iFisus 5:26 - ɛWee ne ìTsɛm iHywas

²⁶ ɛKiriti gha kɛ mɔn ɛlɛ wo te ɛ tul ɛTaanggbey ye idira ninaa ne roos de kang lenɛ ne ibol ɛbhɛ, ɛtsim mɛ ne ɛ kɛ kuus nibhɛ ne inɛn.

iFisus 5:26 ပူးပေါင်းရင်းမြစ်များ

ɛYohana 15:3

Ɛ kɛ ne ku te ɛn wɛwɛy lenɛ ne ibol de ne nggɛ ku tɔng nyini wo.

iBirani 10:22

iPhɛ ɛlɛy nɛ njwɛɛn shompeey cɛcɛk ne ɛTaanggbey ya ne irway ijwaan, ne ìnang ne itin hyɔrɔ. Nɛ njwɛɛn shompeey ne irway ne kɛ kuus ifɛ kɛ te tɔrɔk, gbik ne ibek ne kɛ kuus ne inɛn iwɛwɛy.

ɛYohana 3:5

ɛYɛso gha ne kyii nɛ ɛ yɔngɔ, “Nzi tɔng ngɛ itin nɛ, wu kɛ sang kyii ta yɛk ɛnyi ndɔ inɛn gbik ne iKabyik, sɔng ɛ sɛ ne bhɛ lel ne igbɔm ɛTaanggbey da nang.

1 iKɔrɔntos 6:11

ɛLɛy nɛ nidɛng ndɔ mon ka ne ma so ne ile de, ɛlyilyɛghaa wo kɛ ne kuus nyini, i tek nyini ɛ so ɛn ninaa ɛTaanggbey, kɛ ne say nyini wu ɛ so ɛn cik ɛnu ɛyisɛ ɛTaanggbey ndɔ ne irywɛɛk ɛDaray ɛYɛso ɛKiriti, gbik ne ikabyik ɛTaanggbey njwɛɛn.

iFisus 6:17

Bo ɛn iphɔrɔt da te ɛkɔn ne ito ne igyɔs, te ɛ bo ɛn iBol ɛTaanggbey de te ɛWal ne iKabyik ne kɛ nang nyini wo.

1 ɛYohana 5:6

Kaa phaal ɛYɛso ɛKiriti yegha ndɔ ne so ɛbhɛ ɛNgɔn ɛTaanggbey ya lenɛ ne ibatisima ɛbhɛ ndɔ inɛn gbik nɛ neyi ɛbhɛ ne ɛ kɛ lok daa ne ihon ne gangat. Kaabi sɔng kaa phaal ɛbhɛ ndɔ ne inɛn da zɔng nang, kaa phaal ɛbhɛ ne inɛn da gbik nɛ neyi. iKabyik ɛTaanggbey ne iphɛ so itin nɛ iphɛ phɛ kɛ nang ishɛɛda yɛ ɛlɛ wo.

ɛTitus 2:14

ɛYɛso ɛKiriti gha ɛbhɛ kɛ nang ito ɛbhɛ te ɛ phɔt njwɛɛn ndɔ ne ibebhe de, te ɛ kɛ ne kuus njwɛɛn, te njwɛɛn teye ninyi ɛbhɛ zɔng, niwɛwɛy yɛ, njwɛɛn has irway ne mɔn nikɔn niyɛnɛng.

iBirani 10:10

Daa ɛli ne ɛKiriti gha kɛ mɔn ɛkɔn na ne ɛTaanggbey ya i sim mo, kɛ ne tul njwɛɛn kang lenɛ ne ɛYɛso ɛKiriti gha i nang ibek ɛbhɛ de te hap ne itsanga de ɛdaan na zɔng ngo.

