iFisus 4:28 - ɛWee ne ìTsɛm iHywas

²⁸ ɛNyi gha ne ɛɛ hyel ɛyi, te ɛ kɔɔng ihyel ɛyi da te ne ɛ yaa mɔn ɛtomɛ ne ibɔ ɛbhɛ ɛli ne aa re ilong ɛbhɛ, te ɛ phyii sɛ ɛkɔn ɛli ne aa phyik ninyi nihala nɛ.

iFisus 4:28 ပူးပေါင်းရင်းမြစ်များ

ɛLuka 19:8

ɛZaka gha ne yilitsik ɛ yaak ɛDaray yegha, “Yaang ɛDaray! Naa hobhose iryat nge de ɛphaa, ne n bo ihop idaan n hosop nihala. Kang ne ɛlɛy gbik ɛnyi gha ne nggɛ phɔt ɛkɔn ɛbhɛ, naa ne tal ɛbhɛ, n da hante ɛbhɛ ne ɛte ɛnaas daa ɛkɔn na ne nggaa phɔt ɛlɔ ɛbhɛ gha.”

ɛLuka 3:8

Mɔn ɛn nikɔn na nɛ nibhɛ yaa tɔɔrek wu ɛ kɛ san ɛn ɛbɔk ka nɛ ne itin nɛ. Sɔng ɛ ma shii hal ɛn ɛgyɛy ya wu ɛBaraying nga bhɛ so ɛkyɛɛ mon na nang. ɛTaanggbey ya sɛ yɛɛ ne hyere ikpɛɛ yɛdaa bɛ ifɛ teye ninɔn ɛBaraying nga.

ɛYohana 12:6

Sɔng ɛYahuza gha kaa yɔng ɛlɛ wo daa ɛli ne ɛ tas nihala ninyi na nang, ɛ kaa ku so ɛhaa ɛyi, daa ɛli ne ɛbhɛ ɛ kaa so ɛhaa ne boos irambak ne ijam niYɛso yede, ne ɛ kyii mɔɔng ɛ shii tul izɛng nɛ ndɔ yɛ ɛ phyik ito ɛbhɛ nɛ.

ɛYohana 13:29

ɛLi ne ɛYahuza gha ɛbhɛ kaa boos nibhɛ ijam be nang, nibhɛ kaa ne i wɛɛ te ɛYɛso gha bok ɛbhɛ wu te ɛbhɛ say ɛkɔn na nɛ nibhɛ sɛ re ne iDira de, ɛbyin nɛ ne i wɛɛ te ɛ bok ɛbhɛ wu te ɛ nang ninyi nihala ɛkɔn.

iRooma 12:13

Hosop ɛn nikɔn mon na nɛ ninyi ɛTaanggbey ya nɛ nibhɛ so nitaasek. Say ɛn ninaa ne kpoo na ne izinɛ ne ishwɛ.

1 iKɔrɔntos 4:12

Njwi kyangase ne ɛtomɛ gha ne ibɔ mos. I sɛ kɛ toke njwii, njwi ne sit nibhɛ ne ɛwɛng. Ne sɛ i baasek njwii nggbang, njwi ne rop iku.

2 iKɔrɔntos 8:12

Wu ɛ bok ɛn irway ne nang ìnang ngga, ɛTaanggbey ya yaa ne say ìnang mon da kancɛng ne ɛkɔn na ne ɛ bok ɛn, sɔng daa ɛkɔn na ne sang bok ɛn nang.

2 iKɔrɔntos 8:2

Nibhɛ kaa so ndɔ ne nggbang gbom, nibhɛ so nihala hyahyak, gbik ne iphɛ ɛlɛy, irway ihwala nibhɛ da ne te nibhɛ nang ìnang ngga ne irway walala.

iGalatiya 6:10

iPhɛ ɛlɛy, gbik nten de ne njwɛɛn kɛ sɛ, te njwɛɛn mɔn ninyi na gbik nikɔn niyɛnɛng, yang ji so ninaa ne roos ɛKiriti yegha.

1 ɛTimɔti 6:18

Yaak nibhɛ tɛ nibhɛ mɔn nikɔn niyɛnɛng, tɛ nibhɛ hɔn gbom ndɔ ne mɔn nikɔn niyɛnɛng nga, tɛ nibhɛ phyik ninyi na ne irway walala, nibhɛ yɛk irway ne nang.

ɛTitus 3:14

iPhɛ so nggbinggbing ninyi njwɛɛn na mɛmɛ ne nang ito nibhɛ ne mɔn iyɛnɛng tɛ nibhɛ yɛɛ ne phyik nɛ nikɔn nɛ nibhɛ so ninyi na nggbinggbing. Sɔng nibhɛ shɛɛ ishwɛɛ ɛbuu da nang.

ɛTitus 3:8

iBol lɛdee wo so sɛ kyinak nɛ. Nzi ne sim te ɛ sɛ tiil ninyi na nikɔn nɛnaa wo gbik. Tɛ ninyi na nɛ nibhɛ kɛ nang ne itin nɛ ne ɛTaanggbey ya ne nang ihwet nibhɛ gbik ɛlɔ ne mɔn nikɔn niyɛnɛng. Nikɔn nɛnaa wo kɛ jam gbom, nibhɛ ne bok iphyik daa ninyi na gbik.