iFisus 3:2 - ɛWee ne ìTsɛm iHywas

² ɛTsak, ˆɛ kɛ phok ɛn wu ɛTaanggbey ya ndɔ ne izɛɛng ɛbhɛ de kɛ nang me ɛtomɛ yɛghaa wo te iphɛ phyik nyini,

iFisus 3:2 ပူးပေါင်းရင်းမြစ်များ

ɛTomɛ 13:2

Kɛ ne sɛ nibhɛ re ɛTaanggbey yegha ntsong, nibhɛ kuma iKabyik ɛTaanggbey de ne yaak nibhɛ, “Tul ɛn mɛɛn ɛBanabas se ne ɛShawulu te nibhɛ mɔn ɛtomɛ gha ne nggɛ ku kasa nibhɛ nibhɛ yaa mɔn.”

ɛTomɛ 13:46

ɛBulus sa ne ɛBanabas sa ne boote ne irway nviit nibhɛ yɔngɔ, “iPhɛ kɛ so ngbingbing njwi tsa tɔng nyini niYahodawa na ibol ɛTaanggbey de. Ɛ ne mbaray ɛn nyini iphɛ. iPhɛ kɛ ne tɔɔrek, sɔng ɛ kɛ ma yung hɔn ɛn sɛɛ nang nyini iken ne inat de nang. Njwi yaa ne tek nyini njwi phɛ ɛlɔ ninyi na ne hame nibhɛ so niYahodawa.

ɛTomɛ 22:21

“ɛDaray ɛTaanggbey ya ne yaak me, Yilitsik ɛ hyel, naa tom mɛ kyakyak ɛlɔ ninyi na ne hame nibhɛ so niYahodawa.”

ɛTomɛ 9:15

ɛDaray ya ne jung yaak ɛbhɛ, “Cwi, nggɛ ku kasa ɛShawulu yegha te ɛ mɔn me ɛtomɛ. Ɛbhɛ aa bhɛ tɔng ninyi na ne hame nibhɛ so niYahodawa na nɛ nigɔm gbik nɛ niSɛrɛla na ibol nge de.

iRooma 1:5

Kaa ne lenɛ ne ɛDaray ɛYɛso gha, te ne ta nang irywɛɛk ne ndiinday, kɛ ne nang izɛɛng ɛTaanggbey ne ɛ ta yel-le me te n te me ɛhaa ne tom ɛbhɛ mbɛ tɔng ibol ɛbhɛ de ɛlɔ ninyi na ne hame nibhɛ so niYahodawa na gbik, tɛ nibhɛ nang ne itin nɛ, nibhɛ ta roos nɛ ihywɛɛ.

iRooma 11:13

ɛLyilyɛghaa wo, nyinɛn no ne hame ɛ so ɛn niYahodawa na ne nzi bol lɛ. Te ɛli ne nzo ɛhaa ne tom ɛYɛso gha ne ɛ kɛ tom me ɛlɔ ninyi na ne hame nibhɛ so niYahodawa na, nzi ne hal ɛgyɛy ne ɛtomɛ nge gha.

iRooma 12:3

Daa ne izɛɛng ɛTaanggbey de ne ɛ kɛ nang me wo, nzi ne bok nyini wu hang ɛdɛ mon bo ito ɛbhɛ de ɛ phyin ɛli ne ɛ sɛɛ bo wo nang. Te ɛrɔngɔ yang laasek ito ɛbhɛ, te ɛ tek ito ɛbhɛ de cɛcɛɛy ne ìnang ne itin de ne ɛTaanggbey ya kɛ nang ɛbhɛ.

1 iKɔrɔntos 4:1

iPhɛ ɛlɛy, bo ɛn njwii njwi soye nikpuru ɛKiriti, ninaa ne ɛTaanggbey ya kɛ tek ɛtomɛ ne kpɛl itin ne ibol igying ɛbhɛ ndɔ ne iwɔ mos.

iGalatiya 1:13

Ɛ kɛ phok ɛn ihywee ne ishwɛɛ da ne nggaa so ndɔ ne roos iKpii niYahodawa da, ɛli ne nggaa baasek idira ninaa ne roos ɛTaanggbey de nggbang ngga gagak ko, nzi tɔk ɛli ne naa bees nibhɛ wo.

