iFisus 4:16 - ɛWee ne ìTsɛm iHywas

¹⁶ Ɛbhɛ ɛ bok igbɔm ndɔ ne idira ninaa ne roos de nɛ nibhɛ so tɛ nilɔ ne ibek ka. Nilɔ ne ibek ka ne kɛ byingis lenɛ ne ᐩitsibhi de, ɛrɔngɔ i mɔn ɛtomɛ ɛbhɛ gha te ibek ge ne i hanas ne hɔnɔs sɛ ndɔ ne ishwim ba.

iFisus 4:16 ပူးပေါင်းရင်းမြစ်များ

ɛYohana 15:5

“Mee nzo me ɛhon ne inabi gha, ɛ ji so ɛn ilaak ge. Wu ɛnyi gha shɛɛ ndɔ me ma nzi shɛɛ ndɔ ɛbhɛ, aa ne yɛk ikpam gbom, daa ɛli ne sɔng ɛ sɛ yɛɛ ne mɔn ɛn ɛkɔn tang me wo nang.

iRooma 12:4

Njwɛɛn bok nilɔ na gbom ndɔ ne ibek idaan, ɛhiha ɛlɔ ne bok ɛtomɛ ɛbhɛ kang.

1 iKɔrɔntos 10:17

ɛLi ne ibɛrɛdi de so iphɛ idaan de, njwɛɛn no ne so maa wo, ne ma so ibek idaan, daa ɛli ne ibɛrɛdi idaan nɛ ne njwɛɛn ne i re.

1 iKɔrɔntos 13:13

Nikɔn itwat tɛnaa wo ku sonɛ. Nibhɛ naa lɛ, ìnang ne itin nɛ, iyɛk ne irway, ne ishwim; ɛgbaang ngɛ gbik ndɔ nibhɛ wo ne soye ishwim ba.

1 iKɔrɔntos 8:1

Daa ne ibol ne ire de ne kɛ nang igunkyi de nang, njwɛɛn i yɛɛ ncɛncɛng wu gbik njwɛɛn no bok ishweng. iShweng ngga ne ito ne ifɛ, ifɛ ne yɛɛs ne itɔɔsek ito, ishwim ifɛ ne lɔl ɛnyi gha.

iGalatiya 5:22

Nikɔn na ne iKabyik ɛTaanggbey de ne yaak ko nibhɛ naa lɛ: ishwim, irway ihwala, irway ne laal, ɛbɔk, iyɛnɛng, irway ne phyik nigwaa, ìnang ne itin,

iGalatiya 5:6

Daa ɛli ne ndɔ ɛYɛso ɛKiriti gha, sɔng ibol ne hyɛghɛ icwee da ne idee ne sang hyɛghɛ wo iphɛ soye ɛkɔn nang. Ɛkɔn na ne i sim, te ɛnyi gha nang ne itin nɛ ne ɛDaray ya, te ne ɛ tɔɔl iphɛ daa ne ishwim nigwaa.

iFisus 1:4

Ɛbhɛ kaa kasa njwɛɛn lenɛ ne ɛYɛso ɛKiriti. Ɛ kaa ne kasa njwɛɛn no ɛli ne kaa tang tum ɛzay ya wu te njwɛɛn tul en kang, wɛlɛng ɛkɔn ne tok. Kaa ne lenɛ ne ishwim ne ɛ bok ne njwɛɛn,

iFisus 3:17

Te ɛKiriti gha shɛɛ ndɔ ne irway mon lenɛ ne ìnang ne itin. Nzi ne bol ne ɛTaanggbey ya te ˆɛ see ɛn iling kyukyum ndɔ ne ishwim,

iFisus 3:7

Kɛ ne nang me ɛtomɛ ne sanga iBol iYɛnɛng ngɛdee wo lenɛ ne izɛɛng ɛTaanggbey, ne ɛTaanggbey ya kɛ nang me daa ne mɔn ɛtomɛ ne ihwet ɛbhɛ.

iFisus 4:12

Ɛ kɛ mɔn ɛlɛ wo te ɛ ryɔng ninyi ɛTaanggbey ya nibhɛ mɔn ɛtomɛ ɛbhɛ, nibhɛ lɔl ibek ɛKiriti de.

iFisus 4:15

Te yang i tɔng itin nɛ ndɔ ne ishwim, njwɛɛn hɔn ndɔ nikɔn na gbik, i te hyɔrɔ te ɛKiriti gha ne ɛbhɛ so iTo njwɛɛn de.

iFilibi 1:9

Nzi ne bol ne ɛTaanggbey ya nzi bo te ishwim mon da hantey yɛ gbogbom, te ɛ hɔn ɛn ndɔ ne ishweng ɛTaanggbey, ˆɛ yɛɛ ne seng ɛbyin nikɔn na gbik.

