iFisus 4:2 - ɛWee ne ìTsɛm iHywas

² Shɛɛ ɛn lyaak cɛcɛɛy, te ɛ so ɛn hywɛɛ, ne ɛbɔk. Boos ɛn nigwaa ndɔ ne ishwim.

iFisus 4:2 ပူးပေါင်းရင်းမြစ်များ

ɛMacu 11:29

Nang ito mon ndɔ ne ikpii nge da tɛ nɛ mɛmɛ ɛn nɛ ne mee. Nzo lyaak, ne n da so hywɛɛ, aa ne sɛ ɛn ifɔng ndɔ ne irway mon.

ɛMarakus 9:19

ɛYɛso gha ne boote ɛ yaak ninyi na, “Nyinɛn ninaa ne sang inang ne itin ne izam mɛnaa, ishwɛɛ nge da ne nyinɛn no sɛ hɔn nyini ne nggyibhii? ɛBɔk nge gha ne nyinɛn no sɛ bhɛ hɔn nggyibhii? Nang ɛn mɛɛn ɛngɔn na ɛbɛ.”

ɛTomɛ 20:19

Nggɛ laasek ito nge n mɔn ɛtomɛ ɛDaray ya nɛ niyilis ne irwisɛ nge. Nggɛ kyinak gɛgɛy daa ne ihywee ne cɔk irway da nɛ niYahodawa na kɛ cɔk me nɛwo.

iRooma 15:1

Njwɛɛn no ne ìnang ne itin njwɛɛn da bok ihwet da, iphɛ so nggbinggbing njwɛɛn tɔɔk irighitik ninaa nɛ nibhɛ so kyɔkyɔt to. Te njwɛɛn nang nigwaa irway ihwala sɔng ito njwɛɛn nang.

1 iKɔrɔntos 13:7

iShwim ba i yɛɛs ne ɛbɔk ndɔ nikɔn na gbik, ifɛ ne yɛɛs ne ìnang ne itin ndɔ nikɔn na gbik, ifɛ ne yɛɛs ne iyɛk ne irway ndɔ nikɔn na gbik, ifɛ ne yɛɛs ne rop iku ndɔ nikɔn na gbik.

iGalatiya 6:2

Tɔɔk ɛn nggbang nigwaa da, ɛlɛy ne aa ne shwaak ɛn ɛShara ɛKiriti gha.

iFisus 1:4

Ɛbhɛ kaa kasa njwɛɛn lenɛ ne ɛYɛso ɛKiriti. Ɛ kaa ne kasa njwɛɛn no ɛli ne kaa tang tum ɛzay ya wu te njwɛɛn tul en kang, wɛlɛng ɛkɔn ne tok. Kaa ne lenɛ ne ishwim ne ɛ bok ne njwɛɛn,

iKɔlɔsi 1:11

Te ɛTaanggbey te nyini itsɔngɔl gɛgɛy ne ihwet da ne ifɛ le ne ndiinday ɛbhɛ, ɛli ne ˆaa yɛɛ ɛn ne rop ɛn iku, ˆɛ bo ɛn ɛbɔk ndɔ ne irway ihwala daa ne nikɔn na nɛ nibhɛ i tes so.

1 ɛTimɔti 6:11

iGyɛ ne ɛTimɔti wo ne ɛ soyɛ ɛnyi ɛTaanggbey, tel nikɔn nɛnaa wo. See ito ne tɔk ihywel cik, ne ishwɛɛ ihywee ne ishwɛɛ ɛTaanggbey, ne ìnang ne itin, ne ishwim, ne rop iku gbik ne ihywɛɛ.

2 ɛTimɔti 2:25

Te ɛ mɛmɛ ninaa ne iphup ne imɛmɛ ɛbhɛ da nɛ ndɔ ne ihywɛɛ, yaa rɔk lenɛ ɛlɛ wo ɛTaanggbey ya nang nibhɛ ɛnkiinɛ nibhɛ san ɛbɔk, nibhɛ seng itin de.

ɛYakub 1:21

iPhɛ ɛlɛy, ne ˆɛ hana ɛn ishwɛɛ ne ishis da ne ibebhe de gbik. Te ɛ say ɛn ibol de ne kɛ tup ndɔ ne irway mon da ne irway lyaak. iBol de ne iphɛ i yɛɛ ne phɔt nyini wo.

1 ɛBiturus 3:15

Yang nang ɛn ɛKiriti yegha ne ndiinday ndɔ ne irway mon da daa ɛli ne ɛbhɛ ɛ so ɛDaray. Shɛɛ ɛn ɛkanang cɛcɛɛy ɛli ne aa kyii ɛn ɛnyi gha nɛ ne ɛ kɛ phom nyini ɛkɔn na ne ɛ kɛ te ɛ kɛ yɛk ɛn irway mon daa ne roos ɛKiriti yegha. Gbik ne iphɛ ɛlɛy, ne ɛ mɔn ɛlɛ wo ndɔ ne ihywɛɛ, ne ìnang ne ndiinday.

1 ɛBiturus 3:8

ɛTsim mɛ gbik, te icwas mon da teye ijwaan nɛ. Ɛɛ san ɛn iyɔm nigwaa, ɛɛ sim ɛn nigwaa, ɛ ta i phyighis ɛn nigwaa wɛlɛng itɔɔsek ito.