iFisus 1:10

iCwas ɛbhɛ da so ɛlɛ, sɛ́ sɛ nten nɛ kɛ shwaak ghe, ɛ sɛ ne byingis nikɔn na gbik ndɔ ne igbɔm ɛKiriti ba, kaabi nikɔn ɛdaa ne irywa na nɛ ninaa ndɔ ɛzay ya gbik.

iFisus 3:7

Kɛ ne nang me ɛtomɛ ne sanga iBol iYɛnɛng ngɛdee wo lenɛ ne izɛɛng ɛTaanggbey, ne ɛTaanggbey ya kɛ nang me daa ne mɔn ɛtomɛ ne ihwet ɛbhɛ.

iFisus 3:8

Gbik ɛli ne mee nggɛ taasek n shɛs ndɔ ninyi ɛTaanggbey ya, ɛTaanggbey ya kɛ ne nang me izɛɛng ne sanga iBol iYɛnɛng ngɛdee wo ndɔ ninaa nɛ nibhɛ sang so niYahodawa na, ibol ɛwɛng ne ɛ sang ɛgak ne i sɛ lenɛ ne ɛYɛso ɛKiriti.

iFisus 3:9

Te n da phaal ninyi na nɛ gbik icwas ne ibol igying ɛTaanggbey de, idee ne iphɛ ku so igying izam-izam be. iBol igying ɛTaanggbey de ne ɛbhɛ ɛ kɛ ryɔng nikɔn na gbik ko.

iFisus 4:21

ɛTsak, ˆɛ kɛ phok ɛn ibol ɛbhɛ de, kɛ ne mɛmɛ nyini ne itin de ne i sɛ ndɔ ɛYɛso gha.

iFisus 4:7

Gbik ne iphɛ ɛlɛy, kɛ ne nang ɛrɔngɔ ìnang ngga lenɛ ne izɛɛng ɛKiriti de, ɛli ne iphɛ jam ɛKiriti yegha nɛ.

iKɔlɔsi 1:4

Daa ɛli ne njwi kɛ phok ibol ne ìnang ne itin mon de ne ɛYɛso ɛKiriti gha gbik ne ishwim ba ne ɛ bok ɛn daa ninyi ɛTaanggbey ya.

iKɔlɔsi 1:6

iBol iyɛnɛng ngɛdee wo kɛ yɛk ishwɛɛ iywɛnɛng. iPhɛ i ne ta hanas ne shwalat tɛ ndɔ ɛzay ya gbik ɛli ne iphɛ kaa mɔn ndɔ mon no nten de ne ɛ kaa tsa ɛ phok ɛn ibol ne izɛɛng ɛTaanggbey de, ɛ ta seng ɛn ɛli ne iphɛ so wo.

1 ɛTimɔti 1:11

iMɛmɛ ne itin nɛdaa wo so daa ne ibol iyɛnɛng ne iphɛ shɛs idee ɛTaanggbey ne ɛ so ɛhaa ɛwɛng. iBol iyɛnɛng ngge ne kɛ nang me te n sanga wo.

1 ɛTimɔti 1:4

Yaak nibhɛ tɛ nibhɛ kɔɔng tɔng ivol ne nggbyɛrɛs da gbik ne ibol ne irɛɛk nikyɛɛ-nikyɛɛ de ne iphɛ sang bok ɛgak ko. Daa ɛli ihywee nikɔn nɛnaa wo i yɛɛs ne ishamas zɔng. Sɔng nibhɛ phyik ne ɛkɔn ndɔ ɛtomɛ ɛTaanggbey ya ne i saras lenɛ ne ìnang ne itin de nang.

1 ɛTimɔti 2:7

ɛKɔn nɛghaa bhɛ kɛ ne te kaa tom me te ɛngɔn ne tom ma, ne ɛhaa ne mɛmɛ ninaa nɛ nibhɛ sang so niYahodawa na ibol ne ìnang ne itin de gbik ne itin de. Sɔng nzi wul irywɛɛk nang, itin nɛ ne nzi tɔng!

2 ɛTimɔti 1:11

ɛTaanggbey kɛ ne kasa me te n te me ɛngɔn ne tom, ne ɛkyɛɛ ne icwam gbik ne ɛhaa ne sanga iBol iYɛnɛng ngɛdee wo.