iFisus 5:2 - ɛWee ne ìTsɛm iHywas

² Shɛɛ ishwɛɛ ne ishwim ɛli ne ɛKiriti gha kɛ sim njwɛɛn no, ɛ phyii nang ito ɛbhɛ de ɛlɔ njwɛɛn na te ɛkɔn ne hap itsanga gha ne ɛ bok ɛnkyinkyɔp ɛyɛnɛng nga ne kɛ hap ɛTaanggbey yegha ne itsanga de.

iFisus 5:2 ပူးပေါင်းရင်းမြစ်များ

ɛMacu 20:28

ɛLɛy ne ɛNgɔn ɛNyi gha ne mang, sɔng ɛ kɛ yɛɛs tɛ ninyi na mɔn ɛbhɛ nitomɛ nang, ɛ kɛ yang yɛɛs te ɛ mɔn ninyi na nitomɛ na, ɛ phyii nang iken ɛbhɛ ɛ phɔt nɛ ninyi gbom.”

ɛYohana 13:34

“Naa nang nyini ikpii ifas: Sim ɛn nyini. ɛLi ne nggɛ sim nyini wo ɛlɛy ne iphɛ ne so nggbinggbing ɛ sim ɛn nyini.

ɛYohana 6:51

Mee wo ne nzo ire de ne iphɛ nang iken de ne iphɛ le daa ne irywa wo. ɛHiha ɛnyi ne ɛ kɛ ne re ire yɛdee aa ne ku i shɛɛ ɛken ishay-ishay. iRe yɛdee wo ne so ibek nge ne naa nang tɛ ninaa ɛzay ya sɛ iken de.”

iRooma 15:16

te n te me ɛhaa ne mɔn ɛYɛso ɛKiriti yegha ɛtomɛ gha ɛlɔ ninyi na ne hame nibhɛ so niYahodawa na. Nzi mɔn ɛtomɛ ɛbo ɛTaanggbey ya ɛli ne nzi sanga iBol iYɛnɛng ɛTaanggbey de tɛ ninyi na hame nibhɛ so niYahodawa na teye ɛkɔn ne hap itsanga ne ɛTaanggbey ne kɛ tek ɛTaanggbey ye nɛ lenɛ ne iKabyik ɛTaanggbey.

iRooma 4:25

ɛTaanggbey ya kaa nang ɛYɛso yegha te ɛ ku ɛlɔ ne ɛfɔt njwɛɛn, kɛ ne yiisik ɛbhɛ tsik ndɔ ne ikpuu da te ɛ te i say njwɛɛn wu so cik ɛnu ɛyisɛ ɛTaanggbey ya.

iRooma 8:3

ɛKɔn na ne iMɛmɛ ɛMuusaa da kɛ sang yɛɛ ne mɔn nɛ daa ɛli ne ɛten ɛsii gha kɛ taasek, ɛTaanggbey ya kɛ ne mɔn. ɛTaanggbey ya kɛ phoo ihwet ne ɛfɔt to ndɔ ne ibek ɛten ɛsii de lenɛ ne ɛ kɛ tom ɛNgɔn ɛbhɛ ndɔ ne ibek ɛten ɛsii ne iphɛ so cɛcɛɛy idee ne ɛfɔt, te ɛ bunga ɛfɔt to.

iRooma 8:37

Kwa! Ndɔ nikɔn nɛ na wo gbik, njwɛɛn ma yung phyin ɛli ne yaa yaak njwɛɛn irom lenɛ ne ɛnyi gha ne ɛ sim njwɛɛn!

1 iKɔrɔntos 16:14

Gbik nikɔn na ne aa mɔn ɛn no, mɔn ɛn nibhɛ gbik ndɔ ne ishwim.

