iFisus 3:9 - ɛWee ne ìTsɛm iHywas

⁹ Te n da phaal ninyi na nɛ gbik icwas ne ibol igying ɛTaanggbey de, idee ne iphɛ ku so igying izam-izam be. iBol igying ɛTaanggbey de ne ɛbhɛ ɛ kɛ ryɔng nikɔn na gbik ko.

iFisus 3:9 ပူးပေါင်းရင်းမြစ်များ

ɛMacu 10:27

ɛKɔn na ne nzi tɔng nyini gying, tɔng ɛn ɛbhɛ wɛsɛrɛk. ɛKɔn na ne nggɛ mɔng nyini ne itsoro, cwi ɛbhɛ wara ɛn daa ɛco nihon ɛ tɔng ɛn.

ɛMacu 13:35

Ɛ kaa mɔn ɛlɛ wo te sɛ shwaak ɛkɔn na ne ɛnɛbi ɛShaa gha kaa boote wo ɛ yɔngɔ, “Naa bol nɛ nibhɛ ndɔ ne igɔrɔp, naa phaal nibhɛ nikɔn nɛ nibhɛ so gying nten de ne kaa tum ɛzay ya.”

ɛMacu 25:34

“ɛNggyɛ wo, ɛgɔm ma sɛ ne ji yaak ninaa nɛ nibhɛ so ne iwɔ ne irwye ɛbhɛ wo, ‘Yɛɛs ɛn ɛKyɛɛ nge gha kɛ ku sit nyini ne ɛwɛng; ngga ɛn isha mon de, igbɔm ba ne kɛ ku ryɔng nyini nɛ wo nten de ne kaa ryɔng ɛzay ya.

ɛMacu 28:19

iPhɛ ɛlɛy, ne ɛ cwi ɛn ɛbhɛ tɔng ɛn igbagha ɛzay yo gbik wu tɛ roos me, nibhɛ tes en ninɔn ne icwam nge, ɛ yaak ɛn nibhɛ ne ibatisima de ndɔ ne irywɛɛk ɛkyɛɛ, ne irywɛɛk ɛNgɔn ne ihoo ne iKabyik ɛTaanggbey.

ɛLuka 24:47

ndɔ ne irywɛɛk ɛbhɛ wo ne sɛ ne tɔng igbagha wo gbik ibol ne san ɛbɔk ge, ne idee ne hana ɛfɔt. Sɛ ne tsa ne iYɛrushɛlɛm.

ɛYohana 10:30

Mee wo ne ɛkyɛɛ gha njwi so nidaan nɛ.”

ɛYohana 5:17

ɛYɛso gha ne yaak nibhɛ, “ɛKyɛɛ nge gha maa tɔ ɛtomɛ gha, iphɛ ne so ngbingbing n ma mɔn ne mang.”

ɛYohana 5:19

ɛYɛso gha ne kyii nibhɛ nɛ ɛ yɔngɔ, “Nzi tɔng nyini itin nɛ, sɔng ɛNgɔn na mɔn ɛdɛ ɛkɔn na nggenggerey yang, ɛ mɔn ɛkɔn na ne ɛ kɛ yaang ɛKyɛɛ gha mɔn, daa ɛli ne gbik ɛkɔn na ɛKyɛɛ ɛbhɛ gha mɔn no, ɛbhɛ ne ɛNgɔn na ne ma mɔn ne mang.

ɛTomɛ 15:18

ɛLɛ wo ne ɛDaray ya kaa bol. Ɛbhɛ ɛ kaa ne tɔɔl nikɔn nɛnaa wo ne ile ne ile.’ ”

iRooma 11:25

Nigwaa en, nzi sim te ɛ sɛɛ seng ɛn ɛdɛ ɛkɔn na ne ɛ so nyini gying, aa yung yaa tɔɔsek ɛn itso mon gbom. Nidɛng ninyi niYahodawa na bok ito ihet, iphɛ yaa shɛɛ ɛlɛ wo iphɛ hyep nten de ne sɛ shwaak ɛnu ninyi na ne hame nibhɛ so ɛn niYahodawa ɛli ne ɛTaanggbey ya kaa yɔngɔ wo.

