey de ɛyisɛ ɛKiriti gha.

ɛTitus 3:3

Njwɛɛn kaa ma tsa soye niwamang nɛ nisang-phok, ihyop nikɔn ɛzay de luk njwɛɛn, i teye nikpuru nibhɛ. Njwɛɛn ne yaa shɛɛ ishwɛɛ ne boos en ne irway ne ɛnkyis, ninyi i mbaray njwɛɛn, njwɛɛn ne ma i mbaray nibhɛ.

ɛLuka 16:8

iPhɛ ɛlɛy, ɛKyɛɛ ne ijwee ɛnyi ne yɔm ne itin ne ibol la ne ton ɛbhɛ daa ne ntsɛntsɛng igywebhe ɛbhɛ de, daa ɛli nɛ ninaa ɛzay yɛnaa wo bok ntsɛntsɛng igywebhe gbom, nibhɛ phyin ninaa ne iwɛwɛy ya.

iFisus 6:12

Daa ɛli ne sɔng njwɛɛn cwaasek en nɛ niten ne sii nang. Njwɛɛn i yang cwaasek en ne ikpabyik ivebhe ɛdaa ne irywa, nɛ nigɔm ne ikpabyik ivebhe da nɛ nibhɛ bok igbɔm ɛzay yɛdaa wo, gbik ne ikpabyik ivebhe ne ifɛ i hyel daa ne igbil.

2 iKɔrɔntos 3:18

Njwɛɛn no ne kɛ sang cwaal ɛyisɛ njwɛɛn na nang, njwɛɛn ne tɔɔsel ndiinday ɛDaray de, ne jii hyeem njwɛɛn te njwɛɛn te te ɛbhɛ. iHyeem ba ne hyeem njwɛɛn no ne hanas se ne ndiinday, ndiinday de ne iphɛ le ɛlɔ ɛDaray ya ne ɛ so iKabyik ge.

ɛLuka 1:79

Te iphɛ tol ninaa gbyik ka ne iku de kɛ cwaal nibhɛ wo, te iphɛ hyel ne njwɛɛn nkiinɛ ne irway ne laal.”

2 iKɔrɔntos 6:14

Sɔng ɛ byinki ɛn ito nɛ ninaa ne sang roos sa nang. ɛYakɔn ɛbhɛ kɛ byinki icik ge ne iyɔm ne icik gee? ɛYakɔn ɛbhɛ kɛ ne byinki iwɛwɛy de ne igbyik gee?

1 iKɔrɔntos 1:30

ɛTaanggbey ya ɛbhɛ kɛ te ɛ so ɛn ndɔ ɛYɛso ɛKiriti gha, ɛbhɛ ta te ɛKiriti gha teye ntsɛntsɛng njwɛɛn. Kɛ ne lenɛ ne ɛKiriti gha ɛTaanggbey ya say njwɛɛn wu njwɛɛn so cik ɛnu ɛyisɛ ɛbhɛ, njwɛɛn ta teye ninyi ne wɛwɛy ɛTaanggbey ya, njwɛɛn ta teye ninyi ne kɛ phɔt.

iRooma 2:19

Ɛ yɛɛ ncɛncɛng igyɛ ɛ so ɛhaa ne hɔ ninaa niwil ɛntsɛng, igyɛ ɛ so ɛwɛwɛy ninaa nɛ nibhɛ so ndɔ gbyik.

ɛYohana 1:9

iWɛwɛy ne itin de ne iphɛ tol ninyi na gbik ko ne yaaso ndɔ ɛzay ya.

ɛMacu 4:16

Ninyi nɛ nibhɛ so ndɔ igbyik, nibhɛ kɛ yaang ɛgbaang ɛwɛwɛy. Gbik ɛli nɛ nibhɛ so ne ivel da ne izazurum ne iku de kɛ te gyɔɔ wo, ɛwɛwɛy kɛ ne jung wuru ɛbhɛ tol nibhɛ.”

iGalatiya 5:25

iKabyik ɛTaanggbey de iphɛ kɛ nang njwɛɛn iken de, iphɛ ɛlɛy te njwɛɛn roos ɛkɔn na ne iKabyik ge kɛ tɔɔrek njwɛɛn no gbik.

iRooma 1:21

Ɛli nɛ nibhɛ yɛɛ ɛTaanggbey yegha, gbik ne phɛ ɛlɛy sɔng nibhɛ kɛ ne nang ɛbhɛ ne ndiinday wo ɛ so ɛTaanggbey yang, sɔng nibhɛ kɛ ne ta tɔɔrek ɛbhɛ irway ihwala nang. iCwas nibhɛ da kɛ ne yang kyi te buu, irway nibhɛ da ne ifɛ sang seng ɛkɔn na kɛ ne te gbyik.

iFisus 5:2

Shɛɛ ishwɛɛ ne ishwim ɛli ne ɛKiriti gha kɛ sim njwɛɛn no, ɛ phyii nang ito ɛbhɛ de ɛlɔ njwɛɛn na te ɛkɔn ne hap itsanga gha ne ɛ bok ɛnkyinkyɔp ɛyɛnɛng nga ne kɛ hap ɛTaanggbey yegha ne itsanga de.

ɛTomɛ 17:30

Ne ile de, sɔng ɛTaanggbey ya kaa bak ninyi na nggbang daa ne ibol ne re nihak nikɔn na ntsong ngga nang, daa ɛli ne sɔng nibhɛ kaa yɛɛ nang. ɛLyilyɛghaa wo, ɛTaanggbey ya ne ji bo tɛ ninyi ɛzay ya gbik hyereey nibhɛ san ɛbɔk.

ɛMacu 3:8

Mɔn ɛn nikɔn na nɛ nibhɛ yaa tɔɔrek wu ɛ kɛ san ɛn ɛbɔk ka.

ɛYohana 12:35

ɛYɛso gha ne kyii nɛ ɛ yɔngɔ, “Yaa nang nyini iWɛwɛy de ndɔ nten ncɛt, Hyel ɛn nten ne iwɛwɛy de ɛtuk tang phɔt nyini nɛ. Sɔng ɛnyi gha ne ɛ hyel ndɔ ɛtuk ka yɛɛ ɛlɔ gha ne ɛ phɛɛs sang.

iRooma 13:12

ɛTuk ka yek gbang, ihwɛlɛ yungaa wuru. iPhɛ ɛlɛy te njwɛɛn hana nitomɛ ndɔ gbyik ka njwɛɛn yɛk en ne nikɔn ne itsom ninaa nɛ nibhɛ so iwɛwɛy.

iKɔlɔsi 1:12

Nzi bol ne ɛTaanggbey ya te ˆɛ tɔɔsel ɛn ɛTaa yegha irway ihwala daa ɛli ne ɛbhɛ kɛ te njwɛɛn kɛ hɔn sɛ ma yɛk ne ihop njwɛɛn ne isha de ne kɛ ryɔng ninyi ɛbhɛ na nɛ, nɛ nibhɛ so ndɔ ne igbɔm iwɛwɛy da.