iFisus 5:29 - ɛWee ne ìTsɛm iHywas

²⁹ Wɛlɛng ɛnyi gha ne ɛ kɛ ku mbaray ibek ɛbhɛ de. ɛNyi gha i yang sal ibek ɛbhɛ de, ɛ ryɔng iphɛ yɛnɛng ɛli ne ɛKiriti gha i ryɔng idira ninaa ne roos de.

iFisus 5:29 ပူးပေါင်းရင်းမြစ်များ

iFisus 5:31

ɛKɔn nɛghaa wo ɛbhɛ kɛ te kɛ haa ndɔ ne ɛWee ne iBol ɛTaanggbey yo i bo, “ɛNyi gha yaa tek ɛgyinɛ ne ɛkyɛɛ, ɛ byinki ito ɛbhɛ ne ɛkuk ɛbhɛ, nibhɛ ifaa da ne teye ibek ɛdaan.”

ɛMacu 23:37

ɛYɛso ne salan ɛ yɔngɔ, “Aa ninyi ne iYɛrushɛlɛm! Ninyi ne iYɛrushɛlɛm! Ninaa phobho ninabawa, ɛ ta phengɛ ɛn ninyi ne ɛTaanggbey kɛ tom nyini nɛ. Nggɛ has irway gbom te nzɛɛ tumɛ nyini ɛli ne itsoro i tumɛ ninɔn ne ihywɛ, ihywɛ kumure nibhɛ ndɔ ne ivaat ne ihywɛ, sɔng ɛ kɛ ne sim ɛn nang!

iRooma 1:31

Nibhɛ so niwamang, sɔng nibhɛ i shwaak ɛkɔn na ne kɛ rop nang. Nibhɛ so ninaa ne sang sim nigwaa, ninaa ne sang san iyɔm.

ɛMacu 6:26

Wɛɛ ɛn ninon ɛdaa ne irywa na, sɔng nibhɛ hap nang, sɔng nibhɛ ne pha nang, sɔng nibhɛ ne bok ɛgban nang, gbik ne iphɛ ɛlɛy ɛKyɛɛ ɛdaa ne irywa mon ɛbhɛ ne re nɛ nibhɛ. Ne ɛ shɛɛ tang phyin ɛn ninon naa?

iFisus 5:28

ɛLɛy ne iphɛ kɛ ne jam mɛ niras sa sim nikuk nibhɛ na tɛ ɛli nɛ nibhɛ i sim ibek nibhɛ. Gbik ɛras sa ne ɛ sim ɛkuk ɛbhɛ gha, ɛɛ sim ito ɛbhɛ.

iFisus 5:30

Daa ɛli njwɛɛn soye ibap ne ibek ɛbhɛ.