1 iKɔrɔntos 5:7

Tul ɛn ihelem ne iyis de ne ɛfɔt to te ɛ te ɛn nyini niphas sɛ. ɛLɛy ɛtsak ɛ ku so ɛn niphas sɛ wo, daa ɛli ne kɛ ku hap itsanga ne ɛKiriti gha ne ɛbhɛ soye ɛNgɔn ne ɛpharak njwɛɛn na ne iDira ne Tes iDee de tsak ko.

2 iKɔrɔntos 2:14

Te ne dɛp ɛTaanggbey ye! Ɛbhɛ ɛ hyel ne njwit cɛcɛɛy ndɔ ɛlang ninyi na nɛ nibhɛ tɔɔsel irway ihwala ɛKiriti da ne ɛ kɛ re itsom be. Ɛ mɔn ɛtomɛ ne njwit njwi bhɛ sanga ibol ɛKiriti de nilɔ na gbik iphɛ ne ji shwalat te ɛnkyinkyɔp ne ɛturarɛ.

2 iKɔrɔntos 2:15

Daa ɛli ne njwi so te ɛnkyinkyɔp ne ɛturarɛ ne ɛKiriti kɛ hap ɛTaanggbey ye ne itsanga, ne mpɛ kɛ shwalat ndɔ ninaa ne kɛ phɔt nibhɛ, nɛ ninaa nibhɛ so ne nkiinɛ ne iku.

2 iKɔrɔntos 8:9

Ɛ yɛɛ ɛn izɛɛng ɛDaray njwɛɛn ɛYɛso ɛKiriti de. Ɛ kɛ soye ɛhaa ne iryat, ɛ kɛ ne teye ɛhala daa ne igboo mon. iHala ɛbhɛ de kɛ ne te nyini ɛ te ɛn nyini ninaa ne iryat.

iGalatiya 1:4

ɛKiriti gha kɛ nang ito ɛbhɛ ɛlɔ ne ɛfɔt njwɛɛn te ne ɛ phɔt njwɛɛn ndɔ ɛzay ɛbebhe yeghaa wo ɛli ne ɛTaanggbey ya ne ɛ so ɛKyɛɛ njwɛɛn na i sim.

iGalatiya 2:20

Kɛ gangat me ne daa ne ihon no ne ɛKiriti gha. Sɔng mee ndɔ phɔng nang, ɛKiriti gha ne so ɛken ndɔ mee. Nzi ne shɛɛ ishwɛɛ ne ibek ga ndɔ ɛzay yɛghaa wo lenɛ ìnang ne itin ndɔ ɛNgɔn ɛTaanggbey ya ne ɛ kɛ sim me ɛ nang ito ɛbhɛ ɛlɔ mee.”

iFisus 1:4

Ɛbhɛ kaa kasa njwɛɛn lenɛ ne ɛYɛso ɛKiriti. Ɛ kaa ne kasa njwɛɛn no ɛli ne kaa tang tum ɛzay ya wu te njwɛɛn tul en kang, wɛlɛng ɛkɔn ne tok. Kaa ne lenɛ ne ishwim ne ɛ bok ne njwɛɛn,

iFisus 3:17

Te ɛKiriti gha shɛɛ ndɔ ne irway mon lenɛ ne ìnang ne itin. Nzi ne bol ne ɛTaanggbey ya te ˆɛ see ɛn iling kyukyum ndɔ ne ishwim,

iFisus 3:19

Te ˆɛ ta seng ɛn ishwim ɛKiriti da ne ifɛ phyin nikɔn na ne ishweng ngga gbik ko te ˆɛ te ɛn hyɔrɔ ne ihyɔrɔ ɛTaanggbey de.

iFisus 4:15

Te yang i tɔng itin nɛ ndɔ ne ishwim, njwɛɛn hɔn ndɔ nikɔn na gbik, i te hyɔrɔ te ɛKiriti gha ne ɛbhɛ so iTo njwɛɛn de.

