iFisus 5:32 - ɛWee ne ìTsɛm iHywas

³² iBol lɛdee wo so gying, iphɛ so kyukyum gbom, nggɛ ne bo iphɛ daa ne ibol ne ìtsɛm ne ɛKiriti bok ne idira ninaa ne roos.

iFisus 5:32 ပူးပေါင်းရင်းမြစ်များ

Nikɔn ne kɛ Phaal 21:2

Ne n ji yaang ɛGarang nga ne kɛ Tul Kang ngo, iYɛrushɛlɛm iphas de, ɛ le daa ne irywa wo ɛlɔ ɛTaanggbey ya ɛ tɔmɔs. Kɛ gyura ɛbhɛ te ɛyɛl ne ɛ hyep ɛ̀ras.

2 iKɔrɔntos 11:2

N bok iphup ne nyinɛn, ihywee ne iphup ne ishwim ne ɛTaanggbey bok ne nyinɛn. Nggɛ ne ku ryɔng ɛKiriti ye nyinɛn te ɛli ne ɛnyi i ryɔng ɛngɔn ɛlyilyap ɛjejep te ɛ nang ɛtɛm ɛbhɛ.

iKɔlɔsi 2:2

Nzi mɔn ɛkɔn nɛghaa wo tɛ nibhɛ te itsɔngɔl gɛgɛy, nibhɛ teye nidaan nɛ ndɔ ne ishwim. Tɛ nibhɛ seng ɛTaanggbey yegha hyɔrɔ wɛlɛng ito irway. Nibhɛ sɛ ishweng ne ihywɛ soye iryat ne ihywɛ shɛs gbik. iShweng ngɛdaa wo yaa ne phyik nibhɛ, nibhɛ seng ɛkyukyum ne ibol igying ɛTaanggbey de ne kaa ku rɛɛ wo, kaabi ɛKiriti gha.

1 ɛTimɔti 3:16

Sɔng ito irway sonɛ nang, ɛduk ne ìnang ne itin njwɛɛn na ne ɛTaanggbey ya kɛ phaal lo so kyukyum. Kɛ tɔɔrek ɛKiriti yegha ndɔ ne ibek Kɛ tɔɔrek ɛ soye ne itin lenɛ ne iKabyik. Kɛ yaang ɛbhɛ lenɛ nɛ niMalɛka, kɛ tɔng ibol ɛbhɛ ndɔ ne igbagha, Kɛ nang ne itin nɛ ne ɛbhɛ ɛzay ya gbik, kɛ bo ɛbhɛ ndɔ ne ndiinday.

ɛYohana 3:29

Naa ten nyini ibol lɛdee wo ne idee ne Tom ɛYɛl, ɛyiyaam ne yɛl la ɛbhɛ bok ɛyɛl lo; ɛtaay ɛbhɛ gha ne ɛ kɛ soos ɛlɔ ne tom ɛyɛl lo ɛ ten itoro. Yaa ne sɛ nten de ne ɛnyi ɛbhɛ gha bol lo, ne ɛ bok irway ihwala dak ne izɔlɔs ɛyiyaam ne yɛl de. iRway ihwala yɛdaa nggyɛ wo ne so ivaa nge ɛlyilyɛghaa wo, ifɛ ne so hyɔrɔ.

iFisus 6:19

Ne ˆɛ ma bol ɛn ne ɛTaanggbey ya daa mee te ɛ nang me ibol de ne naa bol wɛlɛng ɛnik, te n tɔng ninyi na ɛduk ne iBol iYɛnɛng nga ne iphɛ so gying ngo.

1 ɛTimɔti 3:8

ɛLɛy nɛ ninaa ne phyighis ne ɛtomɛ gha ndɔ ne idira ninaa ne roos de, iphɛ so nggbinggbing nibhɛ so ihywɛɛ, sɔng ninaa ninu ifaa nang, sɔng nikpuru ne sɔ inɛn ɛnap nang, sɔng ninaa ne tek iryat ɛbuu nang.

iFisus 5:31

ɛKɔn nɛghaa wo ɛbhɛ kɛ te kɛ haa ndɔ ne ɛWee ne iBol ɛTaanggbey yo i bo, “ɛNyi gha yaa tek ɛgyinɛ ne ɛkyɛɛ, ɛ byinki ito ɛbhɛ ne ɛkuk ɛbhɛ, nibhɛ ifaa da ne teye ibek ɛdaan.”

iFisus 5:33

Gbik ne iphɛ ɛlɛy, te ɛrɔngɔ sim ɛkuk ɛbhɛ ɛli ne ɛ sim ito ɛbhɛ. Te ɛkuk ka ne ma nang ɛras ne ndiinday ne mang.