iKɔlɔsi 2:19

iHywee ɛnyi yɛdee nggyɛ wo kɛ ne ku hosop bhe ne ɛKiriti gha ne ɛbhɛ so ito ne idira ninaa ne roos de. ɛHaa ne ɛbhɛ bok idira ninaa ne roos de ɛlɔ ɛdaan na, kaabi ibek ɛbhɛ de, ne i lenɛ ne itsibhi de nilɔ yɛ byingis se iphɛ raras ihywee ne raras da ne ɛTaanggbey ya ɛbhɛ ɛ yɛk ngɛ wo.

iKɔlɔsi 2:2

Nzi mɔn ɛkɔn nɛghaa wo tɛ nibhɛ te itsɔngɔl gɛgɛy, nibhɛ teye nidaan nɛ ndɔ ne ishwim. Tɛ nibhɛ seng ɛTaanggbey yegha hyɔrɔ wɛlɛng ito irway. Nibhɛ sɛ ishweng ne ihywɛ soye iryat ne ihywɛ shɛs gbik. iShweng ngɛdaa wo yaa ne phyik nibhɛ, nibhɛ seng ɛkyukyum ne ibol igying ɛTaanggbey de ne kaa ku rɛɛ wo, kaabi ɛKiriti gha.

1 iTasɔlɔnika 1:3

Njwii tas ne nyinɛn ɛnu ɛyisɛ ɛTaanggbey ya ne ɛ so ɛTaa gha. Njwii tas ne ɛtomɛ gha ne ìnang ne itin mon da i tɔɔsel lo, ne ɛtomɛ gha ne ɛ mɔn ɛn lenɛ ne ishwim mon da, gbik ne rop iku mon de ne ɛ bok ɛn lenɛ ne sit ne irwisɛ da daa ɛDaray njwɛɛn ɛYɛso ɛKiriti gha.

1 iTasɔlɔnika 2:13

ɛKɔn nɛghaa wo ɛbhɛ kɛ te njwi ne tɔɔsel ɛTaanggbey yegha irway ihwala da cɛcɛɛy yo. Daa ɛli ne nten de ne njwi kaa nang nyini ibol ɛTaanggbey de, sɔng ˆɛ kaa ne say ɛn iphɛ te ibol ɛten ɛsii nang, ˆɛ kaa yang say ɛn iphɛ, iphɛ soye ibol ɛTaanggbey ne iphɛ mɔn ɛtomɛ ndɔ mon. Nyinɛn no ne ˆɛ kɛ nang ɛn ne itin nɛ wo.

1 iTasɔlɔnika 3:12

Tɛ ɛDaray yɛk ngɛ ˆɛ hante ɛn nyini nɛ ndɔ ne ishwim ne ˆɛ bok ɛn ndɔ mon nɛ ninyi na gbik, te ishwim mɛ hɔn ifɛ ngisit gbom ifɛ te ɛli ne ishwim ba ne njwi bok ne nyinɛn no so.

2 iTasɔlɔnika 1:3

Nigwaa en, iphɛ so nggbinggbing, njwi tɔɔsel ɛTaanggbey yegha irway ihwala cɛcɛɛy ɛlɔ mon na. iPhɛ kɛ jam njwi mɔn ɛlɛ wo, daa ɛli ne ìnang ne itin mon de i hanas se nɛ, ishwim ba ne ɛrɔngɔ bok daa ɛrɔngɔ gha i ne ma hanas se nɛ gbom.

1 ɛTimɔti 1:5

ɛKɔn na ne kɛ cwaak ɛyisɛ ndɔ ne ibol lɛdee wo so ishwim, ivaa ne ifɛ le ndɔ ne irway iwɛwɛy, ne izɔlɔs ne irway iywɛnɛng gbik ne ìnang ne itin ne itin.

1 ɛBiturus 1:22

ɛLyilyɛghaa wo ne kɛ ne te nyini wɛwɛy ndɔ ne ɛfɔt mon no daa ɛli ne ɛ roos ɛn itin de, ɛ ta i sim ɛn nigwaa mon na ne ishwim ne itin da. iPhɛ ɛlɛy, ne ɛ sim ɛn nigwaa mon ndɔ ɛkyukyum ne irway.

1 ɛYohana 4:16

ɛTsak, Njwii yɛɛ, njwi kɛ ne ta nang ne itin nɛ ɛTaanggbey ya i sim njwii. ɛTaanggbey ya so ishwim, gbik ɛnyi gha ne ɛ tɔɔsel ishwim ba, ɛ ne shɛɛ ndɔ ɛTaanggbey ya ɛTaanggbey ya ma i shɛɛ ndɔ ɛbhɛ.