iFisus 3:8 - ɛWee ne ìTsɛm iHywas

⁸ Gbik ɛli ne mee nggɛ taasek n shɛs ndɔ ninyi ɛTaanggbey ya, ɛTaanggbey ya kɛ ne nang me izɛɛng ne sanga iBol iYɛnɛng ngɛdee wo ndɔ ninaa nɛ nibhɛ sang so niYahodawa na, ibol ɛwɛng ne ɛ sang ɛgak ne i sɛ lenɛ ne ɛYɛso ɛKiriti.

iFisus 3:8 ပူးပေါင်းရင်းမြစ်များ

iKɔlɔsi 1:27

iCwas ɛTaanggbey da ne so tɛ ninyi ɛbhɛ na seng wu ɛkɔn ɛgying ngɛghaa wo ne ɛ soye iryat de ɛ bok ne ndiinday de ma so ɛhaa ninyi na ne hame nibhɛ so niYahodawa na. ɛKɔn ɛgying ngɛghaa wo ne so ɛlɛ, ɛKiriti gha so ndɔ mon, ˆɛ sɛ ne sɛ ɛn ihop ne ito-ndiinday ɛbhɛ de.

1 iKɔrɔntos 15:9

Mee nggɛ taasek n shɛs ndɔ ninɔn ne tom ma gbik, sɔng nggɛ ma yung hɔn ɛli ne sɛ yaak me ɛngɔn ne tom ma nang, daa ɛli ne nggɛ baasek idira ninaa ne roos ɛTaanggbey de nggbang.

iFisus 3:16

Nzi bol ne ɛTaanggbey ya wu te ɛ nang nyini ìnang ne ito-ndiinday ɛbhɛ ne iphɛ sang ɛgak, te ɛ te nyini itsɔngɔl gɛgɛy ne ihwet ɛbhɛ te ˆɛ yɛk ɛn irywa nviit lenɛ ne iKabyik ɛbhɛ.

iFisus 2:7

ɛTaanggbey ya kɛ ne mɔn ɛlɛ wo te ɛ sɛ ne tɔɔrek izɛɛng walala ɛbhɛ de ne i sang ten ne ɛkɔn na ɛzay ya ne ɛ yaaso wo. iZɛɛng ɛbhɛ yɛdee wo ne ɛ kɛ tɔɔrek njwɛɛn ndɔ ɛYɛso ɛKiriti gha.

1 ɛTimɔti 2:7

ɛKɔn nɛghaa bhɛ kɛ ne te kaa tom me te ɛngɔn ne tom ma, ne ɛhaa ne mɛmɛ ninaa nɛ nibhɛ sang so niYahodawa na ibol ne ìnang ne itin de gbik ne itin de. Sɔng nzi wul irywɛɛk nang, itin nɛ ne nzi tɔng!

1 ɛTimɔti 1:13

Gbik ɛli ne nggaa so ɛhaa ne bol ivol ne bɛɛs ɛTaanggbey yegha, ne ɛhaa ne baasek ninaa ne roos ɛbhɛ na nggbang ngga, ne ɛhaa ne towos ɛTaanggbey yegha, kaa ne tɔɔrek me isan iyɔm. Daa ɛli ne nggaa mɔn nikɔn nɛnaa wo daa ne yɔm ne iyɛɛ gbik ne yɔm ìnang ne itin.

iGalatiya 1:16

Te ɛ phaal me irwisɛ ne seng ɛngɔn ɛbhɛ gha, te mbɛ tɔng ninyi na ne hame nibhɛ ne so niYahodawa na ibol iyɛnɛng ɛbhɛ de. Kaa ne sɛ ɛ kɛ mɔn ɛlɛ wo, sɔng nggaa ne bhɛ phom ɛnyi ɛli ne naa mɔn nang.

iRooma 11:33

ɛTsak ntsɛntsɛng ɛTaanggbey de ne ishweng ɛbhɛ da sang ɛgak! iHyɛ ɛshara ɛbhɛ da ne phyin ihwet ne phɛl lɛ! Sɔng sɛɛ yɛɛ ne seng nikɔn na ne ɛ mɔn no nang.

iRooma 2:4

Hang ɛ bɛɛs izɛɛng, ne ɛbɔk gbik ne iyɔm ne sang te njenjek ɛTaanggbey de ne ɛ bok ne igyɛ wo naa? Ɛ doo te izɛɛng ɛTaanggbey de ihywɛ te nyini ɛ hyere ɛn nyini ɛ tek ɛn ɛfɔt to naa?

2 ɛTimɔti 1:11

ɛTaanggbey kɛ ne kasa me te n te me ɛngɔn ne tom, ne ɛkyɛɛ ne icwam gbik ne ɛhaa ne sanga iBol iYɛnɛng ngɛdee wo.

iFisus 3:19

Te ˆɛ ta seng ɛn ishwim ɛKiriti da ne ifɛ phyin nikɔn na ne ishweng ngga gbik ko te ˆɛ te ɛn hyɔrɔ ne ihyɔrɔ ɛTaanggbey de.

