iFisus 4:1 - ɛWee ne ìTsɛm iHywas

¹ iPhɛ ɛlɛy, mee wo ne nzo ne nyang ngge daa ɛli ne nzi roos ɛKiriti yegha, nzi roro ne nyinɛn, shɛɛ ɛn ishwɛɛ da ne ifɛ so kancɛng yel-le da ne kɛ yel-le nyini nɛ wo.

iFisus 4:1 ပူးပေါင်းရင်းမြစ်များ

ɛTomɛ 9:31

iDira ninaa ne roos de nɛ nibhɛ so ne iYahudiya de, ne iGalili de, ne iSamariya de ne sɛ irway ne laal. Nibhɛ ne yɛk ihwet, iKabyik ɛTaanggbey de ne i tes nibhɛ itsɔngɔl gɛgɛy, nibhɛ te gbom, ihywel nibhɛ da ndɔ ne ɛnik ɛDaray yo ne hantey yɛ.

iRooma 11:29

Sɔng ɛTaanggbey ya i sunu irway ɛbhɛ daa ɛnyi gha ne ɛ kɛ ku kasa ɛ yel-le ɛ sit ɛbhɛ ne ɛwɛng nga nang.

iRooma 12:1

iPhɛ ɛlɛy nigwaa en, daa ɛli ne ɛTaanggbey ya kɛ san iyɔm mon de gbom mo, nzi ne roro ne nyinɛn gbom: nang ɛn ɛTaanggbey yegha ibek mon gbik, te ɛkɔn ne kɛ hap ɛbhɛ ne itsanga, ɛ so ɛken, kɛ tul kang, ɛ kɛ jam ɛbhɛ. ɛNggyɛ wo ɛbhɛ so re ntsong ne itin da ne aa nang ɛbhɛ wo.

1 iKɔrɔntos 4:16

iPhɛ ɛlɛy, nzi ne roro ne nyinɛn, mɛmɛ ɛn nɛ ne mee.

2 iKɔrɔntos 10:1

Mee ne ɛBulus so ne ito nge nzi roro ne nyinɛn, mee wo ne i bo wu nzo hywɛɛ wo ne i sɛ nzo nɛ nyinɛn no, ne ji yɔng wu nzo nzaratat to ne i sɛ n sang so ne nyinɛn no. Nzi ne roro ne nyinɛn ndɔ ne irywɛɛk ɛKiriti ne ɛ so ihywɛɛ ɛ ta so lyaak.

2 iKɔrɔntos 5:20

iPhɛ ɛlɛy, njwi ne so ninyi ne ɛKiriti gha kɛ tom; ɛTaanggbey ya ne bol ne nyinɛn lenɛ ne njwit. Njwi roro ne nyinɛn ndɔ ne irywɛɛk ɛKiriti, sim ɛn te ɛTaanggbey ya hyere nyini te ɛ te nyini nitaay ɛbhɛ sɔng ninaa ne iphup ɛbhɛ nang.

2 iKɔrɔntos 6:1

Daa ɛli ne njwi so ninaa ɛtomɛ ɛTaanggbey ya, njwii ne roro ne nyinɛn, sɔng ɛ say ɛn izɛɛng ɛTaanggbey de ihywɛ te buu nang.

iGalatiya 4:12

Nigwaa en, nzi roro ne nyinɛn, te ɛn te mee wo, te ɛli ne nggɛ ma te tɛ nyinɛn no. Sɔng ɛ kaa mɔn ɛn mɛɛn ɛkɔn ɛkpɛɛ nang.

iFisus 2:10

Njwɛɛn no ne ito njwɛɛn, njwɛɛn soye ɛtomɛ ne iwɔ ɛTaanggbey ya. Ɛ kɛ ryɔng njwɛɛn ndɔ ɛYɛso ɛKiriti gha te njwɛɛn mɔn nitomɛ niyɛnɛng ninaa ne ɛTaanggbey ya kaa ku ryɔng njwɛɛn nɛ.

iFisus 3:1

ɛKɔn nɛghaa wo bhɛ kɛ te mee ɛBulus sa, nzo ne nyang, ɛlɔ ɛYɛso ɛKiriti te iphɛ phyik nyini, nyinɛn no ne ɛ sang so ɛn niYahodawa. Nzi ne bol ne ɛTaanggbey ya daa ne ito mon de.

iFisus 4:17

iPhɛ ɛlɛy, nzi ne tɔng nyini, nzi kpɛng nyini ndɔ ne irywɛɛk ɛDaray, sɔng ˆɛ tɔ shɛɛ ɛn tɛ ninaa nɛ nibhɛ doo ɛTaanggbey yegha ne icwas nibhɛ da so icwas ɛbuu da nang.

