iFisus 5:15 - ɛWee ne ìTsɛm iHywas

¹⁵ iPhɛ ɛlɛy, wɛɛ ɛn ihywel mon da yɛnɛng. Sɔng ˆɛ hyel ɛn tɛ niwamang nga nang, yang hyel ɛn tɛ ninaa ne ntsɛntsɛng.

iFisus 5:15 ပူးပေါင်းရင်းမြစ်များ

iKɔlɔsi 4:5

Te ɛn ntsɛntsɛng ɛli ne ˆaa shɛɛ ɛn nɛ ninyi na ne hame nibhɛ so ɛn ninaa ne iroos sa. Gbik nten de ne ɛ kɛ sɛ ɛn, mɔn ɛn ɛtomɛ ne iphɛ.

ɛYakub 3:13

ɛHay ɛbhɛ bok ntsɛntsɛng gbik ne ishweng ndɔ mon noo? Te ne ɛ tɔɔrek iphɛ daa ne ishwɛɛ iywɛnɛng gbik nɛ nitomɛ niyɛnɛng ne ɛ mɔn ne irway ilyaak ne i sɛ lenɛ ne ntsɛntsɛng ngge.

iFilibi 1:27

Gbik ɛkɔn na ne ɛ kɛ te, shɛɛ ɛn ishwɛɛ da ne ifɛ kancɛng ne ibol iyɛnɛng ɛKiriti de. Shɛɛ ɛn ɛlɛ wo, te yaa sɛ nggɛ yɛɛs ne yaang nyini, hang nggɛ ma sang yɛɛs yɔɔ, te ne n phok wu ˆɛ kɛ kyinak ɛn ne ihwet ndɔ ne ikabyik idaan, ˆɛ kɛ byinki ɛn ito mon ˆɛ tabha ɛn ilong ndɔ ɛtomɛ ne ibol iyɛnɛng ngge te ɛnyi ɛdaan lenɛ ne ìnang ne itin mon da ne bol iyɛnɛng ngge.

1 iKɔrɔntos 14:20

Nigwaa en, sɔng ɛ tas ɛn tɛ ninɔn nang, yang te ɛn tɛ ninɔn na ɛlɔ ne mɔn nikɔn nibebhe, te icwas mon da ne ji so ivaa ɛnyi ne ɛ kɛ hɔn.

1 ɛTimɔti 6:9

Ninyi na nɛ nibhɛ kat irway ne tɔk iryat de i ne hoghɛ ndɔ ne itɛrɛk, ne irwa gbik ne ihyop igywebhe hywee-hywee ne ihywɛ so iwamang, ihywɛ hɔ nibhɛ ndɔ ne bees se gbik ne iku.

1 ɛBiturus 1:22

ɛLyilyɛghaa wo ne kɛ ne te nyini wɛwɛy ndɔ ne ɛfɔt mon no daa ɛli ne ɛ roos ɛn itin de, ɛ ta i sim ɛn nigwaa mon na ne ishwim ne itin da. iPhɛ ɛlɛy, ne ɛ sim ɛn nigwaa mon ndɔ ɛkyukyum ne irway.

ɛMacu 10:16

“Phok ɛn, nggɛ tom nyini te ᐩigyol ntsabhak ne ihywɛ phɛɛs ɛlɔ nibabu ne izaram. Nɛ te ɛn ntsɛntsɛng te izɔ, te ɛn hywɛɛ te ihywihywaa.

1 iTasɔlɔnika 5:15

Wɛɛ ɛn yɛnɛng, sɔng ɛnyi tal ibebhe ne ibebhe nang. Yang yɛk ɛn irway ne mɔn nikɔn niyɛnɛng ndɔ mon no nɛ ɛbyin ninyi na cɛcɛɛy.

ɛLuka 24:25

ɛYɛso gha ne yaak nibhɛ, “Niwamang en, ˆɛ so hyɔl ne nang ne itin nɛ ne ibol de nɛ ninabawa na kɛ tɔng ngo!

iGalatiya 3:3

Aa mɔn ɛn ɛli ɛ te ɛn nyini niwamang nga gbik ɛlɛ woo? Ɛ kɛ tsa ɛn ndɔ ne ikabyik ɛTaanggbey, ɛ ne ji sim ɛn te aa taal ɛn ne ihwet ne ito mon ne?

iBirani 12:25

Wɛɛ ɛn yɛnɛng, sɔng ˆɛ mbaray ɛn nyini tang tenes ɛn ɛnyi gha ne ɛ bol lo nang. Seng ɛn, ninyi na nɛ nibhɛ kɛ mbaray tang tenes ibol ɛnyi de ne ɛ kaa kpɛng nibhɛ ndɔ ɛzay ya, sɔng nibhɛ kɛ ne phɔrɔt nang. Yaa ne ji mɔn ɛlii njwɛɛn phɔrɔt to wu njwɛɛn kɛ mbaray tang tenes ɛnyi gha ne ɛ kpɛng njwɛɛn daa ne irywa woo?