iFisus 4:2

Shɛɛ ɛn lyaak cɛcɛɛy, te ɛ so ɛn hywɛɛ, ne ɛbɔk. Boos ɛn nigwaa ndɔ ne ishwim.

iFisus 5:15

iPhɛ ɛlɛy, wɛɛ ɛn ihywel mon da yɛnɛng. Sɔng ˆɛ hyel ɛn tɛ niwamang nga nang, yang hyel ɛn tɛ ninaa ne ntsɛntsɛng.

iFisus 5:25

Nyinɛn niras so sim ɛn nikuk mon na ɛli ne ɛKiriti gha kɛ sim idira ninaa ne roos de ɛ phyii nang ito ɛbhɛ de ɛlɔ nibhɛ wo.

iFilibi 4:18

Kɛ tal me nikɔn na gbik nibhɛ ne phyin igbak. Sɔng n da sang ɛkɔn ɛlyilyɛghaa wo nang, daa ɛli ne nggɛ say nikɔn na ne ˆɛ kɛ tom ɛn ɛBafaratus segha nɛ wo. ìNang ngɛdaa wo ne bok ɛnkyinkyɔp, iphɛ so te ihap itsanga, ɛTaanggbey yaa ne say, ɛ phok iyɛnɛng ngɛ.

iKɔlɔsi 3:14

Hante ɛn ne ishwim daa nikɔn nɛnaa wo. iShwim ba ifɛ kɛ byingis nikɔn na ɛlɔ ɛdaan nibhɛ te hyɔrɔ.

1 iTasɔlɔnika 4:9

Daa ne ibol ne sim nigwaa de, sɔng iphɛ ji so yaa ta haa nyini nɛ nang. Daa ɛli ne nyinɛn no ne ito mon, ɛTaanggbey ya kɛ ma ku mɛmɛ nyini nɛ, wu te ɛrɔngɔ sim ɛrɔngɔ.

1 ɛTimɔti 2:6

Ɛbhɛ ɛ kɛ nang ito ɛbhɛ te ɛ say ninyi na gbik. ɛNggyɛ wo bhɛ ne soye ishɛɛda ne kaa tɔɔl cɛcɛɛy nten de ne ɛTaanggbey ya i sim tɛ sɛ phɔt ninyi na gbik ko.

1 ɛTimɔti 4:12

Sɔng ɛ sim ɛnyi bɛɛs sɛdaa ɛli ne ɛ tɔ ne ifas nang. Yang teyɛ ɛkɔn ne mɛmɛ nɛ ɛlɔ ninaa ne roos sa ndɔ ne ivol mo, ne ishwɛɛ mo, ne ishwim mo, ne ìnang ne itin mo gbik ne ishwɛɛ wɛwɛy mo.

ɛTitus 2:14

ɛYɛso ɛKiriti gha ɛbhɛ kɛ nang ito ɛbhɛ te ɛ phɔt njwɛɛn ndɔ ne ibebhe de, te ɛ kɛ ne kuus njwɛɛn, te njwɛɛn teye ninyi ɛbhɛ zɔng, niwɛwɛy yɛ, njwɛɛn has irway ne mɔn nikɔn niyɛnɛng.

iBirani 8:3

I kasa ɛGɔm Nibo na te ɛ hap itsanga nɛ izɛɛng nɛ ninyi i yɛɛset nɛ, nɛ nikɔn ne hap itsanga yɛ. ɛLɛy iphɛ ne ma so nggbinggbing ɛGɔm Nibo njwɛɛn na ma bok ɛkɔn na aa hap ne itsanga de.

iBirani 9:14

Neyi ɛKiriti na ne phyin neyi nikɔn nɛnaa nggyɛ wo gbom. Kɛ lenɛ ne iKabyik ne inat tɛdee nggyɛ wo ɛKiriti gha ne ɛ sang ɛkɔn ne tok ka ne nang ɛTaanggbey yegha ito ɛbhɛ gbik. ˆƐ kɛ mɔn ɛlɛ wo te ɛ kuus icwas ne irway njwɛɛn, te njwɛɛn tek nikɔn na nɛ nibhɛ aa sang phyik njwɛɛn no, njwɛɛn yaa re ɛTaanggbey ne iken na ntsong.

