iFisus 4:17 - ɛWee ne ìTsɛm iHywas

¹⁷ iPhɛ ɛlɛy, nzi ne tɔng nyini, nzi kpɛng nyini ndɔ ne irywɛɛk ɛDaray, sɔng ˆɛ tɔ shɛɛ ɛn tɛ ninaa nɛ nibhɛ doo ɛTaanggbey yegha ne icwas nibhɛ da so icwas ɛbuu da nang.

iFisus 4:17 ပူးပေါင်းရင်းမြစ်များ

ɛLuka 16:28

N bok nigwaa iwii ɛnggyɛ wo, te ɛLaazaru gha bhɛ kpɛng nibhɛ, nibhɛ se ma yung ngee lel ɛlɔ ne nggbang ngɛghaa wo.”

ɛTomɛ 14:15

“Ninyi ne iLisitira! iKyee iphɛ kɛ te ɛɛ mɔn ɛn ɛkɔn neghaa woo? Njwi ma so niten nisii tɛ nyinɛn. Njwi kɛ yɛɛs nyini ne ibol iyɛnɛng, njwii bok nyini te ɛ hyere ɛn nyini ɛ tek ɛn nikɔn nibuu yɛnaa nggyɛ wo, ɛ yaa re ɛn ɛTaanggbey ne iken ne ntsong ne ɛbhɛ kɛ ryɔng ɛdaa ne irywa ne ndɔ ɛzay, nɛ nirenes gbik nɛ nikɔn na nɛ nibhɛ sonɛ ndɔ yɛ.

ɛTomɛ 18:5

Ne sɛ ɛSila ne ɛTimɔti kɛ lenɛ iMakyidɔniya de nibhɛ bhɛ sɛ ɛBulus segha ne iKɔrɔntos de, ɛBulus sa ne ji ku bo nten ɛbhɛ gbik, ɛ sanga ibol iyɛnɛng ngge ɛ tɔɔsel niYahodawa na wu ɛYɛso ɛbhɛ so ɛKiriti gha.

ɛTomɛ 2:40

iBol lɛdee wo ne ɛBiturus sa kaa ne bo nten gbom ɛɛ tɔng ninyi na, ɛ bok nibhɛ, “Phɔt ɛn ito mon daa nggbang ngga ne mpɛ sɛ́ sɛ nibebhe ninyi yɛghaa wo.”

ɛTomɛ 20:21

Nggɛ kpɛng niYahodawa na gbik nɛ ninyi na ne hame nibhɛ soye niYahodawa na, n nzi bo tɛ nibhɛ hyere irway nibhɛ ɛlɔ ɛTaanggbey nibhɛ san ɛbɔk nibhɛ nang ne itin nɛ ne ɛDaray njwɛɛn ɛYɛso gha.

iRooma 1:21

Ɛli nɛ nibhɛ yɛɛ ɛTaanggbey yegha, gbik ne phɛ ɛlɛy sɔng nibhɛ kɛ ne nang ɛbhɛ ne ndiinday wo ɛ so ɛTaanggbey yang, sɔng nibhɛ kɛ ne ta tɔɔrek ɛbhɛ irway ihwala nang. iCwas nibhɛ da kɛ ne yang kyi te buu, irway nibhɛ da ne ifɛ sang seng ɛkɔn na kɛ ne te gbyik.

1 iKɔrɔntos 1:12

ɛKɔn na ne nzi bol ɛbhɛ ghaa lɛ: ɛ bok ɛn ivol mon kang-ka-kang. ɛDɛng i bo, “Nzi roos ɛBulus se.” ɛDɛng ne yɔngɔ, “Nzi roos ɛPolos se.” ɛDɛng ne yɔngɔ, “Nzi roos ɛKyɛfas se. ɛDɛng ne yɔngɔ, ‘Nzi roos ɛKiriti ye.’

1 iKɔrɔntos 15:50

Nigwaa en, nzi sim te ɛ sɛɛ seng ɛn ɛlɛ, sɔng ibek ne ivel ɛzay yɛdaa wo ne iphɛ so inwam ba nɛ neyi na sɛ́ sɛ ihop ne igbɔm ɛTaanggbey da nang. ɛLɛy ne mang, sɔng ibek ne sa de sɛ ne ma sɛ ɛkɔn ne ɛ sɛɛ sang sa nang.

