iFisus 4:5 - ɛWee ne ìTsɛm iHywas

⁵ ɛDaray ɛdaan, ìnang ne itin idaan, ibatisima idaan nɛ.

iFisus 4:5 ပူးပေါင်းရင်းမြစ်များ

1 iKɔrɔntos 8:6

gbik ne iphɛ ɛlɛy, ɛlɔ njwɛɛn na, ɛTaanggbey ya ne so ɛdaan. Ɛbhɛ ɛ so, ɛTaa gha ne ɛ kɛ ryɔng nikɔn na gbik, ɛhaa ne ishwɛɛ njwɛɛn da lenɛ ne ɛbhɛ, ɛDaray ya ta so ɛdaan, ɛbhɛ ɛ so ɛYɛso ɛKiriti gha ne kɛ lenɛ ne ɛbhɛ i ryɔng nikɔn na gbik, i ta lenɛ ne ɛbhɛ njwɛɛn sonɛ wo.

1 iKɔrɔntos 12:13

Daa ɛli ne gbik njwɛɛn no, hang ɛYahodawa yɔɔ, hang ma sang so ɛYahodawa yɔɔ, hang nikpuru yɔɔ, hang ninɔn ne ijwee yɔɔ, kɛ yɛk njwɛɛn ne ibatisima idaan ne ikabyik idaan, njwɛɛn kɛ teye ibek idaan. Kɛ ne ta nang njwɛɛn iKabyik idaan ndɔ ne irway njwɛɛn.

1 ɛBiturus 3:21

Kɛ ten inɛn nɛdaa nggyɛ wo ne ibatisima ne i phɔt ninyi nɛ ɛlyilyɛghaa. Sɔng i ne phɔt njwɛɛn lenɛ ne kɛ kuus irwirwik ne ibek njwɛɛn nang. I yang phɔt njwɛɛn no lenɛ ne bol ne ɛTaanggbey ye ne icwas ne irway iywɛnɛng wɛlɛng ɛkɔn ne tok gbik ne yilitsik ɛYɛso ɛKiriti ndɔ ne ikpuu.

iRooma 3:30

ɛTaanggbey ya so ɛdaan, ɛbhɛ aa ne say ninaa ne hyɛghɛ icwee da wu nibhɛ so cik lenɛ ne itin ne ibol gbik nɛ ninaa ne sang hyɛghɛ icwee da daa ne nang ne itin nɛ.

ɛMacu 28:19

iPhɛ ɛlɛy, ne ɛ cwi ɛn ɛbhɛ tɔng ɛn igbagha ɛzay yo gbik wu tɛ roos me, nibhɛ tes en ninɔn ne icwam nge, ɛ yaak ɛn nibhɛ ne ibatisima de ndɔ ne irywɛɛk ɛkyɛɛ, ne irywɛɛk ɛNgɔn ne ihoo ne iKabyik ɛTaanggbey.

1 iKɔrɔntos 1:13

ɛKiriti gha kɛ hosop bhee?” ɛBulus sa ne kɛ gangat ɛbhɛ daa ne ihon no ɛlɔ mon naa? Hang kaa yɛk nyini ne ibatisima de ndɔ ne irywɛɛk ɛBulus soo?

ɛYahuza 1:3

Nigwaa nge ne nzi sim, nggɛ ku bok icwas ne haa nyini nɛ daa ne ibol ne iphɔrɔt njwɛɛn de, ne nggyi yaang iphɛ kɛ jam mɛ nzɛ kyii haal nyini nɛ te n te nyini itsɔngɔl gɛgɛy ɛli ne ˆaa kyinak ɛn daa ne imɛmɛ ne itin ɛYɛso de ne ɛTaanggbey ya kɛ nang ninaa ne roos ɛbhɛ na ɛdaan na zɔng ngo.

2 iKɔrɔntos 11:4

Daa ɛli ne ɛ bok ɛn ihywarat ne say ibol nihak ninyi nɛ nibhɛ kɛ yɛɛs ɛlɔ mon na. Ɛ say ɛn mɛmɛ nibhɛ daa ɛYɛso gha ivaa ne ifɛ labhe ne ivaa ne njwi kɛ tɔng nyini wo, ɛ ta say ɛn ihak ikabyik ne iphɛ labhe ne idee ne ɛ kɛ ku say ɛn no, ɛ ta say ɛn ihak ibol iyɛnɛng ne iphɛ labhe ne idee ne ɛ kɛ say ɛn ɛlɔ mos sa.

iFilibi 2:11

Tɛ ilwem ba gbik nang ishɛɛda wu, ɛYɛso ɛKiriti gha ɛbhɛ ɛ soye ɛDaray ya. Te ne nang ɛTaanggbey ye ne ɛ soye ɛTaa ne ndiinday.

iFisus 4:13

ɛLɛ wo ne yaa ne i mɔn nyɛɛn njwɛɛn kyi teye nidaan nɛ ndɔ ne ìnang ne itin da gbik ne ishweng ne seng ɛNgɔn ɛTaanggbey ya. Njwɛɛn teye ninyi nɛ nibhɛ kɛ hɔn, nibhɛ te hyɔrɔ ɛli ne ɛKiriti gha so wo.

iGalatiya 5:6

Daa ɛli ne ndɔ ɛYɛso ɛKiriti gha, sɔng ibol ne hyɛghɛ icwee da ne idee ne sang hyɛghɛ wo iphɛ soye ɛkɔn nang. Ɛkɔn na ne i sim, te ɛnyi gha nang ne itin nɛ ne ɛDaray ya, te ne ɛ tɔɔl iphɛ daa ne ishwim nigwaa.