1 ɛBiturus 3:21

Kɛ ten inɛn nɛdaa nggyɛ wo ne ibatisima ne i phɔt ninyi nɛ ɛlyilyɛghaa. Sɔng i ne phɔt njwɛɛn lenɛ ne kɛ kuus irwirwik ne ibek njwɛɛn nang. I yang phɔt njwɛɛn no lenɛ ne bol ne ɛTaanggbey ye ne icwas ne irway iywɛnɛng wɛlɛng ɛkɔn ne tok gbik ne yilitsik ɛYɛso ɛKiriti ndɔ ne ikpuu.

iBirani 9:14

Neyi ɛKiriti na ne phyin neyi nikɔn nɛnaa nggyɛ wo gbom. Kɛ lenɛ ne iKabyik ne inat tɛdee nggyɛ wo ɛKiriti gha ne ɛ sang ɛkɔn ne tok ka ne nang ɛTaanggbey yegha ito ɛbhɛ gbik. ˆƐ kɛ mɔn ɛlɛ wo te ɛ kuus icwas ne irway njwɛɛn, te njwɛɛn tek nikɔn na nɛ nibhɛ aa sang phyik njwɛɛn no, njwɛɛn yaa re ɛTaanggbey ne iken na ntsong.

ɛTomɛ 22:16

iKyee ne ɛ tɔɔ hyep bhe? Yilitsik te i yɛk kɛ ne ibatisima de te kuus ɛfɔt mo lenɛ ne yel-le irywɛɛk ɛDaray yo.’

1 ɛBiturus 1:2

Nyinɛn no ne ɛTaanggbey ya ne so ɛTaa gha kaa ku i yɛɛ nyini ɛ kasa nyini ne ile lenɛ ne iKabyik ɛbhɛ de, ɛ tul nyini kang ɛ te ɛn nyini ninyi ɛbhɛ, te ɛ roos ɛn ɛYɛso ɛKiriti ye, ɛ sɛ ɛn iyɛnɛng daa ne neyi ɛbhɛ na ne ɛ kɛ lok ko. Te iyɛnɛng ne irway ne laal ɛTaanggbey shɛɛ ne nyinɛn cɛcɛɛy.

ɛYahuza 1:1

ɛWee yɛwoo wo le ɛlɔ ɛYahuza ne ɛ so ɛkpuru ɛYɛso ɛKiriti, ɛ ta so ɛgwaa ɛYakub. Ɛbhɛ phɛɛs ɛlɔ ninyi na ne ɛTaanggbey kɛ yel-le, nɛ nibhɛ shɛɛ ndɔ ne ishwim ɛTaanggbey ne ɛ so ɛTaa, ninaa ne ɛYɛso i hyep nibhɛ.

ɛTomɛ 26:18

te ɛbhɛ phaal nibhɛ irwisɛ tɛ nibhɛ tek igbyik ge nibhɛ yɛɛs ne iwɛwɛy, nibhɛ tek igbɔm ɛShɛtan da nibhɛ yɛɛ ne igbɔm ɛTaanggbey. Te ne hana nibhɛ ne ɛfɔt nibhɛ wo nibhɛ sɛ ɛwɛng nga ne sɛ nang gbik ninaa nɛ nibhɛ kɛ te ne iwɛwɛy ya daa ɛli nɛ nibhɛ kɛ nang ne itin nɛ wo.’ ”

ɛYohana 17:7

ɛLyilyɛghaa wo nang, nibhɛ kɛ ne seng wu gbik nikɔn na ne ɛ kɛ nang me wo nibhɛ le ɛlɔ mo.

ɛYakub 1:18

Kɛ lenɛ ne icwas ɛTaanggbey da, ne nang njwɛɛn iken lenɛ ne ibol ɛbhɛ ne iphɛ so itin nɛ, te njwɛɛn teye ninaa ɛyisɛ yɛ ndɔ nikɔn na ne kɛ ryɔng ngo.

ɛYohana 15:8

Wu ɛ kɛ yɛk ɛn ikpam ba gbom mo nang, iphɛ yaa ne tɔɔrek wu ɛ so ɛn ninɔn ne icwam nge. iPhɛ yaa ne tɔɔrek ito-ndiinday ɛKyɛɛ nge de.

