iFisus 4:4 - ɛWee ne ìTsɛm iHywas

⁴ Ɛ so ɛn ibek idaan, iKabyik ɛTaanggbey idaan nɛ iphɛ so ndɔ mon. ɛLɛy dɔng sit ne irwisɛ ijwaan nɛ ne ta sonɛ ne kɛ yel-le nyini nɛ.

iFisus 4:4 ပူးပေါင်းရင်းမြစ်များ

ɛMacu 28:19

iPhɛ ɛlɛy, ne ɛ cwi ɛn ɛbhɛ tɔng ɛn igbagha ɛzay yo gbik wu tɛ roos me, nibhɛ tes en ninɔn ne icwam nge, ɛ yaak ɛn nibhɛ ne ibatisima de ndɔ ne irywɛɛk ɛkyɛɛ, ne irywɛɛk ɛNgɔn ne ihoo ne iKabyik ɛTaanggbey.

ɛTomɛ 15:11

Njwɛɛn kɛ ne nang ne itin nɛ wu sɛ phɔt njwɛɛn lenɛ ne izɛɛng ɛDaray ɛYɛso de, ɛlɛy ne sɛ ne ma mɔn ninyi na ne hame nibhɛ so niYahodawa na.

iRooma 11:29

Sɔng ɛTaanggbey ya i sunu irway ɛbhɛ daa ɛnyi gha ne ɛ kɛ ku kasa ɛ yel-le ɛ sit ɛbhɛ ne ɛwɛng nga nang.

1 iKɔrɔntos 10:17

ɛLi ne ibɛrɛdi de so iphɛ idaan de, njwɛɛn no ne so maa wo, ne ma so ibek idaan, daa ɛli ne ibɛrɛdi idaan nɛ ne njwɛɛn ne i re.

1 iKɔrɔntos 12:20

ɛLi ne iphɛ ne so wo, nilɔ ne ibek ka ne so gbom, ibek ge ne so idaan.

2 iKɔrɔntos 11:4

Daa ɛli ne ɛ bok ɛn ihywarat ne say ibol nihak ninyi nɛ nibhɛ kɛ yɛɛs ɛlɔ mon na. Ɛ say ɛn mɛmɛ nibhɛ daa ɛYɛso gha ivaa ne ifɛ labhe ne ivaa ne njwi kɛ tɔng nyini wo, ɛ ta say ɛn ihak ikabyik ne iphɛ labhe ne idee ne ɛ kɛ ku say ɛn no, ɛ ta say ɛn ihak ibol iyɛnɛng ne iphɛ labhe ne idee ne ɛ kɛ say ɛn ɛlɔ mos sa.

iFisus 1:18

Nzi ne ta bol ne ɛTaanggbey ya wu te irwisɛ ne irway mon phaal le te ˆɛ seng ɛn ìyɛk ne irway yɛdaa wo ne ɛ kɛ yel-le nyini nɛ wo, ˆɛ ta seng ɛn iryat de ne ihywɛ so gbom ndɔ isha de ne ɛ kɛ sim ninyi ɛbhɛ na nɛ wo.

iFisus 2:16

Kɛ ne lenɛ ne iku ɛKiriti de daa ne ihon ne gangat to, yɛɛs ne irway ne laal ndɔ ninyi ifaa yɛnaa nggyɛ wo ne ɛTaanggbey ya. ɛLɛ wo ne ɛ kɛ ne bunga ishishim be ne iphɛ so ndɔ nibhɛ wo, nibhɛ teye ibek idaan nɛ.

iFisus 2:18

Daa ɛli ne i lenɛ ne ɛKiriti gha njwɛɛn itaang ifaa de, niYahodawa na nɛ ninaa nɛ nibhɛ sang so niYahodawa na i yɛɛ ne lel ɛnu ɛyisɛ ɛTaanggbey ya ne ɛ so ɛTaa gha ne ɛnkiinɛ ɛdaan nɛ, kaabi iKabyik ge.

iFisus 2:22

Kɛ ne ta lenɛ ne ìtsɛm be ne ˆɛ bok ɛn ne ɛKiriti gha, ne lɔl nyini nɛ ɛbyin ninyi na ˆɛ te ɛn nyini ijwee ne ɛTaanggbey i shɛɛ nɛ lenɛ ne iKabyik ɛbhɛ.