iFisus 4:4

Ɛ so ɛn ibek idaan, iKabyik ɛTaanggbey idaan nɛ iphɛ so ndɔ mon. ɛLɛy dɔng sit ne irwisɛ ijwaan nɛ ne ta sonɛ ne kɛ yel-le nyini nɛ.

iFisus 5:2

Shɛɛ ishwɛɛ ne ishwim ɛli ne ɛKiriti gha kɛ sim njwɛɛn no, ɛ phyii nang ito ɛbhɛ de ɛlɔ njwɛɛn na te ɛkɔn ne hap itsanga gha ne ɛ bok ɛnkyinkyɔp ɛyɛnɛng nga ne kɛ hap ɛTaanggbey yegha ne itsanga de.

iFilibi 1:27

Gbik ɛkɔn na ne ɛ kɛ te, shɛɛ ɛn ishwɛɛ da ne ifɛ kancɛng ne ibol iyɛnɛng ɛKiriti de. Shɛɛ ɛn ɛlɛ wo, te yaa sɛ nggɛ yɛɛs ne yaang nyini, hang nggɛ ma sang yɛɛs yɔɔ, te ne n phok wu ˆɛ kɛ kyinak ɛn ne ihwet ndɔ ne ikabyik idaan, ˆɛ kɛ byinki ɛn ito mon ˆɛ tabha ɛn ilong ndɔ ɛtomɛ ne ibol iyɛnɛng ngge te ɛnyi ɛdaan lenɛ ne ìnang ne itin mon da ne bol iyɛnɛng ngge.

iFilibi 3:14

Nzi kyangas me nɛ te mbɛ sɛ ɛwɛng ɛdaa ne irywa gha. ɛWɛng nga ne ɛTaanggbey ya kɛ yel-le me nɛ wo lenɛ ne ɛYɛso ɛKiriti gha.

iKɔlɔsi 1:10

Te ne lenɛ ɛlɛy, ˆɛ shɛɛ ɛn ishwɛɛ da ne ifɛ so kancɛng ne ivaa ninaa ne roos ɛDaray yegha, ifɛ nang ɛDaray yegha irway ihwala. Te ishwɛɛ mon da ne tɔɔrek nikɔn niyɛnɛng ndɔ nitomɛ na gbik, ˆɛ raras ɛn ndɔ ne seng ɛTaanggbey yegha.

iKɔlɔsi 2:6

ɛLi ne ˆɛ kɛ ku say ɛn ɛYɛso ɛKiriti yegha wu ɛ soye ɛDaray mon na, ne ˆɛ re ɛn ɛnu ɛyisɛ ne shɛɛ ndɔ ɛbhɛ.

iKɔlɔsi 4:12

ɛPafaras ne ɛ so ɛdaan ndɔ mon, ɛ ta soye ɛkpuru ɛYɛso ɛKiriti gha i kyiisi nyini. Ɛ kyangase ne bol ne ɛTaanggbey ya gbom ɛlɔ mon na te ɛ kyinak ɛn gɛgɛy ndɔ ne ìnang ne itin mon de, ɛ te ɛn hyɔrɔ ndɔ nikɔn na ne ɛTaanggbey ya sim gbik, wɛlɛng ito irway.

1 iTasɔlɔnika 2:12

Njwi kɛ bol nɛ nyinɛn, njwi tes nyini itsɔngɔl gɛgɛy, njwi roro nyini te ˆɛ shɛɛ ɛn ishwɛɛ da ne ifɛ kɛ jam mɛ ne yel-le da ne ɛTaanggbey ya kɛ yel-le nyini nɛ ndɔ ne igbɔm ɛbhɛ da ne ndiinday ɛbhɛ de.

2 iTasɔlɔnika 1:11

ɛKɔn nɛghaa wo ɛbhɛ kɛ ne te njwii bol ne ɛTaanggbey ya cɛcɛɛy ɛlɔ mon na. Njwii roro ne ɛTaanggbey mos sa te ɛ yaang ˆɛ kɛ jam ɛn ne yel-le ɛbhɛ da ne ɛ kɛ yel-le nyini wo. Te ne lenɛ ne ihwet ɛbhɛ, ɛ shwaak gbik icwas iywɛnɛng mon da, ɛ ta shwaak gbik ɛtomɛ gha ne ɛ le ne ìnang ne itin mon de.

