iFisus 4:10 - ɛWee ne ìTsɛm iHywas

¹⁰ ɛNyi gha ne ɛ kaa tɔm mo ɛbhɛ kaa ne ta wara daa ne nyu ne irywa wo te ɛzay ya te hyɔrɔ ne ihyɔrɔ ɛbhɛ gbik.

iFisus 4:10 ပူးပေါင်းရင်းမြစ်များ

iBirani 7:26

ɛYɛso gha ɛbhɛ ne ɛ soye ihywee ne ɛGbaang ɛGɔm Nibo gha ne njwɛɛn i sim. iHywee de ne aa nang njwɛɛn nikɔn na nɛ nibhɛ yaa hɔn njwɛɛn. Ɛ ku so kang, wɛlɛng ɛfɔt, ne ɛkɔn ne tok, kɛ tul ɛbhɛ ndɔ ninaa ne ɛfɔt ta, kɛ nang ɛbhɛ ne ndiinday i phyin irywa gbik.

iBirani 4:14

iPhɛ ɛlɛy, nɛ njwɛɛn kyinak gɛgɛy daa ìnang ne itin ne njwɛɛn de ne njwɛɛn tɔng ngo. Te njwɛɛn mɔn ɛlɛ wo daa ɛli ne njwɛɛn bok ɛgbaang ɛgɔm nibo wo ne ɛ kɛ phɛ daa ne irywa wo, ɛnu ɛyisɛ ɛTaanggbey ya, ɛbhɛ so ɛYɛso ne ɛ so ɛNgɔn ɛTaanggbey.

iKɔlɔsi 2:9

Daa ɛli ne ibek ɛKiriti de ne ɛTaanggbey ya i shɛɛ nɛ hyɔrɔ ndɔ iTaanggbey ɛbhɛ.

iKɔlɔsi 1:19

Daa ɛli ne iphɛ so ɛTaanggbey yegha ɛkɔn ne irway ihwala ɛ shɛɛ ndɔ ɛYɛso gha hyɔrɔ ne iTaanggbey ɛbhɛ.

ɛMacu 24:34

Nzi tɔng nyini itin nɛ sɔng ninyi ne izam mɛnaa so sɛ kus gbik nyɛɛn nikɔn nɛnaa wo kyi tes sang.

1 ɛTimɔti 3:16

Sɔng ito irway sonɛ nang, ɛduk ne ìnang ne itin njwɛɛn na ne ɛTaanggbey ya kɛ phaal lo so kyukyum. Kɛ tɔɔrek ɛKiriti yegha ndɔ ne ibek Kɛ tɔɔrek ɛ soye ne itin lenɛ ne iKabyik. Kɛ yaang ɛbhɛ lenɛ nɛ niMalɛka, kɛ tɔng ibol ɛbhɛ ndɔ ne igbagha, Kɛ nang ne itin nɛ ne ɛbhɛ ɛzay ya gbik, kɛ bo ɛbhɛ ndɔ ne ndiinday.

iFisus 3:19

Te ˆɛ ta seng ɛn ishwim ɛKiriti da ne ifɛ phyin nikɔn na ne ishweng ngga gbik ko te ˆɛ te ɛn hyɔrɔ ne ihyɔrɔ ɛTaanggbey de.

ɛTomɛ 1:9

Ne sɛ ɛ kɛ boote ɛlɛ wo, ne bo ɛYɛso yegha ɛnu ɛyisɛ nibhɛ phɛɛs nɛ daa ne irywa. Idɛ inɔp be ne cwaal ɛbhɛ, sɔng nibhɛ tang yaang ɛbhɛ nang.

iBirani 8:1

ɛKɔn na ne njwii bol lo so ɛlɛ, njwɛɛn bok ɛGbaang ɛGɔm nibo ne ɛ shɛs ne ɛ kɛ soos ne iwɔ ne irwye ɛcuruu ne igbɔm ɛTaanggbey ɛHaa ne Ndiinday Gbik.