1 iKɔrɔntos 2:7

Ntsɛntsɛng ngge ne nzi bol lɛ wo so ntsɛntsɛng igying ɛTaanggbey ne ɛ kɛ rɛɛ ɛten ɛsii nɛ, ntsɛntsɛng ngge ne ɛ kaa ku ryɔng ɛli ne kɛ tang ryɔng ɛzay ya te ihywɛ te i nang njwɛɛn ne ndiinday.

iFisus 1:4

Ɛbhɛ kaa kasa njwɛɛn lenɛ ne ɛYɛso ɛKiriti. Ɛ kaa ne kasa njwɛɛn no ɛli ne kaa tang tum ɛzay ya wu te njwɛɛn tul en kang, wɛlɛng ɛkɔn ne tok. Kaa ne lenɛ ne ishwim ne ɛ bok ne njwɛɛn,

iFisus 3:2

ɛTsak, ˆɛ kɛ phok ɛn wu ɛTaanggbey ya ndɔ ne izɛɛng ɛbhɛ de kɛ nang me ɛtomɛ yɛghaa wo te iphɛ phyik nyini,

iFisus 6:19

Ne ˆɛ ma bol ɛn ne ɛTaanggbey ya daa mee te ɛ nang me ibol de ne naa bol wɛlɛng ɛnik, te n tɔng ninyi na ɛduk ne iBol iYɛnɛng nga ne iphɛ so gying ngo.

iKɔlɔsi 1:23

iPhɛ so nggbinggbing ˆɛ re ɛn ɛnu ɛyisɛ ndɔ ne ìnang ne itin mon de te ˆɛ kyinak ɛn nting daa ne itin nɛdee wo. Sɔng ɛ sim ɛn i sungki nyini, ˆɛ hana ɛn iyɛk ne irway yɛdaa wo ne ˆɛ kaa sɛ ɛn nten de ne ˆɛ kaa phok ɛn ibol iyɛnɛng ngɛdee wo nang. iBol iyɛnɛng ngɛdee wo ne kɛ sanga ndɔ nikɔn na ne kɛ ryɔng ngo, ne mee ɛBulus sa nggɛ te me ɛhaa ɛtomɛ yɛwo.

iKɔlɔsi 1:26

iBol lɛdee wo kaa so gying ɛlɔ ninyi ne izam-izam gbom, ɛLyilyɛghaa wo kɛ ne ji phaal ninyi ɛTaanggbey ya nɛ.

iKɔlɔsi 3:3

Daa ɛli ne ˆɛ kɛ ku ku ɛn, kɛ ne rɛɛ iken mon de ne ɛKiriti gha ndɔ ɛTaanggbey.

iKɔlɔsi 4:3

Ma bol ɛn ne ɛTaanggbey ya ɛlɔ mos ne mang, te ɛTaanggbey ya phaal njwi ɛnu ne izuk ne tɔng ibol ɛbhɛ de, te njwi tɔng ibol igying ɛbhɛ de daa ɛKiriti gha. iBol igying ngɛdee wo iphɛ iphɛ kɛ te nzo ne nyang ge.

2 iTasɔlɔnika 2:13

iPhɛ so nggbinggbing njwi tɔɔrek ɛTaanggbey ye irway ihwala daa mon nigwaa en ne ɛDaray ya i sim mo. Daa ɛli ne ɛTaanggbey ya kaa ku kasa nyini te ɛ te ɛn nyini ninaa ɛyisɛ yɛ ne kɛ phɔt. Ɛ kɛ mɔn ɛlɛ wo lenɛ ne ɛtomɛ ne iKabyik ge ne iphɛ kɛ tul nyini kang gbik ne ìnang ne itin mon ndɔ ne itin de.

1 ɛTimɔti 3:16

Sɔng ito irway sonɛ nang, ɛduk ne ìnang ne itin njwɛɛn na ne ɛTaanggbey ya kɛ phaal lo so kyukyum. Kɛ tɔɔrek ɛKiriti yegha ndɔ ne ibek Kɛ tɔɔrek ɛ soye ne itin lenɛ ne iKabyik. Kɛ yaang ɛbhɛ lenɛ nɛ niMalɛka, kɛ tɔng ibol ɛbhɛ ndɔ ne igbagha, Kɛ nang ne itin nɛ ne ɛbhɛ ɛzay ya gbik, kɛ bo ɛbhɛ ndɔ ne ndiinday.

