iFisus 4:14 - ɛWee ne ìTsɛm iHywas

¹⁴ Kɛ mɔn ɛlɛ wo te njwɛɛn kɔɔng nge kaan ne ihywɛɛ njwɛɛn de tɛ ninɔn nishɛɛrɛng nga. Te njwɛɛn sang teye ninyi ne i kaan ne ihywɛɛ nibhɛ te icwen ne igbil kɛ luu. Te njwɛɛn sang teye ninyi ne imɛmɛ ne iluk i hyeem ihywɛɛ nibhɛ ifɛ bok ngɛ nilɔ na kang-ka-kang.

iFisus 4:14 ပူးပေါင်းရင်းမြစ်များ

ɛMacu 11:7

Ne sɛ nibhɛ kɛ kyii, ɛYɛso gha ne ji yaa bol ne idira ninyi de daa ne ito ɛYohana de ɛ bo, “ɛLi ne ɛ kaa phɛ ɛn ɛlɔ ɛYohana gha ndɔ ɛhay ya, ɛya ɛkɔn ne ɛ kaa tas ɛn aa bhɛ yaang ɛn lɛɛ? Inzang ne igbil i bɛm naa?

ɛMacu 24:11

Ninabawa ne irywɛɛk sɛ ne yɛɛset gbom nibhɛ ne luk ninyi na gbom.

ɛMacu 24:24

Daa ɛli nɛ nikiriti ne irywɛɛk ka nɛ ninabawa ne irywɛɛk ka sɛ wuusi, nibhɛ tɔɔsel nyu ne igbaang nikɔn ne kparat tɛ nibhɛ luk ninyi na ne ɛTaanggbey ya kɛ ku kasa wo, wu nibhɛ yaa yɛɛ nɛ.

ɛTomɛ 23:21

Sɔng ˆɛ sim nibhɛ nɛ nang, daa ɛli nɛ ninyi na phyin nzuwubɔ nwaas nɛ nibhɛ tɔk tɛ nibhɛ sɛɛ phoo ɛBulus segha. Nibhɛ kɛ ku lɛlɛm ihywa nibhɛ bo wu hang n yaa re ɛkɔn, wu hang n yaa ta sɔ ɛkɔn sɛ nkɛ phoo ɛBulus se. Nibhɛ kɛ ne ku ryɔng en nibhɛ kɛ taal, nibhɛ hyep pɛ te ɛ sim ɛroo nibhɛ gha.”

1 iKɔrɔntos 12:2

Ɛ yɛɛn nten de ne ɛ kɛ tang te ɛn nyini ninaa ne roos sa, kaa ne luk nyini ɛ yaa re ɛn igunkyi ne iphɛ sang iken ntsong.

1 iKɔrɔntos 14:20

Nigwaa en, sɔng ɛ tas ɛn tɛ ninɔn nang, yang te ɛn tɛ ninɔn na ɛlɔ ne mɔn nikɔn nibebhe, te icwas mon da ne ji so ivaa ɛnyi ne ɛ kɛ hɔn.

1 iKɔrɔntos 3:19

Daa ɛli ne ntsɛntsɛng ɛzay yɛdee wo soye iwamang ɛlɔ ɛTaanggbey ya, ɛli ne kɛ ku haa ndɔ ne ɛWee ne iBol ɛTaanggbey yo i bo: “ɛTaanggbey ya i wumus ninaa ne ntsɛntsɛng nga ndɔ ne nggyuk nibhɛ de.”

2 iKɔrɔntos 2:17

Sɔng njwi so te ɛbyin ninyi na nɛ nibhɛ sanga ibol ɛTaanggbey de tɛ nibhɛ tɔk iryat nang. Njwi yang so ninyi ne ɛTaanggbey ya ɛbhɛ ɛ kɛ tom njwii, njwii ne bol itin nɛ ɛTaanggbey i ne yɛɛ, daa ɛli ne njwi so ninaa ɛtomɛ ɛKiriti gha.

2 iKɔrɔntos 4:2

Njwi kɛ yang mbaray nikɔn ncwa na ne i rɛrɛs so, sɔng njwii iwul irywɛɛk nang, sɔng njwii hyeem ibol ɛTaanggbey de njwi tɔng nang. Njwii yang tɔng itin de wɛsɛrɛk, ɛTaanggbey i yɛɛ iphɛ ɛlɛy, gbik ninyi na ne yɛɛ wu iphɛ so itin nɛ ndɔ ne irway nibhɛ.

iGalatiya 3:1

Nyinɛn ninyi ne iGalatiya na, ɛ hoghɛ ɛn nisan naa? Hang kɛ mɔn nyini naa? Nggɛ tɔng nyini wɛsɛrɛk ibol ne gangat ɛYɛso ɛKiriti yeghaa daa ne ihon no te ɛli ne ɛ kɛ yaang ɛn ne irwisɛ mon.

iFisus 6:11

Yɛk ɛn nɛ igbum ba ne ɛTaanggbey ya kɛ nang ngo gbik, te ˆɛ yɛɛ ne kyinak ɛn gɛgɛy daa ne ntsɛntsɛng igywebhe ɛShɛtan de.

1 ɛTimɔti 3:6

Sɔng ɛ soye ɛnyi ne ɛ tɔ le ne san ɛbɔk nang, aa yung yaa tɔɔsek ito ɛ ho ndɔ ne ihywee ɛshara de ne kɛ ku hyɛ ɛShɛtan neghaa nɛ wo.

