iFisus 5:25 - ɛWee ne ìTsɛm iHywas

²⁵ Nyinɛn niras so sim ɛn nikuk mon na ɛli ne ɛKiriti gha kɛ sim idira ninaa ne roos de ɛ phyii nang ito ɛbhɛ de ɛlɔ nibhɛ wo.

iFisus 5:25 ပူးပေါင်းရင်းမြစ်များ

1 ɛBiturus 3:7

ɛLɛy ne mang, nyinɛn niras so, boos ɛn nikuk mon na byirik, nang ɛn nibhɛ ne ndiinday, daa ɛli nɛ nibhɛ phyin nyini ne kyɔkyɔt. Daa ɛli ne nyinɛn no nɛ nikuk mon na gbik, ɛ sɛ re ɛn isha ne izɛɛng ne iken de ne ihywɛ le ɛlɔ ɛTaanggbey ya. Mɔn ɛn ɛlɛ wo ɛlɔ ne ɛkɔn yaa yung ring nyini ne boote ɛn ne ɛTaanggbey ya.

iKɔlɔsi 3:19

Nyinɛn niras ne ˆɛ bok ɛn nikuk, sim ɛn nikuk mon na, sɔng ˆɛ boos ɛn nibhɛ ne izok ge nang.

iFisus 5:28

ɛLɛy ne iphɛ kɛ ne jam mɛ niras sa sim nikuk nibhɛ na tɛ ɛli nɛ nibhɛ i sim ibek nibhɛ. Gbik ɛras sa ne ɛ sim ɛkuk ɛbhɛ gha, ɛɛ sim ito ɛbhɛ.

iFisus 5:33

Gbik ne iphɛ ɛlɛy, te ɛrɔngɔ sim ɛkuk ɛbhɛ ɛli ne ɛ sim ito ɛbhɛ. Te ɛkuk ka ne ma nang ɛras ne ndiinday ne mang.

iFisus 5:2

Shɛɛ ishwɛɛ ne ishwim ɛli ne ɛKiriti gha kɛ sim njwɛɛn no, ɛ phyii nang ito ɛbhɛ de ɛlɔ njwɛɛn na te ɛkɔn ne hap itsanga gha ne ɛ bok ɛnkyinkyɔp ɛyɛnɛng nga ne kɛ hap ɛTaanggbey yegha ne itsanga de.

iGalatiya 1:4

ɛKiriti gha kɛ nang ito ɛbhɛ ɛlɔ ne ɛfɔt njwɛɛn te ne ɛ phɔt njwɛɛn ndɔ ɛzay ɛbebhe yeghaa wo ɛli ne ɛTaanggbey ya ne ɛ so ɛKyɛɛ njwɛɛn na i sim.

Nikɔn ne kɛ Phaal 1:5

Ne izɛɛng ne irway ne laal ne ifɛ le ɛlɔ ɛYɛso ɛKiriti ne ɛbhɛ soye ɛshɛɛda ne sɛ kyinak daa ne ibol ɛbhɛ. Ne ɛ soye ɛngɔn ɛkɔɔn ndɔ ninaa ne yiisitsik ne ikpuu da. Ne ɛbhɛ ɛ soye ɛgɔm nigɔm ɛzay ya. Te nang ɛbhɛ ne ndiinday ne ɛbhɛ ɛ sim njwɛɛn, ɛ kɛ sɔnɔ njwɛɛn ndɔ ne ɛfɔt njwɛɛn no lenɛ nɛ neyi ɛbhɛ ne ɛ kɛ lok.

iGalatiya 2:20

Kɛ gangat me ne daa ne ihon no ne ɛKiriti gha. Sɔng mee ndɔ phɔng nang, ɛKiriti gha ne so ɛken ndɔ mee. Nzi ne shɛɛ ishwɛɛ ne ibek ga ndɔ ɛzay yɛghaa wo lenɛ ìnang ne itin ndɔ ɛNgɔn ɛTaanggbey ya ne ɛ kɛ sim me ɛ nang ito ɛbhɛ ɛlɔ mee.”

Nikɔn ne kɛ Phaal 5:9

Nibhɛ ne ji yaak ne iywel ifas, nibhɛ bo, “ˆƐ kɛ hɔn aa bo ɛwee ne ihuhu wo, ˆɛ ta bal icwɛɛm mɛ. Daa ɛli ne kaa phoo yɛ, ne lenɛ nɛ neyi mo na ɛ say ɛTaanggbey ye ninyi gbarang. Ninyi yɛ ne le ne itaang ɛzay de, gbik ne ilwem ɛzay de, ne ihywee ɛzay de gbik ne igbagha ɛzay yo.

ɛMacu 20:28

ɛLɛy ne ɛNgɔn ɛNyi gha ne mang, sɔng ɛ kɛ yɛɛs tɛ ninyi na mɔn ɛbhɛ nitomɛ nang, ɛ kɛ yang yɛɛs te ɛ mɔn ninyi na nitomɛ na, ɛ phyii nang iken ɛbhɛ ɛ phɔt nɛ ninyi gbom.”

ɛTomɛ 20:28

Wɛɛ ɛn nyini yɛnɛng, tɛ nɛ ta wɛɛ ɛn ᐩigyol ɛTaanggbey de ne iKabyik ɛTaanggbey de kɛ yɛk nyini nɛ te ɛ wɛɛ ɛn no. Hyep ɛn ninaa ne roos ɛTaanggbey ya ne ɛ kɛ say nibhɛ nɛ neyi ɛNgɔn ɛbhɛ na.

ɛYohana 6:51

Mee wo ne nzo ire de ne iphɛ nang iken de ne iphɛ le daa ne irywa wo. ɛHiha ɛnyi ne ɛ kɛ ne re ire yɛdee aa ne ku i shɛɛ ɛken ishay-ishay. iRe yɛdee wo ne so ibek nge ne naa nang tɛ ninaa ɛzay ya sɛ iken de.”

1 ɛTimɔti 2:6

Ɛbhɛ ɛ kɛ nang ito ɛbhɛ te ɛ say ninyi na gbik. ɛNggyɛ wo bhɛ ne soye ishɛɛda ne kaa tɔɔl cɛcɛɛy nten de ne ɛTaanggbey ya i sim tɛ sɛ phɔt ninyi na gbik ko.

iFisus 5:24

ɛLi ne idira ninaa ne roos de kɛ nang ito nibhɛ de daa ɛKiriti gha, ɛlɛy nɛ nikuk ka yaa ne ma nang ito nibhɛ daa niras nibhɛ na ndɔ nikɔn na gbik.