iFisus 4:29 - ɛWee ne ìTsɛm iHywas

²⁹ Sɔng ivol ikpɛɛ wuru ndɔ ɛnu mon nang, yang bol ɛn ivol iywɛnɛng, ivaa ne ifɛ yaa phyik ne lɔl ninyi daa ɛkɔn na nɛ nibhɛ i tɔk. ɛLɛ wo ne ivol mon da yaa ne phyik ninaa nɛ nibhɛ i tenes nyini wo.

iFisus 4:29 ပူးပေါင်းရင်းမြစ်များ

iKɔlɔsi 4:6

Te ivol mon da jam byirik ɛli ne yaa phok iyɛnɛng ngɛ, te ne ˆɛ yɛɛ ɛn ɛli ne aa kyii ɛn ɛrɔngɔ ne ibol de ne kɛ phom nyini.

1 iTasɔlɔnika 5:11

iPhɛ ɛlɛy, te ɛrɔngɔ ne te ɛrɔngɔ itsɔngɔl gɛgɛy, te ɛrɔngɔ ryɔng ɛrɔngɔ ɛli ne ɛ ku mɔn ɛn no.

ɛMacu 5:16

Ɛlɛy ne mang, te iwɛwɛy mon de ne tol ɛnu ɛyisɛ ninyi na tɛ nibhɛ ne yaang nikɔn ne yɛnɛng mon na ne ɛ mɔn ɛn no, tɛ nibhɛ dɛp ɛKyɛɛ mon na ne ɛ so dak ne irywa wo.

1 ɛBiturus 2:12

Shɛɛ ɛn ishwɛɛ iywɛnɛng ndɔ ninyi na nɛ nibhɛ sang yɛɛ ɛTaanggbey yegha. Te yaa ne sɛ nibhɛ bol ivol ne rip ba daa mon no nang, ne yang kyii lenɛ nɛ nikɔn niyɛnɛng nga ne ɛ mɔn ɛn no nibhɛ nang ɛTaanggbey ye ne ndiinday ɛtuk ka ne ɛTaanggbey ya sɛ yɛɛs ɛlɔ njwɛɛn na.

ɛLuka 4:22

Ninyi na ne phok iyɛnɛng ɛbhɛ, nibhɛ yaang ɛkɔn ne kparat daa ne ivol iywɛnɛng ngga ne ɛ bol lo. Nibhɛ ne yaa phomos en nibhɛ bo, “Sɔng ɛngɔn ɛYisifu yeghaa wo nang nge?”

1 ɛBiturus 3:1

ɛLɛy ne mang, nyinɛn nikuk ko, roos ɛn ibol niras mon de. Daa ɛli ne wu nidɛng niras sa sonɛ nɛ nibhɛ kɛ sang nang ne itin nɛ ne ibol ɛTaanggbey, sɛɛ ne yɛɛ ne lenɛ ne ihywɛɛ nikuk nibhɛ de nɛ nibhɛ kɛ tɔɔrek ko i hɔwɔ nibhɛ ma yung tɔ tang ku mɔng nibhɛ ibol.

iFisus 4:16

Ɛbhɛ ɛ bok igbɔm ndɔ ne idira ninaa ne roos de nɛ nibhɛ so tɛ nilɔ ne ibek ka. Nilɔ ne ibek ka ne kɛ byingis lenɛ ne ᐩitsibhi de, ɛrɔngɔ i mɔn ɛtomɛ ɛbhɛ gha te ibek ge ne i hanas ne hɔnɔs sɛ ndɔ ne ishwim ba.

iFisus 4:12

Ɛ kɛ mɔn ɛlɛ wo te ɛ ryɔng ninyi ɛTaanggbey ya nibhɛ mɔn ɛtomɛ ɛbhɛ, nibhɛ lɔl ibek ɛKiriti de.

2 ɛBiturus 2:18

Nibhɛ rɛrɛ, nibhɛ ton itso nibhɛ daa ne ivol ɛbuu. I ne lenɛ ne sim phok yɛnɛng ne yɔm ncwa nibhɛ de, nibhɛ ne i sim tɛ nibhɛ sɛɛ hɔ ninyi na nɛ nibhɛ tɔɔ le ne iphɔrɔt ndɔ ne ishwɛɛ ne ɛfɔt da.

1 iKɔrɔntos 14:19

Gbik ne iphɛ ɛlɛy, ndɔ ne idira ninaa ne roos de, nggɛ ne phyin sim nzɛ boote icwin ne ivol da ifɛ iwii ne ifɛ le ne irway nge, nɛ ninyi na yaa seng te mɛmɛ nidɛng ngɛ, ne naa bol icwin ne ivol da ninom ɛnduwubɔ ne ihak ilem be.

iRooma 14:19

iPhɛ ɛlɛy, te njwɛɛn see ito te mɔn nikɔn na nɛ nibhɛ yaa yɛɛs ne irway ne laal nibhɛ ta byinɛ njwɛɛn.

iRooma 15:2

Te njwɛɛn yang mɔn nikɔn na nɛ nibhɛ yaa nang nigwaa njwɛɛn irway ihwala te iphɛ phyik nibhɛ te ìnang ne itin ne ibol nibhɛ de ne byik ghe.

ɛYohana 1:37

Kɛ ne sɛ ninɔn ne icwam ifaa na kɛ phok ɛbhɛ wo, nibhɛ ne yaa kungus ɛYɛso yegha ɛtsim.