2 ɛTimɔti 1:9

Ɛbhɛ kɛ phɔt njwii, ɛ ji yel-le njwii te njwi shɛɛ ɛbhɛ kang. Sɔng yel-le yɛdaa wo ne le daa ɛkɔn ne njwi kɛ mɔn nang, iphɛ yang lenɛ ne yɔngɔ ɛbhɛ ne izɛɛng ɛbhɛ ne ɛ bok daa mos. Kaa ne nang njwii izɛɛng ngɛdee wo lenɛ ne ɛYɛso ɛKiriti ne ile ne tang tum ɛzay.

ɛTitus 2:10

Sɔng nibhɛ hyel nikyɛɛ ne idee nibhɛ na ɛyi nang. Tɛ nibhɛ yang tɔɔrek wu nibhɛ so ninyi niyɛnɛng ne sɛ kyinak daa ne ibol nibhɛ. Te ne lenɛ ɛlɛ wo i yaang ndiinday ne imɛmɛ yɛdaa wo ne iphɛ so idee ɛTaanggbey ne phɔt njwɛɛn de.

iBirani 13:21

Nzi ne roro ne ɛTaanggbey ya te ɛ te nyini hyɔrɔ nɛ nikɔn niyɛnɛng gbik te ˆɛ mɔn ɛn ɛkɔn na ne ɛɛ sim. Nzi roro ne ɛTaanggbey te ɛ ku i mɔn ɛtomɛ ndɔ mon no lenɛ ne ɛYɛso ɛKiriti gha ne aa nang ɛbhɛ irway ihwala. Te ne nang ɛYɛso ɛKiriti yegha ne ndiinday idee ne ishay-ishay! Ɛɛy.

iBirani 3:1

iPhɛ ɛlɛy, nigwaa nge ne kɛ tul kang, ne ɛTaanggbey kɛ ma yel-le nyini, sit ɛn irwisɛ daa ɛYɛso gha ne ɛbhɛ so ɛNgɔn ne Tom ma ne ɛGɔm nibo gha ne njwi tɔng ibol ɛbhɛ de.

1 ɛBiturus 2:11

Nigwaa nge ne nzi sim, nzi bok nyini, daa ɛli ɛ so ɛn ninaa ne ikpoo na ndɔ ɛzay ya, ne ɛ hosop ɛn nyini ne roos ihyop ne ibek ge ne iphɛ so ɛfɔt to. iHyop pɛdee nggyɛ wo i ta itsom ne irway mon da.

1 ɛBiturus 3:9

Sɔng ɛ tal ɛn ibebhe de ne bebhe de nang. Sɔng ne ɛ ta tal ɛn tok ge ne tok ge nang. Yang sit ɛn nibhɛ ne ɛwɛng, daa ɛli ne ɛTaanggbey ya kɛ yel-le nyini te ɛɛ mɔn ɛn ɛlɛ wo, te ɛ sɛ ɛn ɛwɛng.

1 ɛBiturus 5:10

Yaa ne sɛ ɛ kɛ sɔke ɛn ne nggbang ngga ndɔ nten ncɛt nang, ɛTaanggbey ne ɛ so ɛhaa ne izɛɛng nga gbik ko, ne ɛ kɛ yel-le nyini wo te ɛ sɛ ɛn ihop ndɔ ne ndiinday ne inat ɛbhɛ de lenɛ ne ɛYɛso ɛKiriti gha, sɛ ne te nyini niphas sɛ, ɛ lɔl nyini, ɛ te nyini hyɔrɔ, ɛ ji hante nyini ne ihwet. Ɛbhɛ wo ne ito ɛbhɛ ɛ sɛ mɔn ɛlɛy wo.

2 ɛBiturus 1:3

ɛTaanggbey ya ndɔ ne ihwet ne ndiinday ɛbhɛ de kɛ nang njwɛɛn nikɔn na gbik nɛ nibhɛ yaa hɔn njwɛɛn te njwɛɛn yɛɛ ne shɛɛ ihywee ne ishwɛɛ da ne ifɛ so ivaa ninyi ɛTaanggbey da. Nikɔn nɛnaa wo ne so ninaa njwɛɛn gbik lenɛ ne ishweng njwɛɛn ne njwɛɛn kɛ seng ɛKiriti yegha gbom. Ɛ kɛ yel-le njwɛɛn te njwɛɛn shɛɛ ne ɛbhɛ njwɛɛn sɛ ihop ndɔ ne ndiinday ɛbhɛ.

2 ɛYohana 1:5

ɛLyilyɛghaa wo ɛgyinɛ ne ijwee, nzi roro ne igyɛ, te ɛrɔngɔ sim ɛrɔngɔ. Sɔng ibol iphas ne nzi haa yɛnɛ nang, ibol yang ku so idee ne njwɛɛn kɛ ku phok ne ile de.