ɛYohana 13:10

ɛYɛso gha ne kyii nɛ ɛ yaak ɛbhɛ, “ɛNyi gha ne ɛ kɛ ku kuus se wo, ibek ɛbhɛ de ne so wɛwɛy, ita ɛbhɛ zɔng iphɛ tɔk sɛ kusu. Ɛ so ɛn wɛwɛy; sɔng ne so gbik mon nang.”

iRooma 10:8

ɛWee ne bol ɛTaanggbey yo i bo: “iBol ɛTaanggbey de so cɛcɛk ne igyɛ, iPhɛ so ndɔ ɛnu mo, ne ndɔ ne irway mo dɔng.” iBol lɛdee wo ne so idee ne nang ne itin nɛ ne ibol de ne njwii sanga wo.

2 iKɔrɔntos 11:2

N bok iphup ne nyinɛn, ihywee ne iphup ne ishwim ne ɛTaanggbey bok ne nyinɛn. Nggɛ ne ku ryɔng ɛKiriti ye nyinɛn te ɛli ne ɛnyi i ryɔng ɛngɔn ɛlyilyap ɛjejep te ɛ nang ɛtɛm ɛbhɛ.

iKɔlɔsi 3:16

Te ibol ɛKiriti de shɛɛ ndɔ ne irway mon da gbom. Mɛmɛ ɛn ne nigwaa nɛ, te ˆɛ kpɛng ɛn nyini ndɔ ne ntsɛntsɛng, ˆɛ yaak ɛn ne ighel ne ɛWee ne iBol ɛTaanggbey, ne ighel ne dɛp ɛTaanggbey ye, ne idee ne iKabyik kɛ nang, ˆɛ tɔɔsel ɛn ɛTaanggbey yegha irway ihwala ndɔ ne irway mon.

iBirani 4:12

Daa ɛli ne ibol ɛTaanggbey de so iken nɛ, iphɛ bok ihwet. iPhɛ re iphɛ phyin ˆɛwal ninu ifaa. iPhɛ lel ndɔ ɛnyi gha gbik iphɛ hyɛ iphɛ hobhose iken ne ikabyik, ne ikpup ne isɔrɔm, iphɛ tuul icwas ɛnyi da gbik.

iBirani 10:14

Kɛ ne lenɛ ne ihap itsanga ɛdaan ɛbhɛ de ɛ kɛ hap po, ɛ kɛ ne te ninyi na ne ɛTaanggbey kɛ tul kang ngo nibhɛ te hyɔrɔ, ihyɔrɔ ne ishay-ishay.

iBirani 10:29

iPhɛ sɛ ne ji so ɛlii daa ɛnyi gha ne ɛ kɛ bɛɛs ɛNgɔn ɛTaanggbey yaa? ɛNyi gha ne ɛ kɛ sang bo neyi ne rop ne ìtsɛm ne tul ɛbhɛ kang ngo te ɛkɔn naa? ɛNyi ghe ne ɛ kɛ towos iKabyik ɛTaanggbey dee? iYa ihywee ɛshara ne sɛ ne ji hyɛ ɛbhɛ nɛɛ?

iBirani 13:12

ɛLɛy ne ɛYɛso gha kaa ne ma bhɛ sɔ nggbang ngga ɛtsim ɛgarang nga, te ɛ te ninyi na iwɛwɛy nɛ neyi ɛbhɛ.

2 ɛBiturus 1:9

Daa ɛli ne gbik ɛnyi gha ne ɛ kɛ wɔs nikɔn nɛnaa wo, ne ɛ tɔ dilim, ɛ so ɛwil, ɛ kɛ ta te bap ne ikuus da ne kaa kuus ɛbhɛ ndɔ ne ɛfɔt ɛbhɛ wo ne ile de.