iFisus 4:11 - ɛWee ne ìTsɛm iHywas

¹¹ Ɛbhɛ ɛ kɛ ne ta naas ninyi na ìnang ngga kang-ka-kang, tɛ nidɛng teye ninɔn ne tom, nidɛng teye ninabawa, nidɛng teye ninaa ne sanga iBol iYɛnɛng, nidɛng teye ninaa ne hyep ᐩigyol ɛTaanggbey, nidɛng teye nikyɛɛ ne icwam.

iFisus 4:11 ပူးပေါင်းရင်းမြစ်များ

ɛMacu 28:20

Te ɛ mɛmɛ ɛn nibhɛ nɛ, tɛ nibhɛ hyep nikɔn na gbik ne nzi bok nyini ɛlɛy yo. Ne n so ne nyinɛn cɛcɛɛy ɛzay ya phyii taal le.”

ɛTomɛ 13:1

Ndɔ ne idira ninaa ne roos ne iNtakiya na, ninabawa nɛ nikyɛɛ ne icwam kaa ne sonɛ ɛlɛ, ɛBanabas ne ɛSimiyɔn na ne bok ɛbhɛ ɛNija, ne ɛLushiyɔs ne ɛ so ɛnyi ne iSɛrene, ne ɛManayen ne ɛ kɛ shɛɛ ne ɛgɔm ɛHyiridus, gbik ɛShawulu.

ɛTomɛ 20:28

Wɛɛ ɛn nyini yɛnɛng, tɛ nɛ ta wɛɛ ɛn ᐩigyol ɛTaanggbey de ne iKabyik ɛTaanggbey de kɛ yɛk nyini nɛ te ɛ wɛɛ ɛn no. Hyep ɛn ninaa ne roos ɛTaanggbey ya ne ɛ kɛ say nibhɛ nɛ neyi ɛNgɔn ɛbhɛ na.

ɛTomɛ 21:8

Ne cwiil ne ihwɛlɛ yɛ, njwi ne tek iTɔlɛmayis de njwi phɛ ne iKɛsɛriya. ɛNggyɛ wo, njwi ne bhɛ shɛɛ ndɔ ne ijwee ɛFilibus, ɛhaa ne sanga ibol ɛTaanggbey, ne ɛ kaa so ɛdaan ndɔ ninyi ɛniitaa na ne kaa kasa wu tɛ nibhɛ wɛɛ ibol ne ire de ne iYɛrushɛlɛm be.

iRooma 12:7

Wu izɛɛng ngɛ ne so izee ne mɔn ɛtomɛ ne phyik, te ne ɛ mɔn ɛtomɛ ne phyik ga byirik, wu ihywɛ ne so izee ne mɛmɛ nɛ, te ne ɛ mɛmɛ nɛ byirik.

1 iKɔrɔntos 12:4

Nikɔn na ne ikabyik ge i naas so sonɛ ihywee-ihywee, ne so iKabyik idaan nɛ iphɛ nang.

iFisus 2:20

Kɛ lɔl nyini daa ne ɛtum nɛ ninabawa gbik nɛ ninɔn ne tom ma kaa see, ɛtum mo ne ɛYɛso ɛKiriti gha ne ito ɛbhɛ ɛ soye ɛkangashi yɛ.

iFisus 3:5

Ne ile de, sɔng ɛTaanggbey ya kaa ku tɔng niten nisii ibol lɛdee wo nang. ɛLyilyɛghaa wo, ne lenɛ ne iKabyik ɛbhɛ, ɛ kɛ ne phaal ninabawa nɛ gbik nɛ ninɔn ne tom mɛ nɛ nibhɛ so kang.

iFisus 4:8

ɛLi ne ɛWee ne iBol ɛTaanggbey yo i bo, “Nten de ne ɛ kaa wara daa irywa wo ɛ kaa boos ɛlang nikpuru ne ɛ kɛ wumus. Ɛ ta naas ninyi na ìnang ngga ihywee-ihywee.”

2 ɛTimɔti 4:5

iGyɛ ne ɛTimɔti wo nang, wum ito mo ndɔ nikɔn na gbik, rop iku ndɔ ne nggbang ngga, mɔn ɛtomɛ ɛhaa ne sanga ibol iyɛnɛng ngge, shwaak ɛtomɛ mo gha gbik ɛli ne ɛ so ɛkpuru ɛTaanggbey ya.

iBirani 5:12

ɛLyilyɛghaa wo ɛlɛ, se yɔng ɛ kɛ te ɛn nyini nikyɛɛ ne icwam, gbik ne iphɛ ɛlɛy, ne ɛ tɔɔ tɔk ɛn te ɛhak ɛnyi ɛbhɛ sɛ mɛmɛ nyini ne ilwing ne ibol ɛTaanggbey de. Ɛ tɔɔ tɔk ɛn mbalas tɛ ninɔn nishesheng sɔng ire gɛgɛy nang.

ɛYahuza 1:17

Nyinɛn nigwaa en ne nzi sim, ne ˆɛ taate ɛn ne ɛkɔn na nɛ ninɔn ne tom ɛDaray njwɛɛn ɛYɛso ɛKiriti gha kaa ku tɔng wu ɛ sɛ te wo.

Nikɔn ne kɛ Phaal 18:20

Yɛk ɛn irway ihwala daa ɛbhɛ, nyinɛn ninyi ɛdaa ne irywa! Yɛk ɛn irway ihwala daa ɛbhɛ nyinɛn ne kɛ tul nyini kang, nɛ ninɔn ne tom, nɛ ninabawa! Daa ɛli ne ɛTaanggbey ya kɛ hyɛ ɛBabila wo ɛshara, daa ɛkɔn na ɛ kɛ mɔn nyini nɛ wo.”

Nikɔn ne kɛ Phaal 21:14

iWabha ɛgarang ngo kaa bok ikpɛɛ ne itsum ɛnduwubɔ ne ifɛ ifaa. Ne haa irɛɛk ninɔn ne tom ɛnduwubɔ nɛ nibhɛ ifaa ɛNgɔn ne Pharak ge ne itsum ba. ɛWowoo ɛtum ne i bok irywɛɛk ɛngɔn ne tom ɛdaan.