iFisus 4:22 - ɛWee ne ìTsɛm iHywas

²² iPhɛ ɛlɛy hana ɛn ishwɛɛ icwɛl mon da ne ˆɛ kaa i shɛɛ ɛn nɛ wo. iShwɛɛ icwɛl mon da ne ifɛ i bees ibek ge lenɛ ne iluk ga ne ibek ge i sim mo.

iFisus 4:22 ပူးပေါင်းရင်းမြစ်များ

iRooma 6:6

Njwɛɛn i yɛɛ kɛ gangat irway ne ile njwɛɛn da ne ɛYɛso gha daa ne ihon no te phoo ihwet ne ɛfɔt da ne ɛbhɛ so ndɔ ne ibek njwɛɛn de. Kɛ mɔn ɛlɛ wo te njwɛɛn sang tɔye nikpuru ne ɛfɔt ta.

iRooma 7:11

ɛFɔt to kɛ sɛ ikɛk lenɛ ne ikpii ne imɛmɛ da ne ifɛ kɛ luk me, ifɛ ne phoo me.

2 iKɔrɔntos 11:3

Ne n bok ɛnik wu irway mon yaa yung hyereey, ɛ tek ɛn ishwim iywɛnɛng mon da ne ɛ sim ɛn ɛKiriti yegha. Aa yung hyere nyini ɛli ne ɛWaawu gha kaa hyereey yo nten de ne izɔ de kaa luk ɛbhɛ ne ntsɛntsɛng igywebhe ne ihywɛ de.

iGalatiya 1:13

Ɛ kɛ phok ɛn ihywee ne ishwɛɛ da ne nggaa so ndɔ ne roos iKpii niYahodawa da, ɛli ne nggaa baasek idira ninaa ne roos ɛTaanggbey de nggbang ngga gagak ko, nzi tɔk ɛli ne naa bees nibhɛ wo.

iFisus 2:3

Njwɛɛn gbik kaa tsa so tɛ nibhɛ wo. Njwɛɛn kaa i roos ihyop igywebhe ne ibek njwɛɛn nɛ, i roos ɛkɔn na ne ibek ge ne irway i shɔk njwɛɛn te mɔn zɔng. Njwɛɛn kaa ne teye ɛkɔn ne baasek ɛTaanggbey ye njenjek, iphɛ ne te nggbinggbing njenjek ɛTaanggbey de ho daa njwɛɛn te ɛbyin ninyi ɛzay ya.

iFisus 4:17

iPhɛ ɛlɛy, nzi ne tɔng nyini, nzi kpɛng nyini ndɔ ne irywɛɛk ɛDaray, sɔng ˆɛ tɔ shɛɛ ɛn tɛ ninaa nɛ nibhɛ doo ɛTaanggbey yegha ne icwas nibhɛ da so icwas ɛbuu da nang.

iFisus 4:25

iPhɛ ɛlɛy yang, ne ˆɛ kɔɔng ɛn irywɛɛk ga! Te ɛrɔngɔ i tɔng ɛhaa ɛcɛcɛk ɛbhɛ itin nɛ daa ɛli ne njwɛɛn so ibap ne ibek idaan nɛ.

iFisus 4:31

Hosop ɛn nyini ne irway icway da, ne njenjek ge, ne irway njɛt da, ne irywen da, ne ibees ninyi na irywɛɛk ga gbik ne waa irway da.

iKɔlɔsi 2:11

Ndɔ ɛbhɛ dɔng ne kɛ ne hyɛ nyini ne itee de. Sɔng ne so ihywee ne idee ne i hyɛ ne iwɔ nang, yang so idee ne ɛKiriti gha kɛ hyɛ nyini nɛ lenɛ ne ɛ kɛ tul nyini ndɔ ne ishwɛɛ ne ibek ne iphɛ so ishwɛɛ ɛten ɛsii.