2 iKɔrɔntos 9:6

Seng ɛn, ɛnyi gha ne ɛ kɛ tubhus ihywee de gbom ɛ sɛ ne ma pha gbom, ɛnyi gha ne ɛ kɛ ne tubhus ncɛt, ɛ sɛ ne ma pha ncɛt.

iGalatiya 3:17

Te kaa so nzi bol nzi bo, ɛTaanggbey ya kaa ku rop ìtsɛm bɛ ne ɛBaraying nga sɔng aa ne tang biri nang. Sɔng ɛShara gha ne kɛ yɛɛs nɛ ɛtsim ne ishay ikpɔl nwaas ne nzuwubɔ icwat da (430) ya ne yɛɛ ne phoo ìtsɛm be ne ɛTaanggbey ya kɛ ku rop ne ɛBaraying nga nang.

iGalatiya 5:3

Naa ne hante nɛ n yɔngɔ, gbik gha ɛnyi gha ne ɛ kɛ sim wu te i hyɛ ye itee de, iphɛ so nggbinggbing ɛ roos ɛShara gha gbyak.

iFisus 1:22

ɛTaanggbey ya kɛ ne tek nikɔn na gbik ndɔ ne ita ɛKiriti de, ɛ ta yɛk ɛbhɛ nɛ ɛ teye ito nikɔn na gbik te ɛ re igbɔm ɛ phyik idira ninaa ne roos de.

iFisus 4:22

iPhɛ ɛlɛy hana ɛn ishwɛɛ icwɛl mon da ne ˆɛ kaa i shɛɛ ɛn nɛ wo. iShwɛɛ icwɛl mon da ne ifɛ i bees ibek ge lenɛ ne iluk ga ne ibek ge i sim mo.

iKɔlɔsi 2:18

iPhɛ ɛlɛy sɔng ne ˆɛ tek ɛn ɛdɛ ɛnyi gha hosop nyini ne ɛwɛng nga ne ɛ kɛ re ɛn daa nikɔn nɛnaa wo nang. Sɔng ɛ hosop nyini nɛ lenɛ ne ɛ kyangase ne ring ito ɛbhɛ ne phok yɛnɛng te ɛ sɛ ɛkɔn ne yaa tal ɛbhɛ nang. Sɔng ne ɛ hosop nyini nɛ lenɛ ne ɛ mɛmɛ nyini nɛ wu iphɛ so nggbinggbing i re nimalɛka ntsong nang. Sɔng ne ɛ hosop nyini nɛ lenɛ ne ɛ hal ɛgyɛy wu kɛ phaal le iyuwa ɛ ta i tɔɔsek ito ɛbuu nang. iRway ne ihywee ninyi yɛdee nggyɛ wo soye ishwɛɛ ɛten ɛsii ne ifɛ i te nibhɛ mɔn ɛlɛ wo.

iKɔlɔsi 2:4

Nzi tɔng nyini ibol lɛdee wo, ɛlɔ ne ɛdɛ ɛnyi yaa yung luk nyini ne ɛnu ɛbel.

1 iTasɔlɔnika 4:6

Sɔng ɛdɛ mon ne bees ɛgwaa ɛbhɛ irway, ɛ mɔn ɛbhɛ ibebhe daa nikɔn nɛnaa wo nang. Njwi kɛ ku tɔng nyini, njwii ne ta kpɛng nyini wu ɛDaray ya sɛ baasek ninaa ne mɔn nikɔn nɛnaa wo nggbang.

1 ɛTimɔti 5:21

Nzi bol ne igyɛ ɛnu ɛyisɛ ɛTaanggbey ne ɛYɛso ɛKiriti gbik nɛ nimalɛka ne kɛ kasa wu te ˆɛ roos ikpii ne bol lɛdaa wo wɛlɛng sim ito, ne i sim ɛdɛng ɛ phyin ɛdɛng.

1 ɛTimɔti 6:13

Nzi bol ne igyɛ ɛnu ɛyisɛ ɛTaanggbey ne ɛbhɛ ɛ naas nikɔn na iken de gbik ko gbik ne ɛnu ɛyisɛ ɛYɛso ɛKiriti ne ɛ kaa nang ishɛɛda iyɛnɛng ngge ɛnu ɛyisɛ ɛBilatus ɛBuntus sa.

2 ɛTimɔti 4:1

Nzi bol ne igyɛ ɛnu ɛyisɛ ɛTaanggbey ne ɛYɛso ɛKiriti ne ɛbhɛ sɛ bol ninaa ne iken nɛ ninaa ne ikpuu ɛshara, daa ɛli ne sɛ ɛbhɛ kyii ɛ re igbɔm ɛbhɛ da.

1 ɛBiturus 1:18

Ɛɛ yɛɛ ɛn wu kɛ phɔt nyini ndɔ ne nkiinɛ ɛbebhe wo nɛ nikyɛɛ-nikyɛɛ mon na kaa sonɛ wo. Ɛɛ ne yɛɛ ɛn, sɔng kɛ ne say nyini ne ɛkɔn ɛyɔyɔk te izinariya ne ɛzurufa ne iphɛ phyɔngɔle iphɛ bees se nang.

2 ɛBiturus 2:18

Nibhɛ rɛrɛ, nibhɛ ton itso nibhɛ daa ne ivol ɛbuu. I ne lenɛ ne sim phok yɛnɛng ne yɔm ncwa nibhɛ de, nibhɛ ne i sim tɛ nibhɛ sɛɛ hɔ ninyi na nɛ nibhɛ tɔɔ le ne iphɔrɔt ndɔ ne ishwɛɛ ne ɛfɔt da.