1 iKɔrɔntos 12:5

Nkpiinɛ ne mɔn ɛDaray yegha ɛtomɛ gha sonɛ kang-ka-kang, ne so ɛDaray ɛdaan nɛ ne i mɔn ɛbhɛ nɛ.

1 iKɔrɔntos 1:2

Ɛbhɛ phɛɛs ɛlɔ ninaa ne roos ɛgarang iKɔrɔntos, ne ɛlɔ ninyi ne kɛ tek ɛTaanggbey ye nɛ ndɔ ɛYɛso ɛKiriti. Ne ɛlɔ ninyi ne kɛ yel-le nibhɛ tɛ nibhɛ teye ninaa ɛTaanggbey gbik nɛ ninyi nilɔ na kang-ka-kang nɛ nibhɛ yeres daa ne irywɛɛk ɛDaray ɛYɛso ɛKiriti ne ɛ so ɛDaray nibhɛ gha gbik ne ɛhaa njwɛɛn na.

ɛYahuza 1:20

Nyinɛn no nigwaa nge ne nzi sim, te ɛrɔngɔ ne phyik ɛrɔngɔ te ˆɛ lɔl ɛn itso mon daa ne ɛtum ne ìnang ne itin mon de ne kɛ tul kang i shɛs so. Bol ɛn ne ɛTaanggbey ya ndɔ ne ihwet ne iKabyik ɛbhɛ de.

iBirani 13:7

Taate ɛn nɛ nindiinday mon na nɛ nibhɛ kɛ tɔng nyini ibol ɛTaanggbey de. Wɛɛ ɛn ishwɛɛ nibhɛ da, wɛɛ ɛn ɛli nɛ nibhɛ kaa taal. Roos ɛn ihywee ne ìnang ne itin nibhɛ de.

iBirani 6:6

nibhɛ jung kyii nibhɛ tek ìnang ne itin nibhɛ de, sɔng ne tang yɛɛ ne kyii nɛ nibhɛ nibhɛ san ɛbɔk ka nang. iPhɛ so ɛlɛ wo daa ɛli nɛ nibhɛ kyii ta gangat ɛNgɔn ɛTaanggbey yegha dɔng, nibhɛ baasek ɛbhɛ ncwa wɛsɛrɛk.

ɛTitus 1:4

ɛbhɛ phɛɛs ɛlɔ ɛTitus, ɛngɔn ne itin nge ndɔ ne ìnang ne itin mos. Te izɛɛng gbik ne irway ne laal, ne ifɛ le ɛlɔ ɛTaanggbey ne ɛ so ɛTaa, ne ɛYɛso ɛKiriti ɛHaa ne Phɔt Njwɛɛn shɛɛ ne igyɛ.

ɛTitus 1:1

ɛWee yɛwoo wo le ɛlɔ ɛBulus, ɛkpuru ɛTaanggbey ne ɛngɔn ne tom ɛYɛso ɛKiriti. Kɛ kasa me i tom me te n phyik ìnang ne itin ninaa ne ɛTaanggbey kɛ kasa, n da tɔɔrek nibhɛ ɛnkiinɛ ne seng itin de ne iphɛ yaa tɔɔrek ɛli ne yaa shɛɛ ishwɛɛ ne ifɛ yaa nang ɛTaanggbey ye irway ihwala,

iFilibi 3:8

Nggɛ bo nikɔn na gbik te isusɔng lenɛ ne nggɛ seng ɛDaray nge ɛYɛso ɛKiriti yegha. iSeng ngga ne nggɛ seng ɛKiriti yegha phyin nikɔn na gbik. Kɛ lenɛ ne ɛbhɛ nggɛ ne wɔs nikɔn na gbik, nggɛ bo nibhɛ te isusɔng te nzɛ iryat ɛKiriti de,

ɛTomɛ 10:36

Ɛ yɛɛ ɛn ibol de ne ɛ kaa tom niSɛrɛla na nɛ wo, iphɛ phɛ so ibol iyɛnɛng ne irway ne laal da ne ɛYɛso ɛKiriti gha kaa yɛɛs nɛ wo. ɛYɛso ɛKiriti gha ɛbhɛ ne ɛ so ɛDaray ninyi na gbik.

ɛTomɛ 2:36

“iPhɛ ɛlɛy, tɛ niSɛrɛla na gbik ne seng ncɛncɛng, ɛTaanggbey ya kɛ yɛk ɛYɛso yɛghaa wo nɛ ne ɛ kaa gangat ɛn no ɛbhɛ teye ɛDaray ya ne ɛKiriti gha.”

2 ɛBiturus 1:1

ɛWee yɛwoo wo le ɛlɔ ɛSimɔn ɛBiturus ne ɛbhɛ ɛ so ɛkpuru ne ɛngɔn ne tom ɛYɛso ɛKiriti. Ɛbhɛ phɛɛs ɛlɔ ninyi ne kɛ lenɛ ne icik ɛTaanggbey ne ɛhaa ne phɔt njwɛɛn ɛYɛso ɛKiriti nibhɛ say ìnang ne itin ne iphɛ shɛs ne yɛnɛng te idee mos.

ɛYakub 2:18

ɛDɛng sɛ yɛɛ ne yɔngɔ, “iGyɛ wo ɛ bok ìnang ne itin de, mee wo ne ma n bok nitomɛ.” Nzi ne bo, tɔɔrek me ìnang ne itin mo de tang nitomɛ na, naa ne tɔɔrek kɛ ìnang ne itin nge de lenɛ nɛ nitomɛ nge na.