ɛMacu 27:24

Ne sɛ ɛBilatus sa kɛ yaang ɛli ne aa sang yɛɛ ne mɔn ɛhak ɛkɔn na, ninyi na kɛ tum izok ne irywen, ɛBilatus sa ne bo inɛn ɛ kuus ne ibɔ ɛbhɛ ɛnu ɛyisɛ ne idira ninyi de, ɛ ji yɔngɔ, “Sɔng n bok iwɔ daa neyi ɛnyi yɛghaa wo nang, nyinɛn aa phok ɛn nɛ.”

Nikɔn ne kɛ Phaal 19:10

Ne n ho ne ita ɛbhɛ te n re ɛbhɛ ntsong. Ne ɛ yaak me, “Yɛwɛy! Sɔng ˆɛ mɔn ɛlɛ wo nang! Ma nzo me ɛkpuru ɛYɛso gha te igyɛ wo nɛ nigwaa mo ninaa ne roos sa nɛ nibhɛ i naas ishɛɛda ne itin de ne ɛYɛso gha kɛ phaal lo. ɛTaanggbey ne ˆaa re ɛbhɛ ntsong ngga.” Daa ɛli ne itin de ne ɛYɛso gha kɛ phaal lo i nang ihwet ne tɔng ibol ɛTaanggbey de.

ɛMacu 8:4

ɛYɛso gha ne yaak ɛnyi gha, “Yaang, sɔng ɛ mɔng ɛnyi ibol lɛ nang, yang cwi ɛlɔ ɛbo gha te ɛbhɛ tɔɔrek ito mo, ɛ ji hap itsanga de ne ɛMuusaa gha kɛ yɛk ngɛ wo, tɛ ninyi na ne ji seng wu ɛ kɛ te ɛken na.”

iFisus 5:33

Gbik ne iphɛ ɛlɛy, te ɛrɔngɔ sim ɛkuk ɛbhɛ ɛli ne ɛ sim ito ɛbhɛ. Te ɛkuk ka ne ma nang ɛras ne ndiinday ne mang.

iKɔlɔsi 1:9

iPhɛ phɛ kɛ te, kaa sɛ ɛtuk ka ne njwi kɛ phok ibol mon de, sɔng njwi kɛ ne kɔɔng nge i bol ne ɛTaanggbey ya ɛlɔ mon na nang. Njwii roro ne ɛTaanggbey ya wu te ɛ yɛk nyini ne ntsɛntsɛng ne iKabyik ɛbhɛ hyɔrɔ, te iphɛ te ˆɛ seng ɛn ɛkɔn na ne ɛ sim.

iGalatiya 3:1

Nyinɛn ninyi ne iGalatiya na, ɛ hoghɛ ɛn nisan naa? Hang kɛ mɔn nyini naa? Nggɛ tɔng nyini wɛsɛrɛk ibol ne gangat ɛYɛso ɛKiriti yeghaa daa ne ihon no te ɛli ne ɛ kɛ yaang ɛn ne irwisɛ mon.

ɛMacu 27:4

Ɛ bo, “Nggɛ mɔn ɛfɔt ne nggɛ rɛp ɛnyi gha ne hame ɛ kɛ mɔn ɛkɔn na.” Nibhɛ ne yaak ɛYahuza yegha, “iNɛn mos se? iGyɛ aa phok kɛ nɛ.”

ɛMacu 25:2

Nibhɛ ne iwii ndɔ nibhɛ wo kaa ne so niwamang, nibhɛ ne iwii ne bok ntsɛntsɛng.

iFisus 5:2

Shɛɛ ishwɛɛ ne ishwim ɛli ne ɛKiriti gha kɛ sim njwɛɛn no, ɛ phyii nang ito ɛbhɛ de ɛlɔ njwɛɛn na te ɛkɔn ne hap itsanga gha ne ɛ bok ɛnkyinkyɔp ɛyɛnɛng nga ne kɛ hap ɛTaanggbey yegha ne itsanga de.