iFisus 4:13 - ɛWee ne ìTsɛm iHywas

¹³ ɛLɛ wo ne yaa ne i mɔn nyɛɛn njwɛɛn kyi teye nidaan nɛ ndɔ ne ìnang ne itin da gbik ne ishweng ne seng ɛNgɔn ɛTaanggbey ya. Njwɛɛn teye ninyi nɛ nibhɛ kɛ hɔn, nibhɛ te hyɔrɔ ɛli ne ɛKiriti gha so wo.

iFisus 4:13 ပူးပေါင်းရင်းမြစ်များ

ɛMacu 11:27

“ɛKyɛɛ nge gha kɛ nang me nikɔn na gbik. Sɔng ɛnyi ne yɛɛ ɛNgɔn na kang ne ɛKyɛɛ gha nang, sɔng ɛnyi ne yɛɛ ɛKyɛɛ gha kang ne ɛNgɔn na gbik nɛ ninaa ne ɛbhɛ ɛNgɔn na kɛ kasa aa phaal nibhɛ wo nang.

ɛYohana 1:16

Kɛ lenɛ ne izɛɛng ɛbhɛ ihyɔrɔ, ɛ nang njwɛɛn niwɛng nga daa ɛco niwɛng.

ɛYohana 16:3

Nibhɛ sɛ mɔn nikɔn nɛnaa wo daa ɛli ne sɔng nibhɛ yɛɛ ɛkyɛɛ yegha gbik ne me wo nang.

ɛYohana 17:21

ɛTaa, nzi roro te gbik nibhɛ ne teye nidaan nɛ, ɛli ɛ so ndɔ nge de ma nzo ndɔ ne mo de. Tɛ nibhɛ shɛɛ ndɔ mos, te ɛzay ya ne nang ne itin nɛ wu igyɛ ɛ kɛ tom me.

ɛYohana 17:3

iKen ne inat de ne so ɛlɛ: tɛ ninyi na seng ngɛ wu igyɛ zɔng ɛ soyɛ ɛTaanggbey ntin na gbik ne ɛYɛso ɛKiriti yegha ne ɛ kɛ tom mo.

ɛYohana 6:69

Njwi kɛ ne nang ne itin nɛ, njwii ne ta yɛɛ wu igyɛ soyɛ ɛNyi ɛTaanggbey ne kɛ Tul Kang.”

ɛTomɛ 4:32

Gbik ninaa ne roos sa kaa ne ku bok irway ijwaan ne icwas ijwaan, sɔng ɛdɛng kaa bok ɛkɔn kang nang. Gbik ɛkɔn na ne ɛrɔngɔ bok ɛ kaa ne so ɛhaa nibhɛ ɛte.

1 iKɔrɔntos 1:10

Nigwaa en, nzi roro ne nyinɛn ndɔ ne irywɛɛk ɛDaray njwɛɛn ɛYɛso ɛKiriti, nzi bo te ɛnu mon teye ɛdaan nɛ. Sɔng ɛ hosop ɛn nyini wo nang, yang byinki ɛn nyini te icwas mon te ijwaan nɛ, ivol mon ta te ijwaan nɛ.

1 iKɔrɔntos 14:20

Nigwaa en, sɔng ɛ tas ɛn tɛ ninɔn nang, yang te ɛn tɛ ninɔn na ɛlɔ ne mɔn nikɔn nibebhe, te icwas mon da ne ji so ivaa ɛnyi ne ɛ kɛ hɔn.

1 iKɔrɔntos 2:6

Gbik ne iphɛ ɛlɛy, njwii ne bol nɛ ninyi na nɛ nibhɛ kɛ hɔn ndɔ ne ìnang ne itin nibhɛ ivol ne ntsɛntsɛng ngga. Sɔng ne so ntsɛntsɛng ɛzay yɛdee nang, sɔng ne so izee nigɔm ɛzay yɛdee ne iphɛ sɛ taal le nang.

2 iKɔrɔntos 4:6

ɛTaanggbey ya ne ɛ kaa yɔngɔ, “Te iwɛwɛy tol ndɔ gbyik,” ɛbhɛ kɛ ne te iwɛwɛy de i tol ndɔ ne irway mos da te ne i tol ninyi na, nibhɛ seng ito-ndiinday ɛTaanggbey de ɛyisɛ ɛKiriti gha.

iGalatiya 4:19

Ninɔn nge! iBol mon de rɔ me te ɛli ne ɛngɔn i rɔ ɛkuk. Naa ne maa sɔ nggbang ngɛdaa wo bhɛ hɔn nten de ne yaa yaang ɛKiriti ndɔ mon no.

iFisus 1:17

Nzi bo wu te ɛTaanggbey ɛDaray njwɛɛn ɛYɛso ɛKiriti gha, ɛTaa ne ito-ndiinday ya nang nyini iKabyik ne ntsɛntsɛng, ɛ ta phaal nyini ito ɛbhɛ te ˆɛ seng ɛn ɛbhɛ yɛnɛng.

iFisus 1:23

iDira ninaa ne roos de ne soye ibek ɛKiriti de. iDira ninaa ne roos de i ne te ɛKiriti yegha te hyɔrɔ ɛli ne ɛbhɛ wo ɛ kɛ shwaasek nikɔn na gbik ndɔ nilɔ na gbik ko.