2 ɛTimɔti 1:15

ˆƐ yɛɛ ɛli ne gbik ninaa ne ivel ne iSiya na kɛ hyere me ɛtsim ma, ndɔ nibhɛ wo, ɛFijelus gbik ne ɛHamɛjɛnɛs sonɛ.

2 ɛTimɔti 3:13

Ninyi nibebhe na nɛ ninaa ne irywɛɛk ka ya ne i hanas ne bees en. Yaa i luk nibhɛ, nibhɛ ne maa luk ninyi na.

2 ɛTimɔti 4:3

Daa ɛli ne nten yaaso nɛ ninyi na sɛ mbaray imɛmɛ ne itin de. Nibhɛ sɛ yang tumɛ nikyɛɛ ne icwam nɛ nibhɛ yaa mɛmɛ nibhɛ nɛ nikɔn na ne itoro ne rangas nibhɛ i sim te iphɛ yaa phok.

iBirani 13:9

Sɔng ˆɛ tek ɛn imɛmɛ ifas, ihywee-ihywee kpuru ihywɛɛ mon de nang. iPhɛ kɛ jam mɛ ˆɛ hante ɛn irway mon ne ihwet ne izɛɛng ɛTaanggbey, sɔng daa ne roos ikpii ne re ire nang. Sɔng ninyi na nɛ nibhɛ roos ikpii yɛdaa nggyɛ wo i sɛ iphyik nang.

ɛYakub 1:6

Wu ˆaa ne roo wo, iphɛ ne so nggbinggbing ˆɛ nang ne itin nɛ, sɔng ˆɛ to irway nang. Daa ɛli ne ɛhaa ne to irway da so te igbugbung inɛn ɛling ne igbil i banas, ifɛ i hyeem nilɔ na gbik.

ɛYakub 3:4

Yung yaang ɛn ɛgyirigyi inɛn na dɔng. Gbik ɛli ne ɛ so ɛgbaang ngɛ wo ɛgbaang ne igbil lo i ne hyel ne ɛbhɛ wo, ɛhyohyon ɛshɛɛrɛng ne ɛhaa ne hɔ yɛ i ne bo ɛ hyere ne ɛbhɛ ɛlɔ gha ne ɛ sim te ɛ sɛ phɛ.

2 ɛBiturus 2:18

Nibhɛ rɛrɛ, nibhɛ ton itso nibhɛ daa ne ivol ɛbuu. I ne lenɛ ne sim phok yɛnɛng ne yɔm ncwa nibhɛ de, nibhɛ ne i sim tɛ nibhɛ sɛɛ hɔ ninyi na nɛ nibhɛ tɔɔ le ne iphɔrɔt ndɔ ne ishwɛɛ ne ɛfɔt da.

1 ɛYohana 2:19

Ninaa ne iphup ɛKiriti yɛnaa wo kaa so ndɔ njwɛɛn ne ile, nibhɛ kɛ ne tek njwɛɛn, daa ɛli ne sɔng nibhɛ gha ku soye ninaa njwɛɛn nang. Sɛ yɔng nibhɛ kaa ku soye ninaa njwɛɛn na, nibhɛ sɛ ne tɔ ne njwɛɛn no. Nibhɛ kɛ tek njwɛɛn, iwuru nibhɛ da kɛ ne tɔɔrek kpas wu hang nibhɛ soye ninaa njwɛɛn.

1 ɛYohana 2:26

Nzi haa nyini nikɔn nɛnaa wo daa ne ibol ninyi de nɛ nibhɛ sim tɛ nibhɛ yaa luk nyini wo.

1 ɛYohana 4:1

Nyinɛn nigwaa nge ne nzi sim, sɔng ˆɛ nang ɛn ne itin nɛ ne gbik ɛnyi gha ne ɛ bo wu i bok ikabyik ɛTaanggbey de nang. Yang tɛrɛk ɛn nibhɛ te ˆɛ seng ɛn hang iphɛ le ɛlɔ ɛTaanggbey ya yɔɔ, daa ɛli nɛ ninabawa ne irywɛɛk gbom kɛ shwalat ndɔ ɛzay ya.

ɛYahuza 1:12

Ninyi yɛnaa nggyɛ wo ne soye ishis ndɔ ìtsɛm mon de, nibhɛ i re nibhɛ i sɔ tang ncwa. Nibhɛ so tɛ ninaa ne hyep ᐩigyol nɛ nibhɛ sal itso nibhɛ zɔng, nibhɛ so te inɔp ne iphɛ i tumɛy igbil kyii te iphɛ shwaa, sɔng inɛn nɛ kyii reey nang. Nibhɛ so tɛ nihon ne ilwing ngɛ kɛ howoso en nibhɛ kus tang yɛk ikpam.

Nikɔn ne kɛ Phaal 19:20

Ne wum inyam be ne ɛnɛbi ne rywɛɛk ka ne ɛ kɛ mɔn nikɔn ne kparat ta daa ne irywɛɛk ne inyam be. Ne nyu nikɔn ne kparat tɛnaa nggyɛ wo ne ɛnɛbi ne rywɛɛk kɛghaa nggyɛ wo kɛ luk ninyi na nɛ nibhɛ kɛ say ɛlamba ne inyam igywebhe gha nibhɛ re izazurum ne ihywɛ de ntsong ngaa. Ne wum inyam igywebhe de ne ɛnɛbi ne irywɛɛk ka i cwaak nibhɛ niken nɛ ndɔ ɛling ne igboo ne ifɛ re ne isɔlifa.