iFisus 5:21 - ɛWee ne ìTsɛm iHywas

²¹ Te ˆɛ ɛrɔngɔ nang ɛrɔngɔ ne ndiinday daa ɛli ne ˆɛ kɛ nang ɛ ɛKiriti yegha ne ndiinday de.

iFisus 5:21 ပူးပေါင်းရင်းမြစ်များ

iFilibi 2:3

Sɔng ˆɛ mɔn ɛn ɛdɛ ɛkɔn na ndɔ ne sim ito gbik ne tɔɔk ɛn ito nang. Yang laasek ɛn ito mon de, te ɛ ɛrɔngɔ bo ito ɛbhɛ te ɛgwaa ɛbhɛ phyin ɛbhɛ.

iFisus 5:24

ɛLi ne idira ninaa ne roos de kɛ nang ito nibhɛ de daa ɛKiriti gha, ɛlɛy nɛ nikuk ka yaa ne ma nang ito nibhɛ daa niras nibhɛ na ndɔ nikɔn na gbik.

iFisus 5:22

Nyinɛn nikuk ko, nang ɛn ito mon daa ne niras mon na, ɛli ne ˆɛ kɛ nang ɛn ito mon de daa ɛDaray ya.

1 ɛBiturus 5:5

ɛLɛy ne nyinɛn ninɔn niphas sa, roos ɛn ibol ninu ne ikɔɔn de. Gbik mon no, te ɛrɔngɔ laasek ito ɛbhɛ ɛnu ɛyisɛ ɛgwaa ɛbhɛ daa ɛli ne kɛ haa ndɔ ne ɛWee ne iBol ɛTaanggbey yo i bo, “ɛTaanggbey ya mbaray ninyi na nibhɛ tɔɔsek ito de, ne ɛ ji mɔn ninaa nɛ nibhɛ kɛ laasek ito de iyɛnɛng.”

iBirani 13:17

Roos ɛn ibol nindiinday mon de, te ˆɛ mɔn ɛn ɛkɔn na nibhɛ bok nyini tɛ mɔn ɛn, daa ɛli nɛ nibhɛ bhɛ wɛɛ ishwɛɛ mon, nibhɛ sɛ ne bhɛ mɔng ɛTaanggbey ye ɛtomɛ gha nɛ nibhɛ kɛ mɔn. Wu ˆɛ kɛ roos ɛn ibol nibhɛ de, nibhɛ yaa ne mɔn ɛtomɛ gha ne irway ihwala, sɔng ne irway ishwii nang, daa ɛli ne sɔng ɛtomɛ ne irway ishwii gha yaa phyik nyini nang.

1 ɛBiturus 2:17

Nang ɛn ninyi na gbik ne ndiinday. Sim ɛn nigwaa na nɛ nibhɛ soye ninaa ne roos ɛYɛso yegha. Phok ɛn ɛnik ɛTaanggbey. Nang ɛn ɛgɔm ma ne ndiinday.

1 ɛTimɔti 3:4

iPhɛ so nggbinggbing ɛ so ɛnyi ne ɛ yɛɛ ne boos ijwee ɛbhɛ yɛnɛng, ɛ te ninɔn ɛbhɛ roos ibol ɛbhɛ nibhɛ nang ɛbhɛ ne ndiinday.

iGalatiya 5:13

Nyinɛn nigwaa en no, sɔng kɛ yel-le nyini te ɛ shɛɛ tɛ nikpuru nang. Sɔng ishwɛɛ yɛdaa nggyɛ wo ne te nyini ɛ yaa mɔn ɛn nikɔn na ne ɛ sim ɛn nang. Te ishwɛɛ yɛ yang te ɛ te ɛn nyini nikpuru nigwaa mon lenɛ ne ishwim.

1 ɛTimɔti 2:11

Te ɛkuk ka laasek ito ɛbhɛ te ɛ mɛmɛ nɛ ndɔ ne ihywee.

1 iKɔrɔntos 16:16

roos ɛn ibol ninyi yɛdee nggyɛ wo gbik nɛ ninaa ɛtomɛ mos sa.

1 ɛBiturus 2:13

Roos ɛn igbɔm ɛzay da gbik te sɛ i nang ɛDaray ye ne ndiinday. Roos ɛn ibol ɛgɔm ɛndiinday de daa ɛli ne ɛɛ re igbɔm ba daa ninyi na gbik.

2 iKɔrɔntos 7:1

Daa ɛli ne kɛ ku sim njwɛɛn nɛ nikɔn nɛnaa wo gbik ko nigwaa nge ne nzi sim, ne njwɛɛn kuus ito njwɛɛn daa nikɔn na nɛ nibhɛ aa te ibek njwɛɛn de ne irway njwɛɛn da yɛk ivebhe da, te njwɛɛn ku tul en kang lenɛ ne ɛnik ɛTaanggbey ne njwɛɛn bok.

2 iKɔrɔntos 5:11

Daa ɛli ne njwii yɛɛ ɛkɔn na ne i bo wu te tel ɛnik ɛTaanggbey yo, iphɛ kɛ ne te njwii kyangase nɛ te njwii yaang njwi kɛ hɔ nidɛng ndɔ ne say itin ibol ɛTaanggbey de. ɛTaanggbey ya i yɛɛ ɛli ne njwi so, nzi ne ma wɛɛ te ɛ ma yɛɛ ɛn ndɔ ne irway mon ihywee ninyi de ne njwi so.