1 iKɔrɔntos 2:9

Te ɛli ne kɛ ku haa i bo, “Sɔng irwisɛ kɛ ku yaang, sɔng itoro kɛ ku phok, sɔng irway kɛ ne ku tas icwas, ɛkɔn na ne ɛTaanggbey ya kɛ ryɔng ninyi na nɛ nibhɛ sim ɛbhɛ wo nang.”

iRooma 12:10

Te ɛrɔngɔ sim ɛrɔngɔ ne ihywee ne ishwim ba ne ifɛ so ivaa ninaa ne roos. Te ɛrɔngɔ nang ɛrɔngɔ ne ndiinday ɛ phyin ito ɛbhɛ.

ɛTomɛ 5:41

Ninɔn ne tom ma ne tek ɛnu ɛyisɛ nibhɛ gha ne ɛgbaang ne irway ihwala, daa ɛli nɛ nibhɛ yaang nibhɛ kɛ ma hɔn nibhɛ kɛ sɔ nggbang ngga da ne irywɛɛk ɛYɛso wo.

Nikɔn ne kɛ Phaal 3:18

iPhɛ ɛlɛy, nzi ne kpɛng ngɛ, yɛɛs ɛ say izinariya de ɛlɔ nge, izinariya de ne kɛ halang i tul ishoo yɛ, te ɛ sɛ iryat de. Yɛɛs te ɛ say itsura ihwala da ɛlɔ nge dɔng te ɛ cwaal ne nkywankywaang mo de ne iphɛ soye ɛkɔn ncwa gha. Te ɛ ta say ihwal ne irwisɛ ne aa yɛk ne irwisɛ mo da te ɛ yaa wɛɛ yɛnɛng.

1 ɛTimɔti 1:15

iBol lɛdee wo ne so itin nɛ sɛ kyinak daa ne iphɛ, iphɛ kɛ hɔn sɛɛ say iphɛ gbik. iBol de ne iphɛ bo, “ɛYɛso ɛKiriti gha kaa yɛɛs ndɔ ɛzay ya te ɛ phɔt ninaa ne ɛfɔt.” Mee wo ne n bok ɛfɔt to n shɛs ndɔ ninaa ne ɛfɔt ta.

ɛTomɛ 9:15

ɛDaray ya ne jung yaak ɛbhɛ, “Cwi, nggɛ ku kasa ɛShawulu yegha te ɛ mɔn me ɛtomɛ. Ɛbhɛ aa bhɛ tɔng ninyi na ne hame nibhɛ so niYahodawa na nɛ nigɔm gbik nɛ niSɛrɛla na ibol nge de.

iFilibi 4:19

ɛTaanggbey ya ne nzi re ɛbhɛ ntsong ngga yaa ne nang nyini gbik nikɔn na ne ˆɛ tɔk ɛn ndɔ ne iryat ne ito-ndiinday ɛbhɛ ne ihywɛ le ɛlɔ ɛYɛso ɛKiriti.

iGalatiya 2:8

iPhɛ kɛ ɛlɛ wo daa ɛli ne ɛTaanggbey ya ne ɛ kɛ tom ɛBiturus segha ne ibol iyɛnɛng ɛbhɛ de ɛlɔ niYahodawa na, ɛbhɛ kɛ ne ma tom me ɛlɔ ninaa ne hame nibhɛ soye niYahodawa na te mbɛ tɔng nibhɛ ibol idaan nɛ.

iFilibi 2:3

Sɔng ˆɛ mɔn ɛn ɛdɛ ɛkɔn na ndɔ ne sim ito gbik ne tɔɔk ɛn ito nang. Yang laasek ɛn ito mon de, te ɛ ɛrɔngɔ bo ito ɛbhɛ te ɛgwaa ɛbhɛ phyin ɛbhɛ.

iFisus 3:2

ɛTsak, ˆɛ kɛ phok ɛn wu ɛTaanggbey ya ndɔ ne izɛɛng ɛbhɛ de kɛ nang me ɛtomɛ yɛghaa wo te iphɛ phyik nyini,

1 iKɔrɔntos 1:30

ɛTaanggbey ya ɛbhɛ kɛ te ɛ so ɛn ndɔ ɛYɛso ɛKiriti gha, ɛbhɛ ta te ɛKiriti gha teye ntsɛntsɛng njwɛɛn. Kɛ ne lenɛ ne ɛKiriti gha ɛTaanggbey ya say njwɛɛn wu njwɛɛn so cik ɛnu ɛyisɛ ɛbhɛ, njwɛɛn ta teye ninyi ne wɛwɛy ɛTaanggbey ya, njwɛɛn ta teye ninyi ne kɛ phɔt.

ɛYohana 1:16

Kɛ lenɛ ne izɛɛng ɛbhɛ ihyɔrɔ, ɛ nang njwɛɛn niwɛng nga daa ɛco niwɛng.

iFisus 3:1

ɛKɔn nɛghaa wo bhɛ kɛ te mee ɛBulus sa, nzo ne nyang, ɛlɔ ɛYɛso ɛKiriti te iphɛ phyik nyini, nyinɛn no ne ɛ sang so ɛn niYahodawa. Nzi ne bol ne ɛTaanggbey ya daa ne ito mon de.

ɛLuka 14:22

“Kɛ ne phyɔngɔle, ɛkpuru gha ne yɔngɔ, ‘ɛNdiinday, nggɛ shwaak ibol mo de, gbik ne iphɛ ɛlɛy, ɛbyin ɛlɔ ne soos sa ne jung tɔ nɛ.’ ”