ɛTomɛ 3:18

iPhɛ kɛ ne shwaasek ibol de ne ɛTaanggbey ya kaa ku bol ɛnu ninabawa na gbik, ɛ yɔngɔ wu iphɛ so nggbinggbing ɛKiriti ɛbhɛ gha sɛ sɔ nggbang ngga.

ɛTomɛ 2:33

Kɛ nang ɛYɛso yegha ne ndiinday, ɛbhɛ so ne iwɔ ne irwye ɛTaanggbey. Ɛ kɛ ne say iKabyik ɛTaanggbey de ne ɛlɔ ɛKyɛɛ gha ɛli ne ku sim-mɛ wo, iphɛ ne ɛ kɛ ne ji sit daa ninyi yɛnaa wo ne ɛ yaang ɛn no, ɛ ta phok ɛn no.

ɛTomɛ 1:11

Nibhɛ ne yɔngɔ, “Ninyi ne iGalili iKyee phɛ kɛ te ɛ kɛ kyinasek ɛn ɛbɛ woo ɛ wɛɛ ɛn ɛdaa ne irywa woo? Kɛ bo ɛYɛso yeghaa i hyel lɛ phɛɛs nɛ daa ne irywa, ɛhak ɛtuk, ɛ sɛ ne bhɛ kyii ɛli ne ɛ kɛ yaang ɛn ihywel lɛ wo.”

ɛYohana 19:36

Nikɔn nɛnaa wo kaa tes ɛlɛ wo te i shwaak ibol de kɛ haa ne ndɔ ne ɛWee ne iBol ɛTaanggbey yo i bo, “Sɔng sɛ tsemele idɛ ikup ɛbhɛ idaan nang.”

ɛYohana 19:28

ɛYɛso gha ne seng wu ɛ kɛ taal ɛtomɛ ɛbhɛ gha gbik, ne ɛ yɔngɔ, “iRway nge kɛ yaa has.” Ɛ kɛ boote ɛlɛ wo te ne shwaak ɛkɔn na ne kɛ haa ndɔ ɛWee ne iBol ɛTaanggbey yo.

ɛYohana 19:24

Nibhɛ ne yɔngɔ, “Sɔng njwɛɛn kpɛrɛ ɛbhɛ wo nang, njwɛɛn te sɔ ihywi, te seng ɛnyi gha ne aa boos ɛbhɛ.” Nibhɛ kaa ne mɔn ɛlɛ wo te shwaak ibol de ne kɛ ku haa ndɔ ne ɛWee ne iBol ɛTaanggbey yo i bo, “Nibhɛ kɛ hobhos itsura nge ndɔ nibhɛ. Nibhɛ ne ji sɔ ihywi daa ne ɛtura ɛdɔrɔng nge wo.”

ɛYohana 1:16

Kɛ lenɛ ne izɛɛng ɛbhɛ ihyɔrɔ, ɛ nang njwɛɛn niwɛng nga daa ɛco niwɛng.

ɛLuka 24:44

Ne ɛ yaak nibhɛ, “iBol lɛdee wo ne nggaa mɔng nyini ɛli ne nggaa tɔ ne nyinɛn no: iPhɛ so nggbinggbing i shwaak nikɔn na ne kɛ haa daa ne ito nge de ndɔ iMɛmɛ ɛMuusaa da ninabawa na ma ta haa wo, i kyii ta haa ndɔ ne ɛWee ne iGhel lo.”

2 iKɔrɔntos 12:2

Nzi yɛɛ ɛdɛ ɛhaa ne roos ɛKiriti yegha, ɛhaa ne izenge ɛlɛ ishay yɛ kɛ hɔn ɛnduwubɔ ne iphɛ nwaas, ne kaa bo ɛbhɛ i phɛ nɛ daa ɛnyu ne irywa. Hang ɛ kaa so ndɔ ne ibek yɔɔ, hang ibol ne iyuwa yɔɔ, sɔng nzi yɛɛ nang, ɛTaanggbey zɔng ɛbhɛ ɛ yɛɛ.