ɛTitus 3:3

Njwɛɛn kaa ma tsa soye niwamang nɛ nisang-phok, ihyop nikɔn ɛzay de luk njwɛɛn, i teye nikpuru nibhɛ. Njwɛɛn ne yaa shɛɛ ishwɛɛ ne boos en ne irway ne ɛnkyis, ninyi i mbaray njwɛɛn, njwɛɛn ne ma i mbaray nibhɛ.

iBirani 12:1

iHywee nishɛɛda yɛdee wo so gbom nɛ nibhɛ kɛ te njwɛɛn gyɔɔ. Daa ɛli ne ihywee nishɛɛda yɛdee wo ne sonɛ ɛlɛ wo, ninaa nɛ nibhɛ kɛ tɔɔrek njwɛɛn ɛli ìnang ne itin da so wo, nɛ njwɛɛn hana gbik ɛkɔn na ne ɛ ring njwɛɛn ne ihywel da. Te njwɛɛn ta hana ɛfɔt to ne ɛbhɛ kɛ wum njwɛɛn no, te njwɛɛn rop irway i tel nggbiy yɛdaa wo ne mpɛ so ɛyisɛ njwɛɛn na.

iBirani 3:13

Ne ɛ tes ɛn itso mon itsɔngɔl gɛgɛy cɛcɛɛy. Mɔn ɛn ɛlɛ wo nten de ne ɛ so ɛn niken “iZenge,” ɛlɔ ne ɛfɔt to ya yung luk ɛdɛ mon irway ɛbhɛ te gɛgɛy.

ɛYakub 1:21

iPhɛ ɛlɛy, ne ˆɛ hana ɛn ishwɛɛ ne ishis da ne ibebhe de gbik. Te ɛ say ɛn ibol de ne kɛ tup ndɔ ne irway mon da ne irway lyaak. iBol de ne iphɛ i yɛɛ ne phɔt nyini wo.

ɛYakub 1:26

Wu ɛdɛ ɛnyi gha i wɛɛ te ɛ so ɛhaa ne roos ɛTaanggbey ye byirik ɛ kyi sang wum ɛnu ɛbhɛ, ɛ ne luk ito ɛbhɛ, iroos ɛbhɛ da ne so buu.

1 ɛBiturus 1:18

Ɛɛ yɛɛ ɛn wu kɛ phɔt nyini ndɔ ne nkiinɛ ɛbebhe wo nɛ nikyɛɛ-nikyɛɛ mon na kaa sonɛ wo. Ɛɛ ne yɛɛ ɛn, sɔng kɛ ne say nyini ne ɛkɔn ɛyɔyɔk te izinariya ne ɛzurufa ne iphɛ phyɔngɔle iphɛ bees se nang.

1 ɛBiturus 4:3

Ɛ kaa ku bees ɛn nten mon gbom ne ile de, ɛ kaa mɔn ɛn nikɔn nɛ ninyi ne hame nibhɛ so ninaa ne roos i saghe nɛ. Ɛ kaa sak nyini mɔn nikɔn ne yɔm ncwa, ne ɛ roos ɛn ihyop ne ibek nɛ, ne ɛ sim ɛn te ɛ sɛ ku i shɛɛ ɛn ziizii, ɛ ra ɛn nzangas, ɛ sak ɛn nyini ne ijwira ne sɔ igbuut, ɛ re ɛn igunkyi ntsong ne iphɛ so ɛkɔn ne ishis.

2 ɛBiturus 2:13

Sɛ tal nibhɛ ne ibebhe daa ne ibebhe nɛ nibhɛ kɛ mɔn. Nibhɛ wɛɛ te iphɛ kɛ ji jam mɛ ne yaa phok yɛnɛng nikɔn nibebhe na ne ibek ge i sim mo ne itsara ne igbey de. iShwɛɛ nibhɛ da ndɔ mon no ne so ɛkɔn ncwa, ɛkɔn ɛbebhe dɔng. Nibhɛ re, nibhɛ sɔ ne nyinɛn, ne sɛ ɛtsim mon, nibhɛ ne ji mɔn ɛkɔn ne ɛ kɛ jam nibhɛ.

2 ɛBiturus 2:7

ɛTaanggbey ya kaa phɔt ɛLuutu yɛ, ɛnyi ɛcik ne irway ɛbhɛ kaa so righitik daa ne ihywee ne ishwɛɛ ivebhe ninyi ne iSɔdɔm ba nɛ nibhɛ sang roos ikpii da.