iFisus 5:5 - ɛWee ne ìTsɛm iHywas

⁵ Seng ɛn iphɛ ncɛncɛng ɛlɛ, ɛhaa ne nzangas sa, ne ɛhaa ne roos ihyop igywebhe ne ibek ge nɛ wo, ne ɛhaa ne irisɛ gha, ne iphɛ soye ɛkɔn ɛdaan nɛ ne ire igunkyi de ntsong ngga, sɔng ɛdɛ ɛbhɛ bok ihop ndɔ ne isha ne igbɔm ɛKiriti da gbik ne ɛTaanggbey ya nang.

iFisus 5:5 ပူးပေါင်းရင်းမြစ်များ

iGalatiya 5:21

ne ɛnkyis, ishwɛɛ ziizii, ne sim ijwira ne sɔ igbuut, nɛ ɛbyin nɛ. Nzi kpɛng nyini ɛlyilyɛghaa wo, ɛli ne nggɛ ta ku kpɛng nyini wo. Nzi bo, ninyi na nibhɛ mɔn nikɔn nɛnaa nggyɛ wo, sɔng nibhɛ sɛ ne bhɛ sɛ ɛwɛng ne igbɔm ɛTaanggbey da nang.

Nikɔn ne kɛ Phaal 22:15

Ninyi na nɛ nibhɛ ne so ɛtsim ɛgarang nga sɛ ne so ɛlɛ: ninaa nɛ nibhɛ kɛ bees itso nibhɛ nɛ nikɔn ne ishis, nɛ ninaa ne ikyarakyut, nɛ ninaa ne ra nzangas, nɛ ninaa ne phobho ninyi, nɛ ninaa ne re igunkyi ntsong gbik nɛ ninaa ne saghe ne irywɛɛk nibhɛ ta i wul ifɛ.

iKɔlɔsi 3:5

iPhɛ ɛlɛy, ne ˆɛ phoo ɛn ihyop nikɔn ɛzay de nɛ nibhɛ so ndɔ ne irway mon da. Phoo ɛn ihyop ne nzangas de, ne ihyop nikɔn ne iyɔm ncwa da, ne icwas ivebhe da, ne irisɛ de ne iphɛ soye re igunkyi de ntsong ngga.

iFisus 5:3

Sɔng ne i phok ngka ne nzangas ndɔ nang, sɔng ne phok ngka ɛkɔn ne ishis, ne irisɛ ndɔ mon no nang, daa ɛli ne sɔng nikɔn nɛnaa wo so kancɛng ne ishwɛɛ ninaa ɛTaanggbey da nang.

Nikɔn ne kɛ Phaal 21:8

Ninaa ne ɛnik ka, nɛ ninaa ne sang nang ne itin de, nɛ ninaa mɔn nikɔn ne ishis sa, nɛ ninaa ne phobho ninyi na, nɛ ninaa ne ra nzangas sa, nɛ ninaa ne kyarakyut ta, nɛ ninaa ne re igunkyi de ntsong ngga, nɛ ninaa ne wul irywɛɛk ga, sɛ cwaak nibhɛ ndɔ ɛling ne igboo ne isɔlifa. ɛLing ne igboo gha bhɛ ne soye iku ne ifaa de.”

iGalatiya 5:19

Nikɔn ne ɛfɔt ta ne ibek ge sim mo ku so kpas. Nibhɛ naa ɛlɛ: re ɛhay ne icwa, ne nzangas, ne ihyop ne phok yɛnɛng nikɔn ne yɔm ncwa,

iBirani 13:4

Gbik mon no, nang ɛn ɛwɛrɛ gha ne ndiinday, te ɛrong-inwa ɛwɛrɛ gha ne shɛɛ ywɛywɛy, daa ɛli ne ɛTaanggbey ya sɛ hyɛ ninaa ne nzangas sa, nɛ ninyi na nɛ nibhɛ kɛ bees se wo ɛshara.

1 ɛTimɔti 6:10

Daa ɛli ne sim ijam be gbom mo iphɛ phɛ soye ɛtum ne ibebhe de hywee-hywee. Tɔk iryat de gbom mo kɛ te ɛbyin ninyi na kɛ hana ìnang ne itin nibhɛ de, nibhɛ kɛ hɔ ito nibhɛ irway ishwii gbom.

1 ɛTimɔti 6:17

Kpɛng ninaa ne iryat ndɔ ɛzay yɛghaa wo, sɔng nibhɛ tɔɔk ito, nibhɛ kyii ne irway nibhɛ daa ne iryat de ne ihywɛ so te igbil lo ne ifɛ phebhe wo nang. Tɛ nibhɛ ne yang sit irwisɛ daa ɛTaanggbey ne ɛbhɛ naas njwɛɛn nikɔn na walala te njwɛɛn i phok iyɛnɛng ngɛ.

ɛTomɛ 8:21

Sɔng ɛ bok ɛkɔn ne aa mɔn ndɔ ɛtomɛ yɛghaa wo nang, daa ɛli ne sɔng irway mo da so cik ɛnu ɛyisɛ ɛTaanggbey ya nang.

ɛTomɛ 20:32

“ɛLyilyɛghaa wo, nzi ne bo te ɛTaanggbey hyep nyini. Te bol ne izɛɛng ɛbhɛ de hyep nyini, te iphɛ nang nyini ihwet iphɛ yɛk ngɛ ɛwɛng ɛbhɛ sɛ nyini, ɛwɛng nga ne ɛ sɛ teye isha ninaa ne roos ɛbhɛ na.

iKɔlɔsi 1:13

Ɛ kɛ tul njwɛɛn ndɔ ne igbɔm igbyik ɛ yɛɛs ne njwɛɛn ndɔ ne igbɔm ɛNgɔn ɛbhɛ ne ɛ sim.