iFisus 2:15

Ɛ kɛ tek iMɛmɛ ɛMuusaa da ne ikpii yɛ gbik nɛ nikabhak kɛ gɔɔ, lenɛ ne iku ɛbhɛ, te ɛ kyii ryɔng icwaang ifas ndɔ itaang iphaa yɛdee nggyɛ wo. ɛLɛ wo ne ɛ kɛ ne yɛɛs ne irway ne laal ndɔ nibhɛ wo.

iFisus 4:12

Ɛ kɛ mɔn ɛlɛ wo te ɛ ryɔng ninyi ɛTaanggbey ya nibhɛ mɔn ɛtomɛ ɛbhɛ, nibhɛ lɔl ibek ɛKiriti de.

iFisus 4:3

Mɔn ɛn gbik ɛkɔn na ne ˆaa mɔn ɛn te ˆɛ shɛɛ ɛn ishwɛɛ ne byinki ito da ne iKabyik ge ne kɛ nang nyini wo lenɛ ne irway ne laal da ne ifɛ kɛ byinki nyini wo.

iFisus 4:5

ɛDaray ɛdaan, ìnang ne itin idaan, ibatisima idaan nɛ.

iFilibi 3:10

Nzi sim te nzɛ seng ɛKiriti yegha yɛnɛng gbik ne ihwet da ne ifɛ kɛ yiisik ɛbhɛ ne ikpuu da. Nzi sim te nzɛ sɔ ihywee ne nggbang ngga ne ɛ kɛ sɔ wo, ne ihywee ne iku de ne ɛ kɛ ku wo.

iFilibi 3:8

Nggɛ bo nikɔn na gbik te isusɔng lenɛ ne nggɛ seng ɛDaray nge ɛYɛso ɛKiriti yegha. iSeng ngga ne nggɛ seng ɛKiriti yegha phyin nikɔn na gbik. Kɛ lenɛ ne ɛbhɛ nggɛ ne wɔs nikɔn na gbik, nggɛ bo nibhɛ te isusɔng te nzɛ iryat ɛKiriti de,

iKɔlɔsi 1:28

iPhɛ ɛlɛy, njwii ne tɔng ninyi na gbik ibol ɛKiriti de, njwii sin ninyi na itoro, njwii mɛmɛ nibhɛ nɛ ndɔ ne ntsɛntsɛng ne ɛTaanggbey kɛ nang njwii, te njwi nang ɛTaanggbey yegha ɛrɔngɔ hyɔrɔ tang ɛkɔn ne tok ndɔ ne ìtsɛm nibhɛ de ne ɛKiriti gha.

iKɔlɔsi 2:2

Nzi mɔn ɛkɔn nɛghaa wo tɛ nibhɛ te itsɔngɔl gɛgɛy, nibhɛ teye nidaan nɛ ndɔ ne ishwim. Tɛ nibhɛ seng ɛTaanggbey yegha hyɔrɔ wɛlɛng ito irway. Nibhɛ sɛ ishweng ne ihywɛ soye iryat ne ihywɛ shɛs gbik. iShweng ngɛdaa wo yaa ne phyik nibhɛ, nibhɛ seng ɛkyukyum ne ibol igying ɛTaanggbey de ne kaa ku rɛɛ wo, kaabi ɛKiriti gha.

iBirani 5:14

iRe gɛgɛy de so idee ninyi nɛ nibhɛ kɛ hɔn lenɛ ne igbaat nɛ nibhɛ kɛ ku gbaat en, nibhɛ yɛɛ ne hosop iyɛnɛng ne ibebhe.

2 ɛBiturus 1:4

Kɛ ne lenɛ nɛ nikɔn nɛnaa wo ɛTaanggbey ya ne nang njwɛɛn ibol ɛbhɛ ne ɛ kɛ ku sim-mɛ, ne iphɛ shɛs ne yɛnɛng gbom. Te ne lenɛ ne nibhɛ te ɛ yɛɛ ne shɛɛ ɛn ne ɛbhɛ ndɔ ne iTaanggbey ɛbhɛ, ɛ ta phɔrɔt ɛn ndɔ ibebhe ɛzay de ne ihyop ne ibek ge i hɔ wo.

2 ɛBiturus 3:18

Yang raras ɛn ndɔ ne izɛɛng gbik ne ishweng ɛDaray njwɛɛn ɛYɛso ɛKiriti, ɛhaa ne phɔt njwɛɛn. Te ne nang ɛbhɛ ne ndiinday ne inat! Ɛɛy.

1 ɛYohana 5:20

Njwɛɛn i ne ta yɛɛ wu ɛNgɔn ɛTaanggbey ya kɛ yɛɛs ɛ nang njwɛɛn ishweng, te njwɛɛn seng ɛTaanggbey yegha ne ɛ so itin de. Njwɛɛn ne bok ìtsɛm ne ɛTaanggbey ya ne ɛ so ɛhaa ne itin na, daa ɛli ne njwɛɛn i bok ìtsɛm bɛ ne ɛNgɔn ɛbhɛ ɛYɛso ɛKiriti gha. ɛYɛso gha ɛbhɛ ɛ soye ɛTaanggbey ne itin na, ɛbhɛ soye iken ne inat de.