2 ɛTimɔti 1:9

Ɛbhɛ kɛ phɔt njwii, ɛ ji yel-le njwii te njwi shɛɛ ɛbhɛ kang. Sɔng yel-le yɛdaa wo ne le daa ɛkɔn ne njwi kɛ mɔn nang, iphɛ yang lenɛ ne yɔngɔ ɛbhɛ ne izɛɛng ɛbhɛ ne ɛ bok daa mos. Kaa ne nang njwii izɛɛng ngɛdee wo lenɛ ne ɛYɛso ɛKiriti ne ile ne tang tum ɛzay.

2 ɛTimɔti 4:17

ɛTaanggbey ya kaa ne phyik me ɛ nang me ihwet, te lenɛ ne me wo sanga ibol ɛbhɛ de gbik, tɛ ninyi na ne hame nibhɛ soye niYahodawa na phok iphɛ. Ɛ kaa ne phɔt me ɛnu ne izaa gha, kaabi ndɔ ɛshara ne iku gha.

ɛTitus 1:2

lenɛ ne iyɛk ne irway daa ne ibol ne iken ne inat de. ɛTaanggbey ya ne hame ɛ wul irywɛɛk ga kaa ku sim-mɛ ne iken nɛdee wo ɛli ne kɛ tang tum ɛzay ya.

1 ɛBiturus 1:20

Ɛbhɛ ne ɛTaanggbey ya kaa ku kasa ɛli ne tang ryɔng ɛzay ya, kɛ ne ma ji phaal ɛbhɛ nten ɛtsim mɛdee wo daa ne ibol mon.

Nikɔn ne kɛ Phaal 13:8

Gbik ninyi ɛzay ya sɛ́ ne re inyam be ntsong kang nɛ ninaa ne kaa ku haa irɛɛk nibhɛ de ndɔ ne ɛWee ne iKen no. ɛWee ne iKen no soye ɛwoo ɛNgɔn ne ɛpharak ko ne kaa phoo ɛbhɛ wo. Kaa ne ku haa irɛɛk nibhɛ de nten de ne kaa tang ryɔng ɛzay ya.

Nikɔn ne kɛ Phaal 14:6

Ne n da yaang ɛdɛ ɛmalɛka gha dɔng, ɛɛ tel ɛceree ne irywa ne ivel, ɛ bok iBol iYɛnɛng ne inat ne aa tɔng ninaa ɛzay ya. Aa tɔng igbagha ɛzay yo, ne itaang ɛzay de, ilwem ɛzay da, ne ihywee ɛzay de gbik.

Nikɔn ne kɛ Phaal 17:8

iNyam igywebhe de ne ˆɛ kɛ yaang ngo, ihywɛ kaa ku sonɛ itsen nɛ, sɔng ihywɛ ne sonɛ ɛlyilyɛghaa wo itsen nɛ nang. iHywɛ ne yungaa wuru ndɔ ne iBong kyukyum be ihywɛ phɛ ɛlɔ gha ne yaa bhɛ phoo ihywɛ nɛ. Ninyi ɛzay ya ne hame kɛ ku haa irɛɛk nibhɛ de ndɔ ne ɛWee ne iKen no ne ile ne ɛtum ɛzay yo sɛ́ ne wum en zii. Nibhɛ sɛ́ wum en zii nten de nɛ nibhɛ kɛ yaang inyam igywebhe de, daa ɛli ne ihywɛ kaa ku sonɛ itsen nɛ, sɔng ihywɛ ne sonɛ itsen nɛ ɛlyilyɛghaa wo nang, ihywɛ sɛ́ ne ta bhɛ kyii dɔng.”

Nikɔn ne kɛ Phaal 4:11

“ɛDaray ɛTaanggbey mos, ˆɛ kɛ hɔn ɛ sɛ say ndiinday, ne igbom, ne ito. Daa ɛli ne ˆɛ kɛ ryɔng nikɔn na gbik, kɛ lenɛ ne sim mo i ryɔng nibhɛ, nibhɛ sonɛ, nibhɛ so niken.”