iBirani 9:23

iPhɛ kaa so nggbinggbing i te nikɔn nɛnaa wo, nɛ nibhɛ so izazurum nikɔn ɛdaa ne irywa de wɛwɛy ɛlɛ wo, daa ɛli nɛ nibhɛ kaa so izazurum nikɔn ɛdaa ne irywa na. iPhɛ kaa ne so nggbinggbing i te nikɔn ɛdaa ne irywa na nɛ nibhɛ ne ji sɔ ɛnting nikɔn nɛnaa wo wɛwɛy nɛ nikɔn ne hap itsanga nɛ nibhɛ phyin ninaa wo.

iBirani 9:26

Sɛɛ yɔng ɛlɛy yo, ɛYɛso gha saa ne i ku ɛ kyi ta mɔɔng ɛ ku ne ile ne tum ɛzay de. ɛYɛso gha kaa yang tɔɔrek ito ɛbhɛ ɛdaan zɔng nten de ne ɛtuk ɛshara gha yungaa shwaak ghe, te ɛ ba ɛfɔt to lenɛ ne ɛ kɛ nang ito ɛbhɛ de.

1 ɛBiturus 4:8

ɛKɔn na ne ɛ phyin gbik ɛbhɛ ghaa lɛ, te ɛrɔngɔ sim ɛgwaa ɛbhɛ gbom, daa ɛli ne ishwim ba i te han ninyi na ne ɛfɔt to gbom.

1 ɛYohana 3:16

ɛLɛ ne njwɛɛn i seng ɛli ne ishwim ba so: ɛYɛso gha kɛ nang iken ɛbhɛ ɛlɔ njwɛɛn. iPhɛ ne so nggbinggbing njwɛɛn ma nang iken njwɛɛn de ɛlɔ nigwaa njwɛɛn na.

1 ɛYohana 3:23

iKpii ɛbhɛ da ne so ɛlɛ: te njwɛɛn nang ne itin nɛ ne ɛNgɔn ɛbhɛ ɛYɛso ɛKiriti gha, te ɛrɔngɔ ta sim ɛrɔngɔ ɛli ne ɛKiriti gha kɛ yɛk njwɛɛn nɛ wo.

Nikɔn ne kɛ Phaal 1:5

Ne izɛɛng ne irway ne laal ne ifɛ le ɛlɔ ɛYɛso ɛKiriti ne ɛbhɛ soye ɛshɛɛda ne sɛ kyinak daa ne ibol ɛbhɛ. Ne ɛ soye ɛngɔn ɛkɔɔn ndɔ ninaa ne yiisitsik ne ikpuu da. Ne ɛbhɛ ɛ soye ɛgɔm nigɔm ɛzay ya. Te nang ɛbhɛ ne ndiinday ne ɛbhɛ ɛ sim njwɛɛn, ɛ kɛ sɔnɔ njwɛɛn ndɔ ne ɛfɔt njwɛɛn no lenɛ nɛ neyi ɛbhɛ ne ɛ kɛ lok.

Nikɔn ne kɛ Phaal 5:9

Nibhɛ ne ji yaak ne iywel ifas, nibhɛ bo, “ˆƐ kɛ hɔn aa bo ɛwee ne ihuhu wo, ˆɛ ta bal icwɛɛm mɛ. Daa ɛli ne kaa phoo yɛ, ne lenɛ nɛ neyi mo na ɛ say ɛTaanggbey ye ninyi gbarang. Ninyi yɛ ne le ne itaang ɛzay de, gbik ne ilwem ɛzay de, ne ihywee ɛzay de gbik ne igbagha ɛzay yo.