iFisus 4:1

iPhɛ ɛlɛy, mee wo ne nzo ne nyang ngge daa ɛli ne nzi roos ɛKiriti yegha, nzi roro ne nyinɛn, shɛɛ ɛn ishwɛɛ da ne ifɛ so kancɛng yel-le da ne kɛ yel-le nyini nɛ wo.

iFisus 5:30

Daa ɛli njwɛɛn soye ibap ne ibek ɛbhɛ.

iKɔlɔsi 1:5

Daa ɛli ne ìnang ne itin mon de so daa nikɔn na ne ɛ kɛ yɛk ɛn ne irway ne kɛ tek nyini nɛ daa ne irywa. Ɛ kaa tsa ɛ phok ɛn ibol nikɔn nɛdee wo ndɔ ne ibol ne itin de ne iphɛ so ibol iyɛnɛng ngge.

iKɔlɔsi 3:15

Te irway ne laal ɛKiriti da hyel ne nyinɛn ndɔ nikɔn na ne ˆaa mɔn ɛn gbik, daa ɛli ne kɛ lenɛ ne irway ne laal lɛdaa wo ɛTaanggbey ya yel-le nyini ndɔ ne ibek idaan. Te ɛ te ɛn nyini ninaa ne tɔɔsel ɛTaanggbey yegha irway ihwala.

2 iTasɔlɔnika 2:16

Te ɛDaray ɛYɛso ɛKiriti njwɛɛn na ne ito ɛbhɛ gbik ne ɛTaanggbey ya ne ɛ soye ɛKyɛɛ njwɛɛn na, ne ɛ kɛ sim njwɛɛn no, ɛ wɔrɔp njwɛɛn no, ɛ ta nang njwɛɛn iyɛk ne irway iywɛnɛng ngga, lenɛ ne izɛɛng ɛbhɛ de,

1 ɛTimɔti 1:1

ɛWee yɛwoo wo le ɛlɔ ɛBulus, ɛngɔn ne tom ɛYɛso ɛKiriti lenɛ ne iyɛk ngɛ ɛTaanggbey ne ɛ so ɛHaa ne phɔt njwɛɛn gbik ne ɛYɛso ɛKiriti ne ɛbhɛ ɛ so ɛhaa ne sit ne irwisɛ njwɛɛn.

ɛTitus 1:2

lenɛ ne iyɛk ne irway daa ne ibol ne iken ne inat de. ɛTaanggbey ya ne hame ɛ wul irywɛɛk ga kaa ku sim-mɛ ne iken nɛdee wo ɛli ne kɛ tang tum ɛzay ya.

ɛTitus 2:13

Njwɛɛn i shɛɛ ɛlɛ wo i hyep ɛtuk ɛwɛng nga ne njwɛɛn kɛ yɛk ne irway da. Nten de ne ito-ndiinday ɛTaanggbey ne nindiinday ɛHaa ne Phɔt njwɛɛn ɛYɛso ɛKiriti gha sɛ tɔɔl le wo.

ɛTitus 3:7

Ɛ kɛ mɔn ɛlɛ wo te lenɛ ne izɛɛng ɛbhɛ de njwɛɛn teye ɛkɔn ne say wu hang i bok ɛfɔt ɛnu ɛyisɛ ɛTaanggbey ya, i ta teye ninaa ne re isha ne iken ne inat de ne njwɛɛn kɛ yɛk ne irway da.

1 ɛBiturus 1:21

Kɛ ne lenɛ ne ɛKiriti gha ne ɛ nang ɛn ne itin nɛ ne ɛTaanggbey ne ɛ kɛ yiisik ɛKiriti yegha tsik ne ikpuu da ɛ nang ɛbhɛ ito-ndiinday. iPhɛ ɛlɛy, ìnang ne itin mon da, ne ìyɛk ne irway mon da ne so daa ɛTaanggbey.

1 ɛYohana 3:3

Gbik ɛnyi gha ne ɛ bok iyɛk ne irway yɛdaa wo daa ɛKiriti gha, te ɛ te ito ɛbhɛ wɛwɛy ɛ shɛɛ wɛwɛy daa ɛli ne ɛKiriti gha so wɛwɛy.