iFisus 4:21 - ɛWee ne ìTsɛm iHywas

²¹ ɛTsak, ˆɛ kɛ phok ɛn ibol ɛbhɛ de, kɛ ne mɛmɛ nyini ne itin de ne i sɛ ndɔ ɛYɛso gha.

iFisus 4:21 ပူးပေါင်းရင်းမြစ်များ

1 ɛYohana 5:20

Njwɛɛn i ne ta yɛɛ wu ɛNgɔn ɛTaanggbey ya kɛ yɛɛs ɛ nang njwɛɛn ishweng, te njwɛɛn seng ɛTaanggbey yegha ne ɛ so itin de. Njwɛɛn ne bok ìtsɛm ne ɛTaanggbey ya ne ɛ so ɛhaa ne itin na, daa ɛli ne njwɛɛn i bok ìtsɛm bɛ ne ɛNgɔn ɛbhɛ ɛYɛso ɛKiriti gha. ɛYɛso gha ɛbhɛ ɛ soye ɛTaanggbey ne itin na, ɛbhɛ soye iken ne inat de.

iFisus 1:13

Kɛ lenɛ ne ɛKiriti gha, nyinɛn no ne hame ˆɛ so ɛn niYahodawa na, ˆɛ kɛ ne phok ɛn ibol ne itin de, kaabi iBol iYɛnɛng ne iphɔrɔt da. Nten de ne ˆɛ kaa nang ɛn ne itin nɛ ne ɛYɛso gha, ɛTaanggbey ya ne nang nyini iKabyik ɛbhɛ ɛli ne ɛ kaa ku sim nyini nɛ aa mɔn no. iPhɛ yaa ne teye ɛlamba ne ishɛɛda wu ɛ so ɛn ninaa ɛbhɛ.

iKɔlɔsi 2:7

ˆƐ see ɛn iling ˆɛ lɔl ɛn nyini ndɔ ɛbhɛ te ìnang ne itin mon de yɛk ihwet ɛli ne njwi kɛ ku mɛmɛ nyini nɛ wo, irway ihwala mon da yɛɛnɛ njɛnjɛt ɛbyin nɛ loghɛt.

ɛYohana 14:17

ɛHaa ne iPhyik ka ɛbhɛ so iKabyik ntin de ne aa phaal itin de. Sɔng ɛzay ya yaa ne yɛɛ ne say ɛbhɛ nang, daa ɛli ne sɔng ɛ yaang ɛbhɛ ɛ ta yɛɛ ɛbhɛ nang. Nyinɛn no nang ˆɛ yɛɛ ɛn ɛbhɛ, daa ɛli ne ɛ kɛ shɛɛ ndɔ mon no, aa ne ku i shɛɛ nɛ nyinɛn.

2 iKɔrɔntos 11:10

iTin ɛKiriti de ne iphɛ so ndɔ me wo kɛ te me nzi bo wu hang ɛnyi ne sonɛ ne ivel ne iKaya da ne aa ring me ne hal ɛgyɛy ya.

2 iKɔrɔntos 1:20

Daa ɛli ne kɛ lenɛ ne ɛbhɛ ɛTaanggbey ya shwaak nikɔn na ne ɛ kɛ sim-mɛ wo gbik. iPhɛ phɛ kɛ te i lenɛ ne ɛYɛso ɛKiriti gha njwɛɛn i yɔng “Ɛɛy” yo, te nang ɛTaanggbey yegha ne ndiinday.

ɛYohana 14:6

ɛYɛso gha ne kyii nɛ ɛ yaak ɛbhɛ, “Mee nzo ɛnkiinɛ wo ne itin de gbik ne iken de. Sɔng ɛnyi yaa phɛ ɛlɔ ɛKyɛɛ gha tang roos ɛlɔ nge gha nang.

ɛYohana 10:27

Ntsabhak nge de tenes izɔlɔs nge; nzi yɛɛ ihywɛ, ihywɛ ne roos me.

ɛYohana 1:17

Kɛ lenɛ ne ɛMuusaa ne nang ɛShara gha; kɛ ne ji lenɛ ne ɛYɛso ɛKiriti gha ne nang izɛɛng ne itin de.

ɛLuka 10:16

ɛYɛso gha ne ji yaak ninɔn ne icwam ɛbhɛ na, “Gbik ɛnyi gha ne ɛ kɛ bhɛ phok nyini, mee ne ɛ kɛ phok. ɛNyi gha ne ɛ kɛ bhɛ mbaray nyini, mee wo ne ɛ kɛ mbaray. ɛNyi gha ne ɛ kɛ mbaray me wo, ɛ kɛ ne mbaray ɛnyi gha ne ɛ kɛ tom me wo.”

ɛMacu 17:5

Kɛ ne sɛ ɛBiturus sa tɔ ndɔ ivol da, inɔp hala ne shii cwaal nibhɛ, izɔlɔs ne ji boote ndɔ ne inɔp be ihywɛ yɔngɔ, “Ɛngɔn nge gha wo, ɛbhɛ ne nzi ne sim, phok ɛbhɛ ɛn ɛbhɛ de.”

iRooma 10:14

Yaa ne mɔn ɛli nibhɛ yel-le daa ɛnyi gha nɛ nibhɛ kɛ sang nang ne itin nɛ ne ɛbhɛ woo? Yaa ne mɔn ɛli nibhɛ nang ne itin nɛ ne ɛnyi gha nɛ nibhɛ kɛ sang phok ibol ɛbhɛ dee? Yaa ne ta mɔn ɛli nibhɛ phok ko wu ɛnyi kɛ sang bhɛ sanga nibhɛ ibol lɛ woo?

iFisus 2:17

Ɛ kaa yɛɛs ɛ tɔng ibol iYɛnɛng ne irway ne laal ndɔ mon no ne ˆɛ sang so ɛn niYahodawa na, nyinɛn no ne ˆɛ kaa so ɛn kyakyak ne ɛTaanggbey ya. Ɛ kaa ne ma ta tɔng ibol idaan nɛdee wo ndɔ niYahodawa na nɛ nibhɛ kaa so cɛcɛk ne ɛbhɛ wo.

iKɔlɔsi 1:5

Daa ɛli ne ìnang ne itin mon de so daa nikɔn na ne ɛ kɛ yɛk ɛn ne irway ne kɛ tek nyini nɛ daa ne irywa. Ɛ kaa tsa ɛ phok ɛn ibol nikɔn nɛdee wo ndɔ ne ibol ne itin de ne iphɛ so ibol iyɛnɛng ngge.

iKɔlɔsi 1:6

iBol iyɛnɛng ngɛdee wo kɛ yɛk ishwɛɛ iywɛnɛng. iPhɛ i ne ta hanas ne shwalat tɛ ndɔ ɛzay ya gbik ɛli ne iphɛ kaa mɔn ndɔ mon no nten de ne ɛ kaa tsa ɛ phok ɛn ibol ne izɛɛng ɛTaanggbey de, ɛ ta seng ɛn ɛli ne iphɛ so wo.