iFisus 4:18 - ɛWee ne ìTsɛm iHywas

¹⁸ iRway nibhɛ da so hyɔrɔ ne igbyik. Kɛ hosop nibhɛ ne iken de ne ɛTaanggbey ya i naas so daa ne iyɔm ne seng nɛ nibhɛ bok lenɛ ne ito ihet.

iFisus 4:18 ပူးပေါင်းရင်းမြစ်များ

ɛMacu 13:15

Daa ɛli ne irway nibhɛ da kɛ te nkpuy, itoro nibhɛ de kɛ ne babhay, irwisɛ nibhɛ da kɛ ne ta cwamas se. Tɛ nibhɛ ne sang i wɛɛ, itoro nibhɛ de sang phok, irway nibhɛ da sang seng, ɛli nɛ nibhɛ yaa hyereey ɛlɔ nge gha, mee ne ɛTaanggbey yo, n ji te nibhɛ niken.’

iFisus 2:12

Taate ɛn nɛ, nten nɛdee nggyɛ wo, ˆɛ kaa hosop ɛn nyini ne ɛKiriti gha. Sɔng ˆɛ kaa bok ɛn ihop ɛkɔn ndɔ niSɛrɛla na nang. ˆƐ kaa so ɛn tɛ ninaa ne kpoo daa ne ibol ne rop ìtsɛm be ne ɛTaanggbey ya kɛ sim-mɛ wo. Sɔng ɛ kaa bo ɛn ɛkɔn ne ˆɛ kɛ sit ɛn ne irwisɛ nang, sɔng ɛ bok ɛn ɛTaanggbey ye ndɔ ɛzay yeghaa wo nang.

ɛYohana 12:40

“ɛDaray ya kɛ cwaal nibhɛ irwisɛ, ɛ te irway nibhɛ gɛgɛy, te irwisɛ nibhɛ da doo ne wɛɛ irway nibhɛ da ta sang seng te sɔng nibhɛ ne hyereey ɛlɔ ɛTaanggbey ya ɛ te nibhɛ niken nang.”

1 iTasɔlɔnika 4:5

Sɔng ˆɛ te ɛn tɛ ninaa ne hame nibhɛ so niYahodawa na nɛ nibhɛ doo ɛTaanggbey yegha nibhɛ soye nikpuru ne ihyop ne ibek nibhɛ de nang.

ɛYakub 4:4

Nyinɛn no ne ˆɛ kɛ sang kyinak ɛn daa ibol de ne ɛ kɛ sim ɛn ɛTaanggbey yegha nɛ wo! ˆƐ doo ɛn ɛli ne isaa de ne ɛzay ya soye iphup be ne ɛTaanggbey ya naa? Gbik ɛnyi gha ne ɛ kɛ kasa aa wum isaa de ne ɛzay ya, ɛ kɛ ne teye ɛhaa ne iphup ɛTaanggbey ya.

2 iKɔrɔntos 4:4

ɛShɛtan na ne i re ɛbhɛ ntsong ngaa, ne ɛbhɛ ɛ so ɛTaanggbey ne izam mɛghaa wo ne ɛ phebhe wo kɛ cwaal ninaa nɛ nibhɛ kɛ sang nang ne itin nɛ wo irway, tɛ nibhɛ sang yaang iwɛwɛy ne ito-ndiinday ne iBol iYɛnɛng ɛKiriti de ne ɛbhɛ soye izazurum ɛTaanggbey de.

iKɔlɔsi 1:21

ˆƐ kaa tsa ˆɛ so ɛn kyakyak ne ɛTaanggbey ya, ˆɛ so ɛn nyini ninaa ne iphup ɛbhɛ lenɛ ne icwas ivebhe nɛ nikɔn nibebhe ne ˆɛ mɔn ɛn.

1 ɛYohana 2:11

Gbik ɛnyi gha ne ɛ ne mbaray ɛgwaa ɛbhɛ gha ne ɛ so ndɔ gbyik, ɛ ta hyel ndɔ gbyik, sɔng ɛ yɛɛ ɛlɔ gha ne ɛ phɛɛs nang, daa ɛli ne igbyik ge kɛ hyere ɛbhɛ ɛ teye ɛhaa ne iwil.

iGalatiya 4:8

Ne ile de, sɔng ɛ ka yɛɛ ɛn ɛTaanggbey yegha nang. Ɛ ka so ɛn nikpuru nihak nitaanggbey ne sɔng nibhɛ ma yung so ɛkɔn nang.

iRooma 11:25

Nigwaa en, nzi sim te ɛ sɛɛ seng ɛn ɛdɛ ɛkɔn na ne ɛ so nyini gying, aa yung yaa tɔɔsek ɛn itso mon gbom. Nidɛng ninyi niYahodawa na bok ito ihet, iphɛ yaa shɛɛ ɛlɛ wo iphɛ hyep nten de ne sɛ shwaak ɛnu ninyi na ne hame nibhɛ so ɛn niYahodawa ɛli ne ɛTaanggbey ya kaa yɔngɔ wo.

iRooma 1:28

Daa ɛli nɛ nibhɛ kɛ mbaray tang hyel ihywel da nɛ nibhɛ yɛɛ daa ɛTaanggbey ya, ɛTaanggbey ya kɛ ne tek nibhɛ, nibhɛ yɛk icwas ivebhe te ifɛ te nibhɛ, nibhɛ mɔn nikɔn na ne hame nibhɛ kɛ jam nibhɛ sɛ mɔn.

ɛTomɛ 17:30

Ne ile de, sɔng ɛTaanggbey ya kaa bak ninyi na nggbang daa ne ibol ne re nihak nikɔn na ntsong ngga nang, daa ɛli ne sɔng nibhɛ kaa yɛɛ nang. ɛLyilyɛghaa wo, ɛTaanggbey ya ne ji bo tɛ ninyi ɛzay ya gbik hyereey nibhɛ san ɛbɔk.

1 iKɔrɔntos 1:21

ɛTaanggbey ya ndɔ ne ntsɛntsɛng ɛbhɛ de ɛ kɛ ring ninyi ɛzay ya ne seng ɛbhɛ lenɛ ne ntsɛntsɛng nibhɛ. ɛTaanggbey ya kɛ yang mɔn ɛtomɛ ne ibol de nɛ ninyi na i bok iphɛ, “iBol iwamang ngge,” ne njwii sanga wo, ɛ phɔt ninaa nɛ nibhɛ kɛ nang ne itin nɛ ne iphɛ.

iRooma 2:19

Ɛ yɛɛ ncɛncɛng igyɛ ɛ so ɛhaa ne hɔ ninaa niwil ɛntsɛng, igyɛ ɛ so ɛwɛwɛy ninaa nɛ nibhɛ so ndɔ gbyik.

ɛMarakus 3:5

ɛYɛso gha ne yɛɛn nibhɛ ne irway njɛt. Ne ɛ kyii ta bees irway nɛ nibhɛ daa ne ihywee ne irway ikpɛɛ ba nɛ nibhɛ bok ko. Ne ɛ ji yɛɛn ɛnyi gha ne ɛ kɛ baghat iwɔ wo ɛ yaak ɛbhɛ, “Tɔɔl iwɔ mo wo.” ɛNyi gha ne tɔɔl iwɔ ɛbhɛ wo. iFɛ ne shii te ikpen byirik.

2 iKɔrɔntos 3:14

Kaa ne ku cwaal irway nibhɛ da. iZenge ɛlɛ, ɛtura yɛwoo wo ne ɛbhɛ ring nibhɛ ne seng itin de i ne sonɛ nten de nɛ nibhɛ tɔng ɛwee ne ìtsɛm itsɛl lo, daa ɛli ne i yɛɛ ne phaal ɛtura yɛ lenɛ ne ɛKiriti gha zɔng.

ɛTomɛ 3:17

“Nigwaa ɛn, nzi yɛɛ ɛ kaa mɔn ɛn ɛYɛso yegha ɛlɛ wo, daa ɛli ne nyinɛn no nɛ nindiinday mon na, sɔng ɛ kaa ɛ yɛɛ ɛn ɛkɔn na ne ɛ mɔn ɛn nang.

iRooma 11:7

iPhɛ ne ji so ɛli daa mɛɛ? iPhɛ so ɛlɛ, ninyi niSɛrɛla na kɛ wɔs ɛkɔn na nibhɛ kɛɛ tɔk ko, ɛbyin nɛ bɔbɔk ne ɛTaanggbey ya kɛ kasa nibhɛ bhɛ kɛ sɛ, ɛbyin nɛ kɛ ne teye ninaa ne ito ihet.

1 iKɔrɔntos 2:8

Sɔng ɛdɛ ɛgɔm ɛzay yɛghaa wo kɛ ne ku seng ntsɛntsɛng ngɛdee wo nang, daa ɛli ne sɛ yɔng nibhɛ kɛ seng ngo, sɔng nibhɛ saa ne gangat ɛDaray ne ito-ndiinday yegha nang.

iFisus 2:1

Ne ile de, ˆɛ kaa so ɛn ikpom ndɔ ne ikabyik lenɛ ne ˆɛ kɛ ben ɛn ikpii ɛTaanggbey da nɛ ɛ mɔn ɛn ɛfɔt.

iBirani 5:2

ɛGɔm nibo gha ma bok ivaa ɛbhɛ taasek, iphɛ ɛlɛy, aa ne yɛɛ ne boos ninyi na nɛ nibhɛ doo wo, nɛ ninaa nɛ nibhɛ labhas en no ihywɛɛ.

iBirani 9:7

ɛGɔm nibo ɛTaanggbey ya zɔng ɛbhɛ ɛ lel ndɔ ne izuk ne ifaa wo ne kɛ Tul Kang i Shɛs so. ˆƐɛ ne lel ɛdaan ishay. Sɔng ɛɛ ne lel tang ɛ boos neyi nang. Neyi yɛnaa nggyɛ wo ne aa bhɛ nang ɛlɔ ne ɛfɔt ne ito ɛbhɛ gbik ne ɛwoo ninyi wo nɛ nibhɛ kɛ mɔn ndɔ ne iyɔm ne yɛɛ.

1 ɛBiturus 1:14

ɛLyilyɛghaa wo ne ɛ kɛ te ɛn nyini ninɔn ɛTaanggbey ya, ne ɛ roos ibol ɛbhɛ de, sɔng ne ɛ sim ɛn nikɔn na ne ɛ kaa bok ɛn ihyop pɛ ne ile de ta bo ihywɛɛ mon de nang. Nzo ɛ kaa so ɛn ndɔ gbyik nten